籽樂廚房 (已結業)

前兩日同事帶我嚟呢間餐廳食飯，入到去店員話著黑色衫嘅係聾啞人士，其實佢哋全部都好有禮貌做嘢又快手，不過最緊要係啲嘢食好唔好味。餐廳光猛闊落，枱與枱之間有好多空位。兩個人食 又得，一大班人聚會都適合。餐廳每檯提供一支水，可以自斟自飲。咁啱唔係特別想食沙律同飲湯，結果散叫咗個新鮮空運美國安格斯肉眼(12安士)配紅酒汁($388)塊扒來到大家都嘩嘩聲，因為大過隻手板。煎到啲顏色好靚，而且仲係有脆邊。我叫咗5成熟，切出嚟啲顏色超正。側邊有南瓜粒做伴菜，跟埋嘅紅酒汁味道有啲似牛尾汁。其實塊扒已經夠味唔點汁都得。另外叫咗一支330ml嘅1664啤酒($58)店員攞咗個杯嚟，個杯係凍嘅，即刻加曬分。

新開係山林道上樓既社企, 環境餐枱唔會放得太迫，好有空間感裡面既員工好多都係殘疾人士，店員都耐心同我地講解開舖既概念同多包容，waitress都溫柔有禮，完全無半點不便。香港唔算有好多社企既餐廳，野食選擇仲要咁多，一定會再黎支持一下今日嘅餐湯係南瓜湯跟蒜蓉包，個湯熱辣辣外仲帶有好香甜嘅南瓜味，湯上面有拉花而個蒜蓉包好有印象好食，唔會焗得太乾，脆脆地牛油蒜蓉勁足料淡蝦醬海鮮意大利飯當中海鮮有青口、帶子和蝦。黑松露帶子意粉，幾粒煎得金黃香脆嘅大帶子好吸引跟餐的藍莓芝士蛋糕及熱朱古力，cake細細件食飽豐富既main course，cake份量都已經足夠

知道山林道有座做飲食既新building，而有間係社企餐廳，所以想去支持同體驗一下。入到餐廳地方很寬敞呀！又見到很多poster，其中有介紹手語的，也有見到獎狀-有情有意聾人餐。老闆娘好親切又健談，為我們介紹成立這間餐的構，我們點餐之後，送餐同執拾枱面都係聘請言語表達有困難或身體上有缺陷的人士，但他們係無時無刻都帶著笑容的點餐啦！叫左個煙三文魚芝士pizza，12吋，芝士好香。淡蝦醬海鮮意大利。 黑松露帶子寬條麵，帶子表面煎得好香，內裡啱啱熟。口感一流整體的食物都很好呀。感謝好開心的一餐

呢間西餐廳o係山林道尾銀座上面，食晒成層。窗戶一面望街，一面與旁邊住宅接壤，一面面朝天文台山；間隔亦略帶一個個房間o既設計，仲設有一個細型露台。加上只用上最基本純白色牆身，真係好似o係一個大型住宅單位入面開餐咁，感覺homey 而溫暖。呢間其實係間提倡社區共融o既社企餐廳，顧用o左部份傷健員工。兩個分別戶內同戶外o既兒童角擺o左d 益智o既書籍同自然取材o既玩具，而牆上亦貼上o左d 振奮人心o既插圖，充滿正能量！雖然係社企餐廳，但餐飲依然一絲不苟，提供正式西餐。蒜蓉包之後有廚師精選餐湯，當然唔只係是日餐湯咁簡單，呢個甘筍薑忌廉湯，臨近聖誕，先來拉一拉花。甘荀本身清新可口，打入忌廉令質感更為細滑，而淡淡薑味則攻破你o既味蕾，讓你更能細味這般田園氣息。前菜三選一，我揀o左巴馬火腿伴蜜瓜田園沙律配無花果黑醋汁。呢個係個傳統意式前菜，由略鹹o既parma ham 衝撞住甜甜o既蜜瓜片。無花果黑醋汁則係我第一次試，味道比一般黑醋汁微甜而少酸，佐以呢個沙律配搭得十分好！主菜bbq 汁燒原條西班牙黑毛豬豬肋骨可以選全份或者半份，叫o左半份(跟餐$248 未加一)，應該都夠食。原來半份都已經幾多，切開

