綠林甜品

营业中

休息中

由元朗出黎,食完果餐谷氣"金田",男友未飽,於是黎呢度食糖水,8 點半左右有3-4臺客,地方夠光猛乾淨,冷氣亦足夠,我地要左芒果布甸$10,木瓜雪耳糖水$13;芒果布甸---size 頗大,布甸滑溜,芒果不算太多,但以咁既價錢已算吾錯!木瓜雪耳糖水---亦不賴!雖則吾系燉(煲),但清清地都不錯!

其實我都好耐無黎~不過今次黎新驚喜~今次買左3樣野番屋企同家人分享包括本人最愛~凍杏仁+合桃因為實在係100分傢~凍o既糖水味道都o岩o岩好~而且又夠幼滑唔會有d一粒粒o既情況出現總之掂啦~第二度都食唔到o既新o既有豆腐有甸~味道唔錯~而且外賣搭巴士攞到番慈雲山舊野都仲夠凍無溶到出水不過就兼佢膠口左少少無乜豆腐味不過都ok傢~有少少奶味囉~不過如果食豆腐o既野~去ok食豆腐雪糕好過第三樣係芝麻+豆腐花好似淡左少少如果芝麻甜d會好味好多囉~其實如果堂食....以上糖水我會加錢要埋湯丸因為真係皮薄料足傢~服務都唔錯~快手快腳~唔會等到你傻~大熱天時好憎傢嘛~仲有外賣唔駛加錢~正!!!

喳咋($8)有少許"漿"，但確實有很多料，味道不錯，不太甜。另加$5有3粒麻蓉湯丸，糯米皮雖厚，但煙韌度適中，餡味亦十分香濃。

同朋友渣車四圍兜風，去到深水土步想食糖水。咁我就提議去綠林，一來好耐冇黎過，二來好過成日去松記，因為水準正在下降中.....已經係深夜十二點，都有八成滿座。細看餐牌，全部糖水都係$8至$12，都幾抵！我叫o左湯丸($8)，朋友就叫o左綠豆沙豆花($8)。湯丸一碗五粒，非常非常燙口，糯米皮好煙韌，但太厚。麻蓉餡亦熱辣辣而且好香芝麻味，整體唔錯。埋單只係$16，點解仲要去松記?

我成日都覺得o係街食糖水係好呃錢~~因為一定得好少料~~但呢間又唔係喎~~佢d料真係真係好足~~ 同阿媽煮o個d有得揮~~而且只係$6碗~~抵啦~~

真係估唔到可以咁滑, 食落真係好有豆味, 但係個質感又好滑喎, 真係好想知佢係點樣整到咁滑咁有豆味

南瓜馬蹄露/熱($8)--聞落只係聞到好香o既馬蹄露味,但食落原來有好濃o既南瓜味,每一啖都有好豐富o既南瓜絲同馬蹄粒,好滋潤呀~豆腐布甸/凍($9)--好滑,細緻,清香,味道似豆腐花,但口感絕不能相比!!一個食完會微笑o既甜品~

黑豆桑寄生茶- gum gum 地, 正!

白雪雪的布丁, 入口濃濃的豆腐味, 似豆花般滑, 又有布丁的質感, 甜味適中, $9真係好抵呢!!佢另外有一種叫做栗子粒露, 又係好好味, 不過好耐無食, 下次試完再寫過.

每次到黃金,之後必會到此涼一涼.價錢算是吸引,很少甜品過$16... 別的地方則沒有幾款便宜過$10我最愛此店的豆腐花. 滑溜溜的..楊枝甘露則較遜色.紫米露則是女生之選, 加多奶後,味道更特別.

版友介紹的綠林甜品馳名湯圓，不過我又好飽，見到清補涼糖水，好耐未食過打算去食點知，原來而家冇左，算！食其他野叫左”喳咋”八大洋好多料，好杰．．有芋頭，三角豆，紅豆，腰豆，眉豆.不過不失另叫左”銀杏付竹糖水”好多銀杏，多於１０粒，味道不詳，因為我冇食到。

周四晚與食友吃完羊腩窩，例牌要去食個糖水。經過漫長的討論，各方又陳列不同甜品舖的利弊後，最後還是決定來最近便的這裡。雖然是星期四晚，人一點也不少，可見做糖水舖都是有可為的。好在還有一張對著門口的大檯，我們一行十多人就坐了下去。上次吃了栗子露，今次試其他，就要了合桃糊。合桃糊聞起來幾香，覺得都不太甜，算不錯。糊底不算很杰，也合個人的口味；另外亦試了其他食友的豆腐布甸，吃落似質地較結實的豆腐，食友還說隱約有維他奶的味道呢！個人覺得平平，天氣熱時可能會更喜歡吃。埋單一人十蚊，經濟抵食，又難怪佢咁多人。吃不完，原因不是難吃，而是因為有咳在身，不敢多吃而已。

咁橋同你食埋同一煲栗子粒露, 但係我0個碗d栗子係唔新鮮既....同個伙記(老闆娘?!)講, 佢即刻肯俾我地換過第二款(態度良好), 仲好坦白咁講今個星期d栗子唔係咁靚添.其餘仲食左豆腐布甸(好香好滑), 芝麻糊+合桃露(濃度, 甜度適中), 杏仁露(好香, 但係唔太夠熱同有dd粉粒未溶), 豆腐花走甜(同布甸一樣咁滑, 唔落糖可以食得出原有0既豆香).雖然個栗子露唔太好, 但係其他野補返數啦~

是食友Olivian介紹這裡的，果然是平又唔錯。尋日閒遊深水步，這裡是吃的最後一站。年紀大了，吃了譚仔，肚子不大舒服，吃點甜的去中和正好，就來了這裡幫襯。近六點，人客一點也不少，受歡迎程度亦可媲美松記。看餐牌，各式糖水款式都算足夠，但當然沒有松記般多種類。要了一碗不常見的栗子粒露，要熱的。栗子粒露入面果然有粒粒大小不同的栗子蓉，味道偏甜，亦有栗子的香味。個人喜好糖水渣要偏腍，所以覺得這裡的是略硬，但好處是栗子較有口感。幾位阿姐勤快又好禮貌，值得一讚。對面的一位人客碗糖水食左兩啖就因為趕住走，請阿姐打包，佢立即照做，仲同佢盛滿個碗至包，好好人。埋單10蚊，來開呢區都食得過。

蕃薯糖水~~有好多蕃薯~~糖水夠辣~~正~~$8豆腐布甸~~幾有豆腐味~~仲有幾滑~~$9榴槤班戟~~$14兩件~~ 幾抵~~不過可能唔係榴槤當做期~~所以d榴槤味道麻麻~~