維納斯扒房 (已結業)

經常到處揾扒据的我今晩去咗大角咀呢間扒房試下。睇見個 menu 有點奇怪, 全部都係百零蚊, 扒房有甘平既咩, 我係其他扒房食個沙律都要過百。好, 入去睇下比咩我食, 裝修有格調，問 waiteress 最多人食咩, 佢話牛柳, 甘我就叫個牛柳餐, 本來諗住碟上, 但見到其他枱啲鐵板炸炸聲，好過癮下, 我就叫鐵板上。红湯好味, 法包脆，到主菜上, 炸炸聲，香噴噴, 呢啲可能就係鐵板既魅力。三大舊牛柳, 好靚仔。切落軟身, 食落好Soft同有牛味, 真係超出我預期的好味，埋單133大元, 以呢個價錢再加埋甘既環境，原來香港仲有咁大隻蛤乸隨街跳。一定要 share 出黎比其他食家, 哈哈！

睇到 Openrice 呢間食店既法式春雞食評，忍吾住晚上就揸車去試下。真係冇介紹錯，好正。冇骨，切落個面好脆，肉好 Juicy 同嫩，加個白飯一齊食，好味！ 唯一係雞胸位比較厚身啲，有小小鞋，但總體黎講好好食，好有水準。不得不提個羅宋湯，好足料同夠牛味。埋單 $130，超值，值得介紹比其他食家。

同朋友 Sunday night 行過大角咀，見到尼間新開既餐廳，入面同門口已有10多等緊位。於是入去試下，入面環境簡約幽雅，坐滿食客，仲聞到好香既扒味，氣氛好正。先黎兩紅一白湯，個紅湯真係好堅，有牛味，真係未飲過咁好飲既紅湯。白湯ok，忌廉同甜味適中。叫左2份鵝肝牛柳同1份龍蝦牛柳。鵝肝外脆內軟，好好味，牛柳軟棉棉，有牛味，正!波士頓芝士焗龍蝦，鐵板上~好味~食鵝肝同龍蝦估唔到埋單每人唔使2百蚊，又好食，環境又舒適，怪唔之得咁多人去。我同幾個朋友已訂枱，約左下星期再去食過。

經朋友推薦下, 當日第一次與兩位朋友特意來到此餐廳晚膳, 原來當日是此餐廳正式開張, 花籃放滿了在門外, 還有一個相當熱情的老闆. 入內環境乾淨舒適, 裝潢也頗有情調, 而且看得出老闆為了讓客人坐得舒服, 整個餐廳都是相當高檔的椅子!天啊!! 餐牌上的套餐大多都只是百多元, 而且新開張還可以打個8折後只是一百元左右, 實在超值啊!! 我們點了三個鐵板餐share, 分別是牛柳, 西冷和鹹豬手. 大約十多分鐘後, 三個熱呼呼的鐵板開始陸續的端到枱上來啦!  更令人意想不到的是它的份量還真是不少, 三份餐的底部都是滿滿的薯菜, 配著厚厚肉質的3塊牛柳, 口感鮮嫩不鞋, 喜歡!! 西冷則牛味較重, 同樣也是大大的一塊呢! 最後來到的便是比我拳頭還要大的鹹豬手, 味道相當惹味 是次晚餐整體上各方面都令我很滿意, 下次有時間會再約朋友來這裡嘗試他們其他的菜式! 因為我們在用膳期間還看到侍應端著其他的鐵板餐也相當吸引呢!!!

2個字來說這間店，難食!，今日見到有20% off ,便走左入去打算吃返好少少的扒，但入到去坐左係中間個侍應拿左個餐牌來單靠佢個燭光的話根本上睇唔到個餐牌，之後上湯的時候先唔好講個湯碗上 手柄有湯無去清潔好左上湯啦..但都比人飲個碗的40%到的湯，叫人點飲清楚個湯d味...之後個湯都未飲完，個侍應便拿個扒過來，放係我張枱，個扒d汁炸到過來，之後飲完個湯去食個扒，我個扒叫六成熟點個咬一下硬到好飲咬香口膠咁，真係無下次

見到間新開既扒房，帶埋仔仔去試餐。門面好光鮮整潔，入面企埋，有情調，裝修簡潔高雅。Waiter介紹左個燒春雞，開始聽落燒春雞冇乜特別，大家樂都有，聽真啲同食完先知道此燒春雞不同那燒春雞。呢到係法式，Waiter話廚師好細心將全隻春雞去哂骨，然後加入香料醃過夜，先焗再煎上碟。看照片~皮香脆，肉嫩，啖啖肉。睇得出製作呢隻春雞好認真同有心機，值得一讃!我另外 order 左個鐵板午柳，3大件, 軟棉棉，有午味，好食 。看照片~嘩! 埋單講你都唔信 唔使 3百蚊，我仲以為計少左野，原來真係咁抵，新張有8折。以後會經常同家人朋友去。

星期日晚去大角咀揾食，經過見到新開呢間扒房咪試下，叫咗個德國咸豬手。鐵板上，真新奇。咸豬手好大隻，面頭脆身，切落好多肉，食落好好味同有口感。埋單8折後都係1舊水左右，抵食。睇相~環境舒適，有music ，服務OK，值得一去再去。