尖沙咀山林道開左間新社企，為一啲聾人或是弱聽人士提供職位，讓佢地可以更加投入社會，所以特地去支持一下，呢間餐廳原本喺紅磡運作，而家搬到嚟尖沙咀新張開幕，所以所有嘢都整傑企理，我仲發現佢有兒童閣，可以比小朋友有得食又有得玩，扺讚👍。我order左一個午餐：西班牙黑毛豬豬鞍架，有成8安士，配上蜜糖蘋果汁，成個午餐包埋蒜蓉包丶餐湯丶咖啡，價錢喺$148，另外加$5可以轉配白飯或者意粉，不過我本身對白飯興趣唔大，又鐘意食薯仔，所以就冇加到錢轉飯，雖然喺咁，但係有得㨂轉定唔轉呢種感覺都幾好噃😄。餐湯加埋兩片蒜蓉包，開始了今日嘅午餐。黑毛豬味道唔錯，配埋佢嘅汁更加嘢味，薯仔連皮一齊食，正。飽飽之後飲番杯靚咖啡☕。

第一次去社企餐廳食飯，不論食物同服務都很不錯！餐廳裝潢簡潔，雖然沒有華麗既佈置，不過坐得舒服。餐廳內亦有很多正能量掛畫，而且服務生態度誠懇，充滿人情味！餐廳不算非常大，但仍然加設了兒童小天地同户外遊樂區。雖然這個Kids Corner很小, 但是舒適, 設置安全軟墊及大量圖書繪本。大人可以安心食飯，小朋友又有野玩唔怕悶Set Dinner 選擇不少，款款都吸引最後我都係揀了BBQ燒汁西班牙黑毛豬豬肋骨，原條$358，半份$248除非多人share, 否則半份其實已經很足夠，因為都幾大份的！頗抵食！賣相吸引，味道也很不錯，BBQ汁很惹味，豬肋骨很嫰口，非常易切！而且配料頗多，薯仔夠腍，值得一試!!今晚係一個好好既體驗！

朋友帶我上嚟食晚飯，話有好嘢介紹畀我。原來呢間係一間社企餐廳，我從未試過由聽障人士幫我落單同送餐，感覺好特別。因為佢哋有張圖可以跟住啲手語去做。晚餐有好多款選擇，我揀咗B餐($259)。頭盤要咗巴馬火腿伴蜜瓜田園沙律配無花果黑醋汁。巴馬火腿好香，如果塊蜜瓜再厚啲就更好喇。仲有兩大塊蒜蓉法包，好多蒜蓉又脆口。果日嘅廚師精選餐湯係粟米湯。啲粟米打碎曬令個湯好香濃，啖啖粟米味。主菜係黑松露帶子闊條麵。帶子煎到兩邊金黃色但又唔會太老，仲有啲黑椒響面好好味。闊條麵夠咬口，除咗有好香嘅黑松露醬仲有片片菇，而且份量唔細添~甜品揀咗雲石芝士餅。雖然唔係好大舊，但係當飯後甜品就啱啱好。仲有杯餐飲不過唔記得咗影。總結係，餐廳環境舒適，同朋友一邊傾計一邊享受美味西餐，仲去邊度搵。

踏入12月一種快樂嘅月份，因為生日再加聖誕假期關係，令我有一種歡欣氣氛，又可以有借口見我D朋友，跟佢哋見面最傷腦筋就係食咩邊度食，今次我朋友帶我去依間餐廳要上樓嘅，上到去嘅環境令我有有一種放慢腳步嘅地方，見佢哋環境餐枱唔會放得太迫迫夾夾有空間感，係三五知己傾計嘅好地方而令我最難忘嘅係食物質數相當唔錯，樣樣都好食。今次一行2人叫咗一份set dinner再加個小食，都係4佰幾蚊（地區同食物質數）絕對係合理價錢，侍應都溫柔有禮，落完order送上個南瓜湯跟蒜蓉包，個湯熱辣辣外仲帶有好香甜嘅南瓜味，而個蒜蓉包暫時係我餐廳食過頭5名好食，因為唔會焗得太乾脆到硬，仲係面脆脆地牛油蒜蓉勁足料，跟住個前菜同個小食，個黑椒雞翼又係熱辣辣外脆內軟又 juicy，我仲好唔少少一口咬落去攪到D汁滴咗落件衫度，個主食係海鮮意大利粉微微辣好野味，意粉又唔會好油又唔會炒到好乾，個麵仲好有咬口，海鮮又多有帶子，蝦，青口好好味呀，最後仲有甜品，需然細細件但份量剛剛好。

