籽樂廚房 (已結業)

今次帶小朋友嚟到社企餐廳，咁用心一定要支持一下！睇吓我哋嘅「情聚無聲餐」，點解係叫無聲？因為餐廳員工九成係弱聽人士，落單嘅時候會教你用手語，完全體驗到聾人文化！餐湯同蒜蓉包，麵包香脆可口～薯仔忌廉湯也不錯！安格斯牛肉配忌廉汁意大利飯$108
牛肉好淋，入面鎖住好多肉汁！好好食！
意大利飯好香～食完好滿足呀！溫泉蛋卡邦尼意粉$138
不錯！醬汁濃郁！最愛溫泉蛋～蛋黃汁好香！DIY親子純素兒童餐$88
比平時食開嘅兒童餐好唔同喎！小朋友可以自己動手做架！
老闆嘅用心，將Farm to table食物教育比小朋友～見到塊手語圖教學，原來餐廳大部份員工都係聾人或者係弱聽人士（穿黑色制服）可以試吓唔講嘢，用手語落單！
感受一下無聲嘅環境～手工製作健康生素甜點小食有提供兒童餐椅小小的遊戲區，有繪本、公仔、廚具、曲奇蛋糕模，玩具不算多，但足夠小朋友玩樂落地大玻璃！天然陽光射落餐廳裏面～
夠晒光猛又舒服！估唔到西餐食物質素好高！好食！完全對得住個價錢！

細個嘅時候，接送我返學放學🏫嘅鄰居係一位聾啞人士，佢好錫我好照顧我，仲有教我手語添👐🏻，所以我對聽障人士都唔陌生。今次我哋去咗香港少有嘅社企餐廳🍴，餐廳聘請嘅好多都係弱聽人士，老闆好有心❤️，希望推廣聾健共融，鼓勵聾人走出社會。正因為餐廳理念好有意義，所以令我好想去試吓支持吓💪🏻。餐廳裝修簡單，雖然說不上係大型親子餐廳，但都有一個小小空間俾小朋友👧🏻睇吓書📚玩吓Lego。職員態度良好，由入座，點餐到離開，我都感受到餐廳職員好用心為我哋服務。餐飲方面，Set lunch有多款唔同種類菜式🍕🍲🍛，總有一款合你口味。味道唔錯，而且份量好多，我哋三位大人都食唔哂三個套餐呢❣️小朋友👧🏻👦🏻有純素健康兒童餐🌽🍌🧀可點，讓小朋友自己動手做食物，有得食之餘又有得玩！另外更有適合小朋友食嘅健康小食：1. 有機蔬菜甜脆片 - $78/盒2. 無咖啡因脆脆縲旋藻朱古力 $78/盒3. 楓糖肉桂紅菜頭脆合桃 $88/盒4. 芒果南瓜子紅莓果仁捧 $88/盒🍽總結：又有得食又有得玩嘅餐廳，價錢唔貴，味道唔錯，服務好好，又可以學吓手語，而且間接可以幫助聽障人士就業👨🏻‍🍳，絕對係親子👨‍👩‍👧‍👦好去處呀❣️#社企餐

帶着bb很怕上街，香港地實在太多人，推着嬰兒車舉步維艱。更怕的是找餐廳用膳，大部份餐廳都是密集式擺放桌椅，沒有空間容納嬰兒車。籽樂廚房空間寛敞，隨便一個位置都可以放嬰兒車，小朋友大一點的時候又可以在兒童區玩樂，爸媽可慢慢享受美食。

係openrice睇到個蒜茸法包好似好正，決定同老公星期六放工食，5點半book枱有75折，叫左個蒜茸包，正價48蚊，未到枱已經聞到好香，食落去又夠熱又脆又有香濃蒜茸。烤蜜糖雞翼4隻，正價88蚊，好滑呀啲雞又有蜜糖香，勁正。最後叫左個帶子淡蝦醬意大利飯，正價168蚊，好香既蝦醬味，但係食落去又淡淡的，唔濃，味道啱啱好，啲飯軟硬適中，份量又夠，係啲帶子細粒左少少，但係我老公都讚不絕口。

