綠林甜品

营业中

休息中

朋友介紹, 第一次黎唔知食咩好, 於是問下老闆意見, 佢介紹左個"高纖南瓜馬蹄露", 熱食, 個賣相都唔錯, 食落仲啖啖南瓜蓉, 加埋南瓜絲, 仲有好多馬蹄, 唔太硬, 爽爽地, 真係真材實料呀, 食下食下仲好飽添. 個friend 叫左個芝麻糊豆腐花, 芝麻糊唔錯, 幾滑, 唔太甜, 豆腐花就...唔係好食得出味道, 可能另下叫個豆腐花會食得真o的. 好lucky 呀, 食食下, 老闆送左個豆腐布甸俾我地試呀, 好多客人都叫呢個. 味道幾清, 但係我就鐘意豆腐味重o的, 不過個口感唔錯, 夏天食好舒服.

之前未去過呢間野度食甜品,不過次次行過都見到有好多人等位,終於有一日,我同我男朋友入去試下,我男朋友好鐘意食楊枝金露,佢一坐低就叫左個楊枝金露,我就叫左個芒果班"cake",我個班"cake"黎左先,一食落去,d芒果超甜,雖然有好多cream,有d滯,但係佢o個舊芒果肉真係好正,我同我男朋友一人一舊,到佢o個碗楊枝金露黎左,我問佢d芒果甜唔甜,佢話好甜,好食過許xx同糖水x,試完一次之後我地成日都去食

(7/3)（十六）　　綠林甜品屹立於深水埔區的日子非短，十個年頭以上的歷史，甜品水準穩定。相對於南昌街附近的綠林三記，截然不同，那間於數年前開業，賣點是價錢便宜。　　來到綠林，大多會選擇湯圓、糖不甩，反而很多人選擇的南瓜馬蹄露，自問不是我的喜愛。今天偕同9527吃甜品，他很自然地點了芝麻糊，而我選擇了糖不甩，與那精美的豆腐布丁，原想點的榴槤班戟，惟有下次再嚐。　　9527說：「熱吃的糊類、陳皮紅豆沙、海帶綠豆沙很美味而有質感，腐竹雞蛋糖水、蕃薯糖水我也很喜歡。」甜品隨之而來，他選取的芝麻糊顏色烏黑，頗為吸引，曾有人提及很多地方賣的芝麻糊是以粉末而成，並不是鮮磨，因工序繁複，不知他的芝麻糊是否這樣，只見他表情滿意。接著的糖不甩，見到店員從熱爐中盛出，湯圓上的糖粉甜度適中，花生、芝麻經炒過後香味遞增，配合湯圓的軟滑，相當不俗，我曾吃過某些甜品店的湯不甩，味道相對稍遜。最後的凍豆腐布丁，入口的豆腐味濃郁，不太甜，嫩滑美味，但布丁不會弄至鬆散。　　雖然他如常戴上眼鏡，但不難發現他的神情，越見精力充沛，有別於他初到貴境之時，難道食物真的治療身心靈？

天氣轉熱係時候轉食凍甜品, 今次食涼粉+豆腐花, 一黑一白的配搭加上花奶同埋糖水, 凍凍地又唔太甜, OK啦

上堂前食甜品, 清清地叫了碗熱豆花($8).質地滑滑, 但豆味欠奉, 差一點.

外賣了芒果布甸($10)和芒果pancake($14)回家吃.芒果布甸已浸在花奶內, 有芒果粒在底, 芒果幾甜, 布甸偏淡, 溝埋食剛好.芒果pancake很多cream, 唔好cream的我只吃了少許, cream 也幾香滑.

如果不是同事提及過這是一家不錯的甜品，相信我不會有興趣走入去！她的外貌平實得很，幸好食品能夠吸引人。吃了豆腐布丁，感覺很清新，味道不錯！另外栗子露的味道及口感皆好。碎碎粒粒的栗子很正！芒果Pancake就不太好，那些cream不夠香不夠滑。同事推介的糖不甩下次一定要食！

o係呢區返工，都試過哂幾哂甜品舖係呢間先會返轉頭成日食豆腐布丁同芒果布丁都係必食呀唔貴又好味

一般甜品,8元有交易,味道真係正架,豆腐布丁,杏仁糊,豆腐花綠豆沙,西米露等都好味,水準好過很多出名的糖水店,但價錢就平好多,而且環境都很乾淨。每次有家庭成員去開果區, 都會外賣返來(冇收盒錢)。

上次放學來到未開門, 原來開下午3點到凌晨1:30叫了凍喳咋$8很多豆, 足料, 咬落好滿足.'湯底'似紅豆沙加煉奶, 甜度適中.各款基本糖水, 甚至雙拼, 都只是$8. 一定有下次.

行完西九,就黎呢度食...見到榴槤班戟幾平,就點左個試下...呢度的榴槤班戟,個人認為係榴槤多過cream...皮薄,cream夠滑,榴槤新鮮啖啖肉,夠甜,充滿榴槤香...十四蛟的確抵食,下次會試其他野...

次次坐低的都會睇下個menu,諗下食乜好,但通常都係叫番喳咋,好好味呀,又抵食,又多選擇,一個字掂呀,我好佩服個老闆,又要交租又要出糧比d伙計,又要成本,但賣的價錢好經濟的街坊價,我估真係賺得唔太多,真係好有heart呀,現在我地一齊鼓掌比老闆,老闆萬歲.........yeah!!

睇Blog友既介紹之下，同BF黎食甜品．豆腐布甸（HK$9）－勁香豆腐味，咬感帶點實，好味到震．熱南瓜馬蹄露（HK$8）－南瓜蓉，粒粒馬蹄，好有”0趙”口．

雖然食完譚仔巳經好飽, 但都要食呢度既糖水, bf仍然係好專一叫番佢既凍綠豆沙, 佢話呢度係佢食過最好既凍綠豆沙,而我就試左喳喳+ 涼粉, 第一次食呀~~但份量十足, 唔太甜, 好多不同既豆豆~~真係唔錯, 唔怪得我無論白天來定黑天來都一樣咁多人!!!其實做糖水唔駛有好大突破~~只要個永遠做到quality control 巳經sure win~~

價錢ＯＫ~　但味道只一般，冬天當造季節食比較好。但服務very nice ~