糖朝 (已搬遷) 新店位置

上個禮拜日同男友行尖咀行得累累地諗住搵地方坐下抖下，初頭入去見環境唔錯都幾有期望，再見場內都幾多日本遊客以為呢間野d食物都應該唔差，點知想點野食時候叫左一排先有個四眼肥婆理下我地，但當佢\告知我地星期日冇套餐\時態度認真囂張，咁我地更改番之後諗住叫另一個細眼仔落單時佢\竟然詐聽唔到行左去，再過五分鐘先有個靚仔過黎落單炸．<br />好啦講番d野食，蘿蔔糕同牛肉粥叫做ok，但炸兩同雲吞麵都好難食，仲話係招牌，最後鮮芒果豆腐花好似冇咩味咁，但勝在外型搭夠（有煙出ma）<br />食完哂野男友諗住叫個阿姐攞支牙籤黎個陣，個阿姐就好串咁話枱面咪有囉，點知睇黎睇去都係得個牙籤筒一支牙籤都冇，最後都係得個靚仔格硬伸手個隔離張大枱攞先有．<br />整體黎講環境ok，味道一般，價錢太貴，侍應態度都好有問題，得一兩比較正常同真係做野，下次真係請都未必去<br />

昨天與台灣朋友一行四人來午飯。點了木桶豆腐花、馬拉糕、馬蹄夾、蘿蔔糕、炸兩、淨雲吞、及第粥和京都炸醬撈麵。點菜時問店員都不太清楚menu 的食物詳情。期間台灣朋友想要甜醬和芥末沾蘿蔔糕吃，我便分別問服務員有否芥末提供，但兩個店員答有和說幫我們取醬料之後都一去不回。最後令朋友要親自去取醬料，取醬時才發現餐廳根本沒有芥末提供。另外，期間我們要求店員為我們沖茶，但最後店員卻拿去茶壺一去不回。相信來糖朝吃飯遇到這經歷的朋友應該也不少吧。食物方面：除了馬蹄夾炸得夠脆好吃、粥夠綿外，木桶豆花感覺新奇外。炸兩的腸粉皮很薄一夾便散，淨雲吞的蝦不夠新鮮，炸醬麵的肉也很硬很難吃。所以總括而言，不推介大家來吃飯。

唔該叫Hong Kong Tourist Association bad list 左佢, 呢間野係垃圾中既垃圾; 豆腐花冇味, '鞋'口; 水果冇'梅'又小又發黑!周圍'立'到死...食完簡直對唔住自己!

　ｄ食物真係好一般，生果唔新鮮，又少到可憐．．唔試都唔知，ｄ阿姐ｄ態度真係差到咁．．我覺得連大牌檔都好佢一萬倍呀！呢ｄ咁既鋪頭，唔好話0係外國立足啦，真係0係香港都嫌佢cheap，咁唔願做生意，應該執晒佢，唔好影衰香港！　如果佢真係執，我第一個拍手掌呀．同騙錢冇分別，貼錢買難受！！

試過幾次,但對呢間亳無好感可言, 如果唔係朋友想黎我真係死都唔入佢個門口! 每次不單要等位, 服務態度亦不見好! 呃下鬼老就得唶, 真係唔明點解仲有咁多香港人去?!由於人多, 叫左一桶豆腐花, $80 有成10碗, 都ok, 個人覺得係最放得入口o既一樣. 另外有鮮果豆腐花, 鮮果香芒汁豆花(類似), 同樣係豆花, 點解凍左會難食d? 楊枝金露就最難食! 楊枝變左西米仲係咪楊枝金露? 希望今次係最後啦!

因為朋友選擇左糖朝...所以就黎左...食左福建炒飯,蘿蔔糕,皮蛋咸肉粥,馬蹄條,豉椒炒河福建炒飯都唔錯...但個汁太杰...蘿蔔糕成個都係粉...唔好食皮蛋咸肉粥一般...唔太差馬蹄條係全場最好食的...夠熱同脆...豉椒炒河真係唔好食...材料好唔新鮮...真係唔係好明點解會長期咁多人...食物都真係幾貴*

不單單要識講英文仲要識講普通話先比你入...真係太過份!...D 服務真係差到痺!!! 食物水準每況越下...

我6點前去仲有即叫即整點心....都好食我咁鍾意食點心,點會錯過呢

與女友點了一碟炒粉麵, 一碟牛肉炸両和一碟炸奶皇包那碟炒粉麵不過不失, 但我已忘了其名字牛肉炸両內的牛肉完全無味, 早知叫普通炸両算了, 但油炸鬼的確很脆炸奶皇包味道不俗, 值得一試在場有很多日本遊客光顧, 但似乎侍應們的服務質素仍有待改善吧

同朋友去食糖水，點左個「鮮芒果豆腐花」芒果算係足料既，有半個，但無乜味不過一般糖水舖的芒果都係唔掂，算喇再食豆腐花，第一個感覺就係好乾似係食豆腐多過似食豆腐花再睇清楚，原來佢幾乎一滴糖水都無落，只係豆腐(花?)一碗，上面再加芒果蓉同芒果似乎係想單靠芒果蓉撈豆腐花，但始終都係太乾...而且豆腐花一D都唔滑，好實（某程度上可能亦係因為太乾）又唔甜，仲要唔夠凍結論係我一生人中食過最難食的豆腐花好在有一壺茶擺響度，結果食完甜品繼續坐響度同朋友吹水前後坐左兩個鐘頭先走，亦無人趕算係無咁蝕本...

