影片
更多
2023-07-05
163 浏览
佐敦渡船角一帶有唔少hidden gem嘅小店，今次就發掘到一間有36年歷史嘅糖水檔，街坊格局嘅小店背後故事令人暖心🤣（真係充滿人情味架😆😆）上一代老闆承傳父親係街邊經營車仔檔嘅心血，開咗呢間糖水檔，後來仲將糖水秘方無私傳授俾一對情侶食客接手👫成為而家嘅糖水檔1987，主打懷舊港式糖水同小食，有唔少滋潤養生嘅糖水，好似煲到溶晒嘅腐竹糖水、桃膠糖水、燉蛋白，仲有新式啲嘅炸物、炸芋圓等等。舖頭由黃昏開到凌晨2:00，宵夜嚟食就啱晒😎😎白馬王子舖頭嘅招牌作，係腐竹桃膠雪耳糖水配燉蛋白。超多料！雪耳同桃膠仲多過腐竹糖水同蛋白咁滯🤪🤪雪耳好爽口，桃膠軟滑似啫喱，蛋白都幾滑溜。甜度較低，飯後甜品嚟講不會太大負擔之餘亦可養顏😙😙綠豆仙草撈綠豆沙好綿密，煲到起晒沙，啖啖綠豆蓉😗比較特別係臭草嘅味道好突出，獨特嘅香氣令糖水甜膩感減低，加上滑捋捋仙草都唔錯😛XO醬炒蘿蔔糕一系列XO醬小食都係呢度招牌，尤其炒蘿蔔糕。炒到香氣十足，辣度中挺🌶️比較刺激惹味😏落咗好多蝦米所以非常香口。豉油皇炒麵話說小學放學總喜歡買個$10豉油皇炒麵返屋企嘆，所以豉油皇炒麵真係充滿童年回憶🥰呢個都炒得唔錯，即叫即炒🔥隔住廚房都聞到
白馬王子
舖頭嘅招牌作，係腐竹桃膠雪耳糖水配燉蛋白。超多料！雪耳同桃膠仲多過腐竹糖水同蛋白咁滯🤪🤪雪耳好爽口，桃膠軟滑似啫喱，蛋白都幾滑溜。甜度較低，飯後甜品嚟講不會太大負擔之餘亦可養顏😙😙
綠豆仙草撈
綠豆沙好綿密，煲到起晒沙，啖啖綠豆蓉😗比較特別係臭草嘅味道好突出，獨特嘅香氣令糖水甜膩感減低，加上滑捋捋仙草都唔錯😛
XO醬炒蘿蔔糕
一系列XO醬小食都係呢度招牌，尤其炒蘿蔔糕。炒到香氣十足，辣度中挺🌶️比較刺激惹味😏落咗好多蝦米所以非常香口。
豉油皇炒麵
話說小學放學總喜歡買個$10豉油皇炒麵返屋企嘆，所以豉油皇炒麵真係充滿童年回憶🥰呢個都炒得唔錯，即叫即炒🔥隔住廚房都聞到香氣。炒得好有鑊氣，調味剛好不會太鹹，加上唔少清爽芽菜，雖然望落好似好邪惡但都食晒😈😈
人均消費：$50
推介指數（10分為滿分）：7.5分
张贴
