綠茶餐廳 (希慎廣場)

营业中

休息中

來到位於銅鑼灣希慎廣場的綠茶餐廳晚飯，星期六的晚飯時段有不少人候位。如果超過2人walk in，建議還是先預訂座位。2人枱的入座速度很快，而我們一行3人，等位至少30分鐘。餐廳內以竹林設計為主題，燈光柔和，座位寬闊，感覺舒適。餐牌內容選擇豐富，還有香港限定的菜式。餐牌圖文並茂的介紹每一道菜，只是用的紙張是薄薄的宣傳小冊子用紙，不是堅實的一本餐牌。茗茶 ($12/位) 不是一般酒樓的普洱、香片，而是九曲紅梅，味道醇厚，微微甘甜。宋嫂魚羹是浙江杭州的一道傳統名菜，來到浙菜餐廳，少不了一碗宋嫂魚羹。材料包含魚肉、金菇、香菇及木耳，湯羹呈琉璃獎，芡的比例恰好，湯羹不會厚如粉漿，亦不會太過稀薄水漾。魚肉鮮嫩爽滑，配上口感爽脆的木耳及柔軟的菇，口感豐富。粉絲裹蝦，放在Gas爐上即時烹煮，約5分鐘後可享用。蝦仁份量充足，口感彈牙，粉絲吸滿蒜香十足的醬油，整體夠鑊氣又惹味。麵餅醬香五花肉的擺盤賣相不錯，以麵餅捲著炸五花肉、炸腐皮、青瓜絲及蔥絲，香濃的五花肉夾雜青瓜的清爽，麵餅外皮脆身不會稔。但整體口感偏乾身，如能搭配醬汁，更為對味。龍井烤雞選用三黃雞，一送上桌就茶香撲鼻。以浙江龍井茶嫩芽來烤燻，雞隻外

。O小姐。午後綠茶。日常。成日睇小說，都會講話綠茶👩🏻 點知朋友竟然話放假甘得閒，不如一齊去「綠茶」食飯，我心諗唔係嘛，但係朋友叫到冇理由唔去㗎嘛，點知呢間綠茶又比咗唔少驚喜我。我哋呢啲早食飯嘅人，五點幾就已經到咗，餐廳唔係最繁忙嘅時間，所以可以揀喺窗邊🤭龍井烤雞係必試之選，雞皮香脆，肉質嫩滑，仲有淡淡茶香，好有層次，必食推介！齋菜碎肉千張包就算唔食齋都會鍾意，千張包皮薄，入面嘅素碎肉鹹香有口感，食落清新無負擔。土豆芝士塔外層脆卜卜，內裡軟滑芝士唔會太膩，好啱開胃。鍾意食芝士嘅話，我覺得可以試一試。最意外係蝦湯泡飯，湯底夠濃夠鮮，飯吸晒湯，啖啖都好滿足。仲有面面脆脆，食落好有口感。最後嘅暴打鳳梨茶唔單止個名有趣，飲落仲好清甜，啱晒食完正餐後飲返杯。重點係打卡嗰隻熊仔啊😆整體嚟講，綠茶係一間我覺得幾有江南風嘅餐廳，啲菜式有創意又唔失水準，如果想過一個悠閒嘅食飯時間，我覺得可以過嚟，值得推介。

需要改善服務態度，特別係其中一個男經理，我們的用餐時間是6點到7點半，7點15分已經催人埋單，而且未到7點半，已經催了三次，用餐感覺10分之不好。所有服務員的面色都好黑，完全見唔到一絲笑容

