綠林甜品

营业中

休息中

因為看見網友們在食評中大讚，而又因為我在附近上班，因些找了一天特意去這裡一試。原本是想試一試粟子糊，但店員卻說沒有，有點失望下試了另一出名甜品—豆腐布甸，但依然令人失望，布甸沒有一點豆腐味，只有甜味，而且乾爭爭，我覺得我樓下的那檔$8豆腐布甸比這裡的要好。

夜晚過開九龍又有揸車的話，就一定順路去食糖水，門口仲可以泊車，雖然冇錶位但唔會抄牌。出品沒有新意沒有明目花巧，舊式糖水鋪所買既甜品係真材實料，味道十幾年來依舊保持水準，重來都未失望過，今日又去滿足下先。本身唔係愛吃甜的人，但對這裡的木瓜雪耳糖水就情有獨鍾，搵唔到有第二間做得好過佢，紅豆沙合桃露芝麻糊等等香港老式甜品應有盡有，連新式甜品都做得同樣出色，追得上潮流之餘沒有影響質素，掂

今日過黃金買d野,行到攰攰地就想起這間甜品店. 雖是星期日,但店中不算太多人,我很快就點了有好多好評的豆腐布丁, 第一次食這種布丁,感覺很特別,布丁很有口感,並不"淋",幾清新;黃豆香味好濃但又不太甜,好好食!$10都幾底. 本來我食完個布丁巳半飽,但卻突然嗅到陣陣的榴槤香味,環顧四周,只見前我兩枱近門口的人客正品嚐榴槤班戟,想起那亦店中的精品,二話不說就叫了一客. 阿姐很怏就從雪櫃端了出來,一客兩件,大大的. 我心急的叉開了它的表皮,榴槤和奶油的香氣即時撲面而來,一口咬下來後叉子就停不了...雖然吃了一件後仍有心有力,但想起媽媽也很喜歡吃榴槤,就決定把餘下的打包了...回家後即時放進雪櫃急凍,待媽媽吃完晚飯後立刻取出來給她吃,她吃後讚不絕口,笑不攏咀,仲猛讚我乖仔...

小弟之前的芒果布甸照片實在要不得，為了拍張正常的給大家，今天tea time特地到綠林，外購一個芒果布甸，照張公整的。芒果布甸＄１０：味道已在之前的食評交侍過了，今次味道沒有變，依然好味，依然足料，如果大家想看芒果布甸的食評的話，可翻看小弟前兩篇的食評，要麻煩大家真不好意思，小弟不想重覆並非因為麻煩，只是不想重覆食評，像在騙食評似的，SORRY。PS:圖中的mobile phone只為了豐富照片，沒有用途．．．．．（包兄的設計真沒質素，sorry）吃畢，到飲食講場去。

今天晚飯沒胃口，只吃了數口，到晚上餓起來，所以想來點夜宵，剛好媽媽今天鴐車上班，便問下班可否來點夜宵，她看到我如此瘦削的身形，當然答應，我便獅子開大口，叫她到綠林買個豆腐布甸給我，但為了寫新食評，所以Give it up，繼而Give a try to 芒果布甸。(豆腐布甸如此出色，此店的pudding應該信得過吧)芒果布甸＄１０：價錢跟豆腐布甸一樣，外形亦一樣，都是由倒模製成的，只是顏色轉了黃的。前後兩者最大不同的是店主將芒果布甸加了練奶，這點我頗認同，因為芒果布甸跟練奶是nice match。蠻餓，馬虎照完相後(sorry)，急不及侍吃一口，布甸實而不過硬，軟而不淋，質地不錯，味道更不錯，因為這布甸跟別處的是兩回事，它的假味不重，芒果味充足，這表達了店主沒有偷工減料，jelly粉下得不多，芒果的成份佔得不小，GooD！豆腐布甸以外，大家亦可試試這個。PS:這布甸不會給你驚喜，因為這布甸不是賣新奇，是賣水準的。PS:下次到這間要來點糖水。PS:這夜宵還未完，下站山東餃子館，我現在就開始打這個，等等，等等。吃畢，吃餃子去。

綠林又平又好味, 當然要再支持啦! 今次同老公叫了杏仁+合桃糊( 一熱及一凍) 再加一份pancake ( 1個榴槤+ 1個芒果) 我食榴槤而老公試食芒果, 老公話芒果不及榴槤香! 但都好好味! 成日幫襯佢, 應該設d優惠先啱呀! : p

睇到大家對綠林既食評，大都讚好，特別各位對豆腐布甸奇高的推薦，所以是日tea time專程到綠林一躺，外購一個豆腐布甸回家。綠林tea-time不太多人，環境一關都不關我事呀，因為我都是外賣回家的。『豆腐布甸一個唔該』，小弟交錢，阿姐收錢，1分鐘不夠，阿姐交布甸，小弟收布甸。快快快快快！豆腐布丁＄１０：跟酒樓的布甸外形一樣，都是用模倒出來的，白色的布甸比起黃色的mango布甸更吸引小弟，賣相已經滿足了我，ｇｏｏｄ！Set好background，拍照後，立即用湯匙卡出一小口布甸，吃一口，嘩～豆味破口而出，嗅到的豆香跟吃到的豆香融為一體，帶奶香，這卻不是一般的奶香，小弟一嚐就知道這是來自練奶的，練奶香又跟豆香融合起來，味道百感交集，唯一可改進的是，豆腐布甸有少少過份"漿"口，但小弟總喜歡雞蛋裹挑毛。各位食家果然沒有介紹錯！此布甸，滿足矣。PS:還點了一個合桃露吃，合桃香充足，糖水滑得來有少少帶沙的感覺，我就是喜歡，因為吃得太快，忘了拍合桃露的照．．．Sorry～PS:今天tea-time沒有吃包，混身不自然，明天一定要吃個包！題外話:我雖然是一個中學生，但對股市都略知一二，我覺得會升多好一

