米走雞Deluxe (已搬遷) 新店位置

這週溫度只有十度以下，最好不過食火鍋取暖。今次選擇這間火鍋店個名好有趣，叫「咪走雞」霎時衝動去試吓！火鍋店長方形格局，沒有傳統火鍋店的大圓枱，多以梳化座為主，還有數張梳化卡座，私隱度頗高，適合三五知己一邊火鍋一邊聊天。牆身掛有畫作和壁燈，裝修典雅，燈光柔和。今天是平日，想不到坐下不久就已座無虛席。喜愛醬料中有白芝麻伴食，沾上進食為食物加添了一道芝麻香！滋潤養顏清湯有木瓜、紅蘿蔔、雪耳、杞子、芹菜、紅棗等養顔材料，第一次嘗試用這些材料做湯底，鮮甜滋補，又不肥膩，值得一試。手切新鮮牛頸脊份量不少，肉色鮮紅，油脂分佈均勻，肉質鬆軟，有些像食和牛的甘香味和入口即溶的感覺，雖比一般肥牛片略貴，但好食得多。白鱔片魚片薄切，有油光，好新鮮，輕輕一燙就卷起食得，好爽口。手打五寳丸拼盤有鯪魚丸、豬肉丸、墨魚丸、牛肉丸和蝦丸，大小有如哥爾夫球般大，彈牙。比較喜愛蝦丸，喜歡它好有鮮蝦味，而且隱約可以吃到一嚿嚿的蝦肉。油麥菜夠新鮮嫩口。兩人消費六百元有找，就有如此食物質素，勝過其他火鍋店的放題！

想打邊爐 就揀左間未試過既去食設計有心思麻辣雞煲 好香 不過好彩汁分開 生蠔 好大份 新鮮芝士公仔麵 打邊爐必選好多料俾你揀 響玲 連汁又香又入味豆腐 又係連汁好入味所有野都好好食~

天寒地凍，最好是打邊爐，而芝士雞煲在凍冰冰時食就最啱了。 先來個預備，從未熔到完全熔成糊狀。坐位比較迫一些，可以同坐在左右兩枱的人傾到計，知道那些好食都幾有趣。加湯都算Ok快的。整體經驗幾好。 完全熔，有很多鮮雞肉在煲內。有些似瑞士芝士火鍋，但比較中式和芝士味口感較重。 其他火鍋配料都OK好味的。火也算猛。兩個人食都差不多Order少少菜已經夠飽。主要是芝士煲比較大個。朋友想試，主要我自己比較喜歡清少許的湯底，不過冬天凍冰冰沒所謂啦。

近來氣溫驟降，今晚又只有９度，吃米鍋當然是最佳選擇。不如再來這裡吃晚飯吧！上次來過吃雞煲覺得很不錯，今次又再試試吧。 醬料選擇充足，最Like的是白芝麻。 滋潤養顏清湯($68)，以木瓜、紅蘿白、杞子及紅棗餚製，清甜好味。 中間的冰荳腐($22半份)，荳味濃，口感有層次；響鈴($48)有五大塊，兩個人真的吃不完；油麥菜($22半份)，新鮮爽脆。 手切特級霜降和牛(小) ($288)，脂肪比例佳，肉味夠香濃，口感嫩滑。 炸魚皮($48)，超～～～～脆！一放湯會聽到索索聲的！ 魚皮餃($20半份)，略嫌鮮度未夠；芝士腸($20半份)，芝士夠流；芝心丸($22半份)，芝士很chewy。 手打墨魚丸($68)，大大粒，十分鮮味。 蒙古羊肉片($138)，老公的至愛，雖然口感不錯，但小妹覺得味道頗羶。 另外想讚的就是這裡的服務態度，每位店員都很貼心，可以再來呀！

又一次來到「米走雞」，但今次唔係食出晒名嘅芝士雞煲，而係試下個「滋潤養顏湯鍋」！一聞已經聞到陣陣藥膳香味，再睇湯料都分量十足！有齊晒紅棗杞子、雪耳、木瓜等等養顏材料😌 今鋪QT要食住靚！火鍋料因爲QT同朋友兩個女仔，就免得叫太多浪費，只叫少少特別嘅try try夠飽飽就算。 牛頸脊夠新鮮味濃，肉質唔會鞋，碌一碌就食得👍🏻👍🏻👍🏻 手打丸夠新意但略嫌味道咸左少少，瑤柱鯪魚滑超多瑤柱呢！食落仲夠晒香！😂話時話QT每次打邊爐前都會飲碗湯頭，潤下個胃試下味甘啦～ 但我成日聽講打邊爐想唔甘熱氣就緊記要飲打完邊爐去左油嘅個個湯尾，甘就唔會熱氣😂唔知係米真嘅呢？有冇人解答到QT~ 雖說我唔個依個解熱方法真定假，但愛美嘅QT今次依個養顏湯底就飲左好幾碗連渣都唔放過！

