糖水雄

营业中

休息中

話說今日同幾位朋友放工出左去圓方附近睇戲食飯, 見睇完戲之後都有D餓, 其實係晚餐食唔飽, 哈哈, 之後就搵搵邊到有糖水鋪食野, 就上OP搵, 附近餐廳, 就比我地搵到糖水雄!!係圓方過條天橋就見到糖水雄啦!附近因為係大型停車場, 都好方便食客泊車, 不過距離地鐵站, 巴士站就差少少啦, 不過唔緊要,最緊要好食!!我地果個時間可能未到宵夜, 所以人流未見出現, 但都有好多外賣客親先上門幫襯實在肚餓, 我地幾個都忌唔住叫左好多野食, 估唔到糖水鋪都有甘多花樣, 有串燒,飯食等等, 勁!粒粒臘味燸米飯 $28甘岩秋風起就更係要食臘味燸米飯 應下節日, 真係好抵, 再講多次, 真係好抵, $28蚊食個到甘足料既飯, 咸香脆口花生, 蛋條亦非常有蛋味, 燸米飯更係少到剛剛好, 軟硬適中, 真係超級好食!!!!!混醬腸粉 $8腸粉黎既時候係咩醬都冇, 因為係要自己親自動手落, 呢下真係好難得, 因為自己想落幾多就幾多醬, 試問仲有幾間糖水鋪可以甘, 大家睇到我張圖, 我落左非常多麻醬, 仲有腸粉數量又多, 腸粉爽口唔"痴"牙, 真係要食多幾條鐵板黑椒雞中翼 $16雞翼鹵水見得多, 真係好少見鐵板

平日晚上七點左右到 唔算多人 2,3個人,全店應坐到20個左右吧鴨腎菜乾豬骨粥 $24糯米飯 $28炸雞槌 $39白果腐竹意米 $20 不用3分鐘就上台鴨腎菜乾豬骨粥 夠味 鴨腎切左3,4片細薄片 菜乾都夠多 豬骨就有一舊 仲有2,3粒碎蠔豉 好味糯米飯 炒得唔夠均勻 有D唔太上色 仲有旦絲 花生粒同蝦米仔  唔會好油糯米飯冇乜特別炸雞槌係即炸 所以要等15分鐘左右  真係夠晒熱 個皮唔算好油 都夠味 肉都夠滑 有少少辣粉係面 呢個都好味 係嫌貴左少少得2隻白果腐竹意米加5元加左蕃薯圓白果都夠多 應該係為免苦,所以切左一半 意米就好少了 甜味剛好 蕃薯圓都有6,7粒 冇乜味道  始終都係台灣好味整體 以呢個價錢 都好好了

印象中踏進柯士甸次數少之有少,是晚朋友帶我一嚐宵夜糖水。約晚上十一時多到,人流不絕！設有室內室外位置店舖不只單單售賣糖水,還有小食炒粉麵供應～蜆肉碗仔翅 - 朋友對其熱愛非常！蜆肉 + 翅這個組合令我好奇,一試之下覺得兩者頗合襯,味道濃郁而不帶稠不帶糊狀！蜆肉體積雖的骰小巧,肉質挺鮮嫩！冬菇質感非常厚,使口感豐富不少～粉絲滑溜而彈牙！素來愛吃煙韌的食物,芋圓等等皆備不錯的口感！一向對紫薯情有獨鍾的我選擇叫紫薯圓喳咋～紫薯圓色澤紫得漂亮,雖然欠缺味道,不過質感卻煙韌QQ。喳咋充斥香濃的椰奶味,甜度適中,豆子質感軟稔易入口！

