糖朝 (已搬遷) 新店位置

我五,六年前都好鍾意去食飯既,但依家就好少囉..........上幾個月去食lunch,因為得一個鐘,所以都好快咁order野食啦,我地三個人已經坐近cashier,但唔知點解d姐都可以聽唔到睇唔到我地叫同舉手既喎!最後我個同事就order左雲吞麵,我同另一個既同事已經就食完,佢既麵仲末黎,咁問阿姐啦,佢話快啦,之後無耐就黎左(等左半個鐘),但我同事一睇,就見到隨麵送小蚊一隻,於是我叫阿姐,同佢講話有蚊啦,點知佢sorry or唔好意思都無句,就拎走碗麵,再拎過一碗黎,阿姐黑口黑面咁放低碗麵就走開,我同事諗住食之際,有一個大發現,就係小蚊buy one get one free,兩隻小蚊係碗麵度,於是我同事就話算啦,因為已經得返十五分鐘食咋!我地食完之後,就同個後生既男侍應講,話兩碗麵都有蚊,要多加注意,個男仔好有禮貌話唔好意思,由於我地趕時間,所以就算啦,但就已經唔想再去..........食物係唔錯,但d service差成咁,d位窄到要減左肥先可以坐得落,乜鬼(鬼佬)都唔幫襯啦!

記得以前仲讀緊中學果時食過幾次..印象模糊...N年冇食....今晚食左章魚肉餅盅飯($28) + XO 醬牛肉炒茄子($45) + 絲苗白飯($7)....份量少得很...而且味道偏淡...麻麻地...但係又未至於難食既....但係咁既價錢咁既份量+咁既service....唔洗黎依度囉....今日係平日..但係都好多人....勁多遊客幫襯...我知道好多香港遊既書仔都推介人黎呢間食...如果呢間係香港食物既代表...咁就死得啦....P.S.座位勁逼...一D都唔舒服呀....

The food is mediocre and the service is awful. Definitely won't go again .

食左糖水，ok 啦,...其實唔係話好好食~~~~但個價都ok~~~~服務真係唔太得，d阿姐唔得囉，死左老豆咁既樣，可能佢老豆日日都死一次~~~~~明明有客等緊，佢地唔理，有人走左佢又唔收拾d野俾人坐.....唔明點解可以咁.........

食糖水, 想清清地, 叫山水豆腐花食. 熱食, 通常咪俾黃糖你落, 但佢地無, 以為會好淡, 但又唔算喎, 本身糖水都夠味, 就咁吃也可以! 豆腐花亦做得好滑, 唔錯啦! 不過呢度人多侍仔少, 服務麻麻....

一入到去,我同侍應講話想座卡位, 佢叫我座住大枱, 話一有卡位就安排我坐, 後來卡位有人埋單, 我同侍應話想轉去坐卡位, 點知佢竟然話出面有客等緊, 安排唔到,但明明係我o黎先, 而且佢仲應承話一有位就安排我去坐,有乜理由又唔算數?! 早知冇得坐卡位, 我就唔會入去食, o個聲全程都要同人搭枱! 真係不知所謂! 咁扼人法, 下次咪旨意我再去!而且, o的o野又唔係好食, 仲鬼死咁細碟! 價錢當然唔係平啦!真係越講越火滾! 食到一肚氣!!!各位友好! 想幫襯糖朝, 真係要考慮清楚, 除非你有心同自己過唔去!

如果唔係病要食粥既, 我一定唔會返黎呢度食野!果鯪魚球肉丸粥......... 我真係未食過咁既肉丸... 好硬, 一D 都唔似手打! 人地十幾蚊碗果D , 都好味好多! 不過今次SERVICE 又唔太差!

i have been oversea for almost 8 years. 2 years ago, i came back and visited this restaurant, and i was totally disappointed!! there is a couple of foreigners sit beside me, and they asked few questions about the food. of cos the waitress had no idea what they were talking about. later, they just asked "may i have spoon?" guess what the waitress said?? she said the following in chinese, "what? what are u talking about?? can u speak chinese? i don't understand english ga wor!" finally i just help

坐得好唔舒服, 如果佢地真係做鯡國客生意既, 唔該唸下d 鬼佬既king size 啦....講返野食先, 粥麻麻得黎貴, 不過好彩大碗! 蜜糖弄帶子, 帶子竟有沙!好難想像佢地日本有4間分店.............