天氣凍，食雞煲。今晚試新野，唔辣既芝士雞煲。配料有好多款式揀。兩個女人，揀左半隻雞。芝士湯底原來好濃，好香芝士味，同雞撈埋食好似食緊韓式風味的滑雞，滾耐左真的會痴底，耐不耐要搞下。花膠，好多骨膠原，好煙韌。食左感覺皮膚都好似好左。雜菇拼盤，有雞脾菇，金菇，冬菇，秀珍菇，十分新鮮，相對芝士濃度，有些菇類吃比較健康。即炸響鈴，鮮炸，的確很不同，皮有很多層，沾上芝士汁，有多層次的口感。另外點左青島。麥子桂圓啤酒，幾特別，桂圓味不重，但麥味十分濃，食熱氣野，飲啤酒係絕配。

今日又來到米走雞開餐， 上次試過火焰麻辣雞煲，一試難忘今次encore試中辣一嚟到又係先混醬呢度係兩人份雞煲，$158，非常足料啊，而且每一舊雞都啖啖肉，非常抵食配上辣汁，呢個係店員幫我地攪拌，仲有表演睇添真係好大火我同朋友即刻相機食先，啱晒鍾意打卡嘅朋友真係好鍾意食佢隻雞， 今日咬落真係辣得黎甜甜地，加埋大量嘅洋蔥，好夾啊個味食極都唔厭，我同朋友兩個女仔都清得晒成煲雞，重點係佢每舊雞都係雞腿雞胸，絕對每啖都有肉食完雞煲叫佢加啲麻辣湯，開始打邊爐呢個蝦滑十個推！！！仲真係有一隻隻蝦係入面，口感一流必食嘅大大嚿響鈴🔔每次食麻辣鍋我都會點嘅紅薯粉一個人三百內搞掂，下次再黎

行完街，因為天氣依然比較清涼，所以今晚決定打邊爐。雖然這間餐廳出名吃雞煲，但是我們選擇了比較少有的咸菜豬肚湯底，除了有咸菜及豬肚，還有雞腿肉🍗等，湯底不會很咸，而且有黑椒的香味。點了雜菇拼盤，鮮冬菇很厚滑，雞卑菇很爽滑，還有秀珍菇和金菇呢！白膳片是我的最愛，薄薄一片，熟透後變得又爽又滑。鳳城水餃🥟有蝦肉，亦有木耳，煮完脹卜卜，很惹味。鮮炸響鈴大得驚人，比其他餐廳的大約一至兩倍。油麥菜和翡翠苗很翠綠。紅薯粉配此湯底意外地好吃。吃完全身暖笠笠，十分飽滿。

天氣突然跌到落單位數字❄️☃️☃️真係凍死寶寶（嘔）啦！😂😂 唔想由外凍到入心？！甘就最好打邊爐暖暖個身，咁咪唔怕凍到震囉👍🏻👍🏻第一次係呢度打邊爐🍲🍲見openrice勁多like！食完果然覺得性價比幾高！先講講個調味，其實間間都差不多，不過呢度有白芝麻，加左d用黎點野食，味道更香。📌最正係手打丸，🦐丸好彈牙又鮮味；鯪魚球丸有髮菜芹菜，打到起膠😋。📌雞子好大粒，熟左漲卜卜，咬開勁juicy，差d辣親嘴。📌肥牛肥瘦分佈望落似凍肉舖既貨色，不過色澤鮮紅，食落好易咬開，一d都唔韌 😋。📌呢度既響鈴好巨型，卷左好多層，不過咬口唔夠脆，食一舊已經好飽。不過份量好多，多人食抵。📌牛栢葉其實就真係韌...好似橡筋甘。📌有新鮮淮山，正😍。不過呢度既service大家就唔好太大期望😅侍應態度係nice既，可惜人手非常不足，好多時要自己行出去放低d嘢或者出去叫侍應過黎...💦不過整體來說不錯，會再encore！

一出Lip就見到出面排左一排凳~等排隊既人坐下~幾窩心=)醬料齊全 而且感覺非常衛生蓋好哂之餘~唔會話D盒邊沾滿醬料又油林林咁~黎得米走雞當然首推雞煲! $218有個大既!之前食小辣覺得可以 所以今次挑戰中辣!個竦湯會有專人後加落去~中辣既話開頭係可接受的~食到最後真係好鬼辣好過癮!當然唔少得要叫肥牛啦!推介呢個經濟實惠但都好正既特級雪花肥牛! $138only其實都好大碟~而且見到D紋路都知唔係差野~夠新鮮!無牛不歡既我地仲點左個$78既手打鮮牛丸手打既真係彈牙好多~而且望到呢隻紅已經知道好新鮮!同普通牛丸真係無得頂!如果唔想飲酒既朋友推介你可以試下咸07~同雞煲好夾~好爽!

