維納斯扒房 (已結業)

係門口時，已經標榜自己點特式法，原來就只是晚上營業（好特別呀真係），聖誕前八折。我地2人around 討論左十分鐘食咩好，侍應竟然走過來追盡快落單，因為餐廳今晚較多人，可能出品較慢。望一望全場中間全是吉枱，虧佢講得出。最後點了三文魚件➕黑松露 ，同14 安士西冷。先來餐湯，番茄忌廉湯加4粒超超mini 麵包，湯又唔熱。d黑松露撻係塊魚上，攪到好似鑊燶咁。塊西冷牛扒又唔熱，一點牛味都冇囉！去快餐店好食D ⋯⋯

1) 我同個friend都覺得個甘筍忌廉湯有d驚喜, 我見格離枱個男仔添0左3次.2) 朋友就叫o左碟意粉, 賣相不錯, 佢話味道ok.3) 牛扒意粉個份量就好足, 個蒜汁ok, 牛如果可以唔好全熟就更好.價錢$40同$58, 湯可以無限添飲, 環境都舒服. Lunch o黎講我自已覺得好ok.

去到大角咀，朋友見到維納斯的廣告牌便決定一試先來了一個南瓜湯。好鹹！沒有南瓜味，罐頭湯都要比它好！叫了一個田園沙律 ＄88 ，太失望了吧！普通到呢。。。。超多沙律醬在上面，菜是普通生菜加蕃茄片，這碟茶餐廳沙律竟然索價 ＄88我去尖沙咀AGNES B CAFE 食個沙律都是 ＄88。。。點解這間可以這樣難食呢？之後已經開始對主菜沒有什麼期望。牛扒叫左4成熟，來了已經6成。。好鞋好韌 ，沒有美國牛扒的味道。失望！鵝肝，有點腥，但外脆內軟，還是不錯啦！朋友叫的黑毛豬鞍。沒有豬味，什麼味都沒有！真是有趣極呢！本來以為叫一個比較貴的餐會好吃一點，原來我錯了！結帳：＄653太過份了！浪費時間，浪費金錢！永遠不會再去！

大角咀呢間「維納斯」都開業左一段時間了，同事黎過食晚餐話牛扒同生蠔幾正！一星期都有幾日會外出食lunch∼中午時間經常見到原來有lunch set + 餐湯任飲，價位$40-$58 ，最平係意粉、沙津，最貴就係牛扒，價位已包埋飲品。今日任飲有南瓜忌廉湯，自助的，值得一讚，午餐時間湯品夠熱，足料南瓜湯，又甜又濃厚，飲左兩碗。「卡邦尼意粉 $40」上枱已聞到陣陣芝士香，醬汁香而不咸，意粉質地彈牙有咬口，配料煙肉份量都算多，整體黎講抵食，以午餐質素絕對收貨。同事的雞扒意粉$48，同樣不錯，超多蒜的醬汁，香氣撲鼻！餐廳有卡位，座位舒服。我們午餐又多個好地方了，平靚正∼

中秋節同朋友誤打誤撞行過維納斯扒房門口，有個長頭髮高瘦店員出黎為我地介紹餐牌！本身只係想睇下岩唔岩食，但被佢誠懇既態度令到我地行入去試下依間餐廳！入到餐廳後，店員仍然好有耐性咁為我地介紹每種扒既分別，令到我地可以選擇到岩我地既食物！店員細心以及觀察入微，當食物上碟後，我們拿起碟子，打算移動餐盤時，馬上旁邊已經有雙手在協助我們。食完主菜後，店員再向我地介紹甜品果仁雪糕，因為之前店員介紹既主菜味道十分適合我地，所以我地就接受店員既建議每人叫左一個果仁雪糕，味道喜出望外的好，完全意料之外！由服務到食物質素都做到公司既口號，不僅只是美食，還令我們這個中秋留有美好的回憶！

成日聽人講話呢度唔好食 今日終於試左 個人覺得還可以 唔難食  普通晚餐係可以食下 比花園餐廳好d老闆娘已事先提醒~ 如果要有肉味的不要選鐵板~值得一讚! 如果喜歡醬汁味的朋友應該覺得唔錯.

