綠林甜品

营业中

休息中

價錢平、好味就是我對綠林的評語。

南瓜馬蹄露和豆腐布丁是我的推介。南瓜馬蹄露勝在夠清甜，豆腐布丁勝在夠香滑。豆腐布丁正在你用匙根推一推側邊，佢就會彈下彈下。超過癮。哈哈!

今日同男友特登黎食糖水,我叫左個豆腐布丁,而男友叫左個哈密瓜黑珍珠(但d哈密瓜伙下而個幅相咁多,而且都唔係好甜,可能不合時) 個豆腐布丁的確唔錯ge~ 好香豆味~

當然有此實淨口感的哈密瓜，唔係太掂。上一次拉大隊來時是吃完小菜王之後，今次吃完增輝，兜兜轉轉下，都是來了這裡。店小人客多，幾時都難容下我們十幾人，每次都要左併右搭才能成事。當然阿姐招呼還是不錯的。食友都叫自己喜歡吃的，有胃納特強的還可以吃栗子露及腰果露，再不是就是那有少少維他奶味道的豆腐布甸，當然還有多渣的綠豆沙。天氣雖冷，但我吃完大排檔小少還是「興合合」，就叫了個哈密瓜椰汁西米露。這個西米露，賣相不錯，哈密瓜的份量還不少。不過吃落是「嗦嗦」有聲的，完全不甜，幾唔掂。一時忘記，這個天時那有合時的哈密瓜，是我叫錯。不過下次再來，已不知叫些什麼好了。

本人經常幫襯"綠林", 除左貪佢價錢平外, 就係佢d 糖水煮得好夠火候...味道又吾錯。我兩個星期前都同男友去過, 通常我都會叫碗喳o窄食, 因佢d 豆煮得好"棉" 好好咬口...而且不太甜...可以食多幾碗今次就轉下新口味, 試下佢既"栗子粒露", 可能希望越大失望越大之故, 我就吾太喜歡呢碗野la...成碗野都搵吾到多d 粒粒, 只覺在飲水+有渣既粉狀物. 味道很淡...與經常食既喳o窄, 芝麻糊, 花生糊, 紅豆沙等相比就無得比...都係經典野好味d...而且佢仲貴多兩蚊呢..?!

起初看見宣傳，好像相當吸引，幫襯後覺得十分熟悉，就像粟米紅蘿蔔栗子湯的湯渣。(喝到最後很多粉狀物的那種感覺)不過是甜版的栗子湯。若果粘度粘一點或加點薯粉的話，效果應更為糊口一點！但試過，下次可試其他糖品了！

同friend去~試栗子粒露+ 豆腐布甸~好正, 好滑~栗子粒有口感~ 豆腐布甸勁重豆味~兩樣加埋都只係$19 ~

燉蛋($11)：我食熱的，朋友食涷的，平、好食，但我那碗不夠滑楊枝甘露($17)：朋友食哂，話好食擂沙湯丸：湯丸與超市的急涷貨式分別不大，加上沙糖實在太甜啦但總括一句：幾抵食

又幫襯，麥米粥($8) 係我至愛，梗係叫啦，加碟擂沙湯圓($8，有5粒)，老婆就試栗子粒露($10)。栗子粒露果然有好多栗子粒，而且煲到軟身但唔係pat哂咁，正！反而湯圓雖然大粒煙un，但係過甜。

朋友話呢間甜品既評價幾好, 專登黎食,由於我鐘意食馬蹄露, 但呢度只有南瓜馬蹄露, 諗住試下啦...味道幾特別, 我覺得南瓜同馬蹄味一半一半, 入口係少少甜既南瓜味, 食到一粒粒馬蹄時又有一種清甜~! 而且成碗都有好幼細既南瓜容, 好真材實料喎~~南瓜馬蹄露藉得推介, 連平時唔食南瓜既我都覺得幾好~! 相反朋友既燉奶就好普通, 無驚喜, 朋友更有點後悔沒有叫粟子露試試呢....

11/10 9pm食完容記行過黎食糖水,其實已經好飽,自己要左凍腐竹糖水$11, 家人分別要左糖不甩$5/3粒,紅棗燉雪蛤$28,合桃露,榴槤pancake$18.整體味道都吾錯!水準穩定,話晒都系老字號.

我去過呢間甜品店la!入面de野好鬼低ga!而且又好鬼好食!我果日同朋友每人食呧兩碗糖水夾埋,都只係24蚊咋!

食完麵就去食甜品~今次我地叫左三樣野,杏仁露同豆腐布甸best items,今日試烏豆桑寄生茶加蛋(加$2),我係地茂館試過蓮子百合蛋桑寄生茶好好味,以這裡的水準,我想不會太差吧!這裡的杏仁露同豆腐布甸都很好味,不似出面個種假的杏仁味道.但係烏豆桑寄生茶很難入口,因為桑寄生茶已有點'掛'根本同烏豆吾match,很濃味重'掛',真係不是我杯茶,下次都係食d糊類好.

去到已經9點幾, 好多人, 我同女友講d網友推介南瓜馬蹄露, 豆腐布甸, 同榴連Pancake, 佢好豪咁話一於食哂三樣…=.=南瓜馬蹄露$8 –的確好介紹, 口感好豐富, 味道唔錯, 連唔多like南瓜糖水, 只like鬼佬南瓜湯的我, 都會介紹你一試!豆腐布甸$9 –香, 滑, 不需要太多形容詞, 正!榴連Pancake $14 –個皮硬左d, 另外雖然比起滿記的大個, 但味道就差左d…呢餐$31, 出面一定食唔到咁平同咁有水準, 下次一定要再黎!今日在深水埗三個地點食左頭盤+ 主菜+ 甜品, 都只係花左$64, 食完一間, 行下, 又食下, 又經濟又開心, 正丫!

試了uncle 那碗芝麻糊, 雖不及玉葉, 但仍吃到有點芝麻香味道, 比起我的芒果布甸稍好, 這個質感似豆腐花的布甸, 吃一口的味道是淡淡的, 底部有數粒芒果肉, 不是淡味就是酸味的, 看來我自己用o者哩粉弄出來的芒果布甸也不是太差勁。