都已經好耐冇去過糖朝，可能因為佢Ｄ款式十年如一日，又人多又坐得唔舒服，所以已經好耐都冇意欲入去食飯，咁啱尋晚行街行到腳仔軟，又好想食中國菜，所以就衝左入去啦，夜晚８點鐘出奇地人少，唔使等位之餘仲可以坐卡位，心情都即刻好左！我就ＯＲＤＥＲ淨水餃($36)，呢個水餃真係幾好食，一碗有７大隻，Ｄ蝦好彈好爽，湯底都ＯＫ,另外叫左及第粥($32),好多料,粥底好綿,唔會好'希',所以我都幾滿意,最後叫個沙爹炒河($50),呢個炒河價錢真係貴左D,最多夠兩個人食,好多牛肉,不過就咸左少少總括來講,糖朝D食物味道都唔錯,不過就唔好期望有好SERVICES同埋坐得舒服啦!

開頭入去食過一次甜品,因為來匆匆去匆匆既關係,所以覺得無咩野,甜品都算係ok!之後上幾晚,爸爸生日,爸爸鍾意食中國菜,咁唔知點解..一諗就諗起糖朝~咁事前諗住做下準備,上黎睇下食評,睇下有咩好食咁啦~點知睇到負評多於好評好多~覺得怪怪地,而且會員都係評服務態度,所以都諗住,可能d野會幾好味啦~去到坐低叫野食o個一刻~都仲抱有d祈望~服務態度都無乜唔好~ok丫~我地叫左8個餸~再一人一個甜品~八個餸分別係:::北菇小唐菜賽螃蟹咕嚕肉炸子雞(半隻)椒鹽豆腐粒酥皮炸雲吞楊州炒飯星州炒米北菇小唐菜:味係唔差既~北菇七只,小唐菜六棵,問題係...d小唐菜全部無葉架!!...仲人食晒呀!?真係孤寒!賽螃蟹::滑熟蛋白+帶子完全呢碟野無人有興趣~我自己一個食晒-.-|||不過都無問題,事關佢既份量少過一隻反碗!咕嚕肉唔記得全名,大慨係咕嚕肉啦!)呢個餸ok!d菠蘿好甜!!正~不過d肉,炸到好硬~~食得落~炸子雞:得塊皮好味!骨多過肉,話就話半隻..d雞脾雞翼唔知飛晒去邊= =|||椒鹽豆腐粒:一d椒鹽味都無= ="俾碟鹽水你點啦~點完~~都係無味!!-0-酥皮炸雲吞:呢個係最好味既一樣野啦~~楊州炒

呢間o野服務真係麻麻…班死人侍應好似唔想做生意咁…不過食物好食，最鍾意賽螃蟹伊麵，將生蛋拌勻後很滑，很好吃！其他炒飯、炒河等也很好吃，夠鑊氣~不過反而甜品差d，冇一個食過o既有好印象…什麼西瓜西米露，好像成碗都係西米咁…芒果布丁和楊枝甘露也只是一般，所以我只當這裏是貴價飯堂~ 好細碟呢~

Lunchtime 每人一個糖水一碗麵。品質其實好麻麻﹐完全無味感可言。去過兩次﹐第一次一家人來吃甜品﹐waitress串嘴﹐擺埋個look﹐你叫他拿碗碟他都毫無興趣。第二次﹐晤係我想來﹐外國朋友聽過這間野的名字想試﹐全程講雞腸﹐D waitress雖則未四萬笑口但算判若兩人。同街都有好多同價更好食的地方。

提早放工，同好朋友行街+食飯~ 朋友想食中國野，所以揀呢度；又好，平日人少d唔駛等位嘛~ 　唔想食飯，我o地兩個都係要麵：我係招牌豬扒麵，朋友要牛腩麵，再另外點左個南乳炸雞翼伴食~ 咪睇d麵款款$30+，size原來勁細...味道就真係幾好，唔知關唔關味精事？反而，期望較高o既南乳炸雞翼($50一碟得5隻...話哂$10隻喎~)雖然熱辣辣，夠鑊氣夠香口，但味道同賣相都同普通炸(煎)雞翼冇分別，冇想像中咁好~　o黎糖朝當然唔可以唔食甜品~ 我貪得意，要原個椰皇薑汁撞奶，朋友要鮮什果豆腐花~ 鮮什果豆腐花一上檯，嘩，真係靚得好緊要-->乾冰效果！但豆腐花鞋得很，又唔甜，味道不值一提~ 唔鍾意食薑汁撞奶o既我，俾個椰皇tum到開心左2分鐘，但始終唔係咁鐘意~　食完今餐後，真係諗唔到有乜特別理由要重來；雖然食埋d平野，但埋單都要$160，唔算值~ 不過同好朋友食飯又真係好開心o既~ 多謝你，好朋友~