食完飯梗係食糖水🤔今次黎到糖水雄，吾單止食糖水😂仲食埋小食😍最重要依到既野食係街坊價😏😎抵食呢  1️⃣白果腐竹沙冰/喳咋沙冰 $25評分: 7.5/10  中式既沙冰😃原本以為好怪，但估吾到好正！白果腐竹沙冰個味好濃🙈🙊個感覺有d似牛奶沙冰咁😍喳咋幾重豆味😈2杯野飲完係超飽肚  2️⃣一碗團圓 $28 評分: 7/10  有湯丸，芋圓，蕃薯圓，紫薯圓🙈好多丸😎食落口感都吾錯，幾有嚼口  3️⃣鐵板黑椒雞翼 $16/4隻 評分: 6/10  味道較一般，吾算惹味  4️⃣越式庶蝦 $20 評分: 7/10  蝦膠包住庶，食落幾有口感，但庶香無乜  5️⃣越式春卷 $18 評分: 7.5/10  超鬆脆😍好中意越式春卷既外層，會有係口中化開既感覺，熱食好正  6️⃣一拳雞搥 $38/2隻 評分: 7/10  大大隻😍即炸好脆！而且炸皮吾厚，肉好juicy

朋友一直與我都想吃佐敦的糖水雄不過在2016年時最後都沒吃成，趁著2017的開始，我們坐言起行出發去糖水雄吃吃吃~這裡所賣的碗仔翅 很特別，是有蜆肉的，我也是第一次吃。集精華於一身的碗仔翅看似濃重，其實濃而不稠，調味適中。 處理得極好的粉絲富彈性，冬菇飽滿肉厚嫩彈，雞絲吸飽了湯中精華，潤澤的雞絲非常入味。蜆肉雖小巧，但其肉質滑彈緊實，滋味鮮美，令碗仔翅河鮮感十足。永遠都是隔離飯香，我們聞到廚房炒的xo醬 炒蘿蔔糕惹味十足，也忍不住來一盤。一送上桌，xo醬香氣逼人，蘿蔔糕沒有油膩的感覺，外層炒得香脆，內裡十分綿密。xo醬滿滿鹹香感，蘿蔔糕裡的蘿蔔絲香甜，臘味用料頗多。紫薯圓白果腐竹糖水香滑細膩，腐竹已完全融入糖水中，蕙米相當有嚼勁，白果細嫩腍香，不過紫薯圓不太吃出紫薯的味道，只有煙韌的口感，變得美中不足。紫薯圓喳咋椰汁香濃，薏米吃起來甚高纖維感，紫薯圓煙韌，紅豆香甜綿密，西米露軟綿，滿滿腰豆，口感豐富多變，滋味濃郁可口，甜而不膩。腐竹白果沙冰濃醇稠潤，白果腐竹化成白色的雪花般，看似無形卻有形，入口完全融化，相當滋潤。蜜瓜三重奏當然有三重的口感，奶昔，西米露與冰沙。先喝第一口，蜜瓜奶昔清甜

中式糖水中，我比較喜歡喝紫米露，再加上口感煙韌的芋圓，絕對是我杯茶。今晚於佐敦吃完晚餐後，例牌又來到糖水雄吃糖水。除了中式糖水外，還有不少小食提供，價錢大眾化。芋圓紫米露每次都必點的芋圓紫米露，喜歡它味道只是微甜，而且紫米煲完很軟綿。芋圓則口感煙韌不硬實，有嚼口。鹵水雞翼尖除糖水外，還是第一次點小食。雞翼尖醃得非常入味，不過略嫌偏咸，吃多幾隻後，已感口渴。XO醬煎蘿蔔糕蘿蔔糕煎得表面帶點焦脆，很香口，還可吃到少少蘿蔔粒，粉漿的比例不算太重。

今晚同朋友黎左呢度吹水食糖水首先小食猪皮蘿白梗係要食啦~猪皮夠爽口，蘿白超入味!!!正呀~XO醬煎蘿白糕$16好香口, 又唔會一pat pat~宇治金時沙冰$29此款是店舖獨創，很有日本feel,紅豆味香口，加上綠茶沙冰口感一流~勁耐無食過狗仔粉，原來呢度有得食~糖水雄狗仔粉$23可以加上菜普和炸蒜茸，更加美味又鹹香。夠濃味， I LIKE ~又足料狗仔粉爽口彈牙碗仔翅＄25足料大大碗, 有冬菇粉絲, 木耳等，口感豐富~認住個招牌，因為附近有檔差不多名字的, 不要去錯呀~老闆很好人又親切, 幾十年為街坊服務~幾十年為街坊服務~