約咗朋友8:30pm，我們準時入座。叫咗東波肉幾香，肉質鬆軟，未發現原來有白飯墊底，所以唔小心叫多一碗白飯，不過都ok，呢味餸用多啲飯去送係好味啲。還叫咗幾味，朋友都覺得幾好味，可能因為係外國生活多，食返中菜係有一種温暖感，這是我特意訂呢間餐廳原因。不過唔夠一鐘後，大約7:25pm，食物還未食完下，待應主動提議我們叫甜品，大約來回提了我們2,3次，但我們自以為覺得時間尚早，所以諗住慢慢食，加上太耐無見朋友，真係好想傾計聚下。然後突然待應就叫我哋埋單，話用餐時間已過，雖然外面無人等位，唔覺座位好緊張，發覺餐廳好流水式，欠缺靈活性和人情味，如果係茶餐廳，當然個個人一心係以食野醫肚為大前題，但係希慎高層的一間餐廳黎講，我對佢要求點都高過茶餐廳嘅。3個人又90分鐘，10個人又90分鐘？我諗一入座個個就食食食，講多句野都浪費時間呀，咁同飯堂有乜分別？餐廳定位係乜？結果我們走下場，去食雪糕，唔食留係度食甜品啦。唔會再俾呢度影響心情。

呢間內地嘅人氣餐廳嚟咗香港 都開咗幾間分店 所以一於去試吓 唔知好唔好食呢😚👅龍井烤雞 $138呢個幾高質😋佢嘅雞肉質真係好嫩滑 皮烤到脆脆地 帶少少龍井茶味😛👅蔥薑蓉砂鍋焗牛肉 $128呢個唔錯 都幾大份 牛肉都幾軟腍😆薑蔥炒得幾香👅南乳醉鮑魚 $98呢個係冷盤 鮑魚片以南乳同埋少少酒作為調味😝👅黑松露牛肉炒飯 $88炒飯幾乾爽 帶少少黑松露味 幾好味😌👅龍井檸檬茶 $28總括嚟講 呢間中菜果然係唔錯嘅 大家不妨喺呢度一試😙😋 好味：8.45/10🤑 價錢：7.85/10🤗 服務：7.76/10😝 環境：7.85/10😚 衞生：7.87/10🤩 整體：8.31/10

以竹林設計為主題🎋，仲有古箏演奏，環境超有江南風情～雖然人多時會有點嘈，但食物水準完全冇令人失望！🍗【招牌必點】🍗▪️ 龍井烤雞 超大隻超抵食！用龍井茶煙燻烤製，外皮香脆🔥，連雞胸肉都嫩滑多汁～上枱仲會幫你剪好，方便又貼心💯 幾乎每枱都點，果然係鎮店之寶！▪️ 砂鍋西施豆腐豆腐滑到入口即化🤤，吸晒濃郁湯汁精華！配白飯真係無敵～黏黏糊糊嘅口感，一啖豆腐一啖飯，停唔到口！▪️ 高湯蝦干小青菜清淡得嚟又有蝦干咸香🦐，青菜份量十足🥬，完美平衡其他濃味菜式！🍞【甜品驚喜】🍞▪️ 麵包誘惑厚多士外脆內軟🍞，配埋冰凍雪糕🍨，冷熱交融超邪惡！切好一磚磚超貼心，甜品控必試～總結：價錢合理💰，環境有特色，龍井烤雞同西施豆腐絕對要encore！

這次的用餐經歷令人相當失望。我們一行六人提前預訂了晚上7:00的位子，並且確認了用餐時間為90分鐘。然而，到了用餐時間，服務質素卻讓我們大跌眼鏡。首先，餐廳的食物水準非常一般，並未如想像中那樣美味。點的幾道菜都缺乏新鮮感和創意，讓人感覺只是隨便應付。最令人不滿的是服務態度。在用餐過程中，服務生在8:20時就已經告訴我們要結帳。這讓我們感到非常不舒服，因為我們還未用完餐。更糟的是，服務生卻兩次提醒我們外面有人在等位，這種催促讓我們倍感壓力。最終，在8:31時，我們被迫離開，完全打斷了我們的聚餐氛圍。最不能接受的是門口根本沒人等位。這樣的服務體驗實在難以接受，讓我們對這家餐廳失去了信心，未來不會再光顧。差評!!