我係米走雞既Fans ~ SSP同KT果間都有去過今次特登過海試下Deluxe既米走雞係點~哈哈閒日黎到都爆場~好彩唔洗等太耐!質素真係幾standard~食物、服務、裝修等等都差唔多~唔會好參差~唔好以為剩係個芝士雞煲出名~其實麻辣一樣無得頂~麻得好過癮! 雞件超滑~而且雞臂量多~唔洗爭!首推鮮炸響鈴 ($48)食過呢到既鮮炸響鈴真係番唔到轉頭平時屋企打邊爐食開既盒裝完全兩個Level~~今次新試既~鮮蝦雲吞 ($78)未食落口之前完全唔知佢係雲吞~第一次見咁圓既雲吞~食落超正~勁多料~皮超薄~好結實! 值得一試!蜂巢冰豆腐 ($22)勁入味~索哂D汁~打邊爐/雞煲必點~上次KT點過Ja竹庶矛根~今次本來想encore點知發現餐牌冇 /.\ ~好彩都仲有奶茶揀~~可以解辣=)

今日同朋友喺銅鑼灣附近搵嘢食，見到有間樓上雞煲，好似幾吸引於是入去試下。 我哋入到去喺張兩人枱度坐低，佢哋雞煲有兩種，第一種係黃金芝士，第二種係火焰麻辣，我哋點咗第二種火焰麻辣雞煲，小份量的以及半隻辣椒。另外我哋叫咗一份生菜，一份讚岐烏冬，一份特級雪花肥牛，同一份金菇。 我哋大約等咗十分鐘，一大煲雞煲送上，店員幫我哋打開個爐，雞煲大約燒咗五分鐘左右，店員幫啲雞點火，就成為咗火焰雞煲，啲火燒咗一陣，店員就淋啲湯上去，再幫我哋搞一搞，跟住我哋就食得啦。 雖然我哋叫係叫左半隻辣椒，但係辣味仍然好重，我哋之後加咗啲清湯先食，下次可能要叫黃金芝士，啲雞好入味。 我哋食完雞煲之後，就落肥牛，同埋生菜金菇，啲肥牛好新鮮，肥瘦適中口感一流，個烏冬吸左麻辣雞煲嘅精華，都好好味。

整個星期都非常寒冷，亜囝嚷著要吃火鍋，今晚就一家人齊齊正正去食個痛快。亞囝知我口味不會食太濃，於是乎湯底點了一個滋潤養顔鍋，有𣏌子，木耳，木瓜之類，好清甜，果然囝仔知我心意。雪花肥牛，五香駝鳥肉，脆脘片，花膠，午餐肉，手打五寶丸，炸響鈴，蔬菜，配料放滿整張檯，睇見都開心。配料好新鮮，肥廋適中的雪花肥牛好滋味。駝鳥肉簡直係零脂肪，食得健康。花膠養顔食多二片都可以呀。五寶丸係亞囝至愛，粒粒弾牙。脆脘好脆，不過要小心細小的骨。炸響鈴吸收湯的精華好好味。嫩綠的蔬菜好甜美。今晚食得好飽足，水準好，服務貼心。

慶祝朋友即將去南美洲旅行 脫離苦境 專登揀間近佢既雞煲賀一賀👏🏻👏🏻👏🏻啲位都幾寬闊 坐得幾舒服難得有自創芝士雞煲 肯定要試一試 滿足在場兩位芝士控 芝士碎仲要揀激量🤤🤤等左十分鐘啲芝士碎同雞肉水火相容 纏綿在一起見到個賣相就知好味！整體口感不失違和感☺️☺️差不多食完雞煲 我地再叫左啲打邊爐食品手打五寶拼盤 五款口味 粒粒彈牙峰巢豆腐 完美吸收湯底 煙韌爽滑生菜 新鮮乾淨呢款哈哈蝦中寶係全場焦點 成個拳頭咁大粒粒大蝦肉包係入面 上高啲蟹籽成就整體口感👍呢個都重點推薦 蒙古羊肉片 雖然有啲貴而且得果幾片 但真係值得一試 我唔中意太重羊騷味 正合我意雪花肥牛 呢碟牛好有彈性 份量都算多😎下次會encore成晚飲左幾罐啤酒 見到呢個杯特別有情懷因為係本地啤酒廠 但今次無飲到呢個本地啤

「冷得我騰騰震」今晚氣溫十二度，一班人圍著打邊爐最好不過。銅鑼灣太多選擇，真係要講口啤，友人極力推薦渣甸中心內一間餐廳，佳因食物水準不錯，坐位寛敞坐得舒適。其實嚟間餐廳出名食芝士雞鍋，之前也有食過，味道濃烈惹味。不過今晚想清清地，點了一個養生鍋，材料有木瓜，雪耳，紅棗，蘿蔔，芹菜⋯⋯夠曬養生, 湯底清甜滋潤。配料好快已齊備，全無漏單，非常準確。雪花肥牛指定動作，肉質軟熟鮮美，牛脂香濃。駝鳥肉比較少有，質感有點似牛肉，肉味濃厚也不錯。花膠大大片，煮得軟腍好抵食。五寶丸有墨魚，鯪魚，肉丸，蝦丸和貢丸。爽彈的質感，正呀！炸響鈴不油不膩好新鮮。其餘的蔬菜類認真新鮮，嚼落爽脆。不知不覺全部食清，一件不留，一班人烚下烚下實在太開心了。