維記咖啡粉麵

营业中

休息中

深水埗是小店天堂，平民食肆甚多，今次介紹的是維記。它提供選擇不多，最出名的是豬潤牛肉麵及加央西多士或加央多士。餐牌看似很多選擇，其實是麵丶米粉丶通粉配餸，餸是牛肉丶豬潤丶火煺丶餐肉或疍。我們點了一碗牛肉麵丶加央多及奶茶。牛肉麵用新鮮牛肉，鮮嫩滑口，充滿牛肉香。湯底清甜，好味。👍🏻👍🏻👍🏻加央多不太厚身，又薄又脆，塗上薄薄的牛油及加央，帶有淡淡的椰香，味道唔錯。若喜歡濃味的人，會覺得它的多士淡口。奶茶不過不失，茶味不算濃，但用來配襯加央多啱啱好。整體而言，食物質素不錯，可久唔久幫襯一次。

從小到大都很喜歡吃豬雜，現在真係買少見少。維記豬潤麵一直保持人氣和味道，剛剛好熟、爽口縁脆的豬潤，真係無得輸！👍再配合香甜的咖央多士、嘆一杯茶味濃厚的奶茶，這就是傳統港味🍽👍

深水埗維記食過無數次了.. 黎親依條街九成都會食維記, 黎親怎住都多人！雖然豬潤麵賣相唔討好, 不過味道唔錯, 次次會湯都飲埋。唯一唔太滿意係櫈都未坐底阿姐就急問我食咩.. 不過阿姐幾勁架唔使寫紙落單環保又熟練！今次點左個米粉, 正常！平時絕少食內臟, 黎到維記就會破戒 🙈 因爲豬潤唔腥，切得細薄而且份量都多.... 是一種久唔久會懷念的味道黎左咁多次今次係第一次試咖央多, 烘底香脆咖央味濃郁，亦是滿意... 相信我好快又會來幫櫬

Wai Kee is a well known cafe in Sham Shui Po serving classic noodles and toast.Small line-up outside, we waited around 15 mins to enter.Menu is simple, food is cheap.$20 toast with egg and beef. Lightly toasted bread, sandwiching and omlette and corned beef. A tasty combination worth a try.$35 beef noodles. Despite the appearance, this dish is rather tasty. Generous amounts of beef topping the doll noodles. The main highlight is definitely the soup, rich and flavourful, perfect to pair with the

來到深水埗買東西當然要吃這家店，經常大排長龍，裡面裝修非常懷舊，有一份莫名的親切感！😊😊我們點了最有名的碎牛治，三文治有烘底，很脆很熱，蛋包住碎牛的味道很配，而且吃下去不會很乾，牛肉很鮮，值得一試！😋還有另一個必點的豬潤米，可自己挑選面底，自己比較喜歡米粉，因為很入味，湯底很濃，但又不會太咸，剛剛好的感覺！還有豬潤味道很好很新鮮，很住家飯的感覺，配上一杯凍奶茶，味覺的享受，而且價錢相宜，雖然要排隊但都值得一去再去！😎

深水埗出名多平靚正美食，每行10部都有一間餐廳係你左右。喺黃金附近嘅維記豬潤麵係深水埗屹立多年都依然咁多人排隊。難得今日星期日有機會出深水埗買電腦，就去左排隊食豬潤麵。下午四點左右，已經排左長龍，好彩今日一枝公，等左陣就有位坐，依到枱唔大張要搭枱，會有小小逼。叫左碗豬潤麵，店員唔洗寫紙但都會記得客人叫左咩。客人來來去去都係慕名而來食豬潤麵所以廚房應該都大量咁煮定快快咁出餐，豬潤份量多，但煮得有啲老，面就普通，湯底因爲大量豬潤去煲所以好甜。唔知係咪岀名左，感覺都冇之前咁好食，至在價錢唔貴。

食維記多少年了? 記不起來.第一次食, 驚為天人, 公仔面可以這樣好食? 那個湯, 和公仔面是絶配.我少吃豬潤, 所以每次都食餐蛋面.今個星期, 又來這裡了.真係睇住佢大, 睇住佢壞. 那片午餐肉, 記不起何時間始由1cm厚變成1mm厚.刀功越來越好, 也見證了香港的食肆越來越難經營.其實, 租金貴, 是的, 但維記也過份了.你收緊$35蚊一碗面, 冇餐, 唔緊要, 你俾番足夠既嘢人丫嘛, 有乜理由1mm呢? 你知唔知你點解由3間變做2間呀?我俾個正皮你等你好好反醒吓, 如果你睇到的話.