下午行過，想食少少野，於是走入去，如果一早有望過各位的食評，一定不會魯莽…甚同意，做遊客生意，服務態度不好，香港的旅遊業多得佢唔少，呢間應該執。

等左一陣，有得入去食啦！d野食我覺得一般啦，唔算等上話特別好味，不過裝修同個格局就幾古式古鄉既，不過我覺得人手就唔夠啦，而且非常迫，人又多，坐得唔舒服，有靚裝修都無mood 啦~!但去試下都可以既，反正價錢唔算太貴。

你咪算好囉，個晚我去食飯，叫左都唔少的份量，有麵、點心及糖水，但每一項都要我等勁耐。等同服務差已經夠經典啦，點知我食雲吞麵落佢個支咁嘅 醋發現有問題，有怪味，於是我就叫人換啦，隔左整世個個黑面神阿嬸先攞 支醋，又唔向我交代何事。於是我忍唔住問佢，佢就話整批貨黎，係咁架啦，我地又無試過。完全不負責任，對唔住都無句，而且如果我食物中毒都係佢地負責架嘛。都唔知係個老細有問題定係點，一間咁出名的鋪頭咁樣做野，仲要係專做遊客，真係影響哂香港的名聲，旅遊協會同食環署都應該得閒去睇下啦！

見到咁多劣評, 覺得有點奇怪...我好鍾意去糖朝食野架喎, 行過門口,唔使等好耐位的話, 都會幫襯.好多幾年前覺得她的'炸兩'好出色; 而家再食感覺一般.其他食品不論粥,麵,小食,甜品;甚至普通至一碟油菜(芥蘭)都依然覺得好好味呀.(水準好過好多一般食肆)

尋晚同男朋友去糖朝食糖水. 個楊枝金露係好好味. 不過, 佢地o既服務態度係完全唔掂! 一入門口, 個帶位的阿嬏唧都唔笑, 好似嬲左成村人咁, 而且我估佢唔識英文同日文. 呢度係尖沙咀遊客區黎咖噃...好喇. 我地叫o既粥同炒腸粉好快上. 不過兩個甜品就等左成半個鐘都未到. 咁搵個waiter 黎喇. 個o靚仔好似發夢咁, 同佢講完等如冇講! 坐o係我地隔離枱個哥哥舉手想追order, 舉左幾次先有人應佢.最搞笑o既係佢地擺到o的枱好密, 個waiter 行唔到入黎擺低o的野食o係我地面前, 要我男友伸手去接(因為我地係搭枱).好喇, 當我地係食o的cheap 野, 兩個人埋單都係一百蚊. 不過坐係我地對面的一對遊客,佢地黎食燕窩, 都係得到黑口黑面的服務態度.出去俾錢時, 個收銀員一句多謝都冇, 咁我當然一個仙o既tips 都唔俾喇.呢間野的服務態度真係影衰晒香港的旅遊業呀!

以前我好鍾意去呢度食？，大約十年前啦。唔記得幾時轉？手之後，我就當呢間？消失？啦。但係估唔到居然仍然係有咁多人俾佢？外表呃？入去！如果大家覺得糖朝？？係好食？話，我可以話俾大家知，十年前？糖朝係會令人覺得點解可以整得？？咁好食！依家？糖朝根本唔係真正？糖朝，或者而家個老細以為買？糖朝呢個名就可以做到糖朝？水準。十分懷念以前？糖朝…至於日本仔，他們都賺得我地多啦，等我地搵番佢地笨都唔係太過？…哈哈哈哈…始終都係？句：十分懷念以前？糖朝…