話說小妹其實對大角咀有一個情意結，或許是因為這區的小店，小妹總覺得大角咀美食處處，住在這區的話應該會經常在這邊的餐廳吃飯吧。早前在團購買了維納斯扒房的晚餐券，大約$150有一份2人餐吧！確實的細則我已忘掉了。就在2015年初，終於到了維納斯扒房吃晚飯。門表跟室內的裝修都跟一般西餐廳差不多。平日晚上七時左右人流不多。團購餐包了餐湯、餐飽、沙律、主菜、餐酒及甜品。先來一個羅宋湯，餸料和味道足夠，不過顏色比較黃。沙律又是普普通通。上面橙色的不是煙三文魚啦，而是醬料，但不知是甚麼醬。蒜蓉餐飽，蒜蓉偏在一邊，飽是硬的。終於來到主菜啦！羊鞍！三件羊鞍都是細細的，去骨去肥後吃到的肉少得可憐。扒在羊鞍傍的是兩片無力的蕃茄，還有一隻大湯匙份量的薯蓉。蕃茄已軟弱得面無血色，而薯蓉就如KFC那種，但KFC的蘑菇醬較好味。羊鞍失望了，就把所有希望放左這個煎鵝肝配牛扒上。上層是鵝肝，中層牛扒，最底是薯蓉。由上說到下吧！上層的鵝肝還可以，是有點點煎得不夠火喉而已，份量當然是少啦！中層的牛扒呢，就跟羊鞍一樣，份量少，沒牛肉味。相信買手買的扒類都是最便宜的那種吧。底層的薯蓉就又剛才的一樣，甚麼都沒有，不滑。紅、白餐酒

環境昏暗，幾有情調，雖然在場有d小朋友嘻氣有位長髮面型消瘦女仔，介绍牛排種類，質素草草了事，勁求其另一位侍應講到d牛排同其他地方不同，食落去言過其實，不過鵝肝法包味道唔錯，煎得好乾身餐湯濃縮，味道香濃，不錯

上年開張時去過，感覺唔錯，成日都想再去，但因我住屯門，冇咩經過大角咀，所以一直到個friend 返黎香港，想揾個環境好又收得夜既餐廳，先再book位去食。7:30pm 去到被安排坐係sofa位，因為冷氣吹到正， 個waiter 好醒見到，即刻幫我安排轉去岩岩埋單嘅卡位，讚！点菜，我叫左鵝肝牛柳，而個friend就order左朱手，湯來啦，南瓜忌廉湯，waiter同我講，湯係廚師每日返來新鮮打做，冇味精同雞粉，個湯飲落起哂沙，真材實料，好味，出街食飯可以飲到呢種湯確實難得！waiter 仲話每星期會轉湯架，鵝肝牛柳到……好香呀， 鵝肝煎到好香口，而牛柳亦好嫩口， 夾埋一齊食真係……，而朱手就嚇我一跳，超大隻，焗到好香，少少咸，正，不過太大，朋友食吾晒……我地慢慢食，吹下水，唔經唔覺坐到11:30pm，waiter門不單唔面黑，仲全程停殷勤服侍，幫我哋加水，埋單都吾使5百蚊，真係有啲唔好意思。今次再去，比我第一次去整體感覺高級左好多。寫呢個食評，其實最主要目的係想支持下間餐廳，加油，你地做得好好，唔使埋其他閑言閑語。真正去過食既人都知，比心機!

從來沒食過咁難食既牛扒同羊扒，唔知點解D人會寫好評！？湯唔好飲，面包粒全部係林，羊架及牛扒好多筋，根本食唔落囗，檸檬茶又難飲，冇一樣嘢好食，晚上8點鐘得番3台客，見到其他客都食得唔開心!中伏......

旅發局「香港FUN享夏日禮」呢個優惠，終於比我同老婆屋企對面有間餐廳見到。今次仲要係一間食開有信心的餐廳，當然要支持。去到餐廳大約7點已經好熱鬧，我地當然唔會錯過”鵝肝牛柳”($228)買一送一呢個優惠。個餐除主菜外仲有汽水免費無限任飲，紅白洒/啤洒，買一送一，同埋半價夏日消暑特飲。開始前當然要飲返個一直以來都好欣賞的餐湯，呢個紅湯真係好足料，而且菜同肉的味道都濃濃地溶入湯中。之後食埋蒜蓉多士，香濃的蒜蓉牛油加上一片脆口多士，真係高級享受。跟住當然係主菜時間，鵝肝牛柳，一上枱已經香味十足。整個主菜頂層係鵝肝，第二層係牛柳。開始時各切了一小片來試試，鵝肝好香，入口即化。牛柳我點了6成熟，入口牛肉味好出，仲好夠肉汁，口感剛好嫩得來有口感。最低係一層薯蓉，好鬆軟，好滑。大家真係要把握機會食返餐好。

