綠茶餐廳 (希慎廣場)

营业中

休息中

綠茶餐廳，名字一點也不陌生，在深圳吃飯也有見過，外面總是大排長龍，原來香港已有分店。甫坐下服務員就來上茶，有點懷舊的茶壺，龍井清香。叫了兩個招牌菜式和一個香港限定，後來再叫了一個糕點和甜品😊🌟粉絲裏蝦（$108）先來一個爐，服務員上鍋後再在我們面前計時6分鐘，很講究呢🤭蝦好鮮，有8隻左右，粉絲入味，份量不少👍🏻🌟醬椒蒸白條（$148）看起來有點平淡，但吃起來很鮮很滑，精粹在個醬椒吊起個鮮味，辣辣地不錯，但多長骨要小心進食😉🌟蔥香脆皮烤鴨（$128）蔥油雞食得多，蔥油烤鴨好似未食過😂跟燒味的鴨不同，這個是脆皮的，鴨味更濃，有點特色😁🌟江南定勝糕（$28）由點菜開始朋友就睇中，因為賣相特別，色彩豐富😍味道淡淡的，原來不同顏色餡料也不同，有趣😎🌟茶香奶凍（$28）有茶香，奶味不太濃，不會太甜，滑😋一邊享受美食，一邊享受環境氣氛，感覺有點閒適😊（朋友說真的好像去了另一個地方😆）

在北上消費的洪流中綠茶饕餮客提供了新派浙菜這裡的菜色不僅色香味俱全還能讓人感受到江南的韻味先點了浙江名菜宋嫂魚羹這道傳統的杭州湯品以魚肉為主料湯頭清淡而鮮美魚肉嫩滑每一口都彷彿能感受到湖面的清新東坡肉以其獨特的製作工藝著稱肉質鮮嫩肥而不膩結合了醬汁的甜色澤誘人配米飯吃別有一番風味龍井烤雞的靈魂在於龍井茶的香氣雞肉經過醃製後吸收了茶葉的清香外皮酥脆肉質鮮嫩肉質豐盈它將杭州的茶文化與傳統烤雞相結合絕對是不可錯過的招牌菜綠茶蛋蒸肉為香港限定菜式簡單的蒸蛋肉碎絕對是個偷飯賊西湖雷峰塔以山藥為主要材料呈現出塔的形狀視覺上十分吸引店內環境優雅舒適非常適合朋友小聚若你想體驗正宗的杭州菜綠茶絕對是個不錯的選擇

我一直已經很想在這裏用餐了，今天終於有機會！尚未上菜之前，已品嚐了極為優雅的茶，茶湯清澈，味道芳香。而且環境也相當美麗，古箏悠揚，彷彿置身於西湖之畔，令人陶醉。龍井烤雞龍井烤雞結合了龍井茶的清香與雞肉的鮮嫩，烤制後的雞皮酥脆，肉質多汁。茶香滲透到每一口，風味獨特，讓人想一口接一口。搭配的醬料綿密，增加了層次感，整體口感非常平衡。三色燒椒杭茄這道菜以鮮艷的三色燒椒與杭茄為主角，色彩繽紛，令人食欲大開。燒椒的微辣與杭茄的甘甜相互融合，口感清爽。搭配的調味料恰到好處，讓這道菜既有鮮香又不失清新。綠茶蛋蒸肉一道創意十足的料理。蛋香與肉香相互交融，綠茶的清香為這道菜添增了獨特的風味。蒸製的過程保留了食材的鮮美，肉質柔嫩，搭配著滑嫩的蛋液，口感極佳。蝦湯泡飯鮮香四溢，米飯吸收湯汁精華，口感滑順。搭配青蔥增添清新，讓人一試成主顧。總結整體而言，這三道菜品不僅在味道上相得益彰，更在視覺上呈現了美感。綠茶的運用讓每道菜都有了不同的層次與風味，令人印象深刻。

heard the chef here is Michelin chef so gave it a try. the food isn't really that good, not bad but definitely not gd. not really what a Michelin chef restaurant should taste like.the deco is not bad, pretty nice n new.the worst part of this place is the service. before we sat down they keep saying the meal time is 90min.the attitude is quite rude, not friendly at all. they are lazy and the way they serve the food n plates was pretty rough. they try to force us to finish the rest of the foo

