米走雞 (太子藍馬之城)

营业中

休息中

所有肉類一向最愛食雞，每月平均都會去食1，2次雞煲，由其最愛麻煩雞煲，只是近排皮膚太差，不宜多吃。早前知道有間芝士雞煲，上網查詢時覺得比較特別，所以就決定去試下。是晚book了7點，去到發現店內已經坐滿了7成客人，店子光猛，空間充足，大部份坐位都是舒適卡位設計。坐下來之後先order 了出名的黃金芝士雞煲，而芝士有3個分量選擇，我們揀了普通分量，因為終於怕太多芝士太漏喉。雞煲面層灑滿芝士與洋蔥碎，雞件預先已經炒熟，只待芝士半溶解狀態就可以吃。在等待的同時就慢慢挑選其他火鍋配料，大約過了3，4分鐘左右，芝士已經開始半溶，大量芝士包著雞件，香味撲鼻。雞件嫩滑再加上大量芝士，芝味濃郁，而且完全沒有漏喉感覺，而且調味恰到好處，十分滋味。其他配料都好新鮮，手切新鮮牛頸脊，肉味濃而且肉質嫩滑白鱔片- 鱔肉爽口鮮嫩，肉味鮮甜竹笙 - 爽口，而且吸收了芝士湯㡳，令人回味無窮。油麥菜 - 新鮮嫩口，而且清洗得非常乾淨金菇菜- 份量大竹蔗茅根清甜解喝，而且仲要自家製，不太甜價錢一啲都唔貴，而且十分美味，下次一定要再跟其他朋友再吃多次

Was told that this place was very famous so I gave it a try. The chicken was alright but the cheese was not too great. The combination was pretty good actually. They added soup into the cheesy pot of chicken to turn it into hot pot which I wasn't too sure of.. it honestly was a little weird to me. Especially when it wasn't the cheapest place around. It gave me a sloppy feeling. My boyfriend who is from HK loved it because its hotpot but as a foreigner, I do not see myself going back. The food wa

由於有訂位,所以等得唔算耐,呢間配料方面同其它火煱店都差唔多,種類都算多,而唔同的地方是呢度有芝士火煱食,原理是成隻/半隻芝士雞上,食完晒就加水變左做打邊煱。我食左呢間2次,覺得除非你真係芝士迷,如果唔係又食呢個芝士雞再打邊煱就會覺得好over,超級快易飽,唔想再食其它野,因為都無晒胃口......由於當日唔算多人,所以坐得都算舒服,但張檯係細細張,我地ordered左嘅野都要擺過去隔離檯先夠位,所以建議唔好一次過叫太多野,以免檯面擺唔落呀......

本身酷愛打邊爐，所以不論天氣，我耐唔耐就會去吃一次火鍋，而說到吃火鍋的心得，我覺得【米走雞】是我數一數二的選擇。其他的火鍋店都可以有超水準的食材，但要講到食材靚之餘，坐得又要舒適，環境通爽，打完邊爐不會一陣火鍋味的話，【米走雞】確實是首選。其本上這裡的座位大部份都是卡位，卡位是可容納四人，枱面非常大，枱和櫈之間都好闊落。今次我和妹妹兩人來，所以被安排到二人枱，枱上有電磁爐。基本上點餐紙上已經有齊平時打邊爐會食的食材，由海鮮、肉類、丸、蔬菜至各種粉麵，應有盡有。坐下先要決定要那款鍋。來得【米走雞】就當然要食他們的雞煲，這裡雞煲出名大鍋和好吃的了。共有兩款雞鍋，黃金芝士和火焰麻辣。其實米走雞我食過好幾次，都是跟一大班人來的，所以兩個雞煲我都吃過。我建議就是，如果你喜歡有少少甜味的湯底和濃濃芝士味的話，就要黃金芝士雞煲;如果你喜歡吃惹味的話，就選麻辣雞煲。如果你怕吃辣的，它有BB辣可選，BB辣的煲是麻而不辣，既香口又不太刺激。火焰麻辣雞煲（小）＄148叫得做火焰麻辣雞煲，就當然真的有火。職員端上雞煲之後，隨即為煲點火，之得手起夾落的不停把煲內的雞和其他材料炒了一回。紫藍色的火焰就在煲內不停閃