大陸好多餐飲品牌攻港，好多都主打平靚正。今日同老公拍拖試下呢間綠茶，齋聽個名以為係日本嘢或者係Cafe之類，點知原來係浙江菜。餐牌上選擇唔算多，不過見到張張枱都有個紙包雞咁嘅物體，我地都好奇叫黎試下，就係佢品牌個招牌菜之一 - 龍井烤雞！呢個係成餐飯入邊我最喜歡💕好香同埋個皮好香脆，肉質非常之juicy 👌佢地上菜係先show一下原隻雞比你望一眼，之後會拎返入廚房幫我地剪開，所以張相賣相不佳，但味道絕對唔錯嘅😍之後叫左個蘿蔔牛腩煲，相較之下顯得無乜特色，仲要少少過咸。另外比較難忘係個香炒菜心，係凍嘅🥲唔知係一早炒好放到凍矖，定還是係浙江菜特色，非常奇怪。不過不得不提個上菜速度係快到我驚訝，一落單唔洗三五分鐘就上菜，快過茶記。食物除左個雞之外，都無乜邊樣好好味，食過即忘，個都叫可以一食。

東坡肉（98hkd）平時好少食東坡肉嘅我見係香港限定都想試一試，東坡肉嘅靈魂係上面連皮嘅肥膏，入口即化，肥瘦相間，附上白飯，太了解干飯人的心意了🤣綠茶蔥香烤豬頸肉（108hkd）豬頸肉不鞋口，邊邊燒到微焦，做到外脆內嫩，底下除左張吸油紙之外仲有茶葉，食嘅時候有淡淡嘅茶香，推薦👍🏻麵包誘惑（68hkd）每次返深圳食都一定會點，絕佳嘅冰火組合，但我竟然覺得香港呢間做得好食啲，麵包磚更加香牛油味同埋更濕潤三色雞絲涼麵（48hkd）雞絲切得好幼細，三色涼麵顏色鮮艷好美靚，醋嘅酸味好突出，少少辣，拌埋花生碎增加不同層次和口感，做開胃涼菜一流整體上好還原到大陸嘅綠茶餐廳，啱我口味～

「九曲紅梅」茶香清雅，為晚餐揭開序幕。「雞汁黃魚」湯鮮肉嫩，雞湯與魚鮮完美交融；「砂鍋西施豆腐」嫩滑入味，簡單中見真章；「綠茶蛋蒸肉」以茶香解膩，蒸蛋滑溜、肉餅鬆化，傳統中見新意。這頓飯最難得是將平凡食材做出不平凡滋味，每道菜都體現「粗料精做」的烹飪哲學。廚師以細膩手法演繹家常菜，既保留傳統風味，又注入巧思，讓人回味的不僅是食物，更是那份用心與溫度。簡簡單單四道菜，卻吃出了滿滿的誠意與功夫。非常值得推介的餐廳。

講到食中菜有陣時我都會係銅鑼灣搵下特色野食今次要為大家介紹既係 - 綠茶餐廳綠茶餐廳係位於銅鑼灣軒尼詩道500號希慎廣場12樓1202號舖餐廳成個環境開揚而且佢門口仲有人彈古箏食物個方面 佢地有好多特色野食個人大愛佢地個龍井烤雞佢個烤雞茶味好香濃而且食落個雞好嫩滑Location : Causeway BayPrice : $200-$350/p.pEnvironment (10 is chill): 7/10Yummy (10 is delicious): 7/10

綠茶餐廳專注於新派浙菜，從內地過江來到香港，深受北上港人喜愛。每道菜都經典又創新，讓你在享受美食的同時，也能感受到中餐的魅力。🌱#### 🍽️ 推介菜式：**1. 春韭蠶豆煮螺頭** 螺肉鮮嫩多汁，搭配香韭與脆口的蠶豆，簡直是完美的組合！每一口都充滿春天的氣息，讓人心情大好！🌼**2. 野菜腐皮卷** 馬蘭頭的清香與豆腐皮的滑順，搭配春筍與香菇，這道素食選擇不僅健康，還讓人驚喜連連！🥬**3. 麵餅醬香五花肉** 五花肉醬香撲鼻，搭配Q彈的麵餅，讓人一口接一口，根本停不下來！🤤**4. 蝦湯泡飯** 濃郁的蝦湯與米飯相融合，每一口都是海洋的滋味，令人懷念的家常味！🐟**5. 西湖雷峰塔** 外酥內軟的甜品，淋上特製糖漿，簡直是完美的結尾！🍰**6. 懷舊米漿** 淡淡的米香，回味無窮，喝上一口，仿佛回到童年！🥛**7. 紅寶石琉璃** 鮮艷的色澤，果香四溢，美味又好看！🍓

