糖佰府 (已結業)

晚飯後，打算在九龍城逛逛，但又下起大雨。只好搵過地方避下雨，傾下計，又可以坐下，甜品店算是一個好選擇，我們選擇了 ‘糖佰府’ 這間甜品店。店員遞上餐牌，再望埋牆上的相片，我們選擇了2樣甜品。1. 白雪世界($32)材料豐富，有雲呢拿雪糕、湯丸、芒果爆珠、芒果粒和西米露。賣相很吸引，整體上不會太甜，有很香的椰汁味，湯丸很有咬口。一個價錢，試到咁多樣材料，好低呀！2. 雙丸椰皇西米 ($38)整個椰皇送上枱面，已聞到椰香味，一打開，整個椰皇內都是滿滿的材料，確實眼前一亮。材料有西米、黑芝麻湯丸、芋圓、地瓜圓。椰汁西米加上椰皇本身的味道，雙重享受，湯丸、芋圓、地瓜圓等材料很有咬口，最後食埋椰子肉，一D都冇浪費。食完甜品，雨又停了，可以繼續行街！

跟男友在九龍城吃過晚飯，在附近小店買些煮食香料。香港夏天好像一年比一年熱，只逛了一會，背脊全濕了。忽然看到間糖水店有冰買，二話不說就跑了進去。店名“糖佰府“，很特別。男友笑說要點秋香，看看餐牌，這兒沒有秋香，但有多款透心涼的冰，我點了 <芒果豆腐綿花冰> $45，男友則選 <朱古力雪花冰> $36；看到另外有朱古力绵花冰，問店員兩者的分別？雪花冰是朱古力味冰底，味道像雪糕，比較濃；而綿花冰則是牛奶味冰底，再澆上朱古力糖漿。男友是朱古力痴，當然選擇濃味雪花冰。先來我的芒果豆腐綿花冰。呀！清新的味道，很香甜，應該是加了煉奶，之後嘗到淡淡的豆腐香，冰上澆上芒果醬和大粒芒果肉，淡味的豆腐跟濃香的芒果一起挺配合。兩三下手勢就整盤吃光光。見男友的冰也送到，忍不住了嘗了幾口。很香濃的朱古力味，旁邊伴以水晶珠，小丸子和紅荳蓉。我最喜歡小丸子，軟糯煙靭，不會太糊。吃着吃着，小丸子全被我吃光，朱古力冰也被我吃了一半。男友也說味道很不錯，吃罷實在透心涼。肚子快撑破，看見餐牌上還有很多吸引的甜品－Tiramisu 拿破崙和法式燉蛋。但男友說，你都已吃不下，還要叫？下次再來吃吧！

女人有兩個胃就係人都知架啦！所以食完飯，點可以唔食甜品架，今日同2個朋友起九龍城食完飯，當然要再食甜品直落傾計啦！呢間甜品小店我一直都有幫襯開，係老字號，總店係將軍澳坑口村！舖頭內牆上面貼左好多明星合照，連近排最hit既男神都有幫襯！Menu有好多選擇，真係花多眼亂，我地3個女人最後叫左兩份甜品share 一齊食！我地叫左"芒果拿破崙"同“雙丸椰皇西米”！先講"芒果拿破崙"，餅皮好鬆脆，吉士醬打得啱啱好，非常幼滑，而且唔會太甜，而且而家係食芒果季節，芒果又甜又香，配合得好好！之後就係“雙丸椰皇西米，呢個係熱食！一打開椰蓋，椰香味已經撲上黎，再加上煙靱既地瓜圓、芋圓同埋湯丸！QQ好彈牙，甜道適中，唔會太甜，非常啱女生食！

同老婆起九龍城食完泰國菜，當然要食甜品中和一下啦！我地就黎到依家甜品小店幫襯一下！依家小店鋪裝修簡單乾淨，絶不花巧！老婆點咗佢至愛嘅提拉米蘇，即係Tiramisu！呢款甜品係呢度嘅招牌之一，特別在於佢係用盆栽造型設計，啱啱上檯時真係幾可亂真，同真嘅盆栽無咩分別！味道方面唔會太甜，口感好香滑，但Lum酒同咖啡味道略淡！老闆話因為要迎合返香港人嘅口味，唔可以太重手。而我就點左個芒果拿破崙，脆餅之間係吉士醬，一般吉士醬都係好油膩！但配上又脆又鬆化既拿破崙皮面，兩者香脆而不太甜，再加上芒果既鮮甜，兩者配合得非常之好，賣相亦相當吸引！