晚飯時間同朋友揸車經過大角咀見到間幾光掹門面既餐廳，就泊低架車去睇下。門口就有人侍候，有禮貌，熱誠介紹。今日香港除左高級洒店既餐廳外，好似再冇呢支歌仔唱。坊間啲餐廳間間都好似唔憂做，冇乜禮貌同Heart。開始睇個門面都以為起碼3到4百蚊一個人頭，見到價錢牌真想像唔到，最貴果個鵝肝牛柳餐都係198。仲話新張期內有 8 折！仲有得輸？其他3個 Frds 異口同聲 "就呢間啦"。一入去就有人帶我地路去卡位坐，環境好企埋，燈光柔和，有 Music ，感覺唔錯。感覺自已去咗洒店既西餐廳咁。先黎4個紅湯，係飲湯期間，我同其他3個 Frds 一粒聲都冇，好專心飲湯，但互相眼神有觸碰好似溝通講緊野甘"邊可能咁好味架，真係冇諗過"。我哋一行四人 Order 左一份大西泠，一份法式燒春雞，一份德國咸豬手和一份鵝肝牛柳。係呢個價格可以食到呢個水平的素質，真係冇野講 - 滿意! 果個咸豬手，拳頭甘大，好好味。鵝肝外脆內軟，正!服務員態度好，但可能太忙，有時要等下，明白的。唯一扣分的就係主食等候時間比較耐，個咸豬手最耐，差不多要等半粒鍾先到，我哋香港人冇乜耐性等太耐。埋單都係5百多，真係 unbelivable

今日同男朋友偶然行經大角咀，見到有間餐廳裝修得幾靚又有情調，同男朋友又未食飯就打算試試😄😄一入到間餐廳，俾我係門口見到嘅有feel得多，仲要有d枱有點蠟燭添，e家真係好少有，仲要係大角咀呢d地方，都真係估佢唔到……一坐低已經有侍應招待，服務都尚算ok，我哋落單嘅時候仲問個侍應有咩好介紹，個侍應就介紹左個芝士龍蝦牛柳，同德國咸豬手，個豬手仲係鐵板上添😛平時出面食都只會碟上，e家食鐵板上又真係幾特別喎😋，仲有不得不提提個羅宋湯，我可以肯定係未試過係其他地方飲到咁好味嘅，第一啖飲落口，個味道好重牛味，唔會只得酸同辣，跟著我就好好奇，搵個侍應問一問，原來d羅宋湯係師傅用牛大骨煲出黎，唔怪得咁重牛味喇，搞到我好想飲多碗添😜落左單大概20-25分鐘，吖…好肚餓…終於有得食喇，雖然等得耐少少，不過都係值得。見到兩個鐵板上到枱，原來隻龍蝦係成隻上開邊嫁，價錢都只係買百幾蚊超抵食，豬手勁大隻，有我隻手成個拳頭咁大，正！係食嘅過程，聽埋d柔和嘅音樂，陪埋暗暗地嘅燈光，加埋同自己心愛嘅人共進晚餐，嘿嘿，好浪漫喔…😍😍😍😍最後埋單都只係3百幾，仲有8折優惠添，我同我男朋友都食得好開心，我哋仲商議過一個星期食一

星期六晚,本身同朋友去MK食生日飯,但由於MK情況出現突變,所以大家就轉大角咀食飯,係搵餐廳個時無意經過維納斯扒房,老闆好熱情捷停我地,話:5緊要睇下啦!!岩食先入黎食啦!!問佢收幾點,10點但由於朋友們都收夜,要10點先齊人,但老闆居然話5緊要可以比我地食埋先收工,當下即刻諗都5諗就卜左10點,因為我同兩個朋友早到,於是就入左去等,等途中已經飲左佢地兩個湯---紅@白~正常餐廳5會比兩個湯你飲,兩個都好好飲,紅湯(羅宋湯)-味道濃,但本人喜歡辣,加辣會更好味.白湯(忌兼湯)-飲落5會''杰達達'又5會好''希'',同埋最重要佢無我超不喜歡的那個面粉味...人齊:6人分別叫左:2個豬手,2個肉眼,1個西冷,1個三文魚扒配大蝦...豬手:夠大份,黑椒汁,肉不會''鞋口''由於是鐵板上,汁淋落去時要等一陣好食啦!!,否則過了10分鐘豬手皮已經不脆(我可接受),如果要食脆,要上碟先得啦!!肉眼:份量多夠厚,1個5成(黑椒汁)/1個7成(洋蔥汁),5成熟.(黑椒汁)(加上鐵板熱度已經變左6 7成熟)岩岩好,黑椒味濃,肉眼好多肉汁,好好味...另一個,7成,(加上鐵板熱度已經變左8 9成熟)太熟

知道呢間餐廳開咗好耐，亦知道佢係好抵，所以幫襯。但上嚟見到有人話佢個晚餐大概只是一舊水，好吸引，趁今日帶埋老媽子試吓先我個肉眼賣相不錯，厚厚一塊都真係做到五成熟，強！牛扒肉質鮮嫩，燒得好香，好有肉味！