糖水檔1987

营业中

休息中

細個嘅時候父母曾經帶過我去佐敦食糖水檔🫢 呢日好想食返當時童年嘅滋味 就同哥哥嚟回味一下☺️ 原來而家已經係第三代嘅甜品舖啦自家製XO醬炒蘿蔔糕見到人人都嗌呢一款食物 我地又跟風試吓先😝 呢度嘅XO醬真係好惹味呀 我地已經冇另外加辣 但都有返咁上下辣㗎喇 仲有蝦米喺入面🫢 呢度嘅炒蘿蔔糕都幾大份 仲配埋炒芽菜 平衡返XO醬嘅辣味貝兒公主即係楊枝甘露配椰果 蘆薈 我地再額外加咗日式小丸子 楊枝甘露本身已經好豐富 有西米同碌柚肉😝 我覺得加咗蘆薈感覺更清新 咁多配料一齊有多種層次😉 日式小丸子好煙韌 係我好鍾意嘅質感😍灰姑娘呢個就係生磨芝麻糊配燉蛋白 呢個懷舊甜品好有驚喜😳 個芝麻糊好滑 而且稠杰度剛好 同底下嘅燉蛋白一齊食 好養顏☺️ 燉蛋白有少少甜甜地 令人忍唔住一啖接住一啖咁食 呢個甜品我仲額外加芝麻湯圓 入面嘅芝麻餡料好多 好似要流晒出嚟咁😺擂沙可可面頭灑滿咗可可粉 煙韌嘅外皮入面原來係芝麻湯圓😮 芝麻同可可嘅味道出奇地夾 真係想嗌多一份嚟到第三代嘅糖水檔 坐得更舒適 但又保留到少少懷舊感 真係幾唔錯👍🏻 尤其係食物質素保持到水準 去完西九龍文化區過嚟食就啱晒😙 因為就係喺柯士甸站附近

呢間糖水店開業至今已經超過40年 係街坊嘅宵夜食堂😈而家由一對年輕情侶熟客接手老店 代代相傳🙌🏻除左有傳統港式糖水 仲加入新派糖水同小食 保留原店風格 又有新派特色✨真係唔係講笑 試咗五款嘢食 全部冇伏 仲要好食‼️.📌白馬王子(凍) $56係腐竹桃膠雪耳糖水配燉蛋白 勁大碗 好足料 超有層次感🤍腐竹熬到融晒喺冰糖水到 口感滑溜 香濃清甜🤤平民燕窩桃膠口感爽嫩 雪耳大大朵又爽脆 另外仲加左清甜多汁嘅蘆薈(+$9) 食落同椰果好似 但絕對係更健康嘅替代品👍🏻底係厚厚一層鮮奶蛋白 超滑溜 蛋白香勁濃郁🥚成個糖水就係滋潤嘅感覺🥹.📌炸三色小芋圓 $29呢個高質喎 三款都有原材料嘅天然香味 芋圓入面仲有芋頭粒添🍡炸到外脆內軟糯煙韌 口感一流 唔會好油膩 夠乾身 細細粒好可愛💜🤍💛再加埋香甜嘅煉奶 必食呀🥛.📌XO醬炒蘿蔔糕 $35估唔到糖水店都咁有水準 XO醬配上芽菜,青紅椒 加埋煎香左嘅蘿蔔糕即炒 勁惹味🌶️手工辣XO醬好足料 用上蝦米, 瑤柱, 豬肉碎 香辣得嚟又有鮮味🦐🐷每舊蘿蔔糕煎到外脆內軟 仲食到有白蘿蔔粒 唔會太重粉感 沾滿晒XO醬 好正😚旁邊嘅配菜爽脆清甜 又香口 唔好放過呀🫑.📌鴨

