紅茶冰室 (已結業)

今日係星期日，我同老公去了觀塘行outlet, 行完已經兩，三點，所以就是是但但揾間茶仔，順便食少少下午茶先返屋企。之前响佐敦食過紅茶，其實質素唔差，所以今日又試下觀塘呢間先。門面好大，估唔到呢間分店，佢地賣埋西餅蛋糕麵包。。。我地分別叫咗King餐同特餐佢嘅麵，應該就係平時超市韓國芝士辣麵出前一丁公仔麵，豬扒都幾軟身正當我叫職員俾杯水我，個員工超級冇禮貌，用國語話，”自己來”, 仲要做埋手勢，叫我唔好阻住佢, 黑口黑面。。。咁我就自己去攞，但其他職員見到，問我要乜嘢，就攞俾我。我都好明白好忙，好多客，但都唔使咁態度下次只會幫襯返佐敦分店，起碼食嘢唔使受人氣先！

見呢排食咁多野 所以就決定同女友 食返一啲比較港式既野食 我地就選擇左紅茶冰室啦 我地就叫左個豬扒飯同烤羊架 豬扒飯比起一般茶記同連鎖店黎講 份量十足 豬扒真係大大塊 咬落都有陣肉香味 價錢都好正常 cp值都算好高而羊架就真係比左個suprise我 因為佢個羊架都一樣咁大份 而且食落去都好多汁 羊味十足 唔會比汁蓋過左陣味 十分高質埋單都係200$左右 但食到好飽 十分抵食

脆皮菠蘿包 $6一到午飯時間，這家冰室便經常大排長龍。雖然我不知道原因可在，但也想找機會試試。•門外有新鮮出爐的麵包賣，$6大大個菠蘿包。-👍 表層很脆，麵包是真材實料，不會像吃了陣風似的。-

今日反完工都幾攰，屋企又無煮飯，就諗住同朋友一齊係附近搵間冰室食反個晚飯。 平時依間冰室中午都好多人黎食，不過佢勝在夠多位，所以就算等位都唔使等好耐，而夜晚黎更好，因為直情唔使等就入得。 我地就一人叫一個餐，我就叫左焗豬扒飯。焗豬扒飯絕對係水準之上，熱辣辣而且好多料，豬扒大大塊仲幫你切埋一塊塊，而且醬料好多，包括芝士、蕃茄等，飯又唔會太硬。結論係依個豬扒飯無叫錯。 不過我朋友叫既免治牛肉飯面頭再加隻蛋，賣相就差D，味道就中規中矩，無咩特別。 我地一人再叫一杯野飲，埋單五十幾蚊，算係可接受。

位於觀塘的這家紅茶是長期的多人，經常排長龍。難得今次到觀塘工作，約12時多便急急沖去，一心諗住可以無咁多人，點知都係要排隊😂不過好在，都好快有位坐。Menu上一如以往都多選擇由於想留肚食我期待已久嘅芝士流心西多士，於是叫咗個常餐 - 金寶豬扒湯通粉配嫩滑炒蛋加丹麥多士 $47通粉份量啱啱好，豬扒都幾大狗，食落唔會「鞋」，另外佢個滑蛋真係炒得好滑，好香而最驚喜嘅係個舊丹麥多士，好鬆軟，係我鍾意食嘅麵包質地好啦，終於到咗我期待已久的芝士流心西多士 $23上面有塊大牛油，配上少少蜜糖加煉奶，咬落中間有芝士係入面，口感豐富， 十分邪惡🤤🤤

