糖朝 (已搬遷) 新店位置

今晚和朋友去糖朝食飯...佢地搬到附近新店...間店大左,又靓左...記得坐樓上喎,食物方面,同之前的一様,不過不失喇,但服務水準就明顯有改善,值得讚賞,之前的水準就...哈哈,可能換左管理層喇,話晒係尖咀,服務好就一定要架喇!下次睇完戲都會再幫櫬架....

一直以為糖朝o既甜品好出色﹐為o左填補返心靈上o既空虛﹐離開turkish kitchen就去o左呢度﹐一嘗糖朝o既甜品。9點幾﹐差不多坐滿晒人﹐好在仲有張細檯容納我o地兩個。言念住落order o既時候﹐個阿姐竟然叫我o地自己落單﹐等佢轉個頭返o黎收﹐搞到我同男朋友一額汗。搞笑o既係﹐呢度o的staff就算對住o的外國人都係講廣東話。我o地叫o左"紅豆沙豆腐花"﹐"士多o卑梨西米露"同埋"糯米麥提莎"。唔知係咪我今日唔好彩﹐叫親o既都唔多好食﹐呢個紅豆沙豆腐花都唔例外。紅豆沙一向都係我o既最愛之一﹐所以要求可能高少少﹐不過呢個紅豆沙唔夠粉之余﹐仲要唔甜!連埋個豆腐花一齊食﹐一o的都唔好味>__<男朋友o既西米露就好好多。起碼士多o卑梨夠甜夠新鮮。當我o係度奮鬥o既時候﹐男朋友就o係我隔離好開心o甘食西米露...糯米麥提莎係新產品﹐所以無抱太大期望。點知一份原來的5粒﹐仲要唔好食。糯米雖然厚度均一﹐不過個糯米團就完全無味道。就算有o的可可粉鋪面都無用。結果一食落口就糯米還糯米﹐麥提莎還麥提莎o甘散晒出o黎。無言念過第一次去糖朝會係失望而回...希望只係因為我今次叫錯o野

我遇到勁差的食店! 前日去TST尖沙咀廣東道糖朝，以前都去過，那時有點餓都不作他想了，點知．．．．佢有新舖就點左我去，Bad dream starting...由樓下帶上１樓，都話係２位，點知傳到下一個店員會是４位　（剛有另２個客），４人連聲更正！我點了”牛筋腩撈粗麵”，你覺得很困難、複雜嗎？落單佢問：什麼number? (吓！　你自己check 下啦！）10分鐘後，店員說：無粗麵喎！　（俄！　得幼呀！　好啦幼麵啦）再多１０分鐘，又問：你要牛筋加腩或是牛腩呀？　（呀！你重未落單呀？　唉！你有無牛筋腩呀？）　部長：　哦！有有有．．．　走了去５分鐘有張order 單據送來，再看看”牛腩撈麵　（走筋）”！！！！！　又走去找部長，是牛筋腩唔係牛腩　走筋喎？？？　　再過１５分鐘，叫人問得未呀？　隔離果２個同入來的客，食完結賬走啦喎！部長：　得得得！　３分鐘到！到喇！是牛腩湯河！　　真的想炸左佢間店．．．．又去找站在遠遠的部長，佢話：佢地知會比牛筋腩傢啦！　（想死！）我地話：到左囉！不過係牛腩河！再過１０分鐘，登登登．．．．　牛筋腩撈麵　可以食喇！　餓死左喇！餘興！　cashier 好似

對糖朝冇乜好感, 但因是朋友選的, 只好去了..叫左:糖朝炒飯--超普通, 冇特別可言, 毫無特別好食之處!(半隻)炸子雞--皮脆,但顯然係雪雞,完全無味炒白菜仔--亦冇特別可言,亦無鑊氣可言賽螃蟹--蛋白過熟甜品:兩碗蜜瓜西米露豆腐花(熱)木瓜雪耳--超級差!!! 只有三舊差不多和手指尾一樣小的木瓜!!!已經不是靚貨, 不明白為何那樣小的可憐...混醬腸粉--卓頭o野, 士多啤梨醬同芒果醬幾好味, 但d '腸粉'淡某某, 連椰汁味都冇!!! 真係名都gei芒果椰味腸粉好味過佢,有心機整過佢一百倍!!冇服務, 叫加水叫成二十分鐘都唔加, 聽左就算!!坐得好唔舒服!!太逼!!連隔離檯講咩都聽到晒,又冇位擺袋!!地下同toilet好污遭!!賣單$361, 唔抵食!!浪費時間!!

見到d書話佢ge豆腐花好味, 就去試下係佢餐牌見到d下午茶餐, 就試下真係好抵wor! 26蚊一碗粥or麵加甜品碗粥大碗足料, 夠熱, 粥底一家好過海皇, 個人認為比生記更好, 唔稀! 我ge粟米冬菇粥超多粟米, 冬菇有三大舊, 仲有香味添,令碗粥生色不少豆花好鬼滑, 一層層ge賣相好好!食完都幾飽ga!

This used to be my favourite place to go everytime I return to HK after a long trip. Sometime I invite my oversea friends/customers to go with me.I was there last week. VERY VERY VERY DISAPPOINTED!!! Service is the worst! The food is ok, but I knew there is another new resturant which offer the same kind of food just Grand Opening at Gateway Plaza recently. To me, I will never go back to this resturant anymore.

