紅樓 (已結業)

秋風起，某社交平台上面到處都係啲人食大閘蟹，所以上次食過紅樓點心覺得唔錯，就打黎睇下佢有冇大閘蟹餐，點知真係有，就過咗嚟試啦。我叫咗個鮮拆蟹粉撈麵同埋鮮拆魚翅蟹粉撈飯，呢兩道菜真心幾好食，但係味道有啲接近，只不過飯係有魚翅係入邊，所以如果想食平少少，我建議簡飯！味道會出啲！首先好重蟹黃，然後入邊好多蟹肉，夠晒濃味，唔需要落其他調味料，啖啖肉好正。大閘蟹自然少不了，係成餐飯嘅重點，有成五兩重，都幾大隻，一打開好蟹黃，已經流晒口水，拆蟹要用好多時間，d待應時不時斟茶，又幫我換碟，服務都幾細心，見我食到差唔多，又比濕紙巾，同上埋薑茶，不得不提個薑茶都好出色，而且個杯好靚，其實好食到差啲想叫多隻蟹。本身想叫蟹粉豆苗，但係有感覺上食咗好多，就揀咗魚湯，首先豆苗嘅份量好多，煮得啱啱好，唔會好老，道菜好簡單，但係煮得好好食，呢個位幾驚喜。見到隔離枱都讚蟹粉炒蝦仁嗰度菜好食，等我搵個機會再食多次先，因為服務好，性價比又高。

同事生日，選址紅樓慶生！踏進餐廳感覺非常闊落👍🏻我們被安排坐在一間半開放式的房間，感覺似包箱^_^我們一行5人點了多款美食及甜品，令我印象最深刻的是熱烘烘的叉燒，正！肥瘦均勻，醬汁美味！唯一不完美是洗手間只有兩格

銅鑼灣呢間中菜館環境非常華麗高貴朋友話食物亦質素相當有水準，嚟食聚餐一流！香檳金蝦餃粉紅色晶瑩剔透嘅蝦餃皮，再加上金粉，賣相超高貴吸引呢！咬落蝦餃皮非常薄，蝦隻爽口鮮甜先，而且蝦隻數量大約有兩至三隻，餡料十足呀。片皮鴨做緊特價， $300唔使就食到，非常抵食呢！店員非常細心先將原隻鴨隻奉上給我們影相，然後才片開。值得一讚店員手勢非常熟練，好快就有得食。鴨皮及鴨肉比例亦切得非常完美。餅皮厚薄適中，夾上哈密瓜、青瓜絲、大蔥一齊食，口感非常豐富。入口食到好香油脂味，鴨肉嫩滑，CP值真係勁高呀！

今日到銅鑼灣接朋友放工，之後當然順理成章在附近吃晚飯，朋友係地膽，建議去紅樓吃晚飯，咁我當然冇異議喇！去到食肆門口已經感覺到 一股懷舊風，進入內裏，發現座位寬敞外，燈光亦很柔和，營造出一股和諧高雅格調。現時正係吃大閘蟹時節，雖然我倆怕高膽固醇，但亦都忍唔住點了一客蟹粉菜式，再加個涼菜、魚羹、炒菜和甜品就足夠有餘了。翡翠魚羹啲魚茸一啲都唔腥，配上蛋花和少量芫茜，加上個献打得濃稠適宜，清淡得嚟吃到魚的鮮味。涼拌茄子雖然菜式簡單，但係茄子加上自家製嘅醬汁，好味又開胃。清炒鮮拆蟹粉配蝴蝶包黃澄澄嘅鮮拆蟹粉用酒精爐暖著，不怕放涼會影響蟹的鮮味，我將佢夾喺蝴蝶包內進食，滿口甘香豐腴，忍不住連吃三件，大滿足。蒜蓉炒白菜仔雖然係家常菜，但蒜蓉味濃，好夠鑊氣。太極馬拉糕(原味和黑芝麻口味)原味就食得多，黑芝麻味實在少見，加上外型殺食又不太甜，感覺健康。依間食肆，現時做緊片皮鴨優惠，一隻只賣$298，可惜今次人實在太少，食唔到一隻烤鴨，下次一定call齊老友，再嚟大吃一餐。

