素年 (汝州街)

营业中

休息中

我地兩個人，點左肉醬意粉、冬蔭公意粉、豆腐蛋糕、Kale Kiwi Oat Milk。全部都好好食，完全唔係以前所認為食素的口味，份量好多，食到好飽，服務又好好，地方又好乾淨，裝修好靚，坐得好舒服，每個主菜都係$88，跟一杯茶。佢仲寄賣好多野，醬油、自家tee、Almond Milk、Oat Milk etc at a good price！新舊兩間餐廳的menu係唔同的，下次試埋福華街個間，同埋想試下佢的burger！唔想以後大家都無得揀的話，大家多多支持小店喇！

假期真係好多人，等左成十張枱，不過值得！兩個人本身食左啲野先出門口，唔算好肚餓。但照叫左個不可能漢堡包同不可能肉醬意粉，同兩杯野飲。野食方面，首先佢都幾大份，擺碟亦係吸引既。個不可能漢堡包既漢堡扒食落似肉，一啲都唔乾！之前食過啲好乾，一食就食出無腐皮，但呢個唔會！另外番薯條既數量都好多，不過個人鐘意食普通粗薯條多啲。另外，最深刻既係個不可能肉醬意粉，因為本身都係個肉醬意粉控，呢個肉醬意粉掛晒汁，酸酸甜甜好好味！味道夠晒濃，岩晒我重口味人士。同埋都係份量好多，食完好滿足！加左杯燕麥奶特飲，幾清新，唔會太甜；另外仲有杯凍latte，都正常嘅！

小清新素食cafe 素年完全一改我對傳統齋舖的印象 除了意粉、漢堡等主食 更有咖啡、花茶、水果燕麥奶等飲品今次來到素年在深水埗的新分店 裝潢簡約 以白色、木為主調 店面頗大 還設有室外位置 人跟車都不會太多 多的還是停泊了的車 放空跟打卡都很不錯▪️不可能漢堡包 $138把芫荽轉成火箭菜了驟眼看 完全不像素！漢堡扒呈紅色的 十足牛扒半熟 更夾有流心芝士般的醬汁入口很有驚喜 雖然是素的漢堡扒 但口感就跟真的牛肉無差 充滿「肉」汁 質地較為鬆軟 亦沒有一般漢堡扒的油膩感 單吃漢堡扒會偏鹹一點 但跟青瓜洋蔥一起吃剛好黃色的醬汁 外形十足車打芝士 但味道偏淡 質感也不太像芝士包體口感鬆軟 走偏甜的路線 整個吃上去很濕潤 完全不像素 真的很像在吃肉無論放了多久 旁邊的番薯條依然脆身 足料實心 帶天然番薯的甜味⁣⁣⁣▪️青檸接骨木花梳打 $34夏天坐室外 就是要來一杯清爽的漸層梳打入口超清涼 就是一種不懂形容很微妙的味道青檸跟接骨木花相輔相成 青檸不會搶了風頭 接骨木花亦不會過俗 就是一杯清新不太酸 沒有俗氣花香的一杯飲料▪️芒果雪梨菠蘿燕麥奶 $48初初入口 芒果跟菠蘿味道突岀 感覺上比較像一杯果汁

Tom Yum Spaghetti 🍝($88)冬蔭公就食得多, 但係冬蔭公意粉都係第一次食😄 真係完全冇想像過意粉都可以同冬蔭公既味咁夾🤤 佢完住全係將成個冬蔭公同啲意粉融為一體, 雖然佢既配料入面係冇蝦, 但係都可以係個醬汁度食到有蝦既香味, 同埋辣辣地幾惹味, 就算食到好飽都要繼續食埋佢😂 配料方面有茄子, 豆, 車里茄同雞脾菇, 真係口感豐富, 味道又多層次Impossible Burger 🍔 ($138)時下流行impossible burger, 即係漢堡扒變左做素肉🐷 呢個burger 好啱鐘意食芫茜既朋友, 因為呢個burger 落左重量級既芫茜, 未食都已經聞到芫茜既香氣🤤 漢堡扒既味道食落似免治肉, 唔講都唔知原來係素肉👍🏽 食完呢個漢堡完全唔會有罪惡感得黎又可以滿足到個慾望🤩 呢個Burger 仲配有大量既蕃薯條, 比起薯條, 我更愛蕃薯條🍠 另外所有主食都會跟一杯熱黑豆茶/玄米茶☕️ 我地都揀左玄米茶, 熱辣辣飲落好舒服💆🏽‍♀️

