綠林甜品

营业中

休息中

因為好少到呢頭活動，所以第一次試呢間甜品舖，和老婆點了幾款大路甜品食。豆腐布甸幾好，雖然少了份忌廉味，不過自小食開豆腐花的我感覺味道有感情，而質感改變成小小"彈彈下"咁幾得意丫。:楊枝甘露以原味足料來做賣點，芒果同西米質素一般，不過要讚的是柚肉夠多同新鮮芝麻糊就真係唔係好得喇，米漿太重，只有甜味，芝麻比例好淡，本以為傳統店呢方面會幾好。但到出櫃檯結賬時，看到廚房整腐竹糖水就咁"座熱"攪下攪下，而唔係用爐煮，加埋d熱糖水唔加蓋，水份蒸發到盆邊"一撻撻"，就對呢度印象大減了

10月10日，21:30在這店我一般會吃綠豆沙。但吃過那怪甜的麻辣米線，要用自然的甜，一解那糖甜。便要了榴槤班戟，一分鐘內到位。賣相可愛，好像兩個小荷包。翻開外皮鮮忌廉湧出，再挖下去，榴槤香昇起。薄薄的班戟皮蛋味濃，忌廉軟滑。榴槤肉難得芳香、清甜。這店不愧區內甜品人氣店，全場滿座，在我吃完班戟前，同檯已換了兩批人。

食左3次咁多啦,3次都係同 人去食既..我d朋友都話好好味,同糖水佬比,呢間真係正好多!好有豆味,,所以唔好加花奶戈d,加左會無咁正宗囉d味..今日試左南瓜馬蹄露..好香,好滑^_^值得推介~我朋友試既係杏仁糊~ 1黎到就聞到好香~埋單都係$2x.. 唔係好貴 絕對抵食

次次出外食飯後都會黎尼到食糖水好多款都食過！今次叫左芝麻胡+紅豆沙因未試過,芝麻胡一貫水准, 香,滑紅豆沙,唔知點解我食到有臭草味不過都無乜野！唔錯唔錯！發覺尼度既中式糖水熱食就好味一變凍食就發覺味道大減中式糖水過夜再整熱食又係味道大減因我自已試過！

橫風橫雨澗水行路線: Part 2繼劉森後走多5分鐘就走到綠林了。媽愛吃這裡的喳咋﹐所以一定會叫。我就愛吃豆腐布甸! 再加多個楊枝金露和糖不甩。喳咋($10):夠香﹐料亦好足所以好飽肚...我唔好此甜品所以無乜comment.豆腐布甸($12): 佢既滑同彈性係你要有實物先知有幾好。我最鐘意係感fing個pudding, 攪到比阿媽鬧...豆味好夠好似香滑美味既豆漿咁﹐但係質感係布甸。會有人話點解你唔飲豆漿或者食豆腐花波....x0x"楊枝金露($18): 芒果酸呀...不過﹐ 味道唔差只係九龍城有間好味d者。芒果汁配柚子粒﹐同酸到>*<既mango和西米粒。普普通通﹐不過不失﹐但平庸無罪咁囉!!糖不甩($9)煙煙韌韌﹐好夠熱~ 配芝麻﹑椰絲﹑花生和糖。 不過呢﹐一粒起﹑兩粒止就夠喇因為都幾濟! 其實如過花生可以爆香d就仲正~~

從來也覺得糖水是熱食才能感受香味, 今晚雖則有點秋意, 但仍吃不下熱食, 所以今次叫了南瓜馬蹄露, $10, 味道清甜, 不過份, 但就唔覺有南瓜香味, 吃到一絲絲南瓜及爽口的馬蹄, 這是不錯的選擇, 老公叫了綠豆沙, $9, 無試, 很沙既感覺, 對他來說, 只需要消暑!這裡是我試過....最平既一間糖水!

這間甜品店我幫襯過一次，上次覺得好食但又未去到勁好食，因此我次次都會行返去松記食。今次突然想試其他野，所以黎食下。點左楊枝甘露、糖不甩和豆腐布甸，楊枝甘露超級好食 !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! 大大粒芒果肉，好杰的芒果汁，唔會落花奶，好足料好有誠意，$18 好抵食，係我食過最正的楊枝甘露。下次黎sham shui po一定會掙扎去松記好定去綠林好，哈哈 !!!!!!!!!!

