糖朝 (已搬遷) 新店位置

我今日(Dec10)放工行過對面買糖水食我買咗紅豆沙點知係紅豆水囉!大為外買我返到屋企至知,而且仲要得半碗咋真係好囉!我記得我年幾前食過都好好架!點知變成咁啫!下次都係去番松記或者淨食糖水的店舖好過啦!

記得曾幾何時,大約2,3年前度,去糖朝食野,點知一坐低都仲未叫野食,除低件外套時,唔小心撞跌左後面支鼓油樽,"呯!一聲,成支鼓油樽跌落地碎,成地鼓油,幾鬼瘀,幾驚比人鬧呀,但係點知個亞姐走過,仲好好笑容咁抺d鼓油,又話唔緊要.....嘩,呢幕都幾難忘,呢次雖然唔係我第一次去食,但覺得d人服務態度都算係咁; 不過都幾耐冇去糖朝食,都唔知依家d人態度係咪好似你們講得咁差,希望唔係啦,我都幾回味呢度d食物!

曾幾何時都幾鍾意去糖朝食野,最鍾意食佢啲粥,炒蘿蔔糕,地魚干燒伊麵等等,不過近年已經好少去,全因食物退步不少,服務更每況愈下.今日行過見唔駛等位就入去食個tea,兩個人叫左芒果糯米糍,XO醬炒腸粉同甚麼芒果海藻涼粉.個糯米糍唔多掂,餡料就夠,但個皮好硬,啲顏色就橙得有啲得人驚,雖未至於好難食,但以$6一粒既價錢,質素就唔合格啦.個炒腸粉好差,一來油得可怕,未來係完全冇味的,我要用辣椒醬點先食到,以前唔係咁差架?唉...最後個甚麼涼粉等左好耐先黎,仲以為係有黑色嗰啲涼粉,原來唔係,係一啲白色口感有啲似蘆薈既所謂'海藻涼粉',怪怪地又太甜,仲$26添,唔好食.食物唔得,服務更唔掂,食完啲碟成世冇人執,冇茶冇人加,幾個嬸嬸成日走來走去好似好忙咁,但見你你成台係碟都唔會幫你收架喎,除非你叫停佢啦.眼見其他枱食完走左好耐都係冇人執枱,好心唔夠人手就請多兩個人啦,唉...

我識個老版娘個老豆，o個陣仲好細個...記得佢地D野唔錯..點知e+D service....=.=

前日我同朋友去吃飯,結果入o左(糖朝)!果道點服務生當我們透明,叫o左幾次先有人應我o地坐底都沒人理我o地,等我們叫野吃先至有人應我o地你話係唔係好沒禮貌!

吃了飯, 去這裡吃糖水, 好喜歡這裡的裝修, 不過就都幾曹, 西米露和綠豆沙都幾好, 不太甜, 不膩.見別人吃粥和其他美食, 好似好正, 下次我都去試下先.

0的野幾好食,尤其係佢d皮蛋瘦肉粥同炸兩,簡直係my favour呀,好好味!但係價錢就貴左d,服務態度又唔係咁好!

三點幾至飲完tea，九點幾見仲飽飽地所以都唔知去邊度食晚飯好，日本妹立即拿住本旅遊書話要去食甜品，見佢指住的就是好多人見倒都叫唔好的~糖朝。平日十點幾都有幾多人，仲係好多都係遊客tim！問佢想食咩，佢諗都唔諗就話食豆腐花，皆因在日本豆腐是希罕野，郁D過千Yen一碗，所以就應她所求，叫左一桶山水豆腐花。原來佢唔係咁鍾詫加糖水食，話咁先至食倒豆腐的真味，我就覺得味道不算特別好，但有得玩下畢豆腐幾過癮，佢就好開心。話時話，呢度D服務態度都唔算差，可能見我地講架文卦，個阿嬸仲幫我地影埋相tim。早D講想食豆腐花，就帶佢去公和老舖啦，幾蚊一碗咋！

I think it's not worth to have food there, so expensive ar~....and the service sucks.They just wanna trick the tourists...and the food is small...

仲記得6年前去食野,staff態度好好.但唔知係咪以家出左名之後,service又差，食物又唔好，個價錢係其他地方巳經食到．．．仲要係好種，唔該呢間野，自己留意下自己staffservice，唔好因為佢地令香港ｉｍａｇｅ差!!!!

呢間咁0既野, 我都唔明佢點解仲可以生存. 佢d 服務真係衰到貼地. 唔該佢老闆就培訓下d 員工啦. 個個都係白鴿眼, 睇人唔起!! 有一次我同個friend 諗住入去食個tea. 一人叫左一個set. 滿心歡喜試下佢d 甜品啦!! 但係我地等左好耐, 都冇食物上檯. 明明隔離d 日本人遲過我地到, 都差唔多食完. 我就問下d亞姐啦. 哈~~ 唔問由自可, 一問就火都起. 佢問我叫左d 咩, 我同佢講啦. 佢唔去check 下不特止, 仲好似怪我咁遲至同佢講. 佢竟然同我講, d 亞姐可能放左張單0係圍裙度. 唔係呀? 咁都得? 佢講0既時候仲係鬼咁輕佻, 我唔覺得好好笑囉. 而家係?做錯野喎, 小小歉意都冇. 叫我再落單喎, 我點知佢會唔會又放張單落圍裙. 個亞姐仲話佢都唔想, 咁係我想囉. 都唔知有冇攪錯. 不過我眼見檯檯香港人都食得唔愉快, 係d 日本人至滿意.既然唐朝係咁唔想做香港人生意, 點解唔放張notice 0係門口, 話佢地淨係歡迎遊客!!

其實這裡的食物味道不太差，原桶豆腐花由跑馬地舖食到而家都係經典。淨係睇一檯檯日本人呀外國人咁都知呢度價錢唔平啦，作為地道香港人就梗係唔使專誠來吃炸兩同雲吞麵。

成個木桶上o既豆腐花,幾得意, <br />咪試下囉! 點知都唔好味o既。好普通,試o下就夠...... 出面好多地方都好過丫！<br />

d野其實幾好食，個豆腐花滑一滑，d粥無乜味精(雖然d料少到嚇死人)，其他甜品都出色，但出色得來又唔值呢個價錢。不過最特出都係果度d服務，有令你置身六七十年代，公務員同你落order捧菜既感覺。又似去左山區有d佢唔知你up乜，你又唔知佢講乜既侍者，大大聲懶懶閒咁行來行去，真係同個高級環境(看似)同價錢非常咁唔襯。雖然老板話做甜品最緊要有--心，但似乎佢做起生意就最緊要有--金，兼無心播。

個日去食時夜晚6:30仲有好多位環境真係唔錯,但係其他就....服務唔係好好,同個咁高級環境完全唔襯我只叫左個秘製麻蓉湯圓,上個時好別緻,成個燉盅咁.但係$19得5粒迷你湯圓,仲要唔係話好好食咋喎...咁貴完全係因為個環境