維記咖啡粉麵

营业中

休息中

一週前已經計劃了這個星期六去逛深水埗 看了很多介紹不同深水埗人氣熱店 鎖定了維記咖啡粉麵這裏最出名的是它的豬膶麵 但我對豬膶不太感興趣 所以吃了它另一個招牌菜咖央西多士 （$19）🥪西多賣相不錯 是煎的西多 店員預先把西多對角切開四份 方面用叉子享用🥪蛋漿沾得均勻 煎蛋味很香🥪暖暖的西多裏塗了厚厚的咖央醬 咖央的椰子味香 甜味十足 所以我沒有另加糖漿 這更能吃得原汁原味🥪因為是煎的西多 雖然不會跟油炸的那麼香脆 但我反而喜歡它鬆軟和不太油膩的感覺 (當天我喉嚨疼 但吃這個煎西多都不會對喉嚨有負擔）總結：這個西多性價比高 最重要的是它是煎西多 減少了一般炸西多有的邪惡 深水埗必食之選

難得出外工作路經深水埗，麻甩佬一個當然要去食返個潤牛麵，三間老店並排，平日等都唔駛等就有位唔似得周末人山人海。正所謂百年老店，由細細個老豆帶黎食到而家自己識走黎食，水準確實係保持得好好。唔係話碗面係咩山珍海味，但就係簡單一碗面配個湯底就足夠令黎到既人食得好滿足咁走，繼續工作繼續生活。試過帶初識既女朋友黎食，感覺總係有啲格格不入。黎深水埗行黃金，食潤牛面，由老豆到我，由我到第時既仔女，感覺上係一種傳承，一種男人既味道。值得係度停一停，細味下人生，嘆埋杯凍啡，叉足電，又繼續工作了。

每次經過維記枱枱都一定有客人, 搭枱在所難免, 舊式裝修街坊味十足維記主打豬潤麵 , 坦白講平時我唔會食內臟, 連打邊爐都近乎唔會掂, 我亦曾經食過某間的豬潤麵比陣腥味嚇怕左 ... 唯獨每次黎維記我先會破戒食豬潤碗麵雖其貌不揚但走實力路線 💪🏻 豬潤份量不少, 絕對夠送麵 ! 麵爽身唔會稔唔會發脹, 湯唔會太濃.. 見唔少客人點咖央多, 應該都係維記名物, 只可惜一個人胃口有限無辦法試埋 熱奶茶帶澀唔夠奶香, 算不上水準之作, 不過都會繼續幫櫬

嚟到深水埗呢個平民地方搵食,阿肥話要帶我去一間好好味嘅<維記>品嚐,見佢裝修簡陋,但人流極旺,好似啲地踎大排檔咁款,好彩我今日都係casual wear,唔怕污糟,將貨就價喇~望一望佢哋有咩嘢食賣,原來主打都係好似早晨套餐咁嘅牛肉麵呀豬潤麵呀...餐肉/火腿+雙蛋等等,亦有米粉或通粉選擇,眼見大部份食客都係叫咗豬潤米咁,但係我由細到大都唔食內臟嘢,而嗰啲早餐款式我今日又冇乜feel食(平時番工仲食唔夠咩?!)所以我就俾一個叫做咖央西多士嘅物體吸引住喇。咖央多士就聽得多,咖央西多士又真係第一次試,同阿姐落完單見呢度啲阿姐完全唔需要用紙筆寫低,自己心諗「好,就睇吓你哋會唔會漏單!」幾分鐘之後上菜速度超快,阿肥叫咗個牛肉腸仔通($35蚊),我就當然叫咗個咖央西多士($19蚊),再加多杯凍飲,全部正確冇漏單,阿姐的確好嘢!~牛肉腸仔通($35蚊),阿肥話呢度啲牛肉好似滑牛咁,又滑又腍好好食,同埋佢個湯底應該都係入味嘅嘢嚟,所以吸引咁多人慕名而來。咖央西多士($19蚊),我呢份西多士嚟到之後個賣相雖然唔多討好,不過見佢用蛋汁蓋住成份多士嚟煎香感覺都幾特別,由佢呈現嘅微黃色外表睇嚟

其實湯底是統一的，只是放料放麵而已。湯底比較淡無咩味，牛肉軟身有味，豬膶多而大塊的。好多人叫咖央西多士，但我點選左蛋牛冶，味道一般無特別（同區有間茶餐廳既蛋牛冶真係超正），凍檸茶茶底較澀。總結: 試過就算，無驚喜，無特別，湯很淡味。

一個人食晚飯，去左間好出名食豬潤麵既鋪，先叫個咖央多士，咖央醬好香，麵包都好鬆脆，有返一定既厚度。豬潤唔鞋口，而且好爽口，麵吸晒豬潤味，好好食，不過食完2樣都唔係好夠飽。

今日出開黃金，記起好耐無食過維記，決定再去食一食先！等左兩三個字有枱，我每次都係食豬潤牛麵，而黎過呢度都一定有聽過啲姐姐點樣嗌：豬~潤~嘔~麵~ 同埋佢地落單永遠唔洗寫低，你講幾多佢記得幾多，真係好勁。幾年無黎食過，佢個湯底仍然都係好清好好味，雖然比較起以前好似鹹左少少，不過豬潤無變，一樣好嫩好大塊；牛肉都好淋身，唔會煮得太熟。食辣既記得加辣，佢地個辣油好惹味！仲有要提醒係佢地杯野飲係好迷你⋯我都係叫左先記得，𠽌左幾啖就KO左一食完就拿拿臨起身走，因為門口條人龍係亞視黎，永遠都存在⋯