《⛈紅雨下去☕️紅茶》係觀塘返工既人，一定識依間茶餐廳！唔係因為佢野食有咩咁驚人，而係佢每日Lunch 條龍長到好嚇人！👫👭👬👭👫👯‍♀️👭👫👬👯‍♀️排幾間鋪位先入到，每日如是，平時我都好少去～難得今日橫風橫雨，無咩人，就入去啦！今次都係叫左個泰式豬肉丸札肉檬+冬蔭公湯底💁🏻‍♀️重點係，冬蔭公湯底（+$5）🍜極之足料，香濃，湯入面有齊香茅，檸檬葉等香料，配搭檬粉另舍夾！豬肉丸係細細粒果隻，正！👍只係札肉/香茅雞翼都好一般下～😋餐茶依度A級水準！ 奶茶咖啡夠香濃； 檸茶茶底夠濃香！總括而言，唔洗排既話，真係想成日食咖～畢竟依個價位，觀塘好難覓食咖～🤷🏻‍♀️—————————————————————☕️紅茶冰室 (觀塘)觀塘駿業街56號地下

每日早上路經紅茶！看到內裡都坐滿了客人！這天早上接近九點見到大量坐位！感覺太幸運了，就直接進場！坐定後店內始終高朋滿座！算是幸運兩人坐到大卡桌場內服務生不斷地快速穿梭！，送餐、點單、執枱！餐牌沒有什麼特別！也是早餐、常餐！以及特餐等等早餐B吃過多次....今天也走不了！動作真的快快快！下單不超過十秒沙爹牛肉麵已經上桌...牛肉估計是煮了一大鍋！客人落單就直接舀一匙來吧！牛肉有點兒老！但勝在夠香！麵條還算彈牙，不算太軟林！香港的餐廳真的急著，看得我都緊張起來了！過二十秒後炒蛋多士和奶茶全齊！黃澄澄的炒蛋大概八、九分熟左右，仍滲出蛋液！還有淡淡的奶味，口感很軟綿！一下子就吃完了！多士烤的恰到好處！塗上香滑牛油一起吃，簡單美味！奶茶還滿好喝的！奶味和茶味完美融合，不會太澀！

很久沒有試過在外面吃早餐了，今天特意約了班舊同事，美其名為聚舊，實質是太無聊了吧!XDLUNCH經過成日都勁多人係外面排隊，而今日食早餐，好在唔洗排! 早餐Menu都算多選擇，份量仲唔細架!! 今日叫左個G餐: 脆脆魚柳伴德國腸配香滑炒蛋+鮮油厚多士 $37不得不說佢地塊魚柳係勁大塊，食完好飽，而炒蛋都算香滑，再加埋個厚多士，呢個早餐真係食得好豐富!$37一份咁飽肚咁豐富的早餐都算幾抵!  下次有機會都要去排下隊幫襯下佢地個Lunch先!

同事今天帶我來這冰室⋯在門口巳被這圓轆轆丶脤卜卜的菠蘿包吸引住⋯坐下就不加思索要定了這個菠蘿🍍油加紅豆冰餐⋯想講的係個菠蘿包的皮沒跌得很厲害⋯但又脆＂odd odd＂⋯那片油的大細剛剛好⋯成個包每一啖都充滿那牛油香⋯包很實在⋯不空氣⋯真的好感動⋯而紅豆冰的豆香⋯整體偏甜⋯但是我想要的甜度⋯沒粗飲筒⋯這是略可惜⋯欠一點完美口感⋯這全日供應的$25茶餐⋯心理生理很滿足和飽足⋯心𥚃怪叫⋯這麼近自己出入的小店⋯甘遲才邂逅⋯我想⋯我會心思思不停掛住你⋯＂親愛的菠蘿油＂⋯

紅茶冰室， 無論邊間分店都經常排長龍，觀塘呢間，午飯時間更打晒蛇餅，想食就要等晚餐時間。今次就試下佢個是日晚餐~~水牛雞翼伴厚切豬排配焗薯($68)，配雪山特濃朱古力(+$9)雪山特濃朱古力(原價$22, 跟餐+$9)~~有cafe賣相，但味道一般，冰粒太多，朱古力太少，飲幾啖就冇晒🤨水牛雞翼伴厚切豬扒配焗薯~~水牛雞翼好味，豬扒唔厚切，全部好快食晒🙈，個焗薯仔好細隻，而且有陣草青味🤭大胃既人一定唔夠飽😂😂飽足度: 😐😐