朋友約我去山林道吃午飯，我心想，午飯……山林道? 一般人提起山林道，都只會聯想到酒吧和火煱，那可是晚上的活動呀！啊，原來是去Sowergift Kitchen 籽樂廚房！到達籽樂，就覺得這餐廳有點另類，環境很寬敞、員工很友善，還有………就是這幅位於餐廳玄關的手語圖解畫，它道出餐廳的經營理念。坐下沒多久，漂亮的主管就给我們溫馨解說，她說這餐廳的宗旨是: 提供一個聾健共融的工作環境，採用天然食材，用心烹調。這理念很好呀，反正我也想學點手語! 今天的菜單有十款選擇，很合我意，正因我倆也喜歡香口的食物，那就來個香蒜辣椒鲜蝦炒意粉和德國黑椒猪手吧!因為食物是即叫即做的，製作需要點時間，趁着有空檔，我們就在餐廳內逛逛，這裹環境窗明几潔、雲淡風清，閒來坐坐，吃個午飯或喝杯咖啡也很舒服餐廳內掛了很多寫上金句的卡通畫，醒目搶眼。其中我最喜愛的就是這幅-- If there's no wind, Row ! 那就是鬼佬版成語的"馬死落地行" !沒多久，香噴噴食物就拿出來了! 意粉很爽又al dente，微辣有蒜香; 蝦肉新鲜彈牙，好滋味!黑椒猪手份量足，啖啖肉，外皮烤得夠香脆，味道咸香带微辣！朋友點了蕃茄

星期六Book左間社企餐廳同朋友食飯。掛畫好有愛。手語下單教學。蒜蓉包蒜蓉包面頭搽左好多蒜粒，成塊都係金黃色，極香脆極香濃蒜味，超好味。巴馬火腿伴蜜瓜田園沙律配無花果黑醋汁火腿肉質好有口感，蜜瓜咬落去好爽脆同鮮甜，醬汁酸酸地好開胃！蘑菇忌廉湯好creamy，好香濃，唔會有膩既感覺。三文魚焗芝士薄餅薄餅好脆，芝士超多，超級好食, 三文魚捲成花形，好靚，鐘意食芝士既話，強烈推介！雲石蛋糕食落淡淡芝士味，蛋糕好鬆軟，口感細滑，味道唔錯。

前排同朋友去左間社企餐廳食飯，d野食好味又坐得舒服我叫左個dinner set蒜蓉包蒜蓉包面塗滿蒜蓉,，焗得卜卜脆，蒜蓉好香，好好味巴馬火腿伴蜜瓜田園沙律配無花果黑醋汁巴馬火腿食落甘香，配黑醋汁真係好夾配埋蜜瓜食，加添清甜，層次十分豐富！好開胃蘑菇忌廉湯味道濃淡得宜，非常好飲呢！煎三文魚扒拼帶子   刁草忌廉汁三文魚扒好厚身，魚皮煎得脆香，魚肉入面好滑好嫩， 好好味士多啤梨泡芙好香甜，一冷一熱，再加埋朱古力醬同士多啤梨醬，口感層次好豐富，完美配搭，好滿足有機胡椒薄荷茶依種茶聽講可以改善腸胃，所以就叫左杯，喝起來感覺涼快，淡淡清香依到真係值得一試

山林道出名多野食，原本諗住去食鐵板燒，點知見到呢間新開既社企，見門口設計幾有誠意就比個機會佢啦裡面既員工好多都係殘疾人士，店員都耐心同我地講解開舖既概念同多包容。我就覺得佢地同普通人一樣，又做得又有禮貌1.黑松露薯條好香口，好脆，薯條一定要熱辣辣咁最好食！2.素pizza估唔到食素pizza都有拉絲呀～～好驚喜，個邊係薄邊，好脆溫泉雞蛋卡邦尼意粉～不過溫泉蛋好好賣已經賣曬不過汁一樣夠曬分量，夠曬味起香港真係好難搵到咁有愛心同包容既餐廳，野食選擇仲要咁多，一定會再黎支持一下！