琴日同朋友補祝生日🎂就黎咗素年呢度lunch, 呢間平民cafe好文青環境好舒服 好適合同朋友係度小聚傾下計打下卡影相素年顧名思義主打素食但當然都有非素選擇啦！1）黃姜豆腐酸種麵包呢款包正正就係主打素食🥦既菜式之一，我朋友就係叫呢款中間夾住豆腐既包配酸菜，有時候如果感覺果排太膩唔想食太多肉不妨試下呢款包呀😌2）Impossible burger🍔而我自己呢就係叫呢款「不可能漢堡」，佢本身係芫茜菜但我本人係個非常討厭食芫茜既人但呢度係可以俾大家轉做羽衣甘藍既選擇所以好似我咁討厭芫茜既朋友仔就唔怕啦😗而impossible burger既牛肉係好juicy同埋佢配合炸蕃薯條我感覺食完唔會好飽飽濟濟既感覺3) 髒髒咖啡☕️最後，試埋呢杯冰凍既髒髒咖啡佢味道唔會好甜而係好香好滑👍🏻值得一試

個人其實對素食無咩興趣不過見依間餐廳既裝修真係幾靚，而且見到餐牌上有莞西漢堡依d 咁特別既菜色就忍唔住想入去試下，估唔到味道都唔錯餐廳裝修係文青風格，配色都係以淺色，白色為主，非常適合打卡但座位就稍微逼左小小。餐牌上菜式有好多『肉食菜式』，比如肉醬意粉，漢堡等唔講真係唔覺係間素食餐廳咁我就叫左個莞西漢堡試下，一黎想試下素食點整到漢堡肉，二黎就係想試莞西加漢堡會係咩味道另外仲叫多左杯菠蘿蘋果汁飲野食黎到，個漢堡比我想像中大件，而且好多莞西，食落口除左好重莞西味外竟然仲有d 肉汁同肉味滲出黎完全改變左我對素食既感覺。薯條佢地就用左番薯去整，份量都係好多，而且熱辣辣好脆口野飲飲得出佢無添加任何糖個d添加物，飲落好fresh，不過就偏淡，我覺得味道幾好，但食開重口味既朋友可能會覺得無味最後埋單一個人205蚊，價錢偏貴，但菜色同味道都幾特別，可以試一下

餐廳裝修就一定係，非常簡潔，啱晒我口味。門口同餐廳入面嘅白色牆都係打卡熱點。到咗嘢食部份，今次我哋叫咗一個「不可能漢堡包 with 芫茜」同「青醬三色螺絲粉」，再加一個「燒粟米」，份量其實都好大份，如果兩個人食，會有啲多。漢堡包配番薯條整體效果非常好，好喜歡個醬汁，至於極力推介係個燒粟米，配合沙茶醬簡直係無敵。甜品叫咗個豆腐芝士蛋糕，完全係素飯，老闆親自介紹冇蛋同奶嘅成份，超好食😋如果兩個人拍拖，一定啱晒女朋友心水！

本人一向係無肉不歡，但自從食過素年之後，發現素食都可以好好味，令我開始四出搜尋其他高質素食店，不過最後都覺得素年最啱我口味。時先聲明，餐牌上大部份選擇都係偏重口味，而我係好鍾意。不過如果各位想搵清淡素食，我覺得就未必啱你。個人最推介Impossible Burger同日式咖哩豬排飯。記得第一次幫襯就係食Burger, 比佢啲素牛肉嘅多汁程度嚇親，我同班朋友仲問「呢塊真係唔係肉嚟？好似喎」。至於日式咖哩豬排飯，呢個就食得出係素肉嘅，而佢個調味實在太好味，一擺上枱已經好香。建議對素食有偏見，覺得「素一定唔好食」嘅人試一次，包你改觀！

