紅磡雞蛋仔

营业中

休息中

在紅磡區開咗很多年，雖曾搬遷，但味道如，價錢亦很抵。而老闆常笑容滿面，成日同啲客傾計，非常親切。很多人都介紹雞蛋仔和格仔餅，其實佢嘅班戟非常正的。喜歡傳統奶油甜班戟，圓圓的即製即賣班㦸，塗上多煉奶、牛油和多花生醬，咬落勁爆醬，弄到全口全咀邊都沾滿奶醬。蛋白肉鬆榨菜班㦸，凈蛋白做的班㦸，配上大量脆肉鬆和粒粒淡炸菜，又脆又爽的結合，仲有麻油香味，同蛋白班㦸好夾。

你要唔要食一甩呀😋-紅磡雞蛋仔既pancake出色又抵食相信大家都唔陌生喇，今次試下三色雞蛋仔($19)有齊哂朱古力味、原味同抹茶味，滿足三個願望🤚🏻🤤雞蛋仔即叫即做，新鮮熱辣，做到外脆內軟，粒粒實身。朱古力味幾重，仲有小小朱古力粒係入面架，不過原味就爭d蛋香，抹茶味都還好，雖然唔係甘香個種(香港人情小店都唔會期望佢用日本抹茶粉🤣)，但係抹茶味都唔會太假太化學味，都算幾濃架，$19黎講性價比唔錯，收晒貨🙂

講起雞蛋仔係咪腦海會即時浮現傳統一粒粒波波型嘅一底底雞蛋仔呢？今次秘黎到成日打曬蛇餅嘅紅磡必食舖：紅磡雞蛋仔！就咁聽名會聯想起傳統雞蛋仔，但呢間舖除左雞蛋仔之外，仲有pancake賣。佢所賣嘅pancake唔係外國快餐店早餐常見嘅糖漿pancake，而係同雞蛋仔同一種麵糊製成嘅手工pancake，即叫即燒，而且底底pancake厚度差唔多，咬落去飄黎濃濃嘅蛋香之外仲有煙韌嘅口感，真係全靠老闆自家調製嘅蛋，麵粉同水嘅比例。另外，仲有咸糖口味選擇，分別係肉鬆同牛油糖，想加生果都仲得，真係便宜足料夾抵食。

是日有廣州朋友來港，他說很想吃香港街頭小食，試一下什麼叫香港風味。😁😁講飲講食對我來講都算有點研究，我二話不說就想起黃埔是街頭小食及香港特色美食的好地方，黃埔食店很多而且非常集中，所以想食香港特色風味小食來黃埔是一個不錯的好選擇。👍🏻👍🏻😉😉在我心中“紅磡雞蛋仔”是No.1的，因為佢哋嘅選擇同配搭有好多，雞蛋仔，格仔餅同班戟，款式及味道配搭都超過30個以上。價錢仲相當合理，食店仲歷史悠久經營40年多用心製作，還有我最愛的生果，每次來幫襯都會食鮮什果pancakes ✔✔😋😋今日就食了鮮什果香蕉班戟🍌🍌香蕉係我必食首選，哈哈~班戟很有蛋香味，剛煎好非常熱辣辣。配上果肉，包括有木瓜，菠蘿，椰果，主角係半條香蕉🤣🤣🤣配沙律醬汁。咁多種配料加在一起，本人覺得味道非常完美，雖然不是常來，都有一種食完後會掛念的感覺。價錢為$11，大大件，非常抵食。😚😚我在網上看了編報導，是說【「秘方不外傳」紅磡雞蛋仔後繼有人 八十後拜師戒煙戒粗口︰對我好似半個仔咁。紅磡大沽街的「紅磡雞蛋仔」，已有40多年歷史，店子不過百呎。檔主吳偉，汕尾海豐人，來港後從街頭無牌小販檔做起，做到上鋪，多年來都是一人看檔，因收入微薄

呢個芒果pancake 係全港得呢度有。好少地方有即煎pancake食間小店很有人情味，$18我覺得很値。芒果好足料，pancake新鮮，滿足！下次會想食肉鬆or原味..格仔餅雞蛋仔都好呀

以前在黃埔幫人補習多年都唔識貨，「長大」之後既今日終於嚐到呢間名店🤣主打班戟和雞蛋仔，每款大約有10個口味可選擇。其實每一份的分量都很多，兩人絕對可以share一份，但係一場黎到，好想試曬兩樣野，減肥？食完先講啦！對於我呢類貪心的為食豬黎講，能夠叫鴛鴦口味係極正！朱古力做底漿之外，仲食到粒粒的朱古力，比起其他小店做得更出色。難得雞蛋仔保留到雞蛋味（不是廢話，好多間都做唔到），但稍為建議蛋漿可以少放10-20%，令每一粒雞蛋仔裡面的空間更多，減少過量的飽肚感，而且可以令外皮更脆。本來無叫呢一款，但見到老闆成塊餅放在芒果盒隔離，係咁將d芒果「窩」落去，係真係窩落去咁，完全唔吝嗇！的確，餅底軟滑，沙津醬加芒果好夾，好好味！