星期六到深水埗買嘢，咁啱經過維記咖啡粉麵竟然冇人排隊，立即衝入去食返碗豬潤麵先！ 我好少到深水埗，聽朋友講維記咖啡粉麵經常都排長龍，心諗雖然店鋪裝修簡陋，但都吸引咁多客人一定有佢可取之處！咖央多士 ～ 多士面層佈滿又香又甜的咖央， 香港都比較少地方食到咖央多士，所以嚟到一定要試下！茶走～ 茶香奶濃，甜度適中，好好飲！豬潤麵 ～ 湯底有陣陣的豬潤香味配上老薑，熱辣辣好暖胃。 豬潤的生熟程度做得剛剛好， 不會太硬， 口感又爽又鮮軟。牛蛋麵 ～ 這一款的湯底都是一樣的好飲， 牛肉入口嫩滑， 第一次食已經愛上。小店出名是有原因的，湯底真材實料，豬潤和牛肉烹調的手法控制得剛剛好，價錢平民化， 第一次試過之後已經愛上了！下次經過深水埗我一定會再嚟啊！

今次嚟到依間好出名嘅茶餐廳，佢有兩個鋪位，今日係星期六下午三時左右我同老婆去到，排咗10分鐘隊就入到去食！入到去當然要order佢最出名嘅豬潤麵啦，仲有介央多士同埋凍奶茶，豬潤麵真係名不虛傳！豬潤好林好爽口，而且個湯底好好飲，好清甜！佢有得揀通粉或者公仔麵，我老婆揀咗通粉，好好食！我就揀咗公仔麵，同豬膶亦都好配搭！介央多方士亦都好香好好味，奶茶好滑，唔會好甜。唯一不足嘅就係座位太迫，同埋鋪頭衛生環境一般！

There seems to be two stores which I believe are the same next to each other and we queued up at the one with the shorter queue.We ordered the French toast and the liver noodles.The French toast was really good- great texture and sweetness. However the liver noodles which seem to be their speciality fell quite flat. Whilst the liver was nice the noodle broth lacked flavour and left us wondering why so many people were queuing to try this dish

去到深水埗，諗住搵下有咩好野食，行過維記，就無啦啦好想食豬膶麵，平時假日一定好多人排隊，起碼都排成半粒鐘，咁岩平日去，又唔洗排隊，就即刻衝入去食喇！呢度啲姐姐記性都幾好，落左單佢就嗌入廚房整，又會好快速咁放岩野食係檯面，無漏單錯單，非常高效率。今次揀左食膶牛米同架央多士。膶牛米水準都仲keep到，湯底同豬膶都係好好味，要彈嘅就係米粉太碎，而牛肉就唔算太新鮮，下次應該淨係食豬膶算嚕。多士好好食！烘得好靚！推薦！！

去維記必定係食豬潤面，碗面嘅份量係幾大份，豬潤亦都好多，呢個配搭無可否認係幾正嘅，唯一敗筆嘅係啲面，啲面發到林晒。除咗食豬潤面，都可以叫返個奶醬多試下，多醬多奶唔怕三高 食咗先算啦✌🏻不過排隊就排得耐d,有時排到出街阻住條路都幾唔好意思。深水埗維記一連三間，我自己覺得最右邊果間最好食(近南昌街)，不過預咗入去食嘢會耳朵被轟炸，因為員工落單係用把口唔係用對手既，想安安靜靜咁食個午餐就梗係唔使諗啦。。

一提起豬膶麵一定係維記，咁啱女朋友話未試過，我又好耐無食過，一於黎會一會佢基本上呢類老舖無乜服務可言，你同佢落單佢就嗌入廚房整，又出奇地無漏單錯單，仲好快出到菜，一直都覺得呢個「系統」好神奇。今次就叫左膶牛米同架央多士。多士好食！烘得好靚，架央香甜。膶牛米仍然係一貫水準，湯底同豬膶係好味嘅，但可惜嘅係米粉太碎，而牛肉就好似唔多靚，「梅梅」地咁，下次應該唔會再叫。我地閒日非繁忙時間去好快有位，但如果撞正食飯時間或者假日就要有等位等好耐嘅心理準備啦！

天氣轉涼 最好梗係食碗暖身既豬潤米食維記已經食咗好多年由中學中三食到而家咁多年來講佢嘅水準都係保持不變豬潤牛肉米一上枱熱辣辣湯頭清得來有 陣陣嘅豬潤香味豬膶湯用上姜嚟癖腥飲落口十分暖身 係傳統既港式味道豬潤薄切 放落滾湯一熟即刻上豬潤爽口 冇腥味 有口感鮮牛肉火候亦都啱啱好 唔會滾到老晒牛肉味香濃記得好多食評家 都話維記已經大不如前但我自己認為維記 依然係維記 無論外邊點變 維記依舊係同一個餐牌同一個老香港味道

香港地嘅茶餐廳係旺區其實已經做到每條街口基本上都會有一間，點先可以突圍而出？其實好簡單、就係用心做好基本功。維記出哂名嘅豬潤牛麵已經做到街知巷聞出品十年如一日，記得第一次幫襯已經係15年前嘅事。。。～ 牛肉米先呷一啖湯，味帶鮮牛肉嘅清香味，加上用小小老薑再用大火滾起，熱辣辣飲完即刻由頭暖到落個胃，成個人醒哂，做早餐一流，其實好味嘅東西唔需要太花巧、簡簡單單足料用心做就可以了！牛肉入口嫩滑冇渣，好快就成碗連湯清哂！～ 豬潤麵呢個配搭又係好正，豬潤生熟度做到剛剛好，足見師傅嘅功力同火喉控制。豬潤薄切無渣、又係好快就成碗連湯清哂！～ 餐蛋麵係、嚟維記食餐蛋麵直係有小小無言嘅感覺、不過同行家人嘅個人選擇要尊重。。。支持小店！