滬菜就食得多、江浙菜就真係少食D，不過鍾意食滬菜一定都會鍾意食江浙菜。最近就去左【綠茶餐廳】既希慎分店，試下佢地既江浙菜。龍井烤鷄：呢個係佢地既招牌、基本上臺臺都必叫，所以我地都叫左。下面用龍井茶葉熏隻烤鷄，非常香茶香味。烤鷄皮脆肉嫩、非常juicy，連鷄胸都完全唔鞋。杭式片兒川：呢個之前未食過，湯入面有雪菜、筍片、瘦肉，湯比較清、但味道濃郁。麵餅醬香五花肉：香港限定，整體有D似北京填鴨，但中間鴨肉變左五花肉。五花肉本身炸左，所以比較香脆、唔會成口油。非常特別，呢個個人非常推薦。金沙鷄翼：鷄翼加左鹹蛋黃、非常香口，不過性價比不高。熗伴冰菜：個人好鍾意食冰菜、爽脆口感再加上惹味既蒜辣調味，非常開胃。海苔松仁麻球：甜甜既炸煎堆入面加左海苔松仁、鹹鹹甜甜，海苔同芝麻香味非常well balanced。西湖雷峰塔：超級精美特別既甜品，用左淮山蓉整成，味道清甜。暴打鳳梨茶：鳳梨味好濃、又唔會好甜、加左個熊仔冰非常cute。本身希慎分店既裝修都已經幾靚，而圍方新店既主題是西湖盛宴、餐廳入面有一隻真船，可以係上面食野，非常特別。

有返大陸玩開嘅朋友仔相信對「綠茶餐廳」唔陌生🤓主打江浙菜，以性價比聞名✨嚟到香港依然走古色古香裝修風格🎋雖然對比內地價錢高少少，但以香港物價嚟講都非常抵食🤪部份內地招牌菜式如龍丼烤雞、麵包誘惑都有提供，什至有香港店限定菜🇭🇰再食都唔怕悶😜.🍴蝦湯泡飯💰$88熱騰騰蝦湯再倒入飯泡湯，未食已經一陣蝦香撲鼻🦐飯粒吸收哂蝦湯鮮香，內裡有粒粒菜芯及蝦肉，冬天食暖笠笠好正🥰.🍴粉絲裹蝦💰$108每次去綠茶都必叫菜式‼️連爐上倒入秘製醬汁即場烹煮🔥蝦肉鮮甜爽彈，粉絲吸收哂蝦肉、蒜蓉、洋蔥精華勁好味😋.🍴酸菜土豆燉雞腿肉💰$88黃咖喱加酸菜估唔到又幾夾😂味道酸酸地再帶黃咖喱甜香😛雞肉土豆煮得好入味😝.🍴綠茶蛋蒸肉💰$58唔好睇佢平平無奇，食落有驚喜😳對比坊間蒸蛋，綠茶肉比例多好多，真係「蛋蒸肉」🤩而且加咗少少酒調味，所以帶酒香好特別😚.🍴江南茄子煲💰$78茄子煮得啱啱好，入口先係少少脆身，內裡軟淋😉蒜頭、辣椒、蔥花、醬油煲煮下好入味，送飯一流😙.🍴茶香奶凍💰$28法式Crème brûlée紅茶版🫖焦糖薄脆下係香滑奶凍，散發淡淡茶香，唔會好甜😌