有朋友介紹呢間社企餐廳，我之前一直都未接觸過所以就試吓😯入到門口已經有一塊牌寫住「有部份員工是聾啞人士」，入去坐低之後發覺餐廳環境都好舒服好闊落，樓底都幾高，幾有空間感。佢除咗Set Menu之外，仲有普通餐單可以揀。我同男朋友就揀咗原條豬肋骨同埋carbonara😛個蒜蓉包焗得超好食😭平時好怕食到啲好硬好厚嘅法包，佢呢個夠薄同埋好脆口，勁香😍南瓜湯嘅味道亦都非常之香濃🤤沙律份量唔算好大不過都有足夠嘅Parma ham同埋melon😋配埋黑醋味道非常夾😛原條豬肋骨都非常大條，醬汁酸酸甜甜非常開胃，豬肉亦都可以就切到出嚟。半菜翠玉瓜同埋南瓜都超好食😣Carbonara一上到黎好香😍醬汁夠香濃，煙肉同蘑菇嘅份量都啱啱好。再一刀界開隻溫泉蛋簡直係超治癒嘅畫面🤤最後食埋blueberry cheesecake😍一口嘅size啱啱好☺成餐飯️好滿足！最後想讚一讚一位員工，雖然唔知佢叫咩名，但佢真係超級抵讚，上菜同收碟都非常有禮貌，好耐未試過食飯遇到呢啲咁熱心嘅員工，希望佢睇到都可以繼續keep住💪🏿

咁岩朋友話推薦 今次約埋朋友上黎試試黃金（鹹蛋黃）鮮蝦意粉 dinner set $258香濃鹹蛋黃味 +蝦意粉 味道中規中矩 可以一試12吋巴馬火腿芝士薄餅 $188足料芝士 熱辣辣上枱真係好芝味～墨魚仔墨魚汁意大利飯$168有驚喜 好濃嘅墨魚汁 而且墨魚片好爽口 絕對值得推薦德國黑椒豬手$188有少少鹹 唯一失準之作香煎比目魚（8oz)伴刁草忌廉汁$178條魚好軟身 唔係乾身果種 好食！士多啤梨泡芙山$88好多泡芙 一齊share食岩岩好5個人叫左1個dinner set+散叫大家share食

佐敦地鐵站D出口步行去山林道，發現銀座38有間社企餐廳，環境好清靜，餐廳特色係有個勁大既開放式廚房，服務員帶我入坐後為我送上餐牌，居然係要學手語，我要做手語落單呀，我點左一個帶子煙肉勺草忌廉汁意粉，一個12吋野菌焗芝士薄餅，落完單之後可以行去開放式廚房睇住廚師為我製作薄餅，好快就有得食喇，意大利粉既忌廉汁好濃厚好好味，薄餅見到廚房加左好多芝士就知道一定係好好啦，總體黎講平時想好休閒咁享受一個中午一定會想起籽樂廚房，下次我會帶埋2個女黎試下兒童餐先

曾經學過手語的我，見到這間餐廳，就好想來。好開心見到有餐廳肯聘用聾人或弱聽人士，當然要支持啦！一出電梯就見到我熟悉的手語，很親切 ^_^電梯旁或餐廳內都佈滿這些有意義的「海報」 感覺好 relax，好正面！食物種類不太多，有 set dinner。我們決定點一個set dinner，另加一個12吋野菌焗芝士薄餅。本想等店員見到我，我才示意點餐，但友人提醒我，可用這些牌，我一舉起「點菜」牌，他們原先沒有望這張枱的，但很快就過來了，驚訝為何他們咁快看到 首先來是餐包，蒜蓉法包，香脆，好味！餐湯 巴馬火腿伴蜜瓜田園沙律配無花果黑醋汁，清甜，再加上黑醋汁，開胃！半份BBQ 汁燒西班牙黑毛豬豬肋骨，燒得很香，肉質嫩滑 12吋野菌焗芝士薄餅，香脆，惹味！餐飲，檸檬茶，自己調較甜度。最後就是甜品，細細件，剛剛好，不致太飽食唔晒 ^_^