旅發局舉辦「香港FUN享夏日禮」開始左之後，我覺得呢個優惠我係冇機會用到既，但係竟然比我發現屋企對面有間餐廳都有參加呢個計劃。有著數我就當然會去睇下啦，佢原來做”鵝肝牛柳”買一送一，仲有冰凍罐裝汽水 免費無限任飲，同埋紅白洒/冰凍啤洒，買一送一，或者夏日消暑特飲，半價。平成咁，唔食好似對唔住自己。我即日訂位，仲訂埋個買一送一既鵝肝牛柳($228)個餐仲同埋時一樣有湯，有包有飲品。先講個餐湯，其實我每次黎都係飲紅湯，佢個湯真係不得了，料又多，又多菜，又有牛肉粒，味道又夠濃。配埋蒜蓉多士，真係一個絕配。而個鵝肝牛柳，份量唔算大，不過對於我黎講就剛剛好，頂層既鵝肝如果可以煎耐小小，應該會香d。個牛柳我要左7成，但都唔會好老，仲係好嫩，牛味好香濃。下面仲有一層薯蓉，好香滑，仲有小小奶味，正呀~~冰凍罐裝汽水無限任飲，係呢個咁熱既天氣，飲返罐7-up先，不過今日太眼訓啦，冇食甜品，下次再食。呢個優惠做到8月31日，佢完之前再同屋企人黎食多次先得~~咁抵~~

係大角咀，真系估唔到可以每人兩三百蚊有甘高水準既扒食，的確難得。一行四人揸車經過，見到有新野，門口又可以擺車，就去試下。我一入到去第一個感覺係大角咀點會有間甘企埋既餐廳。我地叫左去骨春雞，大西冷，大蝦牛柳，鵝肝牛柳。詳情寫左係相到。由湯包到食物到最後心太軟甜品，我都感到好滿意。係尼到同大家分享下。

星期日晚大部份大角咀食肆都要排隊，這間不用，門面OK，就走入去試一試。叫了一份安格斯牛排餐和燒春雞餐食。首先來了兩個餐湯羅宋湯，飲落去⋯⋯有燶味，有點失望。叫了檸水小甜但係都冇小甜，要換。牛排來了，表面有點燶看上去還可以，切開一試，塊牛排中間凍的表面和暖， 叫佢换過。結果佢只是將舊牛排返煎再放上原來的碟，再出來時塊牛排的表面就非常燶而薯條就淋哂！個餐跟意粉，食哂塊牛都重未出。叫了兩次，才拿出一碟冇汁冇味的意粉。叫了燒春雞跟菜不要薯條，最後還是跟薯條。                  可以用心聽一聽客人的要求嗎？處理有問題的食物可以專業點嗎?當然也不會再來！

生日揾地方食飯慶祝，上 yahoo 揾到呢間扒房，就訂位去食。星期四晚，人唔算太多，環境有格調同有氣氛，感覺舒服自在。見到隔離枱食緊生蠔，食得好滋味咁，我又想食，但已沽清。Order 左幾款菜式，三文魚大蝦、鵝肝牛柳、德國咸豬手同芝士焗珍寶麵包蟹。三文魚大蝦好香口，三文魚好新鮮，聽 waiter 講，三文魚係餐廳新鮮原條自己改出黎，而唔係買翻黎。鵝肝牛柳賣相 very good, 鵝肝夠大塊，牛柳夠嫩，有牛味，下面薯蓉香滑德國咸豬手真好香，好大隻。未黎得切影張相，就比人食晒。要食芝士焗珍寶麵包蟹真係要啲耐性，等左有半粒鐘先有很食。嘩! 隻蟹好大隻，仲好香好香，香到隔離枱既食客都望過黎嘩嘩聲！呢間餐廳既出品好有水準，服務有熱誠，值得我一大清早返工前用啲時間寫個食評。我會經常再去同介紹朋友去。