主打新派浙江菜嘅過江龍綠茶餐廳，係希慎廣場開咗首間香港分店，裝修非常有特色，古色古香之餘，座位舒適闊落👍 而且性價比非常高，今日就同朋友嚟試吓😎🌟板栗燒鴨 $118 呢度係湘西名菜，秋冬食板栗就最啱😬 板栗大大粒，非常清醇而且香甜🥰 鴨肉夠晒香濃，炆到入晒味👍 醬汁非常濃厚，偏甜帶少少辣🫶🏻🌟狀元芋頭煲 $88呢個真係超好食🤩 芋頭好有心機咁切到一片片，砌滿成個沙鍋🫶🏻 芋頭炆到勁腍勁入味，而且佢揀嘅芋頭好靚非常香👍 加分位喺邊頭鋪滿大量嘅香蔥花，令香味層次更上一層樓👍 🌟西湖藕韻 $58口感非常豐富，炸到香脆咗嘅蓮藕片夾住厚切蓮藕，裏面塞滿糯米，既軟綿甜香，又有炸蓮藕清脆嘅口感，酒釀桂花汁亦都好夾👍 🌟黑松露牛肉炒飯 $88黑松露味非常突出，非常香，牛肉粒份量都唔少，飯粒炒到乾身粒粒分明，食到停唔到口🤣🌟綠茶餅 $28性價比之王，$28有四大塊😆 呢個綠茶餅非常好食，新鮮炸起熱辣辣，面頭有白芝麻增加香氣，裏面有香甜芋泥，口感非常好👍必食推介🫶🏻呢一間性價比真係唔錯，每人$200左右已經食到好飽，係香港想食浙江菜又有多個選擇啦🎉

朋友介紹有間江南菜，銅鑼灣同大圍都有分店，我地今日就黎銅鑼灣試吓，佢地裝修得好靚，好有多植物佈置，好靚。龍井烤雞原隻上枱，店會即場幫手剪開，方便客人食，下面仲有龍井茶葉煙燻住成隻雞，雞肉皮脆肉嫩，d雞肉好滑，食落好香茶葉香味，唔錯。蝦湯泡飯個湯金黃色，好搶眼，飲落勁香蝦味，好濃郁，d飯粒脆卜卜，好好味，好香口，d飯吸收晒d蝦湯味，勁正，呢個湯飯仲有原隻蝦喺入面，都幾足料。狀元芋頭煲上枱熱辣辣，勁香，d芋頭每片都切得好薄，入晒味，d芋頭煮得都好淋，送飯一流。江南綠茶餅呢個甜品好正，外皮勁香綠茶同芝麻香味，脆脆地，而入面有甜甜地嘅芋頭蓉，好正。紅寶石琉璃個賣相好靚，有隻用冰做嘅熊仔，好靚，入面仲有大量紅寶石石榴，都幾甜，飲落酸酸甜甜，好解渴。朋友講大圍果間有一隻真船，可以喺上面食野，逢星期五六日原來有古筝表演，都幾好feel。下次再去大圍試吓。

今晚去銅鑼灣，朋友帶我去響內地有好多分店的綠茶餐廳 ，餐廳充滿中國風，食西湖杭州菜。粉絲裹蝦$108鍋入面放了生蝦，粉絲同調味，職員即時席上幫手煮，好香，食落D蝦新鮮爽口，d粉絲好入味，蒜香惹味。砂鍋西施豆腐d豆腐，夠哂滑，砂鍋夠熱，除咗主角，配菜有豬油渣、蝦肉粒、青豆，賣相吸引，味道唔錯，好啱送飯。龍蝦湯泡飯$88個龍蝦湯湯香氣撲鼻，泡飯裏面有啲蝦粒，菜心片，食嘅時候落啲脆米，簡簡單單，享受湯底既精髓，清淡健康之選。高湯蝦乾煮時蔬$58本身想點熗伴龍須菜，不過冇哂，轉點另一個菜，d清湯好清甜，蝦米超多，好鮮味，白菜好嫩，食落好入味好爽口。綠茶餅$28甜品係綠茶餅，表面好多芝麻，勁香，內面有d芋蓉，外脆內軟。我地食到好飽好滿足，下次有機會再同老公食。

