紅軒

营业中

休息中

紅軒餐廳嘅食物真係好正，服務仲好好，令我哋食得好開心。首先，「原籠金蒸斑粒雙色絲苗」炒得啱啱好，飯粒分明，斑魚好鮮甜，食落有層次感，超滿足。服務員送上來嘅時候仲介紹咗呢道菜，感覺好細心。至於「香菇雞包仔」，包皮鬆軟，內餡超多汁，香菇同雞肉嘅搭配好正，服務員仲幫我哋分開包，超貼心。「蠔皇鮮竹卷」夠鮮美，竹卷滑溜溜，味道又濃又唔會膩，仲有服務員提醒要趁熱食，幾貼心！最後嘅「香煎蘿蔔糕」煎到外脆內軟，味道好香，簡直停唔到口。成體驗都好舒服，無論食物定服務，都好值得再嚟。

唔夠一個月又嚟到機場送機 ,行咗幾間都食肆唔知去邊度食嘢都係去返紅軒，今次試下員工推介嘅蒟蒻菜式 清清地，又唔肥膩。榆耳蒟蒻燉迷你冬瓜盅係一道精緻嘅養生湯品，冬瓜盅嫩滑清甜，吸滿湯汁精華，鮮味濃郁。榆耳同蒟蒻帶嚟獨特嘅口感層次，搭配上清爽嘅湯底，令人食完感到身心舒暢。整體味道清新又不失豐富，無論係視覺定味覺都非常滿足。蒟蒻荔枝咕嚕肉🐖係一道創新嘅經典改良菜式，脆嫩嘅咕嚕肉外皮裹住酸甜嘅醬汁，與爽口嘅蒟蒻塊完美融合。荔枝添上清甜嘅果香，為整道菜增添一絲清新，減輕咕嚕肉嘅油膩感。擺盤簡約而精美，令味覺與視覺都得到享受，絕對係一道令人驚喜嘅美食。呢道昆布梅粉紅番茄🍅清新怡人，番茄細緻剝皮後，浸滿昆布同梅粉嘅香氣，帶出甜酸適中的風味。每一口都充滿鮮味同微妙嘅鹹香，再配上爽脆嘅番茄質感，十分令人回味。擺盤精緻，青綠嘅香草點綴，更添視覺享受。呢款前菜既簡單又突出，非常推薦一試。期待下一次再嚟試下其他新菜式🤗🤗

上星期六姪女從外國返嚟我去機場接佢機，見到機場附近有間富豪酒店，去咗酒店中菜廳紅軒食晚飯，入去見到侍應態度友善親切😊👍廳面佈置呈現紅色有種喜慶嘅感覺😊燈飾柔和環境舒適，每張椅子背面都繡着象形文字圖好特別有種古典味👍我俩點了以下幾款菜式；分別有兩位松茸螺頭燉花膠湯；芙蓉蒸蝦球；茶黃熏雞；薑汁芥蘭，紅軒炒飯。姪女最鍾意嗰款色香味俱全嘅芙蓉蒸蝦球，蛋白嫩滑蝦球彈牙爽口，還有一種酒嘅清香味👍其次就係茶雞皮脆肉嫩還帶濃濃茶香味食完齒頰留香👍而我最鍾意嗰碗松茸花膠響螺湯😊滋補養顏😊螺頭夠腍花膠燉到時間啱啱好，飲落口還有濃郁嘅松茸香味👍其次就係薑汁芥蘭，薑汁剛好中和返芥蘭嘅寒涼味👍紅軒炒飯味道都唔錯👍紅軒中菜大廚嘅出品有水平👍👍姪女話下次帶朋友再嚟👍👍