一早就走左去食無敵豬潤牛肉麵！人流都一樣多，不過都有位嘅！一坐低當然就係叫個無敵豬潤牛肉麵啦今次都唔例外！好快就得食！超開心！因為好耐無食呢個早餐了🥣！食左咁多年，完全無變，牛肉嫩滑，豬潤沒有血腥味，非常好仲可以連湯都飲埋，正👍🏻，因為湯有肉有豬潤加點薑，超好飲！當然價錢就年年變喇！😔今日係食早餐就無叫咖央多士，下次食午餐一定叫！😝

其實五洗我介紹好多人都應該聽過呢間粉面！😋😋呢間維記真係好多人識都好多人介紹！眼睇佢呢就冇乜裝修，都係好殘舊嗰啲餐廳！😏😏但係往往就係越舊越好食今次我就試下佢啦！🧐今次我試咗佢個午餐肉牛肉米粉，我朋友就食咗個豬膶牛肉麵！當然我都有是我朋友個面同埋豬瞤啦！無疑地豬膶係好食！同埋佢個面係好食過米粉好多㗎！所以比我介紹我會哪大家食面好啦！😂😂😂雖然下個環境係舊咗啲不過長期都坐滿人㗎！係比較迫！

行經見到個招牌好熟面口，再上openrice 睇係熱門餐廳，咁就一試牛潤麵。福字公仔麵再加豬潤加牛肉。豬潤無特別，牛肉就um 難喙，咁就35蚊無野飲。雖未算難食，但完全無特別，不明白為什麼是熱門餐廳。期望越大失望越大，名過於實.

十分失望，可能係我期望太高。希望大家食之前有個心理準備，因為係水準之下。原本好大期望，始終錦多正評。但一食就知道，但湯的味道太淡，冇味錦。面同d配料亦非高質，hea 做feel。咖央多士係幾好食嘅，但粉面就真係唔係好掂。啲阿姨唔記得我哋order咗咖央多士。所以冇單寫低啲我地嗌左d咩，其實係唔方便。普通到無得再普通，但價錢又唔平。埋單兩個面一個多士都要$77。今非昔比。一句：屋企阿媽都煮得好味過佢。

無食一排掛住維記豬潤麵，但晏晝去食例牌有人龍，想食又唔想同人迫所以選擇一朝早九點半就走過去食早餐。今次叫了潤牛麵 $35保持一貫水準，賣相一如以往不算討好，但重點是味道!湯底有鮮味，豬潤口感不錯，夠爽無腥味，美中不足係公仔麵煮得太耐有點淋。食到成身汗要叫杯凍飲降溫。最愛飲佢個凍奶茶，茶味夠亦夠滑。凍奶茶 $15

說起comfort food，無論身在世界哪一個角落，吃着多美味的佳餚，還是不夠香港的茶餐廳的食物親切。.家在深水埗，維記是我小時候的回憶，到近年太多人排隊，我也提不起勁去光顧。但適逢朋友來我家作客，叫我帶她去試試深水埗名物，第一間想起的就是維記，夠「麻甩」、夠風味。.它在深水埗B2出口直走兩個街口，到福榮街即到達。可能是比較少人喜歡晚上去茶餐廳，七點去到也不用排隊。維記只有圓型摺枱，搭枱是必然的事。屁股未坐暖大姐就過來下單，粗聲粗氣的，不知怎的，我還覺得很親切，很有香港風味。反正餐單也沒有多少選擇，就是豬潤、牛肉、蛋、火腿、餐肉和腸仔的組合，再配上麵底而已。我不吃內臟，所以叫了蛋牛通，友人叫了潤牛通，另加份咖央西多。潤牛通碗中蓋滿泡，是煮過豬潤的湯獨有的，豬潤甚薄，約只有1-2毫米，刀功不錯，介乎灰色和嫩粉的色澤，剛熟透。友人說很不錯，爽口無渣，不會腥。我的蛋牛通的牛肉也不遜色，一碗有差不多十塊！鬆肉粉不多，肉味香濃，肉質較韌有筋，有點難咬，但也不太老。湯頭較清甜，但可能加了水，有點淡，肉味不濃郁，比回憶中差少了些，可能中午吃會較新鮮。通粉絕對煮得過火，已不彈牙，入口粉爛，屬厚身通粉

黎到深水埗梗係要食維記😍仲要加杯凍奶茶咁就夠完美，人流都係依然多，我一個人黎食，排咗5分鐘就有位了😬好彩豬膶牛肉麵加蛋，見到都好大碗，個湯有非常香濃嘅牛肉味，亦帶有薑味！感覺好滋補柔順喉，我本身唔太鍾意食內臟豬潤嘅都覺得好正，豬潤煮得啱啱好，都好爽口👍🏻有好多又濃郁嘅味道，加咗豬膶個湯底都特別靚啲😬呢間小店已經開咗好多年，加價幅度都不算多，依然停留喺30幾蚊左右，所以都叫有良心嘅小店😬公仔麵既梗度就比較林一點，我個人喜歡梗啲會好食啲😆食完個面記得飲埋佢啲湯,咁就超級滿足了😍今日太飽,冇叫到咖央西多士，下次再嚟食過😁

因為有個超級颱風嚟緊，搞到小秘書呢兩日嘅行程都混亂哂，因為咁... 今朝好早就要出門口。朋友仔話想去「維記」試吓豬潤麵，順便去附近買月餅。因為時間尚早，小秘書唔習慣第一餐就食得咁重味，所以轉吓口味，叫咗份咖央多士。我仲諗住份咖央多士會好重椰子味，但食落去原來蛋味更濃👀 小秘書最初以為係自己錯覺，叫朋友仔幫我試吓，估唔到佢都有同感。究竟師傅係點整份多士嘅？麵包有啲脆口麵包又軟熟😚好得wow👍🏻👍🏻