佐敦渡船角一帶有唔少hidden gem嘅小店，今次就發掘到一間有36年歷史嘅糖水檔，街坊格局嘅小店背後故事令人暖心🤣（真係充滿人情味架😆😆）上一代老闆承傳父親係街邊經營車仔檔嘅心血，開咗呢間糖水檔，後來仲將糖水秘方無私傳授俾一對情侶食客接手👫成為而家嘅糖水檔1987，主打懷舊港式糖水同小食，有唔少滋潤養生嘅糖水，好似煲到溶晒嘅腐竹糖水、桃膠糖水、燉蛋白，仲有新式啲嘅炸物、炸芋圓等等。舖頭由黃昏開到凌晨2:00，宵夜嚟食就啱晒😎😎白馬王子舖頭嘅招牌作，係腐竹桃膠雪耳糖水配燉蛋白。超多料！雪耳同桃膠仲多過腐竹糖水同蛋白咁滯🤪🤪雪耳好爽口，桃膠軟滑似啫喱，蛋白都幾滑溜。甜度較低，飯後甜品嚟講不會太大負擔之餘亦可養顏😙😙綠豆仙草撈綠豆沙好綿密，煲到起晒沙，啖啖綠豆蓉😗比較特別係臭草嘅味道好突出，獨特嘅香氣令糖水甜膩感減低，加上滑捋捋仙草都唔錯😛XO醬炒蘿蔔糕一系列XO醬小食都係呢度招牌，尤其炒蘿蔔糕。炒到香氣十足，辣度中挺🌶️比較刺激惹味😏落咗好多蝦米所以非常香口。豉油皇炒麵話說小學放學總喜歡買個$10豉油皇炒麵返屋企嘆，所以豉油皇炒麵真係充滿童年回憶🥰呢個都炒得唔錯，即叫即炒🔥隔住廚房都聞到

【油尖旺區】【糖水檔1987】同道歉哥特登去糖水雄飲我哋至愛嘅腐竹白果沙冰，點知去到又双叒叕摸門釘，嗰吓谷住道氣無處宣泄，見到附近有呢間就入去坐吓先啦，咁鬼熱。平時唔多覺，原來係糖水小食店嚟，仲要都係年輕老闆坐鎮，可以一戰喎。食啲小食先，有人 share 食就可以食多幾款，首先 $36 嘅「鹽燒牛舌」四片，性價比算高，吊癮一流。而 $25 嘅「吉列炸流心湯圓」三粒係呢度自創嘅，幾好食，有驚喜。個 $36 嘅「XO醬炒蘿蔔糕」味道好之餘，份量唔細。到本身想食嘅糖水喇，我食個 $48 嘅「白果腐竹雪耳桃膠」，本身腐竹白果糖水底加入雪耳、桃膠係冇違和感嘅，幾好食。而道歉哥食嘅係 $42 嘅「芒果爆珠甘露」，我見佢個樣都幾唔錯，道歉哥又冇投訴，應該係可以嘅。試道歉哥感覺就係提出叫多碗，佢冇反對，就做啦。我食 $39 嘅「椰汁香芋芋圓西米露」，佢落多咗仙草畀我，冇所謂，都 okay。道歉哥食 $27 嘅「生磨芝麻糊」食到狀甚享受咁款，就知夾埋呢 $253 冇白畀，係真係唔錯嘅。。。（地址：佐敦文匯街25號文景樓地下C號舖）#1amfoodie #foodie #hkfoodie #thatfoo

渡船街多嘢食就好多人知啦！平民價錢宵夜聚腳地仲有懷舊小食糖水找回兒時點滴你又知唔知呢！鹽燒牛肉，粒粒都大大粒嘅一口牛🐮咬落啖啖肉，仲有燒烤味又軟淋淋勁多汁“正”👍👍吉列一口豚，嘩🥰熱辣辣香噴噴咁上枱，而且仲好大塊脆卜卜，外脆內Juicy又香口💯混醬白腸粉魚肉燒賣，腸粉出奇地滑呀😍燒賣又大大粒👍👍抵食😋😋兒時回憶出晒泥芒果王子，即係楊枝甘露加椰果加桃膠同蘆薈，大熱天時食一碗凉透心呀！甜度恰到好處yummy👍👍又有椰果、桃膠、蘆薈食好滋潤呀🥰白馬皇子，即係腐竹、雪耳、蛋白、桃膠，好清潤好透心涼💯💯而甜度又係恰到好處😍😍😍糖水檔1987地址: 佐敦渡船角文匯街25號文景樓地下C號舖