本人早幾日去富豪機場酒店赤鱲角一間中菜廳名叫紅軒入到去見到佢紅色嘅設計十分獨特入到去坐的位置亦十分寬敞舒適跟住叫咗幾個點心加一些小菜啲點心味道非常好尤其啲腸粉十分美味另外要值得一題個茶皇雞有煙燻嘅味道同埋十分之脆皮同埋嗰個櫻花蝦蛋白炒飯有十分好食香口有不覺得油膩最值得一題就係佢哋啲座位全部有姓氏十分獨特跟住食完之後諗住叫甜品跟住服務員話畀我聽有糖水送這個非常貼心啲糖水非常好食尤其嗰個紅豆沙煲得特別好有不會太甜啱曬我口味食完糖水自己加咗個千層糕甜品個千層糕係傳統式嗰隻千層糕非常美味跟住食完後我啲朋友都話非常好食果然是一個集美味於一身的中餐廳非常好👍😋

點都諗唔到一向孤寒嘅我、居然會走去機場酒店食嘢！冇計啦鬼叫班機delay、又鬼叫老婆只係鍾意食中餐，唯有走去機場富豪酒店嗰間紅軒食嘢啦！豪一次！心諗希望唔會食到荷包肝硬化！點知食完之後個人角度嚟講真係物超所值！食咗個川粵餐！咁啱可以選擇辣同唔辣咁咪各叫一個囉！首先嚟過頭盤、麻辣牛脷海蜇花、腩仔、牛脷辣到啱啱好、海蜇花都幾爽口、腩仔就脆卜卜！之後就嚟咗個燉湯，松茸花膠燉螺頭、真係滋補養顏老婆飲到舔舔脷！老婆婆仲話舊花膠真係好鬼正！再嚟就係鮑魚扣遼參、大佬呀咁嘅價錢居然喺酒店食到呢啲真係抵！出邊就咁鮑魚扣遼參，你都起碼$400一個落樓啦！跟住上嘅就係炒斑球、估都估唔到嗰塊星斑球咁鬼厚，出邊嗰啲紙咁薄！而且炒出嚟真係好夠鑊氣！呢個一定要試吓！最尾上嘅係帶子濃湯浸菜苗！嗰粒帶子又厚又大粒啲湯夠晒濃郁好味！睇落好似得個幾樣，但係係真心夠飽！而且店舖經理仲送埋陳皮紅豆沙！買單都係八舊水一位到！心諗真心抵，下次帶埋阿媽嚟食！孝敬下佢先

早幾日喺日本玩完 搭早機返 一行四人出咗機場閘口 諗住坐機鐵返屋企 點知個個話肚餓 咁見到去停車場嗰邊有間富豪酒店 聽人哋話富豪果間紅軒中菜啲嘢幾好食咁我哋四個人決定去試吓 去到門口好靚，門口經理服務態度好好 招呼我哋問我哋想食咩嘢 咁我哋都係想食啲嘢先返屋企 望吓餐牌都唔係好貴重有好多嘢食 咁我哋叫咗招牌叉燒 脆皮咕嚕肉 皇牌乾炒牛河 櫻花蝦炒飯同埋其餘點心 啲蝦餃燒賣同埋鮮蝦同埋叉燒腸粉樣樣都好好食 仲有係有免費甜品送就係我最鍾意食嘅芝麻糊同杏仁茶 食飽飽埋單，千幾蚊埋單 喺機場嚟講，算係抵食 值得推介😋

今日去到機場接老婆落機，老婆話肚餓想食中餐就上網搵到間隱蔽既中餐菜館！入到去環境都唔錯！整體食物也不錯！不過價錢真是比一般酒樓貴了些☺️冇辦法啦老婆要食！點都要銀荷包啦！🌟 脆皮牛坑腩 🌟肉質好鬆軟，咩角度咬落去都易咬得開！🌟 茶皇燻雞 🌟香氣誘人，入口鮮嫩多汁煙燻味道濃郁，回味無窮🌟 脆皮鱈魚球 🌟外皮酥脆，內裡鮮嫩搭配香檸醬，清爽開胃🌟 櫻花蝦蛋白炒飯 🌟粒粒分明，口感豐富櫻花蝦鮮香可口，配合蛋白清爽不膩