去到綠林才8時多, 已經有不少客人, 果然是出名的糖水鋪。因為吃飽不久, 所以先叫綠豆沙, 慢慢吃, 差不多吃完之後再叫豆腐布甸及南瓜馬蹄露。綠豆沙: 陳皮味出, 材料算足夠, 很久沒吃過有陳皮味的綠豆沙了,現在不少地方出售的都像水一樣, 只有甜味, 所以這間的綠豆沙已經合格了!豆腐布甸:來到之後, 把它搖兩搖, 會震的呢, 哈哈,很滑, 豆腐味濃郁, 又不會太甜, 好吃!!! 吃了一半之後加花奶, 試試有什麼分別,結果是不加花奶比較好, 因為加了之後花奶有點遮蔽了豆腐味, 不夠突出。南瓜馬蹄露:啖啖都有南瓜肉, 很"蓉", 馬蹄比較少, 多一些會更好,感覺健康有養, 我喜歡啊~ ^0^服務方面, 啊姐們也不錯, 因為一開始我們兩個人吃一個綠豆沙,吃得又慢又長氣, 但也沒有要我們看面色。

今晚特意跟男朋友去吃綠林甜品.我倆去到的時候,看到幾乎坐無虛席.好不容易找到位子. 首先.我點了個鮮什果黑珍珠. ($17)椰奶味好重.都算多生果.都幾好味.之後.他點了個豆腐布甸($12) .都幾滑呀.感覺有一點像豆漿的味道,不過略嫌甜度不太夠.甜返D會好D最後.我倆都有點意猶未盡.Order多個薑汁蕃薯糖水($9).初初食落口覺得唔係太好味.因為薑味太重.但食食下呢.覺得D蕃薯又OK啵.過多陣.覺得個胃暖暖地咁.價錢公道唔錯.胃寒人士一定不可錯過.

在長發高呼膽固醇萬歲後,大家"咩"重油,行半哩路長街,來到綠林吃個飯後甜品.去到這段落仍有七勇士,一個也沒有少.店名叫綠林,叫些綠色的甜品一定沒死.就要個最平的綠豆沙.只是$9.十皮有找的綠豆沙,何來有臭草.當然不臭,吃落也帶點甜.綠豆味足,而且帶點起沙的豐厚感.賣$9一碗,超額完成.價錢平,是最大賣點,薄利多銷,難怪生意興隆.甜品過後,眾暴風一族成員在此解散,各自回家,準備防風措施.

八月廿三日(星期六)今日過西九龍拎完眼鏡,同友人食綠林實在對深水埗唔多熟悉,友人帶我兜泥兜去,我完全是迷茫.... 我地order左>>上海麻蓉湯圓($10):個皮挺厚,但無礙味道,芝麻味好濃厚,不會過甜;外形細細粒,易入口,正!>>紫糯米+豆腐花($10):本身好紫糯米,所以想試下果然無揀錯,紫糯米好有咬口,又煙韌,佢面層既椰汁唔太甜,再加埋滑溜既豆腐花,簡直係讚期待下一次

下雨天 來左呢到食糖水叫左個mango pancake/兩個豆腐花/mango pancake cream多過mango豆腐花- 落左勁多石"高"粉...最好係糖不甩 無理由整得唔好啦掛!!!!!!!不過趕時間...食完即走

甜品糖水這傢伙, 平有平食, 貴有貴食, 各有各精彩... 是次去了綠林吃飯後甜品, 例牌要了豆腐布丁, 加個楊枝金露布丁當然是好味到震, 連我這個不太喜歡豆漿的人都讚~ 因它有很香的黃豆味, 不會太甜, 吃得出真材實料~再說楊枝金露, 吃第一口即明白這店的其他甜品要配芒果汁要加$2的原因! 芒果汁味濃但不嗆喉, 還有6大舊芒果~ 雖然十來元一碗, 但也是好味的甜品

食嘢莫過於一大班人有傾有講高高興興，又食住嘢，就最開心！同弟兄姊妹開完小組都「夜嗎嗎」，落咗去綠林食糖水，人氣鼎盛就預咗，好彩人流都係快上快落，等咗10分鐘唔使就有位！依家天氣熱，所以揀凍嘢食，第一時間諗起佢：豆腐布甸。朋友話布甸咋喎，我即時贈佢一句：「依個布甸超人氣，你就真係當佢流。」結果出事，我個布甸一嚟到，同枱老友手起羹落個個都話想試吓，你“筆”一啖，佢又“筆”一啖，成班“筆”海盜明搶，無計啦，最緊要大家開心，又識欣賞。大家點點頭，意見一致，豆腐味超濃郁，我搭嗲講句：「好嘢唔使講到咁明嘅，食過係人都知啦！」趁未講完，輪到我手起羹落進行反擊，搶番佢哋個D！Go~~~~~~od！

同屋企人食完維記，就黎哩道食糖水。木瓜奶：完全冇奶味，木瓜又唔甜。似木瓜撈糖水。楊枝金露：係幾足料，不過芒果汁同西柚都好酸。喳咋+ 涼粉：喳咋煮得好似有Ｄ燶。綠豆沙+ 豆腐花：豆腐花唔滑芒果PANCAKE：冇特別，芒果略酸。睇佢既食評以為應該都唔會太差，食完真係唔想再黎過。