紅磡雞蛋仔

营业中

休息中

🏠紅磡雞蛋仔 呢間紅磡雞蛋仔，紅磡嘅老字號真係由我讀書食到而家，九龍區暫時未食過比佢性價比更高，蛋味更重嘅舖頭，又平又好味，佢點會唔成為我嘅All Time Favourite呢~其實我食過唔止我以下介紹嘅item，純粹之前食果啲都無幫佢地影到相，所以淨係介紹下面呢2隻啦😜😜 原味雞蛋仔 $15蛋香味好濃，有時係其他舖頭食，價錢貴過佢，但蛋味都無呢間咁濃！！我已經無限次回購呢間嘅原味雞蛋仔，蛋味濃，外脆內軟，甜度適中，價錢抵，真係無得彈！！ 朱古力原味抺茶雞蛋仔 $22 食得多原味都會心郁郁試佢其他味😜呢個item真係好適合貪心嘅人叫，因為一次過滿足到3種口味嘅慾望😍😍老闆話佢堅持用吉百利牌子嘅朱古力粉，朱古力味會比其他牌子更香濃，成本都會貴啲。真係好欣賞老闆對自己食材嘅堅持同原則👍🏻食落朱古力味的確係好香，唔係好甜好假果隻朱古力粉味，而係有可可味果隻朱古力味😍抺茶味都一樣係好足料，因為佢唔係得個色無味果隻，係有抺茶果種苦苦甘甘嘅味，呢個真係值得一試！！ 其實我都仲食過佢嘅肉鬆雞蛋仔同埋奶油班戟， 只係冇影到相🥹 特別推薦佢嘅肉鬆雞蛋仔，因為你一拎上手已經會feel到佢係超足料，係好重

📍「紅磡雞蛋仔」- 紅磡今次食食食之旅黎到紅磡😌相信大家對呢間都唔陌生😆因為佢係紅磡老店之一，出名大份夾抵食🤤以前已經試過食佢既雞蛋仔，記得個時仲係伯伯做，依家已經交咗俾下一手接班人做，但係仍然有好多人食，味道份量依然不變，希望能夠繼續傳承😇🍴蛋白肉鬆鹹班戟💰HK$14✨推薦指數：9/10今次我地試左蛋白肉鬆班戟，即叫即整，大大塊熱辣辣既蛋白班戟，搽左花生醬同煉奶，再鋪滿勁多肉鬆，多到滿瀉‼️（見到肉鬆跌落地👧🏻有少少🤏🏻心痛🥹🥹🥹）岩岩整起係好熱勁辣手，所以唔好即刻放落口呀🤭班戟咬落係好煙韌，每一啖咬落去都有肉鬆嘅咸香味，再夾埋濃濃幼滑嘅花生醬同甜甜嘅煉奶，又真係估唔到可以咁夾🤩呢個價錢食到呢個質素既班戟，真係值得一試！🤤

今天去了黃埔和紅磡行街，特登上網搵吓人氣小食店！就係呢間雞蛋仔、格仔餅和pancake店。小小的鋪面外已經排緊隊。我當然要試吓最多人食嘅沙律芒果班戟。其實我平時唔係太鍾意食沙律醬，不過我估另外一個用途係等啲芒果唔好咁易跌出嚟(純粹個人觀點)，但係食落口又意外地夾喎！而且pancake係新鮮即做！又香又軟，就咁食已經好好味，再加埋多汁嘅芒果，係好正。另外，我發現雞蛋仔都幾抵，所以叫咗一個肉鬆雞蛋仔。佢嗰種甜甜鹹鹹嘅感覺好得意，依個雞蛋仔亦都做得非常好，外面脆卜卜！總括嚟講，嚟到紅磡真係值得去食下！

奶油甜班戟 👅10/10 $11班戟好香 蛋漿味都好出🥚重點係非常鬆軟🥹🥹好食到不得了🧡🧡自己整我就真係絕對整唔到咁鬆軟啦🥲$11又好食又抵食我都廢事自己整😂而且上面嘅牛油同花生醬都好香❤️花生醬命有少少咬口😌真係極力推薦❤️（小編之前仲食過好多次但嗰時未開始做foodie🥹😂跟住就冇咩都影一餐 老闆整好個雞蛋仔我就狼吞虎嚥左…🥹 不過我以後會食多啲分享比大家睇🥰）.味道👅： 9.5/10賣相👀：9/10扺食💰：10/10