正值暑假，諗住去過旅行放鬆下，點知太早到機場，就諗住求其搵個地hea,甘啱行到去機場富豪酒店果邊，就去左紅軒餐廳到食啲野，一入門就感覺成個環境氣氛唔錯，地下夠乾淨，枱面夠企理，令人感覺好舒服，而重點更係食物啦，我就侍應啲推介下叫左紅軒炸雞，西班牙黑毛豬叉燒，乾炒牛河。食物一上枱時，最估唔到到係竟然仲會不停冒煙，食落熱辣辣，呢樣野抵贊，炸雞皮脆肉嫩，而師傅亦貼心甘將隻雞起左骨，食落啖啖肉👍而叉燒亦高水准，係外面好少見到叉燒係厚切，紅軒係比足料，食落口肉嫩多汁，麥芽糖包裹住每一塊叉燒，唔錯，而牛河就夠哂鑊氣，牛肉食得出係煎香過，第一啖食落口仲會（辣嘴），而賣單都係人均300，非常之唔錯嘅一次體驗，值得一薦👍

今日同女朋友去機場酒店住左幾晚！第二日下午起身去左紅軒中菜廳，點知帶來了意想不到的美味體驗。餐廳環境雅致，裝潢融入中式元素，讓人感到溫馨舒適。菜品方面！招牌「西班牙黑豚肉叉燒」色澤誘人，表面閃著誘人的光澤，咬一口，肉質鮮嫩多汁，醬汁的甜味恰到好處，不會過於膩口。「玻璃藤椒乳鴿」，真係好有驚喜喎～好香仲好嫩滑此外，食品的調味都幾特別，鹹香適中小小辣。「櫻花蝦蛋白炒飯炒飯」這道炒飯的亮點在於櫻花蝦，鮮香四溢，與蛋白完美結合，帶出XO醬的鮮香味。「櫻花蝦」的獨特風味增添了整道菜的層次感，讓人感受到大海的氣息。菜品的調味也十分講究，鹹香適中，讓每一口都令人滿足。服務熱情周到，能迅速滿足顧客需求，讓用餐體驗更加愉快。

搭機出游，剛好遇到機場電腦故障，飛機延誤。就在機場找點東西吃，打發時間。行左入去富豪機場酒店的紅軒。當時正是晚市。行入正門。有個水簾瀑布有個别有洞天的感覺。成個中菜廳為紅色主調。所以美其名紅軒。座椅乃是百家姓，椅背有很多的姓氏。甚有特色。侍應安排我們坐近玻璃門座位。也不太嘈雜，叫左隻片皮鴨，脆皮咖喱牛腩，露筍油泡帶子王，清炒菜心。一試幾好呀，片皮鴨皮脆，醬香，摩摩皮軟糯，帶子王有鍋氣，－流。有不錯用餐經歷。埋單ok啦值回票價啦。隱世中菜廳👍

在富豪機場酒店的紅軒，薄荷蜂蜜、皇帝蚌蜜瓜螺頭燉雞和玻璃藤椒乳鴿等菜品都有其獨特的口味和風味。薄荷蜂蜜給人一種清新涼爽的感覺，皇帝蚌蜜瓜螺頭燉雞則展現了濃郁的湯汁和鮮美的口感，而玻璃藤椒乳鴿則給人帶來了微辣的風味和嫩滑的肉質。此外，員工服務也是非常出色的，提供了周到細心的服務，讓用餐體驗更加完美青芥末脆蝦球和海鮮豆腐煲為特色。這兩道菜都是精心製作的經典菜式，以新鮮的食材和獨特的調味料烹製而成，絕對值得一試。無論您喜歡海鮮還是蝦球，這裡都能滿足您的味蕾，給您帶來美味的享受紅豆沙香甜綿密，當然是賞心與甜在心的快事

