糖佰府 (已結業)

九龍城真係糖水鋪就係十步一間，好似7仔咁密糖伯府早已聽過，食飽飯行經一間糖水小店，裝修簡約舒服，好有小店温馨的格局，抬頭一看，鋪面叫糖"佰"府(?????) 係咁嘅樣嘅咩?唔係黑媽媽懶型嘅裝修咩? 唔緊要啦，時候尚早，第二個胃又ready， 趁人唔多，坐低先講!打開menu，見到熟口熟面嘅盆栽tiramisu, 哦! 大坑好出名個間……咁邊間打邊間吖………??唔緊要，都坐低左，見到有啲新花臣，一個係燉雙丸椰皇紫米，同埋雪糕waffle，仲有啲胃口，試下新野先雪糕窩夫Waffle係我心目中，就好似雞蛋仔咁，好易整人人識整，但唔係間間都好好食…有無心整有無認真調配，真係食得出現，試過一次，有間waffle 整到勁硬，"慘"到個咀損晒……不過糖佰府呢個waffle雖然係新嘗試，但食得出認真製作，拿捏得準，外脆內軟，配起煉奶，小小甜多多脆，加上我最愛嘅曲奇雪糕，一熱一凍，唔太甜，口感滿足，個肚都好滿足燉雙丸椰皇紫米老公點左呢個，一放低就聞到椰王勁香，唔食紫米我都試下個"湯底"，又香又甜，有晒椰王味，下次等我都叫呢個，不過就要西米先^^橫掂時間仲早，同老闆娘吹下水，一講之下又係小店堅持，拒絕工廠