維記咖啡粉麵

营业中

休息中

出晒名就唔使講㗎啦！我自己呢就唔係話好鍾意食豬潤，但飲湯就好鐘意，所以經開都會食。賣相就麻麻㗎啦，老實講除咗個湯之外所有嘢都一般般，每次都係飲晒個湯，另外凍奶茶好好飲，必叫

大學嘅時候因為住得近成日都會嚟深水埗搵食我最鍾意就係呢一間維記咖啡室五六年冇食過 今日一食就覺得好失望例牌潤牛米 豬潤食落去竟然有苦澀味😰連帶埋個湯都有少少苦味牛肉好硬 一啲都唔嫩滑食完呢餐我覺得童年回憶破碎係咪因為我夜晚去，就快收工冇咁好食？身為深水埗嘅老字號應該要保持穩定水準唯一慶幸嘅係價錢依然冇咩改變記得幾年前好似係$32，依家都係$35我會俾多次機會 下次「日頭」再嚟食過😵——————————食物質素：2/10環境衛生：2/10舒適度：2/10服務：2/10 性價比：4/10總評分：2.5/10——————————

呢間餐廳已經係深水埗多年，我都幫襯左好多次。豬潤米係經典必定要機票，配上薑汁湯底係幾好味嘅。咖央西多，脆口唔油膩，不過個人不太喜歡咖央味。不過老實說，多年前黎食係好食啲，不過都算保持到質素既。

好耐去深水埗, 今日買完電腦嘢, 再黎食下維記嘅豬膶麵, 豬膶麵+凍檸茶+咖吔多士真係完美配搭, 咁耐無黎食過, 其實都驚佢D水準下跌, 因為好多人都講過已經唔係以前嘅維記味道. 同埋星期日可能人多嘅關係, 食物質素係會差D.依舊係要排隊, 仲要排成10個人, 不過今次得我一個人, 好易攝位, 都唔使等好耐. 同以前一樣, 落完order都唔使1分鐘即有嘢食. 賣相同以前無乜分別, 但係個味道就真係差左, 麵好冧, 湯底好淡, 豬膶就正常. 咖吔多士水準就保持到, 好味! 成條街都係食肆, 如果要keep住D客, 真係要提升食物質素!

星期六黎維記，因為難得黎開深水埗，聽人講呢到美食多，其中就係呢間嘅豬潤麵同咖映多士。一入去就發現好多人好滿，唯有搭枱。點咗豬潤麵同咖映多士。個豬潤麵好正，正在夠多潤好足料。另外個咖映多士都唔錯，平時都唔多食到，所以有得食都可以試下。

今日鼠左去深水埗做野, 咁巧經過維記, 當然要試一試啦。企係門口已經聞到勁大豬潤味, 唔食豬潤既人應該即時想走一落低阿姐就催我落單, 不過都預左呢度係快食快走架喇。豬潤米 - 滿滿的一碗, 豬潤咬落爽口, 食落好新鮮, 加埋好濃薑味既湯底 咖央西多士 - 而家香港愈黎愈多地方可以食咖央西多士, 但就做得唔夠精, 乾爭爭。呢度就有滿滿既咖央涵, 外面麵包軟綿綿。因為自己唔好食咁甜, 所以覺得呢個略為甜左少少。雖然呢兩個都係維記名物, 但覺得佢有D 名過於實咁

次次經過呢度都見到呢間好多人食，但係一直搵唔到一啲好鍾意食豬膶嘅朋友同我一齊試，今日終於試到喇。首先講吓鋪頭嘅環境先，其實都預咗係小店，會坐得有少少迫，都接受到，繁忙時間可能要同人地搭枱。我見好多人都叫買咖央多士，所以我哋都叫咗一份，不過唔記得咗影相哈哈，一上左菜就食咗囉。朋友叫咗豬潤麵，我就叫咗豬潤意粉。先講下個湯底先，其實冇乜特別，有啲似即食麵湯底，不過食得出有少少薑味，應該係煮豬膶嘅時候有落到薑，鍾意食薑嘅應該都會鍾意。主角就係豬潤，好爽脆，而且份量好多，食落冇腥味，而且唔會過熟，唔怪得知咁多人特登嚟呢度食豬潤啦。意粉就同平時茶餐廳嘅湯意粉冇乜分別，不過軟硬度都算適中，值得一讚。再講埋個多士，我覺得唔係真係好特別，只不過係似普通烘左底嘅多士加醬。如果未試過，又鍾意食豬潤嘅朋友仔，都值得一試架，而且價錢好親民。

維記咖啡粉麵 Wai Kee Noodle Cafe📍深水埗福榮街62號及66號地下/ 北河街165-167號地下D號Kay Gor 黎到深水埗呀, 當然又係搵食乜好西當然今次係食深水埗名物豬潤米啦餐牛豬潤米⭐️⭐️⭐️⭐️雖然湯底個賣相真係麻麻但食落口係另一種感受的湯底有陣陣的豬潤香味配上老薑老薑豬潤味十足而且完全沒有腥味牛肉一樣份量十足有咬口，唔會乸到又滑又淋米粉軟硬適中，同豬潤麵一樣咁有水準湯底真係真材實料，豬潤和牛肉烹調的手法控制得剛剛好食過第一次應該會愛上了！下次經過深水埗我一定會再食#kayGorfoodie #foodie #hkblogger#food #foodporn #yum #instafood #yummy #amazing #instagood #photooftheday #sweet #dinner #lunch #breakfast #fresh #tasty #foodie #delish #delicious #eating #foodpic #foodpics #eat #hungry #foodgasm #hot #foods #MakeYouSmil

