糖佰府 (已結業)

同老婆起九龍城食完泰國菜，當然要食甜品中和一下啦！我地就黎到依家甜品小店幫襯一下！依家小店鋪裝修簡單乾淨，絶不花巧！老婆點咗佢至愛嘅提拉米蘇，即係Tiramisu！呢款甜品係呢度嘅招牌之一，特別在於佢係用盆栽造型設計，啱啱上檯時真係幾可亂真，同真嘅盆栽無咩分別！味道方面唔會太甜，口感好香滑，但Lum酒同咖啡味道略淡！老闆話因為要迎合返香港人嘅口味，唔可以太重手。而我就點左個芒果拿破崙，脆餅之間係吉士醬，一般吉士醬都係好油膩！但配上又脆又鬆化既拿破崙皮面，兩者香脆而不太甜，再加上芒果既鮮甜，兩者配合得非常之好，賣相亦相當吸引！