想食好耐嘅素餐廳，除咗因為自己鍾意少肉外，哩間嘅食物選項都豐富。因為有咗分店，終於都唔使排長龍啦！•🇰🇷『韓式茄子漢堡包』$98一睇就知道會十分飽肚，有半碟番薯條、漢堡包算厚、兩片茄子、雜菜絲，加上韓式辣醬同少少泡菜做醬汁；🍟：番薯條外面乾身，入面仲有番薯嘅濕度，咬落外面少脆，最重要係少油！喺無鋪紙墊住嘅情況下，食完後，個碟都幾乾身，無油漬🍆：算厚身，應該係用煎或焗嘅方式整，茄子實淨，無煮到淋晒，有得咬下🌶：韓式辣醬唔辣，偏甜•🇹🇭 『冬陰意大利粉』$88冬陰公味丫，好難唔點！意粉係我鍾意嘅質地，煮得啱啱好，有彈性，唔係淋晒；汁方面，可以酸啲；蘆筍、雞脾菇、番茄仔都好慷慨，意粉面上嘅泰式小茄子，煮到半熟，有得咬下😌•🍰『豆腐芝士蛋糕』$48見到豆腐芝士蛋糕，真係無法抗拒！上枱時，有少少皺紋嘅表面，蛋糕身有「氣孔」；蛋糕層似布甸質地，濕濕聲，少少甜，有鮮明嘅豆腐味，但芝士味就未岀到😢；個底係脆脆哋，同有啲燕麥粒•☕️朋友點左『Latte』（跟餐+$20），味道夠，但質地未夠滑，同埋但奶泡可以再挺身啲•🍵『黑豆茶』跟餐送跟餐黎講，算係好大杯丫！凍冰冰嘅黑豆茶，有烘豆味，即使飲到尾，冰都溶埋，

🔺深水埗人氣文青風咖啡店☕️ 環境好舒服，「The Park by Years」係深水埗嘅第二間分店，以素食Cafe作主題，而咖啡店最近於荃灣都開設了分店，三間分店保持文青日式簡約既作風，白色和木系為主調，店內位置好夠，以二人和四人枱為主，空間感好夠🤪🔺門外有塊鏡子作招牌，打卡一流😍食物方面都有多款輕食，咖啡和甜品🍰🔺LATTE🤟🏻咖啡是選用了燕麥奶沖製，但店內可以轉換成豆奶，新鮮奶同脫脂奶就沒有，轉換了豆奶喝起來幾香，最緊要keep到溫度，我還是喜歡用鮮奶沖的咖啡，而且外賣好像有點小杯😏素年The Park by Years 地址：九龍深水埗汝州街132號

素年新開分店，裝修簡單利落，文青風格，木桌木椅，以白色牆身配簡單英文字句。地方較大，座位多，舒適寬躺，亦設室外座位。✨食物78分，服務80分，環境75分。.🔸不可能肉醬意粉($88)肉醬做到同真嘅肉醬好似，其實佢係素食。加咗蕃茄整，肉醬甜甜酸酸，十分開胃。.🔸冬陰意大利粉($88)泰式混西式fusion，好酸帶少少辣味。好香冬陰功香料味，泰茄子可以再整腍啲。另外仲有金不換，雞髀菇，蘆筍，蕃茄。.🔸番薯條($48)好香脆，番薯本身就甜甜地，喜歡！.🔸朱古力咖啡(+$20)🔸美式咖啡(+$24)咖啡用燕麥奶沖，可轉豆奶。咖啡不錯，但未話十分好飲。

深水埗已在不知不覺間活化了。逛完花多眼亂的布行，再找家文青餐廳午餐，很寫意呢！這家素年，門外到有兩張小枱，是市區罕有可以讓竉物一起用膳的新派餐廳。餐廳設計裡外通透明亮，以白色牆身襯托原木裝置。顧客大都是年青人，氣氛喜悅，書卷味濃，服務員都很殷勤有禮。不要以為是素食就是沉悶的，這裡的餐點及飲品選擇都看得出有心思。生酮泰式沙律 ＄88這個色彩繽紛的沙律食材很豐富，有：青瓜、甘筍、醃豆腐、牛油果、紫椰菜、芽菜、酸洋蔥和芫茜，口感清爽又健康。泰式花生辣汁，花生味濃，辣味慢慢地滲出來，越吃越辣，越惹味。韓式茄子漢堡包 $98漢堡包內有兩大片茄子、泡菜、椰菜、芽菜和自家製辣醬，這款辣醬是頗香辣的。蕃薯條外脆內軟，香甜惹味。沙茶醬燒栗米 $58想不到沙茶醬和粟米這個配是非常美味的，不知不覺間給我清了碟。凍黑豆茶街外三十多度高溫，喝杯冰凍的黑豆茶，既解熱消暑，也可讓我解解辣呢！