之前有試過其他社企餐廳， 食物、環境同價錢都可以， 所以都有興趣試其他社企餐廳， 社企餐廳嘅營運都好有意義， 專門請長者或者殘疾人士工作， 咁有意義就梗係要多啲支持啦今次上網知道尖沙咀有呢間社企餐廳， 就即刻book定枱同朋友去試下。 去到之後第一眼嘅感覺係，好~闊~落~呀 雖然呢間餐廳唔係喺地面，而係喺食廈， 去到之後好多張枱都滿咗， 之後仲有其他人等緊位入座， 但係餐廳都冇因此而加多幾張枱， 雖然可能會令到未入坐嘅食客要排耐啲， 但係已經有枱嘅食客就會感到好舒適， 每張枱之間都有略大既空間， 就算同朋友有講有笑都唔驚影響其他人呢間餐廳仲有同其他餐廳唔同嘅地方係， 食客入坐之後，侍應唔會主動走埋嚟問你食乜嘢，主要原因應該係大部分嘅侍應係聾啞人士， 每一枱嘅枱面都有旗仔， 上面寫住落單， 所以食客要嗌嘢食嘅時候,只要舉起旗仔就會有侍應行埋嚟講返呢間餐廳d食物， 其實好一般般， 唔覺得特別好食，又唔覺得難食 我覺得最好味係個餐湯， 當日嘅湯係蘑菇忌廉湯， 食得出係好多菇加忌廉攪拌而成總結: 食物無特別驚喜， 餐廳環境舒適， 適合同朋友和一家大細歡聚

【籽樂廚房。玻璃屋。滿滿正能量】整間餐廳用了落地大玻璃，陽光透進玻璃屋內。在這種自然光下拍出來的照片也會特別美😁餐廳推動傷健共融的文化，聘請了聾啞和有特別需要的服務生。大家去光顧時，可以送上你們的微笑和用手語說聲謝謝，以示支持他們呢。特別想提的是餐廳內掛著的每幅畫都能給你滿滿的正能量。心態的轉變，能讓你的心情，生活，人際關係等，都帶來大大的改善啊。「我可以選擇去愛，或是選擇憎恨。」「You have to BE, before you can DO. and DO before you can HAVE.」你來時，不妨欣賞一下每幅畫的訊息呢。備註：餐廳還貼心地設有兒童區，內裏有不少繪本和自然環保素材供孩子玩樂用。訂座時可特別說明，請他們安排一個近兒童區的枱給你，方便你照顧孩子呢。籽樂廚房地址: 尖沙咀山林道38號 “銀座38” 3樓電話: 2668 0450#mentalhealth #wellness #selectivemutism #health #healthyeating #healthylifestyle #counselling #counsellor #socialwo

簡約風＊正能量＊社企餐廳。返完教會，到隔離佐敦山林道，位於銀座3樓的餐廳享受一個幾有食物質素的午餐 : )品嚐每一道菜都是一種感官享受。精緻的擺盤超香的食物味道高質的食物質素特別推介👉暖心有誠意的甘荀薑湯👉蒜味很濃的蒜蓉法包👉黑毛豬豬鞍架配蜜糖蘋果汁，超欣賞蜜糖蘋果汁，很天然新鮮的味道👉黑松露蜜糖雞翼，好食到encore多一客還想特別分享餐廳佈置和理念。下一篇再分享 : )#mentalhealth #wellness#selectivemutism #health#healthyeating#healthylifestyle#counselling #counsellor#socialworker#healthnwellnessblog#mentalhealthblogger#blog #blogger

前排有位好耐無見嘅舊同學突然揾番我，之後就同佢傾吓話啦，傾傾吓，話約出嚟食餐飯咁，我就答應咗佢，佢就介紹咗間社企開嘅西餐廳，我上網睇咗都感覺唔錯，所以就同咗佢出嚟了。坐低咗之後，職員就俾咗個晚餐餐牌我哋睇，咁我一望就已經諗好叫乜，之後就叫咗個沙津係大啡菇；主菜係原隻大春雞；最後甜品係布朗尼（布朗尼愛好者）。先嚟咗碟沙津先，佢落咗啲黑醋落去所以令到沙津更加好味，另外大啡菇用沙津形式咁整嚟食都好特別未試過；隨之後係蒜蓉包，佢哋焗得好好食，十分香口，忍唔住再食埋另一塊。之後就嚟到個餐湯了，呢個湯睇落去真係無咩特別，除咗畫啲紋落去外，但係原來好好味超級好飲，而且唔係落味精嘅，真係唔知點整呢個湯，佢好似啲南瓜同唔知咩嘢煲出嚟，超級好飲呀！！🤤🤤🤤最後係等咗好耐嘅燒春雞，主角係最遲出場嘅，不過都值得等佢出爐，咪唔夠好食，果然不出我所料，真係野味無窮，而且夠哂熱辣辣，再配合佢哋提供嘅燒汁，昇華到極致。

