綠林甜品

营业中

休息中

推介豆腐布丁＆芋頭西米露。芋頭西米露熱比較好吃，　很香！我朋友話麥米粥都好好吃。本人比較不好豆米類甜品，　所以沒有吃！

老婆一心想食佢地個栗子粒露﹐點知原來要秋冬果時先有。於事老婆叫左合桃露同埋榴槤班戟。合桃露甜左少少﹐如果淡番d會好些。榴槤班戟足料﹐直程好似食緊舊大榴槤咁。榴槤味道亦好甜。下次如果係附近會來試o下佢地個豆腐布甸。

來這裡當然是選傳統甜品，雖然夏日炎炎，但冰涼黑珍珠類不在考慮之列，想凍的話加一個好評如潮的豆腐布甸便好了。熱綠豆沙($9)－－真的”沙”得緊要，絕對真材實料，而且不是杰撻撻的糊狀。甜度適中，加上中間絲的海帶，不花巧但有水準的傳統糖水。豆腐布甸($12)－－老實說，我懷疑這是把豆腐放在布甸模裡凝固而成的，否則怎可能豆腐味如此濃郁，連質感都像豆腐般細滑。喜歡豆腐的人不要錯過了。坐在廚房門口，看見一個阿姐在包湯圓，另外兩位整芒果布甸，真是完全手製，很家庭的感覺。

SHP老字號,果然沒錯!今天和友人到這裡吃由於本身已經吃了少許東西,加上逛完黃金,所以也懶得到松記了....這次我們吃的是"Fusion"我吃了西米+珍珠原來感覺也是很奇妙的,它們好像融合了一樣,但是你又吃到珍珠和西米的分別...我朋友則很勇敢地叫了涼粉+芝麻湖他說沒有什麼大驚喜,也沒有很難吃之類...但是,我們都一致認同,價錢非常便宜吃多幾碗也不怕最後,為了可以回家吃飯,所以也乾脆吃少少便算了真的很滿足

吃了第一口豆腐布甸，腦海立即浮起四個字：欲罷不能！這布甸夠滑，甜而不漏，豆味濃郁，普通芒果布甸實在比不上。一流！

南瓜馬蹄露, 本身我好鍾意南瓜, 依個幾清甜, 但我比較喜歡忌廉果d南瓜露多d芒果班戟, 有芒果係入面, 幾好價錢幾平呀

講起去深水埗劉森記食麵之前，肥仔同我哋去綠林食甜品，佢話食過幾次都ok，就走去試吓。嘩！十一點多去到，仍然爆場，睇落ok喎！我自己點咗燉奶同榴槤班戟，小茶羹一落燉奶面，較硬，冇嗰種一吉即破嘅感党，食過一口，不夠滑但仍有奶香，整體感覺一般。榴槤班戟聞落好香，吉落去雪白嘅甜忌廉首先彈出，再見到淡黄色的榴槤，忍唔住要食一啖先，皮薄，榴槤蓉尚算鮮甜，但食到尾榴槤嘅甜味已被甜忌廉蓋過，最後一口榴槤竟然是微酸！可能榴槤未合時，到五月品質可能會較佳，只收$16，可算食得過。價格便宜選擇繁多，下次再試一啲較合心意嘅糖水。我都相信眾多食客嘅食評，咁多個"笑"，等我比心機刨吓有關綠林嘅食評先。

今日晏畫過開哩深水埗，少少餓，又唔想食下午茶，所以揀咗食糖水！這區好多名氣糖水鋪，不過，食比較中式嘅糖水我首選就揀綠林，尤其麥米粥，依家都好少地方有得食。不過今次試吓其他嘢：自磨栗子粒露（$14）和南瓜馬蹄露（$10），前者個樣好似合桃露咁款，食落細細粒栗子粒，但栗子露未算突出；反而個南瓜馬蹄露最得我歡心，橙黃色南瓜露好香濃南瓜味，還有絲絲南瓜絲，加上好多粒粒馬蹄粒，爽甜，兩者襯絕，真的要試！

與友飯聚，飯後甜品選擇這裡。四大一小孩，叫了八款食物：綠豆沙$9，芝麻糊$9，南北杏木瓜燉雪耳$15，芒果布甸加什果$25(淨芒果布甸$12，加幾塊芒果、西瓜、桃和龍眼等約十件生果塊，加$13，這個算貴。)本人試了南瓜馬蹄露$10 - 不太稀,又不太稠,個人認為如能甜些則更好。糖不甩$10/6粒- 粒粒皮光肉滑,芝麻及花生又多,食落「煙煙奀奀」,但不黐牙,食三粒都唔漏,好野！合桃露$10 - 合桃味不濃,但香滑,甜味與稠度適中。掂！榴槤班戟$16 - 忌廉幾多,榴槤惹味,算滑,可以接受。埋單$106，一般。

After reading so many good reviews about this dessert place, finally got a chance to visit. 2 of us ordered:粟子粒露- Excellent with very strong flavor of 粟子豆腐布甸- Nice and smooth texture綠豆沙+ 豆腐花- I didn't try it but friend said 豆腐花was very smoothOverall an excellent place for dessert which weren't too sweet and very reasonably priced!

31/1/2008 晚食完晚餐行開呢頭~大家話要食碗糖水暖肚~我叫左合桃糊(凍)$12~清清地~唔太甜~而且夠滑夠稠朋友叫左蕃薯糖水$9~夠薑味~蕃薯都唔錯~粉粉地~ 芝麻糊$10~唔係好夠芝麻味~不過都ok 芋頭西米露$9~一般貨色~熱的都不會太甜~~~~~~~~~~~~~~~~~~good~~~~~~~~~~~~~~~~~~好味又抵食~

無食十幾年，今年再食返，依然保留舊有味道，舊有品種非常多選擇，值得回味。價錢適宜，味道優良。香港無乜邊度可以食到。

jan 23, 08晚,3人嚟食糖水: 1) 高纖南瓜馬蹄露-友人叫了凍食,據說唔太甜2) 粟子粒露-味道真實,自然,清甜,應喺足料因幾粟子味-裡面混咗好多細細嘅粟子粒,有咬口,但如果甜度稍稍輕d就更佳3) 番薯糖水-友人話夠薑4) 豆腐布甸-好滑,又唔甜,有豆腐味-不錯- 今次合理地輪到我請番友人食..........但我都叫賺咗因呢餐好抵

去完增輝食小菜之後順道再落去食甜品, 知道呢度D豆腐布甸獲得不少好評, 所以特登要嚟試下食落口一D都唔覺得似布甸,覺得你豆漿糕,感覺係雪凍後既豆漿味既"糕"係硬既感覺而唔係滑蝦蝦問: 點解布甸唔落花奶大包答: 落花奶會蓋過淡淡既豆漿味道咁又係D豆漿咁淡味但係講完之後,慢慢食先發覺D豆味會在口裹慢慢漓漫出嚟 HKD13都OK既, 下次再可以試下其他款式既糖水先

很久都沒去這裏吃糖水，今天就來吃傳統的糖水吧。我選了芝麻糊豆腐花，男友選了花生糊。芝麻糊豆腐花︰豆腐花是滑，不過有點水汪汪。芝麻糊比較稀，也沒有濃郁的芝麻香味，有些失望。究竟是凍的比熱的差呢，還是本來就這樣呢？花生糊︰也是不夠稠，明明是「糊」嘛，但卻沒有糊的感覺。還好男友覺得不會過甜，不過連花生香也不多呢。加價了，可是水準卻下滑，希望下次來會有改善﹗