Redhouse 最近開張，係openrice訂檯有7折。剛好有朋友係外國返黎，就打算帶佢黎試下。餐廳提供新派元素嘅精緻中菜，有創意點心、燒乳豬、即席切片烤全鴨等。另外更有手工雞尾酒可選。我地一行兩人，雖然切片烤全鴨真係非常超值，但係為左想試多D野食，唯有放棄啦。蟹子黑豚肉燒賣:黑豚肉好香，肥膏唔多，料都非常足，唔錯。魚子醬蝦多士:平時蝦多士就食得多，加魚子醬就真係第一次。蝦多士細細塊，入口唔太油膩，一啖一件，隻蝦都算幾大隻，非常彈牙 ，加入魚子醬後，整體口感唔錯。伴碟仲有少少沙律，食完蝦多士後食D沙律，真係份外清新。正宗酸辣羹:既然呢度出名食北京上海菜，又點可以唔試下佢D酸辣湯呢?呢度嘅酸辣湯入口酸酸地，配料都好足，味道相當正宗。清炒鮮拆蟹粉配蝴蝶包:食蟹先要識得拆蟹，之前睇過一D報導，一斤重嘅大閘蟹只能拆出約三至四兩嘅蟹粉，一般二兩蟹粉做到一道菜，絕對係粒粒皆辛苦。蟹粉炒過後以一小盎上檯，為左防止佢變凍，下面亦都有火座暖。配以貌似白饅頭嘅蝴蝶包食，味道相當夾。蒜蓉炒白菜: 食左咁多濃味野，食返碟蒜蓉炒白菜，清清地，唔係太油，為我地今晚嘅晚餐劃上完美句號。

難得平日放假，帶鍾意飲茶的兩老一齊試新嘢。友人介紹這裡，貪平日午市有半價點心選擇。環境幽雅、樓底夠晒高、枱亦夠闊落。坐得舒服。半價點心紙，選擇都夠大眾化；推介大家試呢個姬松茸灌湯餃。湯很清甜、有一陣陣的香菇味，有誠意的製作。老實講，半價完都$44，真係間中試一次。點心的另一特色是精緻。將平凡的點心加少少創意；又係視覺上的享受。這個珍菌黑松露球；正是咸水角的進階版。味道亦不錯。花之戀- 將春卷整成花一樣；很吸引小朋友。清湯牛肉球；肉質夠實、味道很好。蝦餃皮用紅菜頭汁製成；面有金箔；大大粒；咬落蝦仁夠實、爽口。相比以上食物，這個菜苗餃略為遜色。筷子一夾，皮就即散。整體來講，食物質素屬中上。半價都可以一試。但正價的cp值就不算高了。

之前見人地黎試點心，原來夜晚同晏就係唔同既。夜晚換左張櫈，感覺係一間比較高級既中菜廳。黎到嗌左客椒鹽脆豆腐，幾惹味，前菜一流。到左食大閘蟹既季節當然要黎試一下，呢度啲蟹全部都入哂公既，侍應好好提我地食左蟹先再食其他菜，幫我地hold住其他order，啲餸就唔怕凍哂。重幫我地拆蟹，之後會送埋薑茶，呢個有啲驚喜幾好飲。另外叫左個炸饅頭，法邊豆。主菜係鮮拆蟹粉魚翅撈飯，調味適中，唔會覺得個汁太{傑}好似用粉開甘。真材實料真係有啲翅架，$148算係抵食。最後甜品我同朋友嗌左楊枝甘露，不過似芒果汁多啲，冇甘露果種感覺，但芒果好甜，芒果汁甜度適中，特別係西米比較大粒有口感。整體黎講食物唔錯，服務好好。會想再翻兜個蟹同撈飯。

今日又同屋企人去試新餐廳，之前已經有啲想去中環嗰間試，而家銅鑼灣都有就更方便啦。其實本身冇抱好大期望，志在周圍試食。不過原來而家到十月尾部份點心有半價，有啲食物又有特價，都算抵食嘅。點心都係正常味道，冇乜大驚喜。屋企人就特別鍾意個蝦多士。而大家就一致認為瑤柱貴妃雞米粉最好食😋

本來冇乜期待因為只係路過CWB 沒有特別去找餐廳見到OpenRice話呢到新開而且有做緊7折！裝修又靚靚地 就試下啦！一入到去已經嘩一聲估不到這樣的裝修是吃中菜的坐底侍應會問飲咩茶我地揀咗玄米 好好飲 茶味出叫咗幾機小食 一個飯全部都出奇地超好食！有驚喜貴妃雞做得出色 雞肉滑而不油魚湯好飲 燒賣一般但勝在夠新鮮夠熱炒飯竟然有真蟹肉而不是蟹柳 炒到一粒粒飯都有80分可惜試不到最出名的蝦蛟另外，服務真的不得不讚！五星級的顧客服務！有禮貌有質素香港少有推薦

朋友話銅鑼灣開了間紅樓，以為是台灣的紅樓食櫻桃鴨，原來是食點心飲茶，有優惠當然去試下啦！夜晚片皮鴨裝修不錯，環境清靜燕窩蛋撻忘記了名，好脆义燒腸，個豉油不錯粉紅色蝦餃燒賣蘿蔔糕，這個有點失望，沒有味道九肚魚蝦多士，很多

