維記咖啡粉麵

营业中

休息中

其實初時為咖央幕名而來，無對麵食無咩特別，因為唔覺得好好食，我同友人分別叫左個潤腸麵同潤牛麵，當然唔少得咖央多士啦，飲品就熱檸蜜同凍檸茶兩碗麵食份量都算足料同大碗，湯底都尚可，唯獨薑粒太大粒...我唔食得薑都幾難避免，盡量唔食，麵食總結係不過不失，友人就覺得個麵一般到我最期待咖央多啦食落幾好唔會太甜，不過無我果次響赤柱食咁好味，所以整體都係試過就算，下次再試另一間咖央多先大家期待期待我下次食評～題外話，依間餐廳真係幾出名，有3個鋪位🤔👍🏻同埋泊車都算方便，泊路旁即入去食啦

記得以前黎深水步區多數都係黎維記鐘情佢豬潤牛肉麵，湯底做法，有D媽媽味道，但近年好似以經唔一樣，份量足夠，可能豬潤冇甘新鮮，但辣油冇變一樣好食，招牌加映西多超正

一直都知道深水埗多平價又好味既野食，但平時好少去。尋日去開嗰邊，就食咗維記。好耐之前食過一次，最深印象係佢既湯底，今次叫豬潤牛肉麵，個湯底依然又清又甜，抵食呀！

今日一早出深水埗睇玩具，早左到，鋪頭全部都未開，於是決定食個早餐先。好耐都無去維記食，難得唔使排隊，就即刻入去喇。 小弟叫左豬潤通，可惜不再好食。豬潤煮耐左，幾柴口下，而且感覺豬潤既份量都少左。湯底都無往日咁好味。

上一次來光顧已是八年前的事，八年來我沒有忘記維記，每次路過這區都會想起這裡有一家以豬潤聞名的食店，但說記掛又談不上，純粹因為它的名聲大得我難以失憶。八年前吃潤牛米，這天特別想吃通粉來點小改變。份量具懾人效果，堆成小山丘的通粉多得出乎意料，不過自問向來食量多少自如，完全沒有難度。通粉口感偏軟，還好沒到煮過頭軟乎乎的地步，對於愛吃"硬物"的我來說未有感到嫌棄，但要是能多點嚼頭肯定更令人稱心。這碗通粉最大的致命傷是湯底，入口的確有被豬潤的鮮甜味道驚豔，但只限於入口一剎，接着已被咸味狠狠掩蓋，而且越吃越咸，後來都吃不出豬潤的鮮甜了豬潤能夠做到不苦，已見技高一籌，質感有軟有滑，雖然還談不上嫩，但的確沒多少食店(暫時記憶中只有肥姐)能做得比它好。要不是湯底太咸，我可是願意近期再來光顧，可是當下的咸度是近來都不想再體驗，要過一陣子才受得了😅牛肉渣如八年前，顯然經生粉處理過，但免卻不了難以咬開的情況，咀嚼的時候起渣子。豬潤麵情況大致與潤牛通相同，分別只在即食麵，口感太軟了，我寧可吃不算硬的通粉，也絕不吃即食麵，不過同行人喜歡吃軟麵，他表示口感對它胃口。後來同桌其他食客點豬潤爽麵，麵質看來硬很多，這吃法

因為好掛住佢份咖央西多士所以唔夠一個月再黎食。今次無叫豬潤面,叫左牛肉米。啲牛肉唔算好硬好易咬得開,大人細路都岩食。老實講佢杯咖啡好香濃好夠味。重點系咖央多士,中間啲醬好多，夠香口又好食!中

一提起深水埗就會諗起維記豬潤麵但今次有d失準豬潤麵豬潤有d苦，唔知係咪洗得唔夠乾淨但係好彩夠爽口，加番少少分。出前一丁煮得剛剛好咖咉西多士咖咉醬唔夠，一邊有一邊冇，所以得d糖醬味

十年都唔經過深水埗一次，今次咁岩要工作，就試一試朋友介紹豬潤麵今次帶埋朋友去食，叫左豬潤煎蛋麵同咖央西多士。豬潤麵豬潤煮得剛好，沒有血水而又嫩而不硬咖央西多士都唔甜，但加埋蜜糖係好甜😂我都係鍾情于花生醬。