午後，偶然走進機場酒店的一間餐廳，只見滿眼的紅滿滿喜慶，這間中餐廳有粵菜和川菜。侍應生很有禮貌的向我地問茶，還很貼心的開多一壺白開水。我地很好彩的趕在點心截單前order咗蝦餃燒賣和腸粉，然後見隔離台上咗份點蠟燭的菜，原來是叉燒，於是，我地桌上也多了碟滋滋作響叉燒，配叉燒當然少不了一碗白米飯，食指大動之後竟然還有驚喜～紅豆沙，冷熱適宜，甜淡適中。不得不提的是餐廳內的每一張椅子都印有一個姓氏，這別出心裁讓我地驚喜不已。在繁忙機場近處的這間酒店，猶如機場的後花園名叫～紅軒，價錢小貴卻才能配得上此優雅整潔環境。帶上你的信用卡來一趟滿足味蕾旅程。(有些信用卡可以打折)

富豪機場酒店的紅軒中菜廳，作為機場附近的一個餐飲選擇，吸引了許多旅客，室內裝潢典雅，融合了現代設計與傳統中式元素，我們選擇了中午的固定套餐，包括了前菜、主菜及甜品。首先上桌的是前菜——脆皮豆腐，以其外脆內嫩的口感而著稱，豆腐細膩口感的同時，外表卻變得酥脆可👍。接下來的主菜是黑椒牛肉粒，牛肉嫩滑，黑椒的香味濃郁，與白飯搭配相得益彰。另一道值得一提的是他們的蒸餃，新鮮的餡料包裹在薄皮中，蒸得恰到好處，入口即溶，讓人忍不住一個接一個地品嚐。餐後的甜品則是一碗清新的陳皮紅豆沙，讓整個午餐在甜美的結尾中劃下句點。服務質素服務人員的態度相當友善且專業，隨時準備協助顧客，他們會耐心介紹菜單，讓我們感受到熱情好客的氛圍。在繁忙的中午時段，餐廳的運營仍然井然有序，菜品上桌速度也讓人滿意。總結總的來說，富豪機場酒店紅軒中菜廳的中午餐飲體驗令人愉悅。無論是環境、食物質量還是服務，都展現了高水準的水準。對於忙碌的旅客或者希望享受一頓美味的午餐的食客，紅軒無疑是個不錯的選擇。下次有機會再訪，我會期待他們的其它菜品，探索更多的中式美味。

一家大細黃昏落機後，即刻上openrice搜尋下機場附近有咩好食，最後決定去紅軒試下。餐廳侍應特別推介我吔試玻璃藤椒乳鴿，然後我吔再揀咗鬼馬紫籮炒牛肉丶青芥未脆蝦球，及海鮮豆腐煲。玻璃藤椒乳鴿，真係好有驚喜喎～好香仲好嫩滑😋鬼馬紫籮炒牛肉，好開胃丶牛肉唔韌好嫩😋青芥未脆蝦球，外脆內彈牙好好食😋相比之下海鮮豆腐煲清淡得來又好鮮味喎～食完感覺得好舒服😋中秋節一定要帶父母過來做節食晚飯先得👍🏻

機場紅軒中菜廳是一家位於機場的中式餐廳，通常提供各式各樣的中華料理，例如點心、炒菜、湯品等。這類餐廳常常以快速、便捷的服務為特點，特別適合旅客在等候班機時用餐。其中，我認為豉油王炒麵尤其出色，在外面是很難吃到這麼色香味俱全的豉油王炒麵。豉油王炒麵是一道受歡迎的廣東式炒麵，主要以豉油（醬油）為調味，通常使用極鮮豔的食材和金黃的炒麵，口感香滑。這道菜的主要特點包括：1. **麵條**：一般使用生麵或油麵，經過翻炒後，外表微焦，口感韌性十足。2. **調味**：使用豉油增添風味，常見的還會配合一些其他的調味料，如糖、胡椒粉等來提升味道。3. **配料**：通常會加入蔬菜（如青菜、紅蘿蔔等）、蛋，有時甚至還會加入肉類（如雞肉、豬肉或蝦等）。這道菜的味道濃郁，非常適合喜愛中式炒麵的人士。