希慎商場綠茶餐廳-粉絲裹蝦， 上菜嘅時候他上面看了蒜蓉下面鋪咗粉絲，即場計時煲仔煮熟，夠曬新鮮！ 蝦夠曬脆口， 粉絲入味！-砂鍋西施豆腐， 豆腐肉碎夠滑，砂鍋上又夠曬熱！-金沙雞翼即係鹹蛋黃雞翼，咬落脆卜卜油Juicy-杭式片兒川 ，好精緻既麵，口感夠彈，有脆口鮮竹筍，味道有D似 炸醬麵！-宋嫂魚羹， 由粉絲,豆腐，魚片萵筍絲，木耳，雜姑煮成，好好味，新鮮又健康！-江南綠茶餅，芝麻脆卜卜內裏有香芋蓉加上綠茶味，食落又脆又軟綿綿，食飽做甜點一流！

這個餐廳裏面很有江南的氣氛, 服務員穿著江南特色的披肩和衣服. 配合江南龍井茶. 我們三個朋友一齊來吃, 在銅鑼灣行街之後經過就選擇這間江南特色. 龍井烤雞 , 東坡肉, 哈利絲瓜, 蝦乾青菜. 龍井烤烤雞超好食, 應該是燒烤的時候已在用龍井烤, 上菜的時候下面還有少少龍井茶葉. 是屬於細隻的雞, 所以肉質好先買和很入味道. 東坡肉就是經典的東坡肉, 做得味道剛剛好. 不會太鹹也不會太油, 在東坡肉下面有少少白飯, 可以吸取的更加好味. 必須再叫幾碗白飯相配.兩款青菜就很有蝦乾的鮮味和哈利的鮮味.服務員主動為我們拍照和服務態度很好, 一舉手服務員就馬上過來. 下次還可以來品嚐江南甜品

專門食新派杭州菜嘅綠茶餐廳係希慎廣場開咗喇！佢嘅裝修主題係西湖盛宴，的確入去個感覺已經好杭州嘅感覺。侍應都着住傳統中國服，門口仲放咗個古箏喺度㖭。叫咗佢哋最出名嘅龍井烤雞。每一隻都原隻即叫即烤。上菜時候個底盤仲有龍井茶幫佢煙燻緊。由於用咗三黃雞，所以可以做到皮脆肉嫩。切開嘅時候仲有汁水滴出嚟。另外花雕大蝦亦都值得一試。醉酒汁偏甜，大蝦就做得筆直挺身，好似食緊日本菜咁樣。另外佢哋嘅蝦湯泡飯亦都唔可以錯過。食完正餐仲有甜品添，綠茶餅同埋江南定勝糕都幾好食。定勝仲有四隻唔同口味，有芝麻、棗泥、奶黃、綠茶。如果綠茶餅個餡就係芋泥。相當之唔錯。

呢間餐廳唔單止啲菜色驚喜，連環境設計都唔錯。成間餐廳充滿咗中式元素，但同時加入咗現代設計嘅概念，感覺簡約而高雅，打卡一流，食物都性價比幾高，可能就係因為咁好多人排隊！狀元芋頭煲($88)呢道菜一上枱嗰陣，芋頭香味已經撲鼻而來，真係好吸引！芋頭煲入面嘅芋頭煮到粉糯得嚟唔會散開，每一舊都保持住完美嘅形狀，入口即溶，仲帶有陣陣芋香。底下嘅醬汁濃郁但唔會過鹹，帶少少鮮甜味，呢道菜食落感覺好暖胃，食到停唔到落嚟！三色燒椒杭茄（冷） ($58)呢道菜係冷盤，但味道一啲都唔冷淡！燒椒同茄子切得啱啱好，撈埋一齊食，仲用咗少量秘製醬汁調味，少少辣，清新又開胃，非常適合做前菜。杭椒毛豆炒牛肉($118)杭椒微辣但唔會過火，帶出咗牛肉嘅鮮味，同埋毛豆啲軟糯口感形成咗好好嘅對比。牛肉炒得嫩滑而且唔會過老👍龍井烤雞($138)呢道菜好有創意，用龍井茶葉嚟烤雞，單係聽名字已經好吸引！雞皮燒到金黃香脆，雞肉保持嫩滑多汁，肉入面仲透住陣陣嘅茶香味，呢個係用茶葉烤出嚟先有嘅獨特風味，完全唔會過火，茶香同雞香平衡得非常好😋