香港每年到秋天季節最舒服，今日陽光普照，秋高氣爽，我拿拿聲做完手頭上嘅嘢，下晝決定搵個好地方偷偷懶， 享受一下秋日陽光！ 終於我揀咗去 Go Inside Kitchen喺尖沙咀山林道新開張嘅姊妹店 Sowergift Kitchen 籽樂厨房!日頭嘅山林道, 另有一番景象, 寧靜休閒!籽樂廚房係11月初新開張，呢間餐廳周圍都有大玻璃窗，日頭嚟到好有陽光feel，擺枱唔迫夾，空間感強， 非常非常relax！睇睇餐牌先，午餐有成十款選擇 ，主菜有輕盈版嘅沙律餐， 中型版嘅意粉飯麵餐，到重量級嘅啖啖肉餐都有。 個午餐仲包括一份餐包，一個餐湯同埋一杯餐飲。今日嘅餐湯係粟米忌廉湯，好有心思呀，湯上面竟然拉埋花添!我揀咗D餐, 係黑松露帶子意大利飯! 先要讚讚個意大利飯，唔易煮㗎，識得掌握飯嘅軟硬係一門學問！如果純西式煮法，我哋一般食起嚟會覺似半生熟米，但如果煮得太淋，啲飯又會似粥！ 呢個大廚好功力呀，啲意大利飯外軟內QQ，有口!飯面舖咗幾粒煎得金黃香脆嘅大帶子， 質感爽軟，唔會又硬又實。大㕑用黑松露配帶子，味道好夾， 呢個飯有带子嘅鮮甜，黑松露嘅香氣濃郁，加埋creamy嘅意大飯，一流! 今

今晚享受左特別既一餐，亦很高興和店主暢談，絕對感受到她是一個很有心的人此餐廳舊址在紅磡，在今個月搬到尖沙咀繼續營業。這間餐廳是有聽障人士做侍應，跟店主詳談後，知道他們並沒有要政府資助才去聘請聽障人士，店主十分肯定地說「他們是值得我給他們工資的，不用政府資助」，好奇下問店主為什麼會有這個念頭去開這間餐廳，他說：「我想我離開這個世界既時間，唔想人地覺得我好似無黎過咁，好似可有可無咁」，我覺得蠻有意思的，說白一點，就是想不枉此生好啦，講左咁耐，講下佢地既環境同食物先首先要讚一讚，枱月枱之間的空間充足，而且餐廳地方闊落，感覺很舒服。至於食物，我和老公點了晚餐，我點了三文魚扒拼帶子配刁草忌廉汁，而老公點了香蒜辣椒海鮮意粉，套餐包了蘑菇湯、沙律、蒜蓉包、及甜品。蘑菇湯是自己打的，很香蘑菇味，三文魚扒分量十足，外皮煎得脆脆的，配上忌廉汁味道很不錯。香蒜辣椒海鮮意粉，香辣味剛好，醬汁亦調得不錯，意粉亦能做到有咬勁。至於甜品，是芝士餅，吃到淡淡芝士香，亦不會過甜。有心小店不多，值得支持

盲中中去左山林道，見到有座新 building，叫做銀座38，就上左籽樂廚房。完來係社企餐廳，職員都係聽障人仕。雖然佢地聽唔到，不過用簡單身體語言都已經可以溝通到。餐廳牆上面掛左都幾多畫，十分啓發心靈，香港人要多d正能量。地方十分寬敞，好適合開 party，仲有bb corner。我就試下西班牙海鮮意大利飯，味道香濃，帶子青口都鮮味，飯唔會太濕，軟硬適中，食得出大廚的心機。雞翼味濃香口，黑椒好惹味，等左差唔多20分鐘，熱騰騰好正。唯一一位可以對話嘅經理分享左好多理餐廳理念，呢餐飯頓然變得有意義，經理仲推介呢個親子純素兒童餐，食得健康又有得玩，下次可以試下。