有機會去紅磡走一轉，於是上網搜尋一下，找到這次本土味濃而且評價很高的小店。公眾假期下午2點多去竟然無人排隊@@難道是伏野?!點知等製作期間，已有大約7-8人在跟住呢個表的方向排隊，大家都好自動自覺，好知定咁，勁!全芒果班戟($18)本身男朋友話$18都算貴，但見到咁大量的芒果之後開始無聲出，食到一半時話:「嗯~~好味喎! 芒果夠甜又新鮮，配上少少沙津醬，好夾!而且個班戟有陣陣蛋味，質地又不會因為即整太熱而過淋。讚讚~~另外仲叫左個雞蛋仔，蛋味夠，足料，但未見好突出。還是推介返食芒果班戟好了!

good value for $18 for a mango pancake loadsss of mango. but the mango is a little sour today. would have liked more cream to balance the taste. small queue at 3pm. the father and son team serving were very friendly and definitely worth the wait.the pancake was fresh and hot! size was also enough for one person as an afteenoon tea snack.

Traditional and new styles pancakes !!! we ordered the traditional egg puff pancakes. it was crispy and full of egg flavour. Has a traditonal feel as a street side stall. enjoyed buying it on the go and eat as a takeaway. onky had to wait five minutes . Price is acceptable and tasted good. Would order the mango pancake again next time.

我除左鐘意食榴連，更喜愛食芒果。同事介紹下得知紅磡入得食好特別芒果班戟，就專誠黎到試一試。芒果都算幾大粒同甜，配埋已經塗上醬料的班戟度就真係好驚喜同幾好味。由於其他地方都無呢種班戟食，所以超級值得pancake控或者芒果控黎食。

有時去紅磡經過都會買黎食下😆 芒果pancake $18 Pancake皮鬆軟軟熟，最重要就係夠熱，薄薄地一層既沙律醬，仲有滿滿既芒果😍😍芒果量多，而且都好夠甜❤️我之前唔中意入面係沙律醬，但食食下又覺得幾夾～～ 同埋我覺得$18有D貴，好彩有好多好甜既芒果粒！除左有芒果pancake，佢地仲有係肉鬆pancake，都幾吸引，下次再去紅磡時就再去試試````紅磡雞蛋仔地址：紅磡大沽街寶利閣2號舖

今日行開去紅磡，友人話附近有一間出名嘅雞蛋仔格仔餅pancake店。一見到menu, 有芒果沙律pancake, 即叫！果然，咬一口就愛上。pancake皮煙煙韌韌，又唔會太甜，芒果粒份量好多，仲要係好甜！本來以為加沙律醬會怪怪的，但又係出奇地match, 酸酸甜甜好開胃，夏日炎炎正啱胃口

係紅磡如果要食雞蛋仔除左媽咪雞蛋仔仲有老字號既紅磡雞蛋仔不過依度最愛食既都係甜班戟😋每次叫都一定係要多奶～班戟鬆軟有蛋香食落去時奶油同花生醬混合既味道真係好正🤤甘多年味道都無變每次經過寶其利街附近都一定會食♥️

好多人都話紅磡雞蛋好出名，今日咁睇完戲路過仲未收，一於試下😁遠處已見到有條人龍，原本想叫個夾餅同雞蛋仔，一去去到老闆就誠意推介我地食呢個自家製人氣蛋白肉鬆酸菜班戟，肉鬆加埋酸菜有個神奇的化學作用👩🏻‍🍳🤩🤩係出奇好味👍🏻👍🏻估你唔到，店長仲話唔好食唔收錢，超好人，🤣🤣🤣掃街推薦👍🏻👍🏻夾餅亦到非常脆身，我特別喜愛花生醬，老闆特意落多一點給我，好有人情味嘅小店，下次黎到紅磡都一定要再試😋😋

落雨天，食過飯，心情一般般。行經呢度聞到好香，見到阿叔幫緊位太太整夾餅，勁有心機。既然行過又咁香，就算已經食到好飽，都好想幫襯。望下牆上價錢牌又唔太貴，完全無理由唔幫襯，於是買左抹茶朱古力雞蛋仔。因為新鮮整，所以要等起碼十分鐘。晌哩十分鐘，阿叔都好健談，話最近出左個video，post 左晌facebook，問我有無睇 😂 ...份雞蛋仔真係香噴噴，熱辣辣又外脆內軟，有肉而唔係果d空心脆殻。抺茶味香，朱古力既有少少流心醬。兩隻味都好香甜，真係超好食，飽到反艇都一定要食，極力推介。由於太飽，請埋比同事食，大家都讚好👍🏻👍🏻👍🏻上面朱古力，下面抺茶影唔到，哈哈😄