已經黎食過幾次架啦，今次第一次出食評！之前上網見人地影到啲相超吸引就拉埋男朋友一齊黎試😌我地次次都係嗌同一樣嘢🤣呢個芒果pancake本身係配沙津醬，但我地兩個都覺得就咁要煉奶會好食啲，所以就同老細講淨係要煉奶🤣食落真係啖啖芒果肉，好滿足，好足料👍🏻價錢方面好似加咗價，貴咗啲啲，$21/ 1個老細都好熱情招待！之前黎食要排隊，今次閒日晏就黎就唔使～下次會試埋雞蛋仔，因為見都好多人食👍🏻

呢間老字號嘅鋪頭，紅磡街坊必食雞蛋仔同班戟，假期嘅下午見到好多人排隊就唔會去食，難得平日放假就去試下同回味下個味道啦！平日下午三點去叫左一份沙律芒果班戟，完全唔使排隊， 一分鐘就攞到，今次嘅班戟係即刻整，所以係熱辣辣，跟著就會加沙律同芒果係入面，估唔到芒果份量都好多，每食一啖都有果肉，本身好dry嘅班戟加芒果沙律係好夾，建議要立刻食，如果唔係班戟就會變淋同出水。係香港嘅老店要多啲幫襯先可以保留到，有機會再食埋佢嘅雞蛋仔同格仔餅！

今日買嘅係蛋白肉鬆鹹班㦸成個㦸好紮實，唔係求其俾少少肉鬆你！真係由頭到尾啖啖有肉鬆，而我揀咗有紫菜個隻肉鬆係貴$1，即係$16件！今時今日嚟講，我覺得係算抵成個班㦸嘅肉鬆、花生醬同個皮好夾，各自發揮但係味道平衡！鋪頭喺街頭，整體係乾淨整齊嘅，我去嘅係晚飯早少少時段，唔使排隊，大概等1-2分鐘左右就拎得！老闆見你即時食，都會問「唔使膠袋啦？」，成功走塑😆而家老店話無就無，老闆今日都講「再唔食就執笠㗎喇」，話哂開咗40+年，聽到講呢啲真係好唏噓！

去黃埔等壽司郎同鮮選壽司， 男朋友帶我去食格仔餅頂住肚先，佢話呢間係佢以前返學食到大，搞到我都好期待佢回憶中的味道係點的🤭呢間店淨係得一個伯伯，都要等一陣先輪得到我地，我地叫左一份原味格仔餅($17)同奶油甜班戟($11)格仔餅入面同其他一樣，包左煉奶、花生醬同砂糖，一入口咬到餅底脆脆的，餅底都足料同厚實，同埋食到砂糖喺入面嘅顆粒感，高興！不過可以落多少少醬就好了，食食下，會覺得唔夠濕潤嘅感覺。相比另一間我都好鍾意嘅ice buff，呢度行平實傳統路線，無特別但都好食😋班戟都係即刻喺你面前，食落口仲係暖暖地，我嗌班戟係因為見前面有人叫左個芒果嘅有cream，我以為奶油甜班戟就係得cream喺入面，點知裏面都係包花生醬同煉奶🤣 班戟好食，夠鬆軟，下次會想試埋有cream嘅凍冰冰感😆我自己好鍾意呢啲老鋪，永遠可以帶到啲最傳統嘅味道，而家好多鋪都好有創意，好多新口味，但間唔中食返呢啲最傳統反而有種反璞歸真嘅美好☺️

呢間小食檔經營接近半世紀👨‍🦳老闆由以前街邊車仔檔做到而家有個鋪位都已經好多年，除咗係附近街坊既成長回憶，仲有唔少街外人幕名而來👀全部小食都係即叫即整🔥所以周不時都有人龍係門口出現，餐牌一目了然就係賣3樣野，雞蛋仔、格仔餅同班戟📜透過唔同口味既祕製粉漿同配料去填滿每個顧客的飢腸🥞蛋白肉鬆鹹班戟 | $14 | 9/10落單後見到老闆係車仔位拎咗幾塊整定既pancake出黎，心頭一涼唔通係擺凍咗既餅底🤨好失望喎，不過見到佢先塗牛油同花生醬，再大手筆咁𢳂肉鬆落去都唔錯，一拎上手先feel到勁熱😍可能係啱啱先整好幾塊放好保温，完全仲係夠熱同軟熟狀態，爆餡班戟啖啖都有滿嘴肉鬆，鹹香味十足😋要小心跌到周圍都係，如果花生醬味道再出d做好個對比就滿分了👍