食完新昌x雲南米線因太辡食唔落, 所以要食甜品補番條數! 又叫了榴槤panckae 同杏仁芝麻糊! 正! 到深水埗必食之選!

今日專程入深水埗搵食,知道綠林都算區內幾出名,決定去試下,點知去到見到落左閘,原來3點先開,勁失望...見到有個伯伯禁鐘,竟然有人開門,個阿姐話如果食野可以入去,嘩!真係勁興奮!全場得我地兩個人食!馳名既榴槤班cake($15)果然夠晒榴槤香,就連平時唔鍾意cream既我,都覺得好滑,至於個豆腐布甸($10)就淡左d,可能係滿口榴槤味啦,不過清清地都ok架..奉勸大家記得食左豆腐布甸再食其他甜品,咁至可以試真d

食完劉森記, 同朋友兩個已經飽了80%, 但我堅持0黎食甜品, 朋友亦因為好少0黎呢區而就範叫了個豆腐布甸(圖下), 賣相唔錯... 豆味幾重, 唔會好甜, 味道唔錯, 不過個人覺得布甸質感竟然似0者喱糖, 實在太實了, 口感麻麻, 感覺亦唔多夠滑溜.朋友叫了凍燉蛋(圖上), 佢食了一啖已經唔想再食... 好普通0既甜品, 不過因為質感實得過份(想像一下燉蛋的質感同布甸一樣似0者喱糖...), 即使味道唔差, 亦唔係好得.環境service 都無特別.唔知佢d "流質" 糖水會唔會好d 呢?

去開深水埗食飯當然要留肚去綠林食甜品啦我就叫了我的至愛杏仁芝麻糊- 好美味!!!唔似大良x記等咁甜, 味道啱啱好! $11.-我老公叫了西米涼粉! $9.-再加一個榴槤pancake - 皮薄cream滑榴槤又香! 正!$15.-又平又正, 所以佢有好多人幫襯!

我是甜怪,甜品愛好者..=]撞正友人也喜歡吃甜的..今天來1個甜品晚餐..豆腐布丁真的不錯.幾特別..原本跟友人以為個布丁會軟林林,點知原來吾係wo ..幾有口感.豆腐味很重,幾好食..不過個南瓜馬x露,我跟友人都不太好..還有其他也是不過不失.而且價錢公道. =]侍應都幾好..個老伯伯仲好有笑容,我話我係網上面睇到人地話呢度好食我先黎.個老伯伯話,係咩?上網牙?吾係我地特登寫嫁..我地無做過嫁..哈哈

SSP除了松記之外, 原來仲有一間咁好味的糖水鋪, 真係唔睇唔知! 好近黃金, 非常唔起眼, 但真係又平又好食!1. 豆腐布丁 呢個係黎呢到最想試的甜品, 很香的黃豆味, texture幾滑, 即使食飽飯都可以食得落, 好味! (不過都幾大份架)2. 糖不甩 $8就有6大粒, 真係好抵! 而且花生芝麻都好多好夠, 熱食真係正呀! 好多報紙雜誌都有介紹過豆腐布丁, 仲有其他中式甜品, 下次再試下其他推介先~

在深水步走著走著，突然看到這家甜品店，有賣豆腐布丁，好像蠻吸引的。本來已經打算繼續走的，但經過門口時，看見裡面坐著不少人，又看到店的外牆貼有不少雜誌報導的篇章。咦？不可小看哩... 於是，就進去一試~ 這裡的甜品很便宜，芝麻糊、花生糊、合桃糊、杏仁露也只售$9-11!======================================豆腐布丁$10外表渾圓飽滿，雪白誘人。拿起碟子，輕力左右搖晃，布丁就也跟著左右搖擺抖動，好像在跳扭腰舞一樣，真的是「震騰騰」的!搯進嘴裡，布丁輕柔細膩，有清幽的豆香。雖不算是驚人的滋味，但既香且滑，算不錯。======================================鮮西瓜豆腐花$14跟別的不一樣，這裡的自製豆花入口即溶，我卻覺得不太好，因為沒有半點豆香，也沒有質感，太軟了，根本不用咬，直灌進喉嚨也可。======================================歡迎來我的blog 看看更多有關「綠林」的pics:http://hk.myblog.yahoo.com/mei_ciel/article?mid=3190&n

這兒不嬲是我全家人最愛的甜品店，不論中式或是新式的甜品都一樣出色，不但價錢公道，味道、用料也是一流，今晚特登吃了花生麥米粥，這可能比較少人吃，但料和味道都一樣得，有花生、麥米、粟米，外賣都係9蚊，真係邊度搵到！