綠林甜品

营业中

休息中

食完麥當勞,口乾乾,食番碗糖水解一解.叫左碗凍芝麻糊加湯丸.湯丸有三粒,分開碗上,熱的,有芝麻心.凍芝麻糊本身好滑,勁香芝麻味,凍食透心涼.將熱湯丸加入凍芝麻糊尼食,奇妙感覺立即產生!外面係凍o既芝麻糊,裡面係熱o既芝麻心,中間有層煙韌o既懦米,口感非常特別,可以一試!

未認識你以前我只踏足過二三次深水步,而且從未在深水步食過一餐。原來深水步有多選擇,好多你將我空白細窄的世界擴寬,十分謝謝!十分感激!綠林甜品是你帶我來的,一起十多月的日子裡,我們來了三回。我喜歡那裡的傳統糖水,不花巧且很有family feel的親切。第一回你食栗子糊,我食豆腐布丁。栗子糊有栗子味,豆腐布丁亦豆腐味濃,但不夠滑。第二回你好似點了芝麻糊,我就點了南瓜馬蹄露。記得那時天氣仍帶涼意,我們都點了熱的。一起邊食邊玩,你化身做糖水獸,我就開心透!今回你要了凍的芝麻糊豆腐花,我就要熱杏仁糊。味道如一的好,我亦毎次如一的心甜開心。你要多來幾次,將來你要食我為你做的甜心糖水,可能會少來這裡了!

未認識你以前我只踏足過二三次深水步,而且從未在深水步食過一餐。原來深水步有多選擇,好多謝你將我空白細窄的世界擴寬,十分謝謝!十分感激!一起十多月的日子,綠林甜品是你帶我來了三回。我喜歡那裡的傳統糖水,不花巧且很有family feel的親切。第一回你食栗子糊,我食豆腐布丁。栗子糊有栗子味,豆腐布丁亦味濃,但不夠滑。第二回你好似點了芝麻糊,我就點了南瓜馬蹄露。記得那時天氣仍帶涼意,我都點了熱的。我們邊食邊玩,你化身做糖水獸,我們都開心透!今回你要了凍的芝麻糊豆腐花,我就要熱杏仁糊。味道如一的好,我亦毎次如一的心甜。你要多來幾次,將來你要食我為你做的甜心糖水,可能會少來了光顧!

榴槤班cake好正!!!($14)簡直好似食緊真榴槤咁~~d cream同d榴槤肉好夾~令到d榴槤肉更甜美~個pancake皮又好薄...一咬就開~而且好大舊,好抵食!食過番尋味~總之就好正!!!!豆腐布丁都好特別,有d似豆腐花,但係質感似布丁般,食落好重豆腐味,唔太甜,幾好($9)

三十幾度行到周身滾,走入黎叫左一客南瓜馬蹄露!糖水雪得好夠凍,南瓜蓉都算多,顏色好靚,加上清爽的馬蹄,真係涼到入心!只係八蚊一碗,響其他地方可能要賣貴一倍.其實呢間鋪同附近的綠林三友有冇關係呢?

今日食完米線之後，去試試呢間ge 甜品。買了芝麻糊($8)、杏仁露($10)、豆腐布丁($9)。芝麻糊好香好有芝麻味。杏仁露好滑好甘香。豆腐布丁雖說是招牌，但不是太有豆味，似牛奶布丁多D！

一心去食栗子糊點知佢話栗子唔靚冇得食ai....唯有下次諗左好耐都係要番南瓜馬碲露今之比上次多南瓜...濃d但少d馬碲...馬碲依然好脆同朋友share一個豆腐布丁都唔錯朋友話香豆味...我覺得好似重一種味應該係椰汁...撈埋一齊幾特別

食完必勝客,便來這處吃甜品.朋友說豆腐布甸不錯,所以叫了一個.食落又唔覺有甚麼特別.豆腐味不夠,朋友說平日好吃點.妹妹叫了榴槤pancake,她覺得味道不錯,我也覺得好吃過豆腐布甸.因為好味的關係,所以外賣了榴槤和芒果pancake,回到家試食芒果pancake,發覺真的不好吃,芒果又酸.最後因為朋友識老闆的女兒,所以送了碟糖不甩給我們吃,好大粒,真係有大大粒魚蛋咁大,因為我不喜歡吃,沒有試.妹妹說不好吃,因為太多花生,許留山好吃點.

嘩..我見過最平0既糖水要左一碗南瓜馬碲露(凍)馬碲好爽呀... 好有口感夏天食太棒喇南瓜真才實料...唔算好甜但唔知點解有一舊南瓜有冰???總體ok下次食栗子露+,地方企理+闊落

我較喜歡傳統中式的糖水舖, 綠林是我喜歡的其中之一.若果你行黃金, 未必會找到, 行多兩步去到元洲街就找到.喳喳是我在這裡的首選, 因為溫度夠凍, 用料夠腍, 糖水夠香. 頭兩點基本是不難做, 最後一點他們是加了椰漿及花奶, 而份量亦適中. 我記得喳喳本來食開油麻地鵝記, 但我覺得這裡的"香", 是比其他舖頭優勝之處.所以有時我都會一碗起, 兩碗止.另外叫了一個很多人推薦的南瓜馬蹄露. 有點像馬蹄露, 夠凍亦非常爽口, 加入磨了的南瓜, 帶另外清新感覺. 綠林是一間舊式糖水舖, 大約一年前曾作裝修, 想不到裝修得還減價一元, 但水準依然.舖面所見, 很多附近上年紀街坊都會幫襯.兩碗價錢只是16 元, 比起前幾天所寫的大良八記一碗椰子糊元15 元, 後者真的論環境比不上, 論價錢比不上, 論質素亦比不上.另外綠林雖然是舊式舖, 但都夠膽玩Cross over, 所以紅綠, 黑白兩溝亦有選擇.以前亦試過桑寄生茶, 湯丸亦絕對值的一試.若果要幫襯, 記得下午三時後才去, 因為那時才開檔.100 % 值得推薦.

叫咗個南瓜馬蹄露，好味、好有滿足感。南瓜要整得好食好難，通常食得多會好"溜"，但加埋馬蹄就恰到好處，非常有口感。而且，8蚊真係抵到爛!

同老婆兩個人叫凍花生麥米粥($8)、熱南瓜馬蹄露($8)和三粒湯圓(加$5)。全部都好正，既唔太甜又足料，尤其是南瓜茸好多，湯圓大大粒又煙韌，好抵食！

最鍾意食密瓜豆腐花，豆腐花上淡奶，好滑好正，又不太甜。湯圓個皮好滑，餡有好濃的芝麻味。

昨日試左南瓜馬蹄露-熱$8 ... 唔錯播! 本人覺得甜左少少, 夠香&足料... 食左一半已經感覺"漏"啦! 不過抵食呵!

去完"大家食",行過黎食糖水,8點左右吾太多人,我地要左烏豆桑寄生茶$8,豆腐布甸$9.烏豆桑寄生茶---味道甜中帶澀,烏豆味頗濃,吾錯!豆腐布甸---甜度適中,十分滑溜!正!埋單$17,相當之抵食!