維納斯扒房 (已結業)

唸住試下， 一入到去冇人，貌似係老闆極力推介食牛扒話好, 點了牛柳5成熟$298,竟然同我黎個全熟慘過食香口膠,最慘個薯蓉係凍架，我都無心機食,太硬和有咬不開的筋的問題，煮得太熟, 好'紉' ,冇味, 肉不鮮,好難食,蒜容包凍既, 特飲好香口膠咁，真係無下次,好恐怖呀。最後我去同老闆講食物質數時, 佢話overcooked, 我明白價格與食物質素有關係。但相等價錢唔會係咁。唉呀～ 未試過好慘痛經歷😓2個字來說這間店，難食

慶祝成為人妻後嘅第一個生日，老公訂呢間餐廳嘅原因係因為我英文名都係叫Venus 餐廳嘅裝飾唔會話好似一啲好高級嘅餐廳咁好浮誇，但勝在令人舒服自在。Waiter嘅服務態度好好，好主動同有禮貌～嘢食方面真係令我幾驚喜，拍得住中上環啲扒房嘅質素，詳情我打咗係啲相到 價錢換到呢個質素，算係扺！總而言之，呢間餐廳係會令人食過番尋味啦

每晚經過扒房門口都會見到老闆親力親為的等待客人，為客人介紹食品。今晚，再次幫襯，連續第三個月來食扒，每次水準都可以保持實在難得。進入店內，是食品以外我最欣賞的地方。一個親切的笑容，門口的接待是經常保持高水準服務的老闆娘。今晚仍然是一份大西冷，每次食這份看似巨大 ，食落會令人有大滿足的感覺。西冷生熟程度控制得好好，西冷嫩口又多汁。老婆就點了一個牛柳配大蝦，大蝦當然是我的，大蝦好新鮮。當然主角是牛柳，牛柳十分嫩口，肉身吸收了大蝦的香味。最後，當然要試一試甜品。甜品一次比一次進步，睇得出用心製作甜品的賣相。賣相已經好好，甜品的味度更上一層樓，雪芭好特別，有nut在內味度配合好好，加上心太軟，一流的享受

雖然住係附近，但原來已經幾個月冇黎過啦，只怪我想出去試下其他新野，但食排始終呢到好!!水準仲保持到，個羅宋湯，非常香濃，而且配料又多，西芹、紅蘿蔔、蕃茄等既蔬菜粒，仲有牛肉粒。右埋個塊香脆既蒜蓉多士，真係不得了，熱騰騰，又夠香又夠脆。今次我都係點返我既至愛大西冷，真係大件夾抵食，又大塊，我叫6成仲有好多肉汁，我中意重口味，加埋蒜蓉汁，正!!但係今次個薯條唔夠脆，就係差左呢少少~~

經 frd 介紹同睇過OP上既食評，星期一晚同男友專程過海去大角咀一試。入到去第一感覺舒服，裝修簡約，但幾高雅同大方。人唔多，都幾寧靜下。見到 Menu 上有生壕都係 $48隻，想叫黎食，但已沽清 。 甘就叫左豬手 (個 frd介紹話正，叫我一定要試) 同美國 Angus 肉眼。先黎紅白湯各一同包，出乎意料，我個紅湯好好飲，好足料。不得不提個包，熱烘烘，好脆，好香蒜同牛油味。估唔到係大角咀舊區有呢個水準既湯包，我跟住就好期待隻豬手同肉眼。等左15mins左右，主菜就跟住一個一個到，冇失望! 豬手好大隻，好香，外皮好脆，好似去飲喜洒食果隻乳豬皮。豬手裏面既肉好好chew口，鹹鹹地，鹹味適中，個 frd真係冇老點。好食到個肉眼，叫5x，黎到真係5x，切落去見到少血水，吾會大冧又吾會大Un，要做到甘真係唔易，廚師真有水準。美國 Angus 果然有保證，好有牛味，滿意。2個人埋單5百蚊有找，去過啲高級酒店裏面既扒房，1個人都成千蚊，其實都係食環境同裝修，講到好食，我覺得都係一般，希望呢間餐廳可以係港島區有分店，方便下我哋港島區既食家。

行過大角咀，見到個廣告上面既波士頓龍蝦配牛柳好吸引，咪跟住個地址去試下。環境同服務唔錯，叫左個紅湯，好足料，飲得出個湯係有誠意既出品。主食芝士焗龍蝦配牛柳，上枱時好香龍蝦同芝士味，有膏 ，牛柳出乎意料，好juicy同有牛味。原隻開邊波士頓龍蝦配牛柳都係$2百多，第二到真係未聽過。呢餐整體都好滿意。見到隔離枱隻豬手好似好正咁，下次一定要去試下。

Sunday night, 男朋友帶我去呢間食，因為佢去過2次，都話唔錯，今次同我去。環境唔算得好高級，但都幾雅致同舒服。見到 menu 上有魚子醬，未食過，唔係到到有得食，又唔係好貴就叫2客試下做 starter。鹹鹹地，滑滑地，口感幾爽，不錯。下次都想再食。Main 我叫左美國穀飼牛扒 5x 同男友 share，Wow, 好大件，切開有血水，肉質ok, 唔 un, 有嚼感，味道的確有驚喜，好有牛味，同我係第二到食過果啲牛扒真係唔同。是次晚餐感覺滿意同抵食，會再去。