兩年前因緣際會下第一次光顧推動聾健共融的社企餐廳－有情有意，最初光顧的原因不是甚麼可以幫助人，純粹覺得好奇罷了，整個用餐體驗的確幾新奇，由安排入座到點餐到結帳都沒有想像中困難，食物和餐廳環境亦不比一般食店差，知道有情有意早前由紅磡搬到尖沙咀，並改名為籽樂廚房，地點方便了，冇理由唔捧場。＊＊＊＊＊＊＊＊＊＊＊＊＊籽樂廚房位於山林道邊陲一棟新商廈樓上，相比起前身有情有意古典的裝潢，籽樂走的是簡約路線，落地玻璃以外，沒有太多多餘的裝飾。牆上和餐牌後面都有這幅手語小貼示的示範圖，即使不用手語，也可手指指。餐廳內穿著黑色制服的都是聾人或弱聽人士，當晚所見就有兩名穿黑制服的侍應，所以每張枱上面都有這兩枝寫著「點餐」和「結帳」的旗仔，方便食客可以在適當時候揮動旗仔叫侍應。籽樂有Set Dinner亦有單點，兩者價錢分別不大，由於Set Dinner選擇不多，所以最後我們就決定單點。黑松露芝士薯條($68)薯條熱辣辣，份量都幾多，上面有半融芝士和一大堆黑松露醬，黑松露味道離遠都聞倒，薯條幾有咬口幾好食。德國黑椒豬手($188)黑椒豬手很大份，足夠二人分吃，旁邊還佐以脆肉瓜和南瓜等配菜。豬手皮幾脆口，但

係香港一家大細想搵間闊落又好味既餐廳食飯都真系幾難，除左酒樓好少其他選擇，最近朋友介紹左呢間開左冇耐既餐廳，放假終於黎試左！原來係一間社企餐廳黎，大部分員工都係聾啞人士，仲可以學習下同點佢哋溝通😆餐廳好體貼，有好多野比小朋友玩，連圖書角都有😂環境好闊落重點黎啦，d野食真系好得，呢個雖然係餐湯，但一d都唔馬虎，好濃郁好甜，小朋友飲左一碗，黑松露蜜糖雞翼，肉滑多汁😍燒汁黑毛豬豬肋骨，呢個真系好正，雖然係燒，但一d都唔乾，個燒汁好好味！小朋友至愛既卡邦尼意粉，佢仲有隻溫泉蛋😍芝士煙肉焗蠔好滿意！

「籽樂廚房」是一間由社企營運的餐廳，為聾或弱聽人士提供工作機會。全店以白色作主調，感覺光猛清簡。在近入口的位置，擺放了一幅手語點餐簡介，有興趣的朋友可趁機學習一兩個手語動作，再於點菜時練習。餐廳主要提供西式美食，午餐有十款選擇，定價由 $88 至 $288 不等。「牛油蒜蓉多士」出品微暖帶脆，比坊間的相同出品濃味。 「忌廉蘑菇湯」湯質厚薄適中，評價中等。 主菜「黑松露帶子闊條麵」賣相對辦，闊麵富口感。雖然黑松露的香氣不算豐盛，但醬汁的味道仍算不錯，尤其當中加入為數不少的蘑菇片，亦令麵食的味道更豐富可口。至於帶子，鮮甜味不重，只可算達標。 相比一般西餐廳，「籽樂廚房」的咖啡茶選擇明顯較多。小編今趟沒有額外付費把餐飲升級，只點了一杯「熱咖啡」，苦澀酸度平衡，多加點奶已挺合個人口味。 小編一向支持社企餐廳，尤其對於富一定水準的社企餐廳更應予以推介。「籽樂廚房」雖然食品的定價不算特別便宜，但質素上也有所交代，鼓勵前來試試。