妹妹在九龍城吃完飯後，又撒嬌哋說要到糖佰府吃她最愛的榴金歲月，我聽到也當然搶着說好！甜品永遠是女人的補品，是令女人心情偷快的精品，所以今天我們不要修身，先要令自己開心，所以我們兩姊妹就向糖伯府出發了！妹妹叫的當然是榴金歲月，我也吃了幾口！榴槤真的很香甜，加上自家製的椰汁清香，和水晶珠及小丸子混在一起，小丸子很軟，水晶珠很甜，加上幼滑的榴槤，混在口中，感覺真是很幸福！我叫的是吃芒果豆腐綿花冰，賣相看到芒果滿溢地放在一個星星的盤子上，單以賣相己夠美了！加上用豆腐綿花打汁撈到冰上，再加上當道的芒果香，真的難以形容的香甜，當然真的很甜！加上炎熱的夏天，一口一口的好像把整個夏天也降温了!所以不得不說，甜品果然令人心情愉快，先吃令自己快樂一點，明天再吃麥皮减肥吧！總括來說，這間糖佰府的出品是用心製作，絕不花巧！

打完邊爐想食糖水, 經過呢間門口, 咁就試下啦原來佢同我係旺角見果間唔係同一間. 本村姑是榴槤精, 於是點了榴槤班戟, 跟仿間加了斑蘭葉的不同, 這裡都是用普通的黃色皮:砌開來很香榴槤味, 吃起來也很軟很甜, 很不錯朋友還點了榴槤忘返, 我偷食左, 未知是不是我已食左個班戟先, 真係覺得唔夠榴槤味, 同埋如果舊榴槤林d會好好多!就此, 多謝收看(鞠躬)

九龍城的甜品店，如便利店一樣，梗有一間係左近！這天晚飯後，想找間甜品小店坐坐。路過糖佰府，見人不多便入去坐坐了！一入內，便見到很多特色甜品的相片同明星來過的相片。這晚天氣炎熱，我點了鮮芒果芒冰冰。芒冰冰用芒果汁打成，較為大片，吃下去是透心涼的！新鮮芒果甜甜的，一點也不酸，配合冰來吃是一流！

說好了火鍋後一同去吃甜品, 沒有特地要去那一間,只是向著小巴站沿路隨意找找, 看到這間門面不太算,但牆上貼滿各式各樣甜品的小店, 當時晚上 10 時多,並沒有人頭湧湧, 我們可以舒適地坐下囉~以木系的設計, 配上簡單的裝潢, 而我們坐的位置,牆上還有與明星的合照呢, 今次莓系控沒有選士多啤梨或藍莓等,因為當打開 menu 時, 已被榴槤 2 字吸引囉~榴槤班戟 $30照片上班戟皮是綠色的, 但上桌時外貌與一般班戟一樣是黃色的,沒關係榴槤才是主角嘛, 榴槤味不是太濃郁, 也不會太甜,整份吃下亦不會膩呀~

打完邊爐，在九龍城梗係食埋糖水先。初頭我地真係有d誤會呢間糖佰府，係另一個集團果間。不過，入到去先發現，原來佢係得九龍城同將軍澳2間分店，所以唔係一樣呢度既座位都幾寬敞，店主仲放左d碗仔係旁邊，大家可以自己拎來分野食，啱晒有時心大心細唔知食咩好既時候用。呢幾日真係好熱，食刨冰就最啱，平時出面多數係綿花冰或地碎冰。但呢碗「鮮芒果芒冰冰」係介乎2者之間，芒果肉下面全部都係大塊充滿芒果汁既既冰塊。芒果啱季節，所以都幾甜，食完真係透心涼。

這晚在附近的泰國士多店買完東西後，還不算很肚餓，本來打算吃點小食，可是逛了整條街，發現好像餐廳比較多，我一個人卻反而很難叫餸。行下行下，剛好俾我見到糖佰府呢間甜品店，心諗不如甜品當正餐好了。舖頭雖然細細，但都好光猛和企理。入去既時候係晚飯時間，店舖無乜人，於是牆上的合照便更為顯眼，原來這裡有不少名人曾經到訪過，例如影視紅星馬浚偉。除了傳統中式甜品，呢度都提供好多具特色的甜品，好像雜苺窩夫、成個盆栽咁款的 Tiramisu 等。但可惜呢晚我無乜胃口，咁我剩係叫了士多啤梨雪糕豆腐花 ($34)。呢杯士多啤梨雪糕豆腐花賣相好靚啊！甜品杯的形狀好特別，士多啤梨紅和白色拼在一起，色彩顯得很鮮艷。士多啤梨、雲呢嗱雪糕加豆腐花，係一個幾特別的中西 fusion 甜品。本來豆腐花味道太淡，但加埋啖啖士多啤梨肉和士多啤梨醬混合在糖水入面，仲有雲呢嗱雪糕的甜味，溝埋清淡的豆腐花，味道意外地好夾喎。呢杯甜品 mix 左咁多野，三種味道交替著，味道甜甜地而不會過火。士多啤梨糖水都撈左少少碎冰，凍凍地，夠晒消暑，唔錯啊。