女人出左差，一支公唸住試下佢，下次同女人多個扒房食。一入到去，侍應笑容一流。平常扒房環境。去扒房梗係食扒啦，就叫肉眼其他唔講，只講主角！一上檯，手起刀落......E...我把餐刀好似屠龍刀甘...舊肉一切兩段....心知不妙....叫左唔通唔食咩....試下唔上汁直送入口，果然'淋'到冇牙都食到，兼送上大陣蘇打味，完全冇肉味！明顯用蘇打整壞左舊肉，唉！冇計，好食嘅就食多D，難食嘅咪食飽D囉。食飽鬆人，兩舊有找，拜拜你條尾。茶記質素，中等價錢。但唔談得上扒房。冇下次 口水

大年初二去大角咀拜年，見到呢間新春照常營業，一家3口就去試下。人不算多，環境不錯，叫了生蠔，加拿大翡翠螺做頭盆，主菜叫左美國穀飼牛扒，BBQ汁美國豬仔骨，鵝肝配牛柳。生蠔，翡翠螺夠鮮味，主菜穀飼牛扒有牛味同咬口 ，豬仔骨夠嫩，加上BBQ汁好開胃，鵝肝配牛柳賣相不錯，味道也OK。是晚整體都滿意，價格大眾化，侍應都很精神勤力，有禮，服務態度認真!

初四星期日落大雨，經過大角咀見到間扒房，見個門面以為好貴，點知睇見Menu大多都係百多元，就去試下。叫左去骨燒春雞同澳洲羊架，春雞有驚喜，切開肶位，啲肉好 soft 同juicy，除左胸位肉質厚身啲有些少鞋，隻雞真係唔錯。羊架同樣有水準，有4件，好抵食，肥瘦適中，最有羊味係骨位有肥膏的位置，一定會再去!

這餐廳食物質素一流,星期一跟朋友到附近維納斯扒房食晚餐，客人甚多, 但服務仍無微不至， 頭盤叫了生蠔，好大隻又夠鮮味， 侍應小姐推介既白酒跟生蠔配搭一絕。再來有羅宋湯，很香口又濃郁牛味, 好耐無飲過咁有質數既羅宋湯，正 。主菜我們點了特級牛扒及羊扒， 還有麵包蟹，牛扒份量甚大, 單人的話, 女仕一定食唔晒， 非常Juicy，伴上了香濃的薯蓉， 是巧妙的配合。麵包蟹我最喜愛，有膏，肉質一流， 羊扒有四件，抵食夾大件， 肉質鬆軟嫩滑 。甜品有我至愛的心太軟，味道亦好適中. 我都覺得唔錯嘅甜品應該係唔太甜. 好食!!好滿足又豐富又和味既一餐 ，下次一定會再來幫襯。

160元一個晚餐也不該有下列所有劣質:1.肉眼扒肉質不鮮，加上吃了已知醃到過籠，全無牛味及牛肉質感，牛肉冇汁，難受，不好吃2.三文魚扒肉不能辨認出為三文魚，無味，質感"實"，3,白湯吃得出加多了水及cream，再番熱，似奶水，過稀，無料，試一口即掉唯一黑衫女待應態度可取

機緣巧合下見到依間新開扒房，又見OP食評唔錯，就去試下。叫左個百幾蚊既澳洲大西冷，跟餐湯，飽同餐飲。女友就叫左差唔多價錢肉眼扒。叫左紅湯，偏咸，普普通通西冷扒叫左五成碟上，食得出用腌肉粉腌過，無左應有既咬口同肉味，真係極唔鍾意，女友個肉眼都係一樣用左腌肉粉，唔好食。雖然牛扒份量多，但用腌肉粉真係大忌.....

朋友們見過我係facebook放呢間餐廳既相就不停要我帶佢地黎，好好彩每次都冇令佢地失望今次猜訂位直接黎，一去到見到勁多人，好驚冇位，不過老闆娘好好人，好快安排左位置比我地又請我地飲紅酒，不過我狀態唔多好，唔飲酒啦，點知佢就請我地飲pink lady (餐廳既一杯特飲)味道宦好好呀，而且個樣仲好靚今次我點左牛柳，本身都想食大西冷，不過真係病到傻左啦我估大西冷我一定食唔晒，所以就叫個小D 既牛柳啦，牛味好香濃，又好juicy，配左個蒜香汁好惹味，同平時一樣我個薯條都係要分開上，香脆好味。餐湯水準保持得好好，材料好豐富，飲完一碗仲想再飲完全係一個同朋友吹水食飯既好地方，老闆仲請左我地食心太軟，我真係好中詫食心太軟，香濃朱古力味，好窩心好美味!!真係好多謝佢地熱情招待

男朋友生日，見食評唔錯就去呢度食晚餐。一坐低老闆送兩杯紅酒比我哋，話要浪漫一吓 然後老闆同我哋推介吓啲食物，我哋叫咗大西冷扒同燒雞，因為唔想啲薯條㵉晒，所以想薯條分開上，點知老闆話比多碟分開上嘅比我哋佢個紅湯真係好好飲呀！男朋友係紅湯迷，佢都話好正！主菜西冷扒同燒雞都超大碟！！！！其實食唔晒，但唔想浪費，同埋真係好味，所以最後都食晒落肚同老闆傾談間，話咗佢知男朋友生日，然後老闆即刻話要送個心太軟比佢！！心諗：唔係呀嘛！？好人到咁？ 老闆仲話有驚喜～原來係邊送心太軟，邊播生日歌 我係心太軟迷，都好好味呀！總結，一間餐廳，食物唔貴好大份好抵食，然後仲要送紅酒、送薯條、送生日心太軟，服務好好、好親切，除咗老闆，侍應嘅服務都好好，咁好嘅餐廳喺邊搵？送到我都唔好意思呀 埋單仲有8折，兩個人加埋一都唔洗300，食到好似食buffet咁飽咁滿足！一定要多多支持！希望佢生意興隆呀讚讚讚讚讚！