中秋晚上來到銅鑼灣mid town的紅樓，裝潢以紅黑色為主調，帶點神秘的感覺💫.第一道菜當然要試這裡的招牌菜—黑豚肉叉燒🐽叉燒採用日本黑豚肉，肉質嫩滑，同時做到肥瘦均勻😽外層塗滿蜜汁，吃起來更惹味，不過叉燒口感略嫌不足，可能是薄切的關係🤧值得一提是菜式以明爐呈上能確保叉燒帶微溫，很不錯☺️.賣相吸引的龍蝦賽螃蟹🦀龍蝦肉質鮮甜爽嫩，口感亦算彈牙，只是份量較少👀不過配埋蛋白，吃完也挺飽肚的~味道方面，調味不多，吃起來較清淡，不過能吊出龍蝦的鮮味😽.椒鹽九肚魚就不過不失...炸漿比較厚身，還好食落是鬆脆的，亦不算油膩。九肚魚肉質不俗，不是那種一咬開就散的，不過比起前兩道菜，這碟就沒什麼驚喜啦🙊.以這個價錢來說，這裡的食物質素是不錯的，而環境亦非常闊落，適合家庭/朋友聚會😉

雖然餐廳走的是中高檔路線，裝修並不是特別精緻，餐具的質量也不是特別好。這裡的優點是樓底高，檯與檯之間的距離也算寬闊！除了粵菜，他們也有不少近乎川菜的濃和辛辣的菜式。用料還算講究，烹調的味精不算多，茶的質量也比一般酒家好些。特色飲品的價格也顯得合理。服務人員的態度一般，不大願意為你推薦菜式，也不是非常友善。整體用餐經驗還算過得去但並沒有任何驚喜去創造一定要再回去的理由。如果他們能在許多細節上再用心改善一下，這裡還是有潛力成為三五知己和好友聚會的場所。

上堂前，因地點近登籠街，朋友提議嚟呢間中菜試吓。環境唔錯，燈光偏暗，尙算坐得舒服。因諗住食少少，㨂咗三個特色菜。點心㨂咗香檳金蝦餃，外表同平時嘅蝦餃唔同，佢喺粉紅色皮再加上金箔，食落味道無太大分別，不過勝在蝦夠爽口同新鮮。小菜㨂咗黑豚肉叉燒皇，好有特色，木架鐵盤熱上，隨叉燒另附上餅皮、蒽段，食法可以好似片皮鴨一樣，肉香軟嫩，仲有蜜汁，十分惹味。最後喺紅樓招牌炒飯，味道同賣相都可以，配料嘅蝦都好爽口整體感覺唔錯

年初響蘭桂坊開咗間摩登粵菜，坐擁中環靚景，唔夠半年就響銅鑼灣開咗新分店，雖然景色冇得比，但勝在夠就腳，而且裝修夠氣派夠時尚。同其他中菜廳一樣呢度都係要收茶芥，不過特別之處係佢除咗平時酒樓飲開嗰啲之外，仲有比較特別嘅蕎麥茶，茶香之中帶麥味，有種日本菜嘅感覺。叫咗幾款口碑特色菜，點心系必點嘅香檳金蝦餃，賣相粉紅加金箔超IGable，食落雖然冇乜特別，但係蝦肉夠大隻爽口，用料算靚。小菜類必點叉燒皇，木架鐵盤熱住咁上，令叉燒保持熱度之於邊位亦可燙至微焦，而叉燒本身係用黑豚肉製作，肉香且軟嫩，加上蜜汁更為惹味。飯類就揀咗濃湯鴨絲泡飯，就咁睇價錢二百幾好貴下，但食下食下發現都可以分成六七碗，食完兜飯已經飽哂唔洗再叫其他嘢，至於味道方面比想像中好味好多，首先即場泡煮未入口已經俾陣湧出嚟嘅香味吸引住，鴨湯超香濃索入飯粒更正，而鴨絲俾湯飯煲住依然好嫩，另外介可以自行加蔥同芝麻等調味，每碗都可以加唔同嘅配料令個飯冇咁單調。

admin同事話收到張點心半價flyer， 於是就星期一成班人lunch去試下。原來係蘭桂坊紅樓嘅分店！！上次試過蘭桂坊果間都幾唔錯，最深刻印象粉紅色蝦餃今次又點少得！！！每次見到都忍唔住要影影影！今次銅鑼灣店梗係要叫d唔同嘅點心小吃啦 一見到國寶芝麻包上枱，真係尖叫人一出黎！ 勁cute得黎搞到我地班女同事都唔捨得食。 芝麻香氣十足，包又夠軟， 略嫌分量太少啦 咁多人點夠分仲叫左我最鐘意食嘅紅油炒手，唔會太辣 肉亦夠嫩 值得推介最驚喜係個茄子豆腐（唔記得個名係唔係咁） 本身諗住都係奇怪味同埋會係麻醬日本沙律果d口味 點知上左枱望左好耐d茄子去左邊。 原來師傅將茄子去皮起肉夾在兩片薄豆腐中 食落滑溜之餘仲帶有香甜濃郁的茄子味。一個字，正！可能好耐無食炒飯，食嘅時候竟然諗起媽媽嘅味道。 好多新鮮海鮮加上飯夠乾身，飽肚之選！