糖水雄

营业中

休息中

永不錄用，打開後，研究後，退款後，永不錄用，無放屋企門口，交俾其他部門跟進，已經好好了從來未遇過甘x心既狀況，就算肯請我食，我都唔敢食，浪費時間金錢，嗰隻黑色野，俾啲芒果痴實晒先嚇人，用紙巾捽開佢，不得了，起角既

糖水雄位於佐敦，是一家以創新甜品而聞名的港式糖水店。叫左朱古力燒賣，糖水雄顛覆了這一概念，將朱古力融入其中。每一口都能感受到濃郁的朱古力味，甜中帶有一絲鹹味，這種獨特的搭配讓人耳目一新。燒賣的外皮薄而韌，內餡鮮嫩，搭配融化的朱古力醬，更是讓味蕾瞬間綻放。這道甜品不僅適合喜愛甜食的人，也能吸引不太喜歡甜品的食客前來嘗試。黎到緊係要試薄荷朱古力西米露，這款甜品的外觀清新脫俗，呈現出夢幻的綠色。西米粒Q彈有嚼勁，與薄荷的清香和朱古力的濃郁相得益彰。每一口都能感受到薄荷的清涼感，讓人心情愉悅。這道甜品不僅味道出色，還適合炎炎夏日享用，帶來清新解渴的感覺。糖水雄的價格相對親民，人均消費在$50以下，對於這樣的創新甜品，性價比極高。

在香港連鎖甜品店氾濫的今天，佐敦的「糖水雄」依然堅守著港式糖水的靈魂。今晚特意帶朋友來支持，點了幾款招牌甜品，份量之慷慨令人感動。 🍫 **Oreo朱古力沙冰** 真材實料到誇張！沙冰打得綿密順滑，Oreo餅乾碎多到每口都「咔嚓」響，朱古力味濃而不膩，甜度剛好不會封喉。最驚喜是底層還有軟心朱古力醬，像挖寶一樣有層次。 🥭 **芒果超級撈** 堆成小山的芒肉甜到漏，搭配爆珠、小丸子和沙冰，口感豐富到爆炸。朋友說這是她在香港吃過最新鮮的芒果甜品，完全沒罐頭味。 🌱 **綠豆超級撈** 傳統糖水玩出新花樣！去殼綠豆煮到起沙，配上芋圓和椰奶，甜度克制得剛剛好，勁大碗，朋友說根本當正餐食。 人均$50的消費，換來的不只是甜品，更是香港街坊的人情味。支持這些用心經營的小店，才能留住我們的集體回憶。

今日打風天氣非常炎熱🥵🥵，剛巧和朋友路經佐敦，想搵解渴食品，見到糖水雄店舖，二話不說就入去搵冰涼的甜品，店員介紹我食白果腐竹沙冰🍹🍧，白雪雪好似雪山咁，大吸一口已經覺得涼透心，我朋友就食西瓜涼粉，同樣冰凍消暑，味道很好，又不太甜，真係好爽！😆😆聽講原來佢係有做外賣送遞，誇區都會送外賣，不過唔同地區送外賣的日子有唔同，下次我都要試下叫外賣，唔洗特登去佐敦食都得。吃完我還買多兩個外賣糖水給我家人，天氣雖然炎熱，能夠及時有冰凍的沙冰解暑真係冇得頂。👍🤤

路經此地，開心食個宵夜。蜆肉碗仔翅有趣地，碗仔翅之中加入咗蜆内。 蜆内都唔少，成功令碗仔翅多一分鮮味。 碗仔翅濃度遆中，唔會太稀或者一團粉漿，而且入面幾多配料，落埋麻油同辣菜脯，豐富而惹味。炸墨魚丸本來想要炸黑白墨魚丸，可惜暫時冇貨，於是要左炸白墨魚。 墨魚丸外皮炸得香脆，入面爽口彈牙。 配合蜜糖，主要走香口路線嘅墨魚丸，又多咗一份鮮甜潤滑，整體冇違和，相輔相成。此外，魷魚串燒同XO醬蘿蔔糕，都好香口，唔錯嘅小食。喳喳傳統糖水，都做得相當唔錯。 喳喳入面各種豆類都煲得好淋，味道亦都幾配合。腐竹沙冰好夠腐竹味，如果再冰凍少少仲好。整體嚟講，都係個開開心心食小食同糖水嘅好地方。