紅豆沙豆腐花加珍珠....紅豆沙味太淡(無落糖)....豆腐花唔滑唔熱$24鮮果桂花海藻涼粉$25...鮮果ok la 蜜瓜,哈密瓜.... 桂花好似浸左幾日糖精咁...d味好似藥水....海藻涼粉ok but 又加左d藥水味既棷果...叫我點食....

尋晚halloween出左tst玩揀左呢到食dinner叫左糖朝炒飯－普普通通炸子雞－皮好脆，肉好滑茄子牛肉－牛肉唔夠林炒小白菜－普普通通四樣野都好細碟我地六個人食根本唔夠飽！結果叫左甜品山水豆腐花－真係好滑，讚麻"容"湯圓－唔夠松記咁好味芒果豆腐花－搵乾冰凍住碗甜品，細心賣單每人要六十蚊，好唔抵幾乾淨，但略嫌太逼，隔離檯講咩都聽到侍應服務有待改善，成日想收我地既menu講左唔收都照收，仲要唔理我地叫佢停

想話和bf去糖朝食生日飯, 吃我很久都未食過的咕嚕肉. 點知去到, 有咕嚕魚和咕嚕蝦, 竟然無咕嚕肉!!! 失望得很!! 其他的菜如炒菜和炆米也很普通..下次都唔去了

Pizzeria的甜品試了不下十數次，厭了，還是食返中式甜品對路。說起糖朝，友人幾隨和的，環境迫一點也不怕，反正成年未來過，一試無妨。如期的爆場，人氣十足，大叔依舊的「目中無人」，當他在忙著上菜時，還是迴避為妙。剛好卡位的人走開，立即入攝，被阿姐阻截，問點解，原來是執好檯先serve客的，服務是幾周到。拿起餐牌，又玩五十五十，新派的甜品不要，中式的豆腐花要加椰汁，友人是幾有要求的，加了兩個大洋添椰汁。談不到半句，芒果海藻、豆腐花打著來，前者賣相唔錯，相信日本人幾鍾意的，但甜得好假，撇開糖水，乾脆吃芒果去。豆腐花，友人是吃的滋味，是加了椰汁吧？瞄瞄白色的假陽台，幾上海灘feel的。味道一般，但喜哈一番，過了半個happy friday。

話說糖朝就係我公司附近, 佢lunch有D外賣飯, 要你自己落去拎, $23送甜品, 我有時無帶飯都會叫糖朝外賣食. 有一排好耐都無叫過, 上星期有日無飯帶打算又叫糖朝外賣飯, 點知阿姐話個外賣menu已經改佐, 佢fax佐張新既比我, 款式少佐, 由以前有24款揀cut到而家得番18款, 都算. 最最重要既係, 佢加佐價呀!! 仲要一加加3蚊咁多, 由$23加到去$26, 有無搞錯呀?!! 加成10%有多, 離晒譜架, 唔買啦~ 我食杯面好過. $26我駛鬼食你呀?!!

上個禮拜六晚去，兩人叫咗一個合桃糊+蛋，一個凍紅豆豆花。等一大輪都未到。對面幾位祖國大陸同胞比我哋早嚟，應該等得重耐，佢哋不停咁向店員發出強烈抗議，提出嚴正交涉，並正確指出：及時保護個人的消費權益，是捍衛祖國的偉大尊嚴以及十三億中國人民的崇高的民族感情的基本起步點。實在令人敬佩。講返嘢食。個合桃糊一啲都唔杰，稀過吳卓羲，食得出有合桃未磨勻，仲有叫咗+蛋，佢就放咗兩粒湯圓落去。個紅豆豆花遲大到，仲要紅豆分佈極為稀疏，處於有餘熱豆花表面。如果唔係見到啲乾冰，我會以為係熱豆花。客人甚多，然得侍應招呼者，十不過三。以質素論，取價亦昂，非物有所值也。

上個week去左食糖水, 男友點左芝麻糊, 我點左個椰汁海底椰, 都幾抵食. 男友就嫌太甜, 我就覺得ok可能我食得好甜喇. overall都唔錯. 以前都同屋企人黎過食晚飯, 印象中記得都唔錯. 不過而家就dirty左, toilet都唔得.

上個禮拜六晚去，兩人叫咗一個合桃糊+蛋，一個凍紅豆豆花。等一大輪都未到。對面幾位祖國大陸同胞比我哋早嚟，應該等得重耐，佢哋不停咁向店員發出強烈抗議，提出嚴正交涉，並正確指出：及時保護個人的消費權益，是捍衛祖國的偉大尊嚴以及十三億中國人民的崇高的民族感情的基本起步點。實在令人敬佩。講返嘢食。個合桃糊一啲都唔杰，稀過吳卓羲，食得出有合桃未磨勻，仲有叫咗+蛋，佢就放咗兩粒湯圓落去。個紅豆豆花遲大到，仲要紅豆分佈極為稀疏，處於有餘熱豆花表面。如果唔係見到啲乾冰，我會以為係熱豆花。客人甚多，然得侍應招呼者，十不過三。以質素論，取價亦昂，非物有所值也。

不錯, 但份量極少, 要order 很多, 兩個人食, 埋單295$, 幾貴, 但好飽, 推薦炸子雞, 67$