綠林甜品

营业中

休息中

尋日陪老公表弟去深水埗買模型,跟住去對面綠林食甜品,店子坐滿了,等一會才有位子,表弟要食西瓜西米露($14),老公就叫左芒果班戟($14),榴槤班戟($14)&芝麻糊($8)同我SHARE,班戟皮稍硬,好難用叉切開,但吃時又不覺得太硬, 芒果亦稍酸,但還可以接受,芝麻糊看上去很杰,,但吃下去時幾滑,而且不太甜,不鐠,總括來說,以這大眾化的價錢,實在不錯的了

行到身水身汗,同家姐兩個人黎抖抖叫左1碗南瓜馬碲露同1杯西瓜汁我食個碗南瓜馬碲露好夠凍,甜度適中,南瓜"容"加埋粒粒馬碲口感唔錯,不失為一個消暑佳品~我家姐話杯西瓜汁好好飲~不過唔知有幾好飲啦~不過杯西瓜汁大大杯,望落去都夠色水,我諗最小唔會淡moumou卦~南瓜馬碲露$8碗,西瓜汁$10杯平得無話可說~

我同我另一半8年前己經開始食綠林仙館. 咁多年水準都咁好. 仲減價. 外賣又唔收盒$. 樣樣甜品都好食.其實香芋西米露好香好好味!! 點解冇人題ga? 你地唔好以為香芋西米露太普通所以唔叫呀....D芋頭好粉, 加入左椰汁花奶真係好Yummy <<---冇間及綠林仙館ga.....試吓啦!! 唔洗$10

食飽飽去食個甜品,呢間野真係好多人, 等左一陣先有位,叫左生磨花生糊(本人最愛食生磨花生糊)同豆腐布甸花生糊係雪櫃中取出,唔太甜但花生味唔夠, 而且好稀, 同石磨坊的差好遠....豆腐布甸本來無諗住叫, 但係見佢咁得意咪叫, 點知只係一個好似涷豆漿凝結左的物體, 都算幾滑, 但係有d失望.....價錢平, 坐位多, 門口有位泊車, 唔憂無生意

其實我一個月前去過,但係因為短期內唔會再去,所以而家寫食評我一向只buy中式甜品,於是叫左桑寄生茶.點知,一飲之下,口乾發熱等一併中毒的症狀出現,仲幾乎嘔添...好彩最後都冇事後來查書,發現其中一種桑寄生茶的沖劑會導致一部份人的中毒反應,今次不幸地發生於我身上...是次事件並不太關'綠林'事,但問題係,如此出名的一間甜品店,點解桑寄生茶要假手於人呢...唔可以自己煲咩...

行完街,爸爸話去食糖水就去左綠林~糖水,合桃露&擂沙湯圓]全部都是有水準之作~稱得上抵食好味~共30幾~

食完晚食逛完街後黎食甜品我地兩個人叫了榴槤班cake及芒果西米橯(因為男朋友每次都只係食呢個)榴槤班cake係我的推介.我己經第二次食..真係好正.無論個皮同埋d cream都ok.都只不過賣十四元認真超值

本來諗住食完維記去公和食豆腐花，但去到勁多人，於是就黎呢度食o左個芝麻糊+豆腐花喇！嘩，o的豆腐花超滑，好香豆味，好好食呀！

昨晚和屋企人再食過. 放假人多. 價錢合理,有水準. 比松記清淨.平小許.

食完donerhouse的夜晚，味蕾未滿足再次搵食，搵到依間小店~ 店只半滿，d阿姐態度麻麻地，其實有少少黑店feel；不過既來之，則安之，試試無妨啦~　男友要榴槤班戟，我要蜜瓜黑珍珠，咁o岩都係青色甜品!約等5分鐘食物上檯，賣相麻麻。先試榴槤班戟，用料幾新鮮味道唔錯，當然唔及西貢滿記總店出色~ 蜜瓜黑珍珠的蜜瓜就唔夠清甜，黑珍珠太多而椰汁太少，唔係太得~　埋單只$28，原來榴槤班戟都只售$14，抵!蜜瓜黑珍珠就唔太值。後來睇返食評先知此店咁出名，同埋粟子糊同豆腐布甸先係推介~ 若以後返炒會試下~

一直久不久都幫趁, 尋日男朋友外賣比我, 最鍾意既燉奶, 堂食仲正.... 杏仁露略甜.....但杰度好好...價廉物美之前其他都幾好嫁.

外賣了2碗糖水: 豆腐布甸& 凍南瓜馬碲露豆腐布甸真係好滑,有香濃的豆腐花味道,幾好味!另外,見咁人讚南瓜馬碲露好味,就試下,不過,原來我並不喜愛馬蹄的口感,但其杰度及甜度做得剛剛好,低讚!

全部買外賣返屋企食栗子露---普通豆腐布甸----好特別南瓜馬碲露----好好味杏仁糊------不錯一個人食晒,不過分開兩日

上星期經過, "中"0左入去試,見到餐牌上好多款甜品, 有0的仲好特別,叫0左個"南瓜馬蹄露", 男友叫"栗子露",兩個都好正, "南瓜馬蹄露"好足料, 好清.之後再去多次, 食0左"蛋白燩鮮奶", 唔太甜, 好滑.超值!!!值得推介!!

由於我鐘意食南瓜, 專登黎食熱南瓜馬蹄露, 熱南瓜馬蹄露味道清甜, 口感豐富, 有南瓜茸又有馬蹄粒, 真材實料, 好味抵食, 值得推介.