維記咖啡粉麵

营业中

休息中

每次途經深水埗，都必然要到維記幫襯下，由細食到大，味道依然都係一模一樣，佢既豬潤真係好滑無得輸（絕對係搵唔到第二間做得咁好食)，飲埋個湯(精華所在清到呢…)回味無窮!

呢度嘅牛肉麵非常之正，西多同埋奶茶也是唔錯！唯一麻煩嘅就係泊車比較麻煩。去親電腦商場買嘢一定會過嚟呢度食。牛肉麵嘅湯係用豬膶去整，10分美味成碗湯都飲埋唯一唔好嘅地方就係衛生嘅問題

深水埗 我又諗起維記🍜食過好多次，都仲未厭！一場嚟到，吾食有少少對吾住自己一如既往都係人山人海，但今日好彩吾洗排隊！最中意係豬潤通粉🤫單拼豬潤會多少少 最啱同我一樣嘅豬潤友，成碗湯都係豬潤味係常識，連啲通粉都有埋！通粉夠林，豬潤亦彈牙吾會好老！呀姐吾洗寫單 用口落單邊張枱食啲乜 記得清清楚楚送餐毫不混亂 比個勁先👍🏻👍🏻單拼$32 雙拼$35公仔麵 米粉 意粉 通粉隨你揀有味道有速度 抵讚💯份量都吾細 夠曬飽～

雖然我會食內臟，但我好怕特等一碗麵全部都係內臟，早兩日同同事食飯，其中一個突然建議食豬潤麵！大家成日就我食我想食嘅嘢，所以我今次都決定陪番佢哋，佢哋話呢間豬潤麵好出名好好食，平時成日要排隊。我地2點半先去已經少左午餐嗰浸，所以唔使等～呢度選擇基本上有等於無XDDD 大同小異，本來都想食米粉，但見到隔離位咁大碗都驚食唔曬，所以最後決定豬潤蛋麵～～～呢個價錢黎講佢D豬潤可以話係超～～～～多，食極都食唔完，豬潤好爽口彈牙，唔會太熟，亦都唔會有血水，剛剛淥熟嘅程度，所以有鮮味但唔腥，好彩姐～～彈牙口感令我keep住食落去，佢個湯又唔會好咸，的確係有D驚喜，加埋隻蛋，雖然無o羊特別，但多隻蛋味道豐富咗，流少少蛋漿+豬潤+公仔麵其實幾正，我自己好欣賞呢個配搭。不過我覺得份量實在太大，對女仔黎講可能會經常剩好多，而美中不足係佢無跟餐，所以叫飲品的話基本上5-60元，咁又好似貴咗D，而且希望日後可以多少少麵底選擇，我唔想食公仔麵但米粉又too much呢。

已經好多年冇去深水埗食維記啦 !!今日正好路過黃金商場，就一個人行去維記叫碗豬潤麵嚟試下 ，希望可以回味下從前同老婆拍拖時成日都來食既味道 ，一去到門口一如過往有好多人喺門口排隊 ，但等咗大概五分鐘已經有位喇 ，嚟到呢度 唯一冇變嘅就係落單阿姐永遠都唔使寫低你要食d咩，亦都可以記得每一位客人叫咗啲乜嘢 ， 再用唔純正嘅廣東話同廚房大叫"豬潤嘔麵"😂😂 印象中我黎咁多次都未錯過。味道同我當年食既印象已經冇咁好食啦!! 公仔麵煮得太林， 豬潤又薄咗少咗，湯亦都淡咗好多啦!但香港呢類型食肆已經買少見少 希望佢仍然可以保留番以往一貫嘅味道， 繼續保留 傳統嘅特色。豬潤牛麵

星期六到了深水埗食，當天是下午時間三點幾，難免人流較多，等待時間雖然有點長但為了豬潤麵，點都要試下。同朋友兩個人叫了一份咖央多和兩碗豬膶麵，兩杯熱奶茶。咖央多好好味，有好多牛油，很足料。至於豬膶麵，因為是主打，所以叫了兩碗，豬膶都唔錯很易咬，但麵比較軟。奶茶朋友和我都感覺幾好，有奶香味。如果各位唔想要等位，可以選擇平日，星期六，日較晚時間為好。

星期日到深水埗食lunch,難逃多人一劫，已簡要冇咁多人的時間，五點幾去食，一入去就有位。兩個人叫咗一份咖央多，牛油多士同埋豬潤麵，一杯熱奶茶。咖央多好好味，依家香港好少有得食，又有多士一大舊牛油，足料。至於豬膶麵，就比較一般，面比較林。杯奶茶都幾好飲，唯獨是態度一般，啲阿姐成日唔記得咗叫做咩，有時仲黎錯咗，來來回回，兩個人食咗八十幾蚊。呢度都係快食完就走。下次黎，要揀啲冇咁多人的時間，如果唔係要等位。

食過同區另一間潤麵既朋友們應該都會同意維記係名氣十足，但內涵係零...第一，豬潤又薄又鞋好食既豬潤首先應該係有番 D 厚度維記既豬潤切得太薄，一 D 口感都冇食落鞋口，吾似新鮮貨，莫講話彈牙第二，湯頭多泡，有陣怪味一加牛落去就會成碗野都係泡，睇落都吾開胃，其實係咪可以撈一撈 D 泡先上台呢...另外就係吾知點解成碗野食落有陣怪味，吾肯定 D 味係係湯到定潤到定牛到黎，反正就係一陣食物入面吾應該有既味維記潤米比我既感覺實在太冇誠意，呢間野真係可一不可再，食完又吾好味又浪費 quota (卡路里）。如果有得比負分既話... 我會比負100分。完