剛開始，唔知深水埗又開左間素年。 行過見佢招牌名咁特別 "If not now, when" 就入去睇下, 之後朋友到左先話我知, 原來佢又係素年, 唔怪之咁似啦。不過佢又大好多, 樓底又高, 比人感覺幾舒服。 而且佢賣好多本地, 和日本既雜貨, 幾特別。而意外地, 佢同另一間素年既餐牌竟然唔一樣。 又係選擇困難既時候。 好在今次人多, 我地試下新野又可以食多d。點左: 生酮沙律, impossible burger, 冬陰功意粉, 燉雪梨班戟。本以為生酮沙律係前菜, 點知食落佢都幾飽肚, 重點係佢個泰式醬汁好野味，超正。 Impossible burger, 質感完全冇問題, 真係分唔出係人做肉, 而且份量好大, 蕃薯條又好正。反而冬陰功意粉就有d普通。而最後最失望既係燉雪梨班戟。 雪梨冇咩特別, 個班戟太厚實唔鬆軟, 而且因太厚實仲有d唔熟, 好似食厚糕餅。 後黎，因為太多人等位, 都即刻食完埋單走啦。雖然佢坐得幾舒服, 但論食物我都覺另一間好食d。

早排睇電視介紹素年嘅芫茜 Risotto，真係齋睇畫面都流哂口水🤤，早排去咗佢喺汝州街新開嘅分店，點知坐低睇 menu 先發現冇呢款名物叫，勁失落😭。唯有極力抑壓 “除卻巫山” 嘅心情，叫咗個冬蔭意大利粉，估唔到都有驚喜：意粉嘅冬陰功味較真實嘅辣味稍減，但香味如一，配埋泰茄子，草菇，番茄同蘆筍等食材一齊食，雖然欠缺我最喜愛嘅肉類，但口感依然豐富，調味亦恰到好處，好食👍，如果麵身再硬少少就更加正。食食下，見旁邊幾乎枱枱都叫沙茶醬燒粟米，即刻搞到我心思思，不過一個人肯定食唔哂，唯有下次 call 齊馬嚟再叫。除咗食物質素，呢度嘅服務亦值得一讚：店員數量多，招呼頗周到，個個殷勤有禮，顯得訓練有素。另外，餐廳嘅裝修簡約，乾淨，令人感覺舒服，其中一面牆放置咗一啲寄賣物品，除咗書籍，小型電器，陶瓷杯外，仲有悅和醬園嘅豉油，醋同辣椒醬，以後想買就唔使山長水遠走入荃灣啦🤗。

Years的新店 鋪面大得多又寬敞好舒服菜單繼續係素食但以輕食小食為主沙茶醬燒粟米 | $58一食落去個沙茶味鹹香勁突出粟米鮮甜味在後 上面白色類似沙律醬的自身冇咩味但同沙茶粉好夾提升味道去另一層次粟米如果再燒至微焦會更正😆生酮泰式沙律 | $88好豐富色彩繽紛的沙律 有青瓜蘿蔔絲、紫椰菜、牛油果、豆腐、芽菜等 超清新又爽口配合泰式酸辣醬汁勁開胃唯獨不太喜歡生芽菜 草青味重個人麻麻地韓式茄子漢堡包 | $98個自家製辣醬係精髓所在一入口帶甜但個辣慢慢滲出刺激你的味雷麵包、茄子、生椰菜夾埋個醬一齊食balance下個辣味好夾好好食番薯條雖然係配菜但都俾勁多！脆口但唔油帶微甜好好食 唔覺唔覺就食哂Turmeric soy latte | $40黃薑豆奶拿鐵 勁重黃薑味喜歡勁薑的朋友可以一試推薦配豆奶 同黃薑好夾好好味架