白果腐竹沙冰$35覺得呢呢個冰沙好足料出面可能有啲冰沙係食到後面會冇乜味但係你呢個係由頭到尾都好香腐竹味一開始啲冰係超凍啦凍到啲牙都會好凍其實我諗係8分鐘內已經食晒 但係飲到後半包嘅時候呢佢就變咗凍嘅腐竹糖水唔知係溶得好快定係佢本身係一半冰一半糖水味道方面呢個甜度對我嚟講係啱啱好嘅我本身唔係一個好好甜既人 有時有啲冰沙呢雖然佢飲落唔甜但係因為係太凍所以先唔覺得甜飲完個口會覺得好甜好唔舒服但係你呢個完全冇呢個感覺飲完個口唔覺得好甜唔舒服嘅感覺 大讚如果個底加少少腐竹碎有得咬下可能會好啲因為飲到最後佢已經溶溶地所以有啲嘢咬下會開心如果可以先入一啲腐竹再入啲冰沙落去咁飲到最後用到剩返糖水嘅時候又食到腐竹就好正

### **🍠芋圓紫米露｜QQ彈牙の紫色浪漫** 一上枱就俾個夢幻紫色吸引住！紫米煮到軟糯起沙，甜度啱啱好～💜 重點係嗰啲手工芋圓，有齊紫薯、芋頭同地瓜三種口味，咬落去煙韌到可以玩「彈牙大賽」！😝 最正係加咗椰奶同少少桂花糖漿，香滑得嚟帶淡淡花香，凍食版本仲加咗碎冰，夏天食真係透心涼～❄️ ### **🥥喳咋｜南洋風情の雜錦派對** 呢碗絕對係「咩都有」嘅甜品界代表！紅豆、綠豆、眉豆、西米、芋頭...仲有我最愛嘅椰汁做底～🤩 豆類煮到起沙但唔會爛，西米粒粒分明，芋頭粉糯帶香！最驚喜係加咗少少椰絲同淡奶，味道濃郁得嚟唔會太甜，每一啖都係唔同口感～熱食凍食都咁正，冬天食完成個人都暖笠笠！☀️ #港式糖水 #懷舊甜品 #芋圓控 #少女食評 #香港情懷

老闆於網絡活躍，好早已經聽過佢個名，尋晚去食，仲有日本人識搵黎哩到食環境小小舊，枱面都乾淨嘅，播住90年代嘅流行曲，食嘅聽嘅都係香港人情懷店員推介楊枝金露，西米煮透，大粒有咬口，芒果唔係當造，小小酸可接受，個汁底甜可以中和返紫糯米糖水，就係普通想像到嘅味道，熱食冬天一流，都足料朱古力燒賣，味覺衝擊食第一粒有啲唔慣，食第二粒就開始慣了，加埋忌廉原來都唔係咁怪聽朋友講每逢睇完演唱會就會黎食，真係要好好珍惜而家咁夜仲會開嘅小店

只係想夜晚食個糖水，好好一日收尾。唔需要對方笑容滿面，唔需要有任何特別服務。大家都冇對店員西口西面，但係點解俾錢嗰，一日最後嘅時間，仲要受店員西口西面？ 俾錢買難受！？冇咩特別唔會再去。