呢一日食完晚飯好想食d甜野，就去左渡船街呢頭搵甜品食，見到呢間小店有糖水又有熱食，一於入去試下🐷白雪女皇 $49呢個係腐竹桃膠糖水配燉蛋白，燉蛋白係用左低糖配方，食落口唔會好甜，而且好滑；桃膠份量好多，一直都知桃膠係平民燕窩，甘多桃膠感覺都好補身。腐竹糖水我不嬲都中意食，呢度都無令我失望，食到腐竹煲到溶晒既口感；糖水撈埋蛋白黎食都好夾👍🏻👍🏻🐷椰汁西米燉蛋白 $39呢個係椰汁西米露配燉蛋白，西米軟硬適中，而且份量多；椰汁西米露唔會好甜，同燉蛋白撈埋黎食一樣係好夾👍🏻🐷擂沙湯丸 (4粒) $25呢個傳統小食而家唔係好多地方見到，都好耐無食過啦；呢個即係湯丸加黃豆粉，湯丸細細粒一啖可以食到一粒，湯丸入口軟糯，芝麻餡香甜，加埋黃豆粉口感好豐富👍🏻👍🏻🐷鹽燒牛舌(4塊) $36糖水鋪居然有熟食都幾特別，見到有牛舌就叫左黎試下。牛舌用左粉紅岩鹽同埋黑胡椒粒黎調味，簡簡單單就已經好好食；牛舌好有咬口，而且好重油脂香味，好有驚喜👍🏻

價錢親民的深夜糖水小食店這裡能品嚐到獨具特色的糖水和小食，更能感受到店家的用心。生磨芝麻糊其濃郁的芝麻味道和口感中帶有芝麻粒，讓人一嚐即知是以生芝麻製成而非使用即沖芝麻粉。香草綠豆沙當你端起碗來就能聞到淡淡的香氣，整碗都是沙狀，口感豐厚濃郁，一口下去便能感受到其美味白雪女皇 (腐竹桃膠燉蛋白)最令人驚喜的菜品當屬店家的白雪女皇，腐竹糖水口感極為滑順，配以燉蛋白帶來更加豐富的口感，再加上具有嚼勁的桃膠，使得這道糖水格外特別且美味。豬皮蘿蔔魚蛋如果你喜歡鹹味小食，一定要試試店家的豬皮蘿蔔魚蛋。其特製醬汁味道獨特，蘿蔔入味，爽口豬皮，一口下去令人心滿意足。XO醬炒蘿蔔糕店家的XO醬炒蘿蔔糕也是必試之選，以店家自家手工煮製的XO醬炒制而成，味道十分香濃，即叫即炒，是必不可少的美食之一。如果你是糖水小食的愛好者，絕對不能錯過這家店。店家的糖水主打低糖，如需更甜可向店員另加糖。店家的用心和美食絕對能讓你流連忘返。

同朋友食完晚飯，屋企果個米飯班主話口痕想食宵夜，咁就係附近見到呢間糖水舖，買個宵夜比佢食😜呢間糖水舖除左有糖水之外，仲有小食、麵食同一啲熱食，而且仲開到凌晨，岩晒宵夜既朋友。XO醬炒蘿蔔糕 $36蘿蔔糕煎至金黃微酥，XO醬炒得好香，有好多蝦米帶微辣，蘿蔔糕同XO醬充分拌勻，配埋炒至微軟的芽菜食，整體非常鹹香鮮味。蒜香安格斯牛柳粒 (7粒) $36牛柳粒鬆軟可口夠juicy，油香滿溢，配上炸蒜片同日式燒汁即炒，炸蒜片香辣惹味，風味十足。桃膠木瓜燉雪耳 $38燉過既木瓜食落去好順口，雪耳軟糯出膠，配上滿有膠質既桃膠，加上冰糖煲的，好有清甜滋潤嘅感覺。椰汁桃膠西米燉蛋白 $49燉蛋白好香好滑溜，入口有香濃椰香味，椰汁甜度剛好，味道豐富。

糖水檔1987 @tongshuidang1987📍佐敦文匯街25號文景樓地下C號舖經典懷舊港式小食~ 晚餐宵夜之選👏🏻一次過食到街頭小食同滋補養生糖水今次來到糖水檔1987買外賣🥡😆叫左佢地招牌菜～XO醬炒蘿蔔糕👏🏻可惜食唔到星期六限定✨鴨腎菜乾豬骨粥✨下次要再過來食😆♥️🥡。XO醬炒蘿蔔糕 $36係佢地招牌菜😍～蘿蔔糕外脆內軟配上自家製XO醬超惹味～勁多蝦米粒仲跟埋大量芽菜墊底～正。XO醬炒麵 $35炒麵超有豉油香～即叫即炒～鑊氣十足～配上XO醬更係錦上添花😋仲叫左兩碗糖水～。白果腐竹桃膠凍$39份量十足～每啖都食到Q彈桃膠粒白果腐竹煲煮後入口綿軟香滑♥️好味。灰女皇 熱～～杞子生磨芝麻糊配燉蛋白$45 芝麻糊濃香～配上杞子口感好有層次燉蛋白🥚滑溜非常😆👏🏻養生之選#街頭風味 #即叫即煎 #秘製港式醬汁 #XO醬