約左舊同事食飯 到左附近打俾佢原來佢有ad hoc野做 未走得住甘我周圍hea下先順便搵下今晚食咩好行下行下見到呢個糖水鋪甘不如入去食下d唔飽肚既野先人不算多(甘梗係啦 都未到食甜品時間)鋪入面有15-20個位左右見到有摺枱 應該再夜d多人會開坐出面雖然人不多 但店員都好招呼望下menu 發現佢除左糖水甜品仲有好多小到燒賣魚旦串燒 大至狗仔粉炒麵粥品但係我唔想食到甘飽 所以無叫我先叫左一串雞軟骨串燒仲有一杯野飲 蜜瓜三重奏對於甜品鋪可以食到串燒我感到好新奇 但我也願意一試都係貪新鮮叫左一串估唔到出奇好味 仲加上七味粉香脆香口 下次可以再食多d另外蜜瓜三重奏 顏色令人好開心同系列仲有西瓜同芒果既味揀蜜瓜係因為少見呢個味道果然無令我失望 面果層有幾粒朱古力杯野既味道同食左個蜜瓜無分別味道濃郁而且不太甜同埋都幾解渴時間差不多就過去會合舊同事呢度既野食多種類 岩哂宵夜時間而且店員個個都有禮貌係渡船街食完飯 一定會再黎幫襯!!!

飯後甜品緊係最開心又期待既環節，係附近食完飯見未夠飽，黎左依間甜品鋪諗住食個甜品，坐低同朋友邊食邊傾計，估唔到仲有多款小食，啱哂宵夜一族既朋友仔我自己就叫左個熱糖水同一款小食，食埋就啱啱好返屋企訓個靚覺<<熱白果腐竹薏米>>飲落好香腐竹味又唔會好甜，白果口感軟腍，薏米好綿，整體清清甜甜仲熱熱地，都幾好味<<魚蛋>>一份有六粒，帶少許辣味，食落口感彈牙同入味，係我細細個係街邊篤魚蛋食到既味道，食完都幾有回憶整體價錢都幾公道，都見到多街坊街里特意叫外賣糖水小吃，都幾親民啊

吃完麻辣窩後，縱使是喝過加多寶但是舌頭還是隱隱作痛，途經兩間糖水店但是感覺不對，臨上天橋往 Elements 之際，看見有一個易拉架上大約寫著｛糖水雄扎根佐敦三十載 ......｝，OK 既然把自己說得那般犀利便入店吃吃看。 入店後才知道 糖水雄 還有鹹點售賣，而且沒想過糖水店的餐牌會印刷得這般精美。因為需要滋潤我的舌頭，所以只往傳統糖水的項目去挑選，要滋潤唯有找熱糖水，終於我找到售 $ 20 銀杏腐竹薏米。 只喝了第一口，舌頭上的繃緊刺激已緩和不少，糖水的甜度適中，黏口的質感讓我喝得舒服，味道又因為腐竹的完全溶化而更有豆香及厚身，銀杏與薏米亦煲得腍中帶咬感。難得遇見 越式蔗蝦 $ 20 四枝，蝦肉可以打成魚蛋的綿綿質感，味道帶甜而且有蝦味，即叫即炸是不油膩也很新鮮，肯定是沒有點錯。糖水雄，我相信我好快會再臨 !味道 5環境 3服務 3衛生 4抵食 5