九龍城真係糖水鋪就係十步一間，好似7仔咁密糖伯府早已聽過，食飽飯行經一間糖水小店，裝修簡約舒服，好有小店温馨的格局，抬頭一看，鋪面叫糖"佰"府(?????) 係咁嘅樣嘅咩?唔係黑媽媽懶型嘅裝修咩? 唔緊要啦，時候尚早，第二個胃又ready， 趁人唔多，坐低先講!打開menu，見到熟口熟面嘅盆栽tiramisu, 哦! 大坑好出名個間……咁邊間打邊間吖………??唔緊要，都坐低左，見到有啲新花臣，一個係燉雙丸椰皇紫米，同埋雪糕waffle，仲有啲胃口，試下新野先雪糕窩夫Waffle係我心目中，就好似雞蛋仔咁，好易整人人識整，但唔係間間都好好食…有無心整有無認真調配，真係食得出現，試過一次，有間waffle 整到勁硬，"慘"到個咀損晒……不過糖佰府呢個waffle雖然係新嘗試，但食得出認真製作，拿捏得準，外脆內軟，配起煉奶，小小甜多多脆，加上我最愛嘅曲奇雪糕，一熱一凍，唔太甜，口感滿足，個肚都好滿足燉雙丸椰皇紫米老公點左呢個，一放低就聞到椰王勁香，唔食紫米我都試下個"湯底"，又香又甜，有晒椰王味，下次等我都叫呢個，不過就要西米先^^橫掂時間仲早，同老闆娘吹下水，一講之下又係小店堅持，拒絕工廠

Eating in nighttime in Kowloon City is a difficult situation because many shops will be closed early, but not for this desert shop. Although we come in nighttime, there are many customers. Fortunately we get a seat without waiting. The resturant atmosphere is very crowded, which i doesn't appreciate. most of the seats are directed to the kitchen, which is not nice to see that. For the service and the ordering time, the ordering time is definitely too long. We wait for almost 30 minutes. We have

今晚又黎到九龍城食甜品，經過糖佰府門口見冇人排隊，店務員又親切照呼，於是就入左去。我地兩個人，叫左三個甜品，蜜瓜椰汁西米露，楊枝金露都好一般，d生果無甜味，唔夠新鮮。最後上既係法式燉蛋，一見到個樣已經覺得好好味，事實上都係超級好味，d蕉糖好脆，厚蕉糖，唔似平時係其他地方食既只得薄薄一層蕉糖，仲有個d燉蛋好滑，口感好細軟，真係好正，係我食過最好味的燉蛋。本來唔會再幫襯，但為左呢個燉蛋，相信我會經常黎食。

在九龍城晚飯後，當然要食甜品la!經老闆娘推介後，叫咗個雙丸椰青紫米。等咗大約5分鐘，外面普通的椰青送到面前，打開原來內有乾坤。雙丸分別是芋圓+湯丸，仲有紫米。芋圓回感軟軟的的咬落原來好彈牙。 湯丸是黑芝麻口味, 口感好滑, 又不會太甜。紫米混合芋圓或湯丸一齊食, 好夾的配搭。總合來計, 整個糖水味道配合得好好。最後提提大家, 食個陣記得加埋椰青肉一齊食

一眾友人於九龍城晚飯後，after dinner activity 當然就去食甜品啦！今晚大家一致決定去附近新開的糖佰府試一試。原本以為這是屬於另一連鎖集團甜品餐廳的其中一家，但與店員傾偈之下，才得悉「糖佰府」乃始於將軍澳坑口以各樣創意甜品聞名，包括盆栽tiramisu......，專心經營甜品確保品質，堅持品質為上！暫時全港只此兩間!大家對甜品非常喜愛，故此晚飯控制在7分飽以令自己有足夠空間去大快朵頤......我很想試試這裡的「，」，其他友人點了「芒果豆腐綿綿冰」，餐牌沒有的上市新品：「椰皇燉紫米配湯丸和芋圓地瓜圓」、「香蕉窩夫加雪糕」。大家對甜品非常喜愛，故此晚飯控制在7分飽以令自己有足夠空間去大快躲涎......我很想試試這裡的「榴槤飄香」，其他友人點了「芒果豆腐綿綿冰」，餐牌沒有的上市新品：「椰皇燉紫米配湯丸和芋圓地瓜圓」、「香蕉窩夫加雪糕」。榴槤飄香：果然貼題，一端過來已飄來榴槤之香.....I like it! 將榴槤打成幼滑軟綿綿的果蓉再伴著店內特製的嫩滑豆花，既能嚐到軟榴槤的清香，豆腐花滑滑的口感又能襯托出榴槤獨有的香味，已是一個絶妙的配撘；再加上卜卜脆的玻璃珠和煙靱