入去嘅原因就係覺得D裝修，好多樹嘅佈置，感覺幾休閒，但坐低後發覺D侍應態度不太好，唔多想做咁😅至於食物唔可以講好食，但係又未至於難食。－般般啦！茶-淡如水粉絲蝦-整體無味炒花菜-比較好味🤣鴨湯-望落好似好濃郁好好味，但係實際上都係好淡東玻肉飯-肉不淋炒飯-很一般再去嘅機會好微

🎀銅鑼灣。再訪分店古典仙境中式餐廳🍵🎀🪄店名* #綠茶餐廳🔮地址* 香港銅鑼灣軒尼詩道500號希慎廣場12樓1202號舖 🔮🗾分店地區🗾 大角咀，大圍，銅鑼灣，觀塘💰價錢$448已加一 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_銅鑼灣剩系食呢一類👉食物類型搜尋🔍🍜#pickyme_中菜➖➖➖➖➖➖➖➖➖➖➖➖➖🎵餐廳環境🎵餐廳延續品牌特色，以竹林意象打造綠意盎然的用餐空間，搭配暖色燈光與木質裝潢，營造出古典雅致的氛圍。寬敞座位間佈滿盆栽植栽，長輩同行亦感舒適自在。服務人員身著素雅中裝，與環境相映成趣，門口古箏雖未逢表演時段，仍為空間增添文化韻味，整體融合現代簡約與傳統美學。🍽️食物質素🍽️以高性價比中菜聞名，菜單囊括經典江浙菜與創新料理，擺盤精緻激發食慾。素菜選擇豐富，新推素食菜式巧妙運用當季食材，保留中菜鑊氣之餘更顯健康取向。整體而言，結合傳統工藝與創新手法，質素穩健且適合多元口味需求。茶位$12@1紅曲紅梅👀評分💖💖💖💖💖🪄粉絲裹蝦$108上桌需稍候數分鐘焗熟，開蓋時煙霧瀰漫，儀式感十足！蝦肉彈牙且分量多達8隻，粉絲吸滿蒜香醬汁，鹹鮮濃郁略帶焦香

綠茶餐廳在內地好出名，有時去深圳想食都見大排長龍，知道香港有左幾間分店就想來試😂 平日晚上7點walk-in即入座，侍應仲會主動介紹招牌菜！環境舒適，簡約中式風裝修配柔和燈光，座位間距寬敞，成個餐廳有一種杭州西湖的感覺😀👉🏻 龍井烤雞（$138）上枱時煙燻木盒一開，茶香煙霧瞬間出來，打卡必影！侍應會先讓我們影相，再將雞撕開。雞皮好脆，肉質嫩滑得嚟帶淡淡龍井回甘味😋👉🏻 黃魚誘惑（$158）選用舟山黃魚，魚肉蒜瓣狀零骨刺，鮮甜！發現醬汁混入湖南剁椒，辣度直逼小辣水煮魚，食唔到辣嘅就可以考慮太雕糟蒸黃魚🤔👉🏻 黑松露牛肉炒飯（$88）即叫即炒鑊氣足，黑松露份量落得豪爽，每啖都有菌香味。牛肉粒雖細但嫩，性價比高👍👉🏻 龍井熊仔檸茶（$28）冰鎮熊仔造型萌爆，啱晒打卡🤩茶底用西湖龍井，清香唔澀，可以解辣😉