深水埗維記咖啡粉麵既馳名豬潤麵係我最愛既茶記一，同一條街連開左三間，但係依然每間都很多人排隊生意超好。經過我食過好多次嘅經驗，我發現最舊嗰間鋪永遠都係最少人排隊，可能因為佢裝修舊啲感覺冇咁乾淨掛，所以我每次都去排最舊果一間。（其實三間食落都係完全一樣，冇分別）一坐低姐姐就會即刻問你食啲乜，點餐後都冇2分鐘，你嗌嘅嘢食就會送到你面前。（所有姐姐啲記性都超級好，從來唔需要寫低！👍🏾）豬潤，味道好濃郁而且完全沒有腥味，質感軟嫩又不會太粉，非常爽口。反而牛肉就偏瘦食落有啲軟身有啲硬身，不一致的口感。（可以選擇好多唔同嘅材料，例如配午餐肉都幾好味）另外，出前一丁公仔麵其實真係唔一定要配麻油味😏維記呢個豬潤配薑絲湯底十分濃郁，好飲到都吾識形容，總之就會飲晒佢啦！😋

好出名既地道茶餐廳，好街坊既感覺。杯咖啡好有以前細個飲戈陣既味道，好夠香濃好夠滑！回憶番番哂黎！咖央多士，個包好香口好脆，好地道唔會太甜！西多士！外面層蛋漿炸到好香好脆！好出色！出面真系食唔番咁好食既西多士

講起豬潤 一定唔少得深水埗嘅維記咖啡粉麵😛但聽人講質素已經冇以前咁好 個日經過深水埗就去左食 遲啲會想試埋漢發麵家 比較下🤩.👉🏻豬潤米($32)湯底依然保持到有老薑豬潤味 豬潤同米粉份量都有好多 但豬潤口感真係比以前遜色 唔夠爽脆🤧.👉🏻咖咉西多士($19)呢個keep到水準！食落去好香蛋味🥰夾心嘅咖咉醬甜甜地 唔洗落糖漿都夠晒甜🤭—————————————————維記咖啡粉麵深水埗福榮街62號及66號地下

平日嘅夜晚6:00，好耐好耐冇食過依間，💁🏻‍♂️提議食豬潤麵，好彩平日嘅夜晚入面人不算太多 ，坐得比較舒服嚟到呢度最出名嘅梗係個豬膶麵啦，之後💁🏻‍♂️話要食西多士所以再叫埋好快就上咗個餐蛋麵同埋豬潤牛肉麵，好耐好耐之前食過嘅時候，明明記得個湯底個面全部都係泡同比較重薑味，同埋豬膶嘅份量非常之多。今次再食嘅時候，個人應為豬膶嘅份量少咗，唔知係咪因為我嗌左豬膶加牛肉呢，同樣地佢係冇些腥味，不過冇咗以前果種重薑味。如果未食過嘅人黎嘅話都值得一試嘅另外我哋叫咗個咖央西多，個人應為好一般，不太值得叫，尤其是深水埗咁多嘢食嘅話留返個肚食其他嘢啦

深水埗，好多餐廳同街頭小食，簡直花多眼亂，都吾知食咩好。我同女朋友都鍾意食豬潤，所以就去左食好耐無食過嘅豬潤麵。當然一如既往，排隊排隊排隊，都一會兒才有位。一坐底，餐牌都吾洗睇la, 當然嗌拒個朝牌豬潤麵，本人鍾意食硬少少，所以嗌左拒要爽面。一食，我又吾覺話有好大退步，不過女朋友講完，話個湯無之前甘正，又真係好似係，不過，都不過不失。不過，已經吾再係我list 入面top one gei 豬潤麵，有間更加好味道🙈🙈🙈

懷念兒時味道，麵係要連食材一齊煮先好食，特別係膶牛麵，湯底不需要太多花款，煮出黎嘅湯有肉汁、有薑味(為豬膶辟味)，好味到想飲哂d湯，豬膶夠爽唔老，不過今日牛肉韌左少少。食膶牛麵記得要快食，如果唔係，膶浸太耐會老，麵又會太腍㗎喇!飲多杯凍O茶，爽哂。

A very popular shop for eating pig liver noodles!! It’s cheap and tasty! The pig liver is very soft and because they put many ginger inside the soup so you won’t taste the normal intestines smell! A must try! They have still toast that that taste soo good too! But this time I could have it because I was so full already