出哂名嘅維記好耐以前食過，個陣都未開到3間舖位咁大，可見佢地水準保持得唔差。即使係3間舖位但假日去到都唔容易搵到兩個位。咖央西多士第一樣到，雖然係名物之一但個人認為完全不值一試😕”咖央”純粹係得個甜字，同新加坡食過嘅天淵之別，一啲椰香都冇。之後就係主角嘅膶牛米加底啦，呢樣就唔會失望啦！豬膶同牛肉多到就快瀉出黎，食極都唔完咁。口感爽脆，同最中意陣騷味。牛肉都係一貫水準啦。仲叫左杯凍奶茶，但冇乜特別。

深水埗多街坊嘢食，呢間食豬潤就出哂名。平時見要排隊，所以一直冇試過。是日晚上六點半後經過，可能因為快要收舖的關係，可以即刻有位，就去試試豬潤米。豬潤果然好食，不會太薄太乾，分量都算比較多，絕對足夠餸一碗粉麵。湯底清澈，好像有少許薑絲去腥，米粉不會過淋。如果想豐富d，可以叫潤牛雙拼，可惜今次我不太肚餓，怕吃不完，下次可再試試。另外，我見好多其他人都有叫西多，應該都係出名的，下次要一次過試埋多幾樣嘢食。

黎到深水埗 緊係要試下佢遠近馳名既豬潤麵同咖央多啦成日周圍搵野食呢間鋪名就聽得多真係第一次黎食我地揀左平時晏就三四點黎好在唔洗排隊環境真係舊茶記feel雖然知道西多出名但今日麻麻地想食炸野所以揀左多士個醬真係不得了烘熱既包加埋啲咖央醬好食到震豬潤麵唔腥湯底夠味👏🏻👏🏻👏🏻重點 夠平 又飽肚

很久沒有來過維記了，因為每次都很多人，而且必然要等很久。這次十一點就來到，有位，雖然剛吃完早餐，還是馬上進來。叫了潤牛麵，這是我的至愛。我可能從少吃到大吧，維記對我來說總是有一股吸引力；儘管現時有很多人都說他們的水準下降了，我卻很不以為然。最少豬潤湯還是豬潤湯，我還是喝光。麵質不是出前一丁，但配搭在整碗麵我覺得很好吃，而且湯底加了不少分，煮出來的水準還是一樣；不會很軟，有咬勁。牛肉是新鮮牛，大大塊，有牛味。豬潤也是新鮮，吃得很滋味。再加一個凍咖啡，完美，請你相信我，當你覺得自己不怎麼好運時，有不開心的時候，事情無法解決的時候，來這裏，叫個潤牛麵，如再加餐肉更佳，加一杯凍啡，吃完之後包你由心笑出來，一定會想到問題解決的方法，心情也會提升了百分之七十。

豬膶牛肉麵🍜.話說深水埗維記係爸爸好細個就帶小編去既🤤真係由細食到大❣️膶牛更係必點既組合🤤湯底係濃濃既牛肉湯，好清甜的，會見到面層啡色既粒粒，正正就係牛既精華😍清甜到每次都會飲好多🤪豬膶同牛肉份量都好多添🤩🤩唔會鞋口唔會硬，咁既價錢有咁多餸真心好抵🤑可以簡米粉、意粉、公仔麵，雖然唔健康但小編每次都忍唔住點公仔麵，覺得最索湯🤤見到好多人仲有試埋西多，我都好有興趣試，一於下次encore😍

這間位置福榮街北河街交界的維記牛麵，我食左都快有18年， 由佢哋喺福榮街桂林街排檔到搬入左去地下商舖，我都keep住去食佢地牛麵因為佢地個湯底真的好好味，一個豬潤、牛肉麵再多個西多就夠殺，其實一間開左咁多年的老字號，品質跟十幾年前沒變太多，其實好多人都話佢地湯底沒舊時好味，如果各位覺得唔夠味就落單之前跟伙記講叫佢加汁，湯底就會比較濃郁再叫多杯冰涼飲品，埋單都係50元左右其實佢哋唔算貴，基本出邊求其一個餐廳閑閑地一個set都要40~50蚊，況且他們個湯底真係要用時間去淆湯，就這點我覺得物有所值我會繼續keep住幫襯佢哋開車去的話記得先找好車位先進去，免警察抄牌到時候麵又沒得食得不償失（因為星期六、日、紅假佢地超爆滿）

深水埗嘅維記豬潤麵甚具名氣，就算係唔食豬潤嘅我都知道佢好出名。今朝一早要去深水埗考試，難得閒日過到嚟，打算咁早應該冇咩人唔洗等位，考完試後就直衝維記啪返個早餐先。由於我唔食豬潤嘅關係🙈冇叫到呢到最出名嘅豬潤，反而叫咗腿牛麵。牛肉大塊得嚟有少少厚度，滑得嚟又有少少咬口，欣賞佢一條牛筋都冇，唔會韌。公仔麵煮得剛剛好，彈口，但要快食，因為個湯好夠熱，麵會冧得較快。湯底，雖然冇叫豬潤食，但都有個豬潤湯補返。味道清清地，冇腥味，夠味得嚟唔太咸。熱奶茶有驚喜😍好飲過出面好多茶餐廳或連鎖店，茶底香濃，入口幼滑，好想叫多杯飲😋因為一個人食嘅關係，今次食唔到維記另一樣有名食物-咖央西多，有啲可惜，下次要再嚟試下。