之前成日想試跨區外賣，今次終於夾到時間叫到。叫咗三樣嘢，豬骨粥、狗仔粉同埋喳咋，每碗$25仲免運費。因為我唔係即時返到去就食，我自己再加熱過。好有水準豬骨粥，雖然啲米覺得比較碎，但係個豬骨好好味，驚喜嘅係竟然仲有陳腎。如果可以在大碗返少少就好嘞。狗仔粉成日有人誤會係銀針粉，其實佢係好似一啲粗烏冬但係短身嘅粉，味道好濃厚又冬菇蝦米，另外差加咗包辣菜脯，呢個辣菜脯加上佢真係畫龍點睛，食得辣嘅朋友唔好錯過。喳咋想像中嘅味道，非常足料冇投訴，我唔食得甜，佢嘅甜度淡淡地啱晒我。可能今次嗌三樣嘢都係搵定之選，下次再試吓其他先見好多人話雞翼尖同腸粉燒賣都好正！外賣車準時送到，取外賣過程非常流暢。老闆仔親自送外賣，同場加映仲有達哥同達嫂。佢哋非常親民即場派發新碟嘅poster仲有親筆簽名同合照。

平時食開佢既糖水同野飲，聽講佢既小食都出色，所以今次就黎試下。蜆肉碗仔翅：差唔多啖啖都有蜆肉，幾抵食！糖水雄狗仔粉： 食到有我最愛既蒜蓉，再淋上杞子，同平時出面買開既狗仔粉有唔同，幾特別！

Double 特濃粒粒朱古力沙冰（$42）幾大杯，朱古力味唔算太濃，偏甜，味道還可以，如果再濃厚啲會更好。XO醬炒腸粉（$28）即炒，惹味，配料有火腿、椰菜、雞蛋，少辣，味道不錯。

等左一陣就有位。上次試過糖水覺得太甜，今次比多次機會，試下小食，就揀左碗仔翅、朱古力燒賣同埋XO醬炒腸粉。碗仔翅而家愈來愈少地方食到，好難得呢度有，仲要十分足料，冬菇好大塊，仲有蜆肉，加埋好多醋同埋自制辣菜脯，味道唔錯。朱古力燒賣就一般，朱古力醬+砂糖+炸燒賣人+cream，味道太甜，怕甜嘅人就要考慮下XO醬腸粉即炒出黎，熱辣辣，配XO醬夠香。

疫情嘅時候 叫過團購外賣糖水其實當時已經好想試佢好出名嗰個朱古力燒賣🤭但係冇人願意同我去試伏😆估唔到過咗幾年後嘅今日 終於有勇士同我一齊去試🤣🤣🤣🥢牛乳西米露同喳咋經典糖水點都要唔人叫返碗啦😋本身以為佢係新興玩開fusion野點知啲classic款都足料唔馬款🫶🏻🥢 XO醬炒腸粉呢個我求吓大家一定要叫 真係真係超好食！個XO醬好惹味 炒腸粉又滑加埋其他配菜 真係停唔到口 係咁食係咁食🤣🤣🥢蒜蓉麻辣雞中翼呢個同想像中嘅有啲唔同比想像中難，同埋我以為佢係動身，但係佢係常溫咁但係都OK嘅難食其實我哋仲叫咗個朱古力燒賣但係後來睇返啲相 原來我影到全部out晒fo🫣其實佢個朱古力燒賣啲燒賣係炸過嘅，都幾好食不過就好邪惡囉🤣 因為佢有好多cream 砂糖同朱古力醬就咁俾我食炸燒賣可能會開心啲不過一場嚟到都要打吓卡 食吓呢啲名物嘅🤣🤣

Follow 社交平台 好耐，次次都夾唔啱時間叫外賣，嬲嬲地今次直接出去食😂食完晚飯就行左去搵糖水雄，實在太飽，唯有外賣，第一次食，餐牌好特別，好多選擇，而且亦好有特色，今次揀左芋丸馬蹄沙，紫薯紅豆沙來試下，前者爽甜清新，芋丸好實在，最怕食到好腍身，而後者食得出是靚紅豆，邊個國家就唔知喇😂一粒粒咁，另外有起沙，不錯不錯，今次就保守啲，下次要試下啲特色啲嘅糖水同小食。