呢間野既位置真係去親深水埗都會經過，但就真係無試過。因為我好怕排隊，咁岩有日朝早見唔駛排隊就去試下，其實本身自己都唔食豬潤。但佢最出名無理由唔試下既，豬潤麵普普通通。可能我唔識食掛～諗唔明點解可以咁多人排隊等食

來到深水埗，當然要去朝聖一下(維記)。維記招牌為湯頭香濃的豬肝牛肉麵，而維記位置很方便，只要深水涉地鐵站B2出口一出，步行2-3min 便可到達。維記除了豬潤、牛肉外都有餐肉、蛋、火腿等等...另外麵包類都有不少奶油、奶醬、蛋牛治，比較特別有咖央包同咖央西多士咖央多士 - $13記得叫多醬，真係會好食好多。多士香脆配合厚厚的順滑香甜咖央，美味十足，甜度適中，仲要好抵食豬潤麵 - $32熱盪盪的湯底經過秘製製作後，顯得更濃郁。最緊要先嚐嚐其湯底，老薑豬潤味十足，豬潤亦不會太老

#潤牛麵 $35去到深水埗 想食嗰間又冇開咁就去好多人排嘅維記試吓啦🧐叫咗佢最出名嘅潤牛麵豬潤都幾薄身 幾爽口牛肉就平平無奇 冇咩驚喜未去之前不停聽人講話好好食但去到之後發現同人講嘅又唔同 都幾大落差吓😕同埋小編一直冇試嘅原因係個湯底個賣相真係麻麻😵評分:5.5/10

第一次食到呢間香港老字號，據說又係深水埗必食之一，好似好多老寶物都係深水埗到 🤡 今次食呢間排左陣小隊，係專食豬潤牛肉麵嘅麵店，食左 #潤牛麵 同 #蛋牛麵 $35，其實豬潤同牛肉就正正常常啦，唔係話好好食嘅，豬潤就正常唔會話腥，而牛肉係滑牛肉，正常水準，麵就好似一丁麵，而重點就係個湯底，豬潤牛肉湯，個湯好正好夠味，飲哂 😂🤘🏿-維記咖啡粉麵深水埗福榮街 62 號及 66 號地下深水埗北河街 165-167 號地下 D 號

維記咖啡粉麵是深水埗的人氣老字號，以豬潤麵及咖央西多士而馳名。由一間舖擴展至現時的三間舖，受歡迎程度可見一斑。店內環境乾淨企理，進店後自行找位子便可。店舖後半部分是廚房，可看到員工在煮麵。牆上掛有價目表，價錢及食物選擇店員在一目了然。咖央多有兩款：咖央多士及咖央西多士；下單時記得說明要哪一款。咖央多士 ($13)多士烘得脆口，咖央醬塗得挺厚身，每一口都能吃到咖央醬。咖央醬順滑濃稠，散發著淡淡的斑蘭香味，甜度適中，美味可口，性價比相當高。豬膶麵 ($32）熱騰騰的豬膶麵呈深褐色，湯底清甜順口。豬膶份量多，完全沒有腥味，但質感不夠嫩滑。麵質較軟綿糊身，是我愛吃的質感。

黎到深水埗呢個美食天堂，真係好難選擇食咩，我同男友就揀左去「維記」食豬潤米粉ᴴᴷ$32同埋咖央西多ᴴᴷ$19 。♔♔♔驚喜係🐷潤真係好多，米粉都一大碗，兩個人share都仲得 😃😃！講真豬潤口感不過不失，不過就完全無內臟既腥味，最鍾意米粉配，因為米粉本身無味，唔會蓋過豬潤既香濃，亦感覺無咁肥膩。♔♔♔咖央西多賣點係中間個層醬，甜甜地同西多幾夾幾得意 ☺️☺️。♔♔♔飲品就叫左奶茶ᴴᴷ$14同埋煲檸樂ᴴᴷ$15。我有好多年無飲過熱檸樂啦，口痕痕，想找尋一下兒時回憶。奶茶無試飲，所以比唔到感想。♔♔♔兩個人80蚊食一餐而係飽既，味道又OK，食得太多譚仔南記，呢度都係可以一試。題外話，聽聞呢間小店經常排長龍，我地係星期一假期大概六點幾去到，好lucky，唔使等位就有得食啦！下次再去深水埗試其他好西先😋😋😋！

一直都睇開依個名，都未食過。今次男朋友帶我食，感覺幾唔錯。去到好彩唔多人，即刻有位坐，佢地無套餐，全部單點所以價錢一d都唔平，不過既然係傳統野就試下咁。上茶好快，d豬潤好好食，麵就普通左少少，最好食覺得係西多，下次可以再試。