早排見到有媒體介紹呢間糖水檔1987，覺得啲嘢食好吸引 就專登走過來食。呢度選擇種類都幾多，有甜品 有小食 仲有麵餐… 樣樣都好吸引🤭我哋兩個人叫咗個個都推介嘅XO醬蘿蔔糕，真係超級多XO醬好足料，蘿蔔糕好似屋企自己整嘅咁 唔係成舊粉 真係食到有蘿蔔㗎！💯另外仲叫咗煎牛舌 有4大片，少少鹽同黑椒調味 牛舌質地彈牙唔係腍身嗰啲 用料唔錯 好好食👍🏻因為我哋當晚餐咁食，另外就叫咗個麵餐$56 要咗韓式泡菜麵配腸仔粟米 跟一款小食叫咗酥炸花枝丸4粒，飲品洛神花茶凍+$3 🍜 泡菜麵唔好煮到好腍仲好彈牙，花枝丸入邊有好多粒粒花枝 推介👍🏻甜品方面 要咗店舖招牌凍白雪女王，即係腐竹桃膠糖水配燉蛋白🥰 蛋白好滑 好有蛋味 甜味適中。另外一款椰汁芋圓香芋西米😌呢款真係飽肚之選 芋圓同埋香芋都比好多 芋頭味好濃好好食。而家傳統糖水舖都唔多 呢間真係做得好有誠意，無論係小食或者甜點都幾好食👍🏻推介

佐敦真喺同好多好野食！前幾日上朋友屋企玩，咁啱附近有好多食店，一於落去食返個宵夜先。今次就試咗朋友推介的糖水檔1987。小店前身喺糖水檔，老闆因為腳患所以冇辦法繼續做落去，好彩有一對年輕情侶接手，除咗原先嘅裝潢之外，亦都加入咗創新嘅元素。<xo醬炒蘿蔔糕> $36配料除咗有蘿蔔糕，仲有豆芽菜同埋紅椒、青椒絲，蘿蔔糕軟糯惹味，辣度適中，加埋爽脆豆芽更添口感。<韓式泡菜麵配腸仔和粟米> $43食宵夜緊喺要點拉麵喇！小編點了韓式泡菜麵，微微酸辣嘅味道，加埋粟米同腸仔，呢個時間食特別開心同邪惡。<白馬王子> $56名字超得意！其實喺腐竹桃膠雪耳糖水配燉蛋白，桃膠雪耳滋潤養顏，燉蛋白滑溜，女士必點item。<椰汁芒果爆珠西米燉蛋白> $56作為一個芒果控，當然要點芒果甜品喇！西米份量十足，加上芒果爆珠口感特別，香甜嘅芒果粒，成碗甜品勁多材料，大滿足。

▫️由於要去西九睇戶外show😝 所以出發前先去買外賣醫下肚仔🤰🏻 黎到佐敦一間有35年歷史既糖水舖，估唔到除左糖水仲有好多款小食揀😋🤴🏼 白馬王子 $56▫️以燉蛋白做底，加入腐竹桃膠雪耳糖水，望到都知夠晒滋潤😌 腐竹煲溶晒，桃膠同雪耳大大片🖐🏻 配上滑滑燉蛋白，唔會太甜仲幾飽肚😛🐷 吉列一口豚 $35/ 6粒▫️即叫即炸既一口豚🐖 用左日本豚肉，外層炸得香脆，一咬豚肉仲幾juicy💦🐂 蒜香安格斯牛柳粒 $36/ 7粒▫️牛柳粒幾重牛味兼有咬口🐮 加入蒜片同日式燒汁即炒🧄 甜甜地而且好香蒜味🥳👅 鹽燒牛舌 $36/ 4片▫️薄切牛舌幾入味彈牙，一啖一塊，話咁快就食晒🤣▫️餐廳營業至凌晨1:30，以後想食宵夜都唔怕無地方啦🤪