星期日同朋友食lunch, 我建議不如去呢間食。點知阿姐行埋黎寫野，態度極惡劣，佢放低兩杯水時啲水好似海浪翻騰甘，可想而知有幾懆底。。。。。想搵侍應拎多隻碗，兩個朋友舉手勁耐都無人理，最後朋友自己親自去拎。。。。。。附近一個男侍應一路做野一路爆粗，完全影響曬同朋友食飯吹水的心情。甘都唔止，坐坐下發現卡位的沙發墊上好多一點點的糖，相信係每次食客離開座位後，侍應用枱布抹枱時就甘掃曬啲污糟野，而唔係包住。唉！

教波早咗泊好車，朋友帶我去咗紅茶冰室食個早餐，之前都聽人講過呢間冰室好正，今次剛剛遇著剛剛，恰巧嚟到試吓。我叫咗個早餐B，有招牌沙嗲牛肉麵、鮮油厚多士、香滑炒蛋、配埋餐飲。先嚟香滑炒蛋加鮮油厚多士，厚多士唔硬，而牛油又適中唔太多又唔會少，香滑炒蛋就夠晒滑，佢滑得嚟又唔會有生蛋嘅感覺，因為我最驚有啲滑蛋仲係生嘅，呢個滑蛋唔錯我喜歡，至於個招牌沙嗲牛肉麵直頭一個字“正”，啲牛肉好軟綿綿，正啊。環境嚟講冰室之中真係少有咁大間，座位多而舒適，有卡位、高枱、長枱，裝修亦唔錯，燈光足夠，服務態度都唔錯。價錢亦算合理，應該話呢個水準係抵食先啱。下次會試埋lunch同晚餐先。餐牌香滑炒蛋配鮮油厚多士招牌沙嗲牛肉麵

哇, 呢間紅茶冰室, 日日經過都大排長龍, 所以都想試試趁星期六無咁多人, 入左去食個午餐講返間茶餐廳, 佢地設計好似澳門茶餐廳, 環境唔錯, 坐落幾舒服點左個板燒雞扒飯, 凍啡例湯: 青蘿白煲豬骨, 味精重, 試一啖無再飲板燒汁: 其實即係洋蔥+蒜蓉汁, 但味道較淡雞扒: SIZE一般, 煎得老左, 無雞肉果種嫩滑感, 普普通通飯: 勉強夠飽配菜: 白菜, 最新鮮反而係佢, 估你唔到咖啡: 比想像中好, 味道唔算好濃, 但確係有咖啡香套餐盛惠52+凍飲3

呢間位於觀塘茶餐廳都幾高質，價錢算係中上，不過食物質素有保證平時午膳時間係排長龍要等位先有得食，就算星期六日都係。所以建議各位可以外賣返公司/屋企食。今次堂食試咗件邪惡芝士菠蘿油，仲唔使等位。佢個菠蘿包好鬆脆同暖暖地，牛油都好厚切，再配上雞蛋，感覺都幾新鮮。下午茶加埋嘢飲都係$30，抵！今次試咗杯紅豆冰就冇乜特別，普通但都合格，吾太甜。鋪頭平時喺鋪面都會有啲麵包賣，極力推薦佢個菠蘿包$6，好抵食又高質，仲要暖笠笠！同芝士雞蛋菠蘿油個包一樣甘出色！不過間餐廳距離地鐵站就會遠少少，大家經開觀塘不妨可以試吓！佢其他嘢食都高質㗎

經常喺附近午餐都見到依間紅茶超過50人排隊食午餐，想試，但係唔會囉，保守估計要等20至30分鐘，究竟有乜特別！？食物質素ok 野欴都好飮，牛扒不會太淋，而且都有牛味唯獨未飲完野就勁收野，仲開聲話外面多人等，不過都算禮貎嘅，要傾計就吾揀lunch time la