最近新開張的浙江菜餐廳, 餐廳聘請米芝蓮名廚俞斌及其團隊, 務求提供優質佳餚, 難怪質素這麼好 😁 半開放式的環境下, 配上淺啡色的外牆, 一堆小山丘加少許草叢, 帶點文青風格, 播著中式的古典音樂, 感覺舒適 🫶🏻抵達時有個客人說透過電話拿了枱號, 但電話沒通知, 所以錯過了, 職員立刻幫他們處理, 非常欣賞他們的行動力 👍🏻 餐廳前有一個古箏, 別以為是裝飾物, 據職員說逢星期五及假日會有人表演的, 鋼琴小提琴表演就司空見慣, 古箏表演可說是別出心裁 ❤️龍井烤雞 $138幾乎每一枱都會點的一道菜式, 一大隻的烤雞, 竟然只用$138, 未免太便宜了!! 😳 雞隻烤到又脆又嫩, 咬下去時有種雞皮裂開的感覺 🤭 雞皮醃得很入味, 帶點燒烤的香口和惹味, 雖然雞肉未至於流出雞汁, 但也十分滑, 而且吃到鮮雞味, 只是母親覺得雞肉醃得不夠 🫠蝦湯泡飯 $88雖然湯品只有少量蝦仁, 但廚師用了不少蝦肉和蝦殼花長時間熬製而成, 所以蝦味十足, 又香又濃 😋 湯的口感恰到好處, 不濃稠也不稀。米飯看起來以為很少, 也許我們擺放了一陣子才吃, 像是吃不完的感覺 😆 另外米飯被燒過, 所以脆脆的,

綠茶餐廳係深圳食過，今日朋友都話想試試❤️內地開超過420間店、主打新派浙菜的綠茶餐廳，近日進軍香港大展拳腳，首店位於銅鑼灣希慎廣場😻 ，集團特地邀請杭州米芝蓮星級名廚俞斌擔任首席顧問，設計限定或升級菜式，包括香港獨家的東坡小牛肉、西湖蓴菜斬魚圓等，並加入在內地下架前深受港人歡迎的狀元芋頭煲🍲😍 大師更爲香港專屬定制「壹手煙火•壹手藝術」的江南盛宴🍴⋄⋄====—====—====—====—✦ 綠茶經典 ✦🦐🦐粉絲裹蝦（$108）開背蝦｜粉絲以新鮮的開背蝦，搭配細腻的粉絲，輕輕裹住，口感滑嫩。蝦肉鮮甜，粉絲吸收了蝦的鮮味，淋上特調醬汁，香味撲鼻，豐富美味😙—🍲砂鍋西施豆腐（$88）嫩豆腐｜青豆｜蝦仁｜韭黃砂鍋菜以嫩豆腐為主，搭配新鮮青豆、蝦仁和韭黃，入口滑順，豆腐的細膩與其他配料的鮮美相得益彰，下飯一流😝 ⋄✦ 香港限定 ✦🐸紫蘇香乾牛蛙煲（$128）牛蛙｜香乾選用新鮮的牛蛙以香乾方式炒製，獨特的紫蘇香氣讓牛蛙的鮮味更為突出😛煲內的食材經過慢火煮煉，醬汁濃郁，美味可口🤩⋄✦ 壹餐壹飯 ✦🦐蝦湯泡飯（$88）米飯｜蝦仁｜菜心以清湯煮成的蝦湯配上香滑的米飯和鮮嫩的蝦仁，最後再加入清脆的菜心