早幾日喺佐敦行完街買完嘢之後 不經不覺已經成8:00 我哋其實應該係要搵返啲嘢食嘅，不過唔知點解好想食糖水 不過唔熟附近有啲咩好嘅糖水舖，所以就上網Google搵到一間叫做糖水檔1987嘅 糖水舖頭 睇返先知 原來舖頭已經係第三代 近年有一對年輕嘅情侶檔接手左👩‍❤️‍👨 傳承舊有嘅手藝 亦都有加入創新嘅元素🤣🤣除咗糖水之外 間糖水舖仲有得買小食 所以好啱宵夜過嚟 不過我哋始終唔係住附近，所以就嚟食個晚餐啦😂 .🐷白雪女王👅8/10 $49其實呢一碗就係腐竹桃膠糖水配燉蛋白 見佢係舖頭嘅招牌，所以就試吓啦 我哋仲加咗湯圓腐竹嘅味道非常之香🐷 而桃膠嘅份量 亦都多到不得了 食落都覺得好滋補哈哈哈 糖水唔會超級甜 食得出唔係靠落冰糖 而且燉蛋白喺個底度 撈埋嚟食真係唔錯 加咗嘅湯圓係兩粒芝麻湯圓 芝麻湯圓一咬開係流心嘅 芝麻味都幾香🥰.🐷椰汁桃膠西米燉蛋白（凍）👅8.5/10 $49呢碗嘢真係飽到黐線… 大佬 啲西米會唔會多得濟😂😂 識識吓覺得自己好似食緊碗飯禁足料 椰汁嘅味道亦都香濃 桃膠份量同上面嗰碗白雪女王一樣咁多 燉蛋白亦都係香滑 鍾意食湯圓嘅我哋係呢一碗糖水到都加咗兩粒湯圓🤣🤣.🐷

一大班朋聚舊， 當然要邊吹水、邊食糖水啦😂。 係佐敦有一間𠄘傳舊式車仔檔風味既糖水檔， 配上新式的風格。 好懷舊（5⭐️最高）鹽燒牛舌（4片）（5⭐️）咬落爽口， 超入味， 面仲小小黑椒， 如果加多支啤， 仲正😙X0醬炒蘿蔔糕*微辣（5⭐️） 芽菜作伴， 吸收了蘿蔔糕既精華， 不是普通既煎香就算， 是用xo 醬🤩， 用慢火慢慢煎至金黃色， 好滋味呀～😍秘製魚蛋（6粒）（5⭐️）有少少微辣， 而且爽口彈牙， 魚味十足， 而且勝價比好高😏白雪女王- 桃膠腐竹糖水配燉蛋白 （5⭐️）層次分明，桃膠是平民燕窩， 桃膠爽口；加腐竹糖水配燉蛋白， 提升美白功效🥰， 燉蛋白非常滑😎， 好正👍🏻

呢排鍾意食完飯搵個地方食糖水，食完飯經過佐敦呢間糖水檔，糖水檔除咗保留傳統同懷舊港式小食，仲加入創新元素繼續製作滋補糖水~🥣 白雪女皇 $49白雪女皇係腐竹桃膠糖水配燉蛋白，滋補美味，腐竹糖水香甜，配上有「平民燕窩」之稱嘅爽口桃膠，再加上嫩滑嘅蛋白，配料豐富得嚟又唔會過份有咬口，配得上「白雪女皇」之稱。🥭 椰子芒果爆珠西米露（凍）$40西米露唔會好死甜，椰汁清甜，芒果同西米嘅份量都唔少，西米都算多，，雖然爆珠有少少搶西米本身嘅味，但加上爆珠令西米露食落更加黏稠，勝在食落味道新奇。🥣 生磨芝麻糊 （凍）$26芝麻糊食落口感嫩滑，食得出係新鮮磨製而成，而且味道甜得好自然，唔會好死甜，而且份量都幾夠，凍食嘅芝麻糊亦都夠凍，整體味道唔錯。😋 擂沙湯丸 （4粒）$24好耐冇食擂沙湯丸，以前去酒樓嘅時候成日都要叫嚟食，隨着而家酒樓都買少見少，有得食粒雷沙湯丸嘅糖水舖好難得，湯圓入口軟糯，而且芝麻餡香甜豐富，配上滿滿嘅黃豆粉，顆粒感十足。