男朋友叫左原味格仔餅(＄18) 佢好鍾意食❤️ 覺得好有細個嗰時的味道 好厚 砂糖又夠 又系幼花生醬 個餅又厚唔似其他鋪頭咁 整到好薄身 雖然吾系好鍾意食 但都覺得佢夠脆👍自己叫左三色雞蛋仔 （$21）佢整得好平均 都係两行原味 两行抹茶 兩行朱古力 作為抹茶控 覺得佢的綠茶味都幾夠 雞蛋仔原味我嫌吾夠濃 反而覺得朱古力味有驚喜 最好食😋 佢個朱古力吾會太甜太苦 啱啱好😀 但脆度嚟講 都系媽咪雞蛋仔略勝一籌 整體來講 價錢公道 味道吾錯 性價比高 如果經過 不妨一試好彩去的時候 唔洗排隊😬😬

朱古力原味抹茶雞蛋仔 ($22)今次去到紅磡, 我決定去食紅磡嘅名物ㄧㄧ紅磡雞蛋仔。咁啱行到過去嘅時候, 老闆都好認真咁介紹話佢地d 雞蛋仔可以有mix 幾種口味。見到老闆咁熱情, 我哋就決定食朱古力原味抹茶mix 雞蛋仔。其實佢個雞蛋仔我就覺得唔係話非常之特別, 但我覺得如果一個人去食, 都可以同時食三隻味都係幾唔錯嘅選擇嚟嘅。Address:紅磡大沽街寶利閣2號舖港鐵黃埔站 B 出口, 步行約4分鐘#food #foodie #foodhk #foodiehk #紅磡 #美食 #紅磡美食 #黃埔美食 #黃埔 #hkrestaurant #hongkong #foodlover #香港

記得嗰時讀大學朋友極力推薦呢間雞蛋仔，試過一次之後就念念不忘，所以今日經過就去懷緬一番~要咗個沙律芒果班戟，但係因為我唔鍾意食沙律醬，所以就問咗老闆可唔可以轉其他醬汁。老闆二話不說話梗係可以啦！所以我就揀咗格仔餅嘅煉奶，配落去都唔錯。有啲失望嘅位係班戟唔係即整，所以都已經凍咗。但係因為芒果都係凍食，整體來講就不過不失啦，係食返個傳統同懷緬嘅味道☺️

沙律芒果班戟：班戟新鮮即整，熱辣辣；芒果新鮮足料🥭有好多粒，完全冇爛肉，果肉甜而多汁班戟粉漿一定係老闆秘製調配，做到好香蛋味，唔會得舊粉得黎又唔會食空氣咁，仲好鬆軟。

有一次經過紅磡雞蛋仔，見到大排長龍，都知道應該幾有保證，今次終於的起心肝，排隊就排隊啦。排咗大概15分鐘，就可以買，再等多5到10分鐘，就有得食。.🍚朱古力 x 綠茶味雞蛋仔雞蛋仔處理得恰到好處，外脆內軟，朱古力味同綠茶味都好濃郁，唔會話得個顏色而冇味道。.🍚芒果班戟即叫即整，蛋漿比例啱啱好，又香又彈又鬆軟，拎上手仲熱辣辣，芒果份量非常多，夠甜夠新鮮，班戟仲搽咗煉奶，非常配合。.總括然而，經常大排長龍係有原因，平民小食只要有心，都可以處理得可以登大雅之堂。

街頭小舖真係有佢嘅存在價值，好多小舖俾人嘅感覺都係材料足、價錢平班cake外皮蛋香味都幾舊，而且唔係太多發粉嗰種味道嘅感覺，配合雜果香蕉嘅果香甜味，味道更加有層次👍🏻