朋友請食飯，當然我都要有返D表示啦，今次我地去完佐敦食雞煲就係佢停車場位見到間店水舖就話入去試下！～去到見到個餐牌都好多野食喎，但因為頭先食左晚餐就叫左個中式糖水加少少野食再傾下計先。佢叫左芝麻糊湯丸和小食炒蘿蔔糕，芝麻糊味道吾太甜都OK，起碼吾會太杰身，湯丸正常味道啦。反而蘿蔔糕炒得幾香口而且吾會太淋身，食落仲有少少XO醬味添喎。我就叫左腐竹白果薏米糖水加左芋圓，食落好有豆腐感覺而滑身，白果薏米材料都吾少，感覺似飲熱豆漿，都吾錯輕食糖水必叫選擇。當然我係燒賣痴都忍吾住叫左一個加豉油和辣油啦…食落似魚肉燒賣而又吾會蒸都好淋身，仲有口感而辣度剛好。我地大約坐左係度大半個鐘都冇比人趕住結帳而且坐得都舒服，價錢合理又野食有吾同選擇，因我最鐘意有熱又有凍食，見到人地生果甜品個賣相都吾錯。而且最緊要又近泊車位超方便，應該下次黎到佐敦都會再試下佢地其他甜品。

飯後甜品 .... Menu~ 百合紅豆沙 $ 18紅豆還算大粒份量十足 , 煲得夠透而且起沙, 帶有陳皮味 , 蓮子亦煲得腍身 , 稀杰適中 , 甜度較輕 ~本篇完 ~

今日去左佐敦食串燒，點知食吾飽，朋友就話不如去這間糖水雄…去到見到款式勁多，由粥，腸粉，糖水，竟然仲有串燒……超驚喜。今次叫左糖水，蘿蔔糕，串燒和燒賣，味道吾錯而且坐得都舒服又有電視睇，最後終於食飽飽離開。朋友話食過這裡的芒果好味又足料，點知今次話吾係時令沒有，唯有睇下下次有冇得食啦。腐竹蛋薏米加芋圓，味道濃而勁多白果好味道加上芋圓增加口感。芝麻糊加花生就普通。xo醬蘿蔔糕熱呼呼黎到，少少辣又香…份量ok wor。燒賣正常起碼吾會好淋而加上辣椒油不錯。鹵水雞翼尖咸左少少，下次會再試佢黑椒雞翼尖。串燒一串$12都幾抵食而加左辣粉再野味多少少添。

今日放左工約埋d姐妹朋友去街 見行到有d口渴 又想飲嘢 然後有個姊妹話附近呢度有間糖水舖都幾抵 又可以食d串燒 甘就一起決定入去。我地叫左糖水 碗仔翅 加幾串串燒我叫左一個喳咋$20,第一眼望落去 加左花奶 好多料 好似好正 加上果時又口渴 真係即刻想食曬佢 食落唔會太乾 多渣 又唔會太甜有個朋友叫左個雜果西米露$25 睇落去五顏六色甘 幾靚！食落口感清涼 啖啖果肉 食落去都唔似罐頭生果,椰汁味又重,越食越想食,朋友仲叫左蜜瓜涼粉$22,蜜瓜食落好新鮮好甜。另外，我仲叫左一個蜆肉碗仔翅$25 真係超足料 好大碗 有雞絲有木耳有冬菇 好多蜆肉 食落仲有蜆肉既鮮甜味 好好味, 口感非常豐富我地一齊share 食完都覺得仲係好多咁仲有我地叫左兩串墨魚燒$12 好好食, 燒得幾入味 咬落去超級彈牙爽口 有口感 食完仲想食 食完飲返d糖水 真係岩岩好 又唔會熱氣 真係正！

開心大發現😍😍親民價之餘野食質素都好唔錯蘿蔔糕夠足料 香軟適中糕身都好夠軟滑春卷夠脆身温度暖暖地岩岩好入面夠足料 食落質感幾好又唔會覺得好油膩😝到糖水方面今次叫左個熱既椰汁芋頭西米露😀椰汁味好夠 芋頭質地比較粉芋頭份量算ok多 所以食完好快夠飽但略嫌另外加既芋圓份量唔夠多 同有啲細粒🙈 芒果西米露就屬於不過不失既🤔芒果夠新鮮 👍🏻但有少少酸另外仲可以嗌飲品，大杯得黎味道又吾會太過甜整體泥講都好滿足😆又抵食又好食👍🏻大家經過可以泥試下😝