為準備聖誕禮物今日就來到旺角，隨便走走看。行到太子，肚開始餓，就在彌敦道找找有咩食。見到這間芝士雞煲，感覺新奇，就上去試試。芝士雞煲點了小份量的芝士，芝士粒鋪滿整個表面。熱溶後，一開蓋白黃黃一片，每件雞都被芝士均勻地包裹著。半份雞煲的份量可不少，有超過15件雞，雞件的味道可以再咸少少。火爐配料點了特級霜降和牛單看顏色分佈就知道質素高，一點點白色的雪花平均散落在每個位置。放在芝士湯底裏約5-8分鐘就剛剛好夠熟，口感彈牙，軟滑，肥瘦適中，淡淡的油香，正！竹笙爽口，不會灼熟就散開，一碟都有15條以上，算抵食。脆鯇腩很新鮮，魚肉爽口彈牙，有口感。每片的厚度切得剛剛好，不會外熟內生。響玲層次豐富，夠脆，一卷的直俓接近6-8cm。放入鍋中，響玲的外層沾滿芝士，芝味與響玲的油香很夾，內脆外creamy，與芝士湯底是絕配。翡翠苗爽甜，青青綠綠的，不會很老又沒有泥沙，全份的份量都算多。峰巢冷豆腐有5-6塊，上碟是一塊冰。峰巢狀的小孔滿滿地吸引了芝士湯底，變成了芝士豆腐。竹蔗茅根一壺可以添到6-8杯，甜度適中，濃濃的竹蔗和紅蘿蔔味，應該是自家製作，用來清熱氣不錯。

近年韓風侵港，又適逢寒風襲港，梗係去打邊爐。依加咩都加芝士就叫韓國野，但係究竟好唔好食又另一件事，比如最近咩煲仔飯加芝士，呀dee就真係冇興趣，煲仔梗係食港式加甜豉油。依加打親邊爐，湯底選擇真係五花百門，由健康既藥材底，日式既壽喜燒，甚至傳統港式沙爹，韓式湯底就多數係泡菜，但係好多時愈食愈淡，有色冇味。但係米走雞個芝士湯底真係值得黎食，算係我食咁多間新式湯底最有誠意個間。我地訂左7點半黎食，黎到都已經好多人，好彩有訂位，認真唔訂真係冇（後面會講點解）。佢都有好多款湯底，但是主打就係芝士同辣，黎得梗係食黃金芝士火鍋。黃金芝士火鍋（小） 158元一上到枱，小既都好夠大煲，覺得四個人都夠食，仲要好多雞件，佢枱面有教點樣食（先食雞再加湯打邊爐），佢個鍋有好多配菜（芝士碎，洋蔥，芫茜，西芹等）。呀dee其實麻麻芫茜個陣味，但係厚厚既芝士味已經cover晒個陣味。講番個鍋，睇住佢d芝士碎慢慢溶，忍唔住要拉絲畀大家睇下，因為真係好。多。芝。士。佢d雞真係舖滿晒個煲，同出面個d好唔同，真係完整一件件（外面個d好多時都濕濕碎碎，食食下會有舊骨咁），雞件有好多，啖啖肉，件件都好滑，配埋已溶既拉絲芝士，真係

唔係人人鍾意食芝士，我都唔係超級鍾意食，今次初試芝士鍋，又有想不到的效果。 首先芝士雞煲，好穩陣， 芝士同雞翼基本上係好嘅配搭，食完之後可以繼續加湯，火鍋配料好新鮮，所以一班朋友無論鐘唔鐘意食芝士，其實都冇大影響 ，可以嘗試芝士火鍋嘅特色，又唔使驚大家口味唔同，唔啱食，埋單都係二百幾蚊啫，已經飲咗七支啤酒 同其他飲品。不過記得帶現金會為唔收咭架

年前食米走雞嘅時候，波波驟覺驚為天人。但時日遠去，重遊舊地，已覺芝味不再。呢個雞煲雖然點咗激量芝士，但睇到並唔係可以拉絲拉到好多，而且成個雞煲都冇咩芝士味，雞亦冇咩雞味。可能分店多了成本大了，質素下降了係無可避免，只覺有點可惜。

其實想去左好耐，但一直就唔岩時間去，終於食到！好期待！而家方便，可以用what's app訂座！👍🏻去到，先點雞煲，黎得呢間，梗係試芝士雞煲，芝士份量可以揀，我揀正常！個煲一黎到，嘩，係真係好開心！見到好多一粒粒嘅芝士係面！等一滾就食得！一開蓋，芝士溶左，就快手夾啲雞食！芝士痴住啲雞，好正呀！佢雞肉都幾多，我地3個人，平均每人食4到5件，最緊要係佢大啖肉，大部份係雞脾肉，仲係多洋蔥，我至愛！之後我地開始打邊爐我地叫左雜菇，生菜，肥牛，四拼餃，一個丁麵！肥牛靚，其他都好食！係個餃麻麻地，同食到最後食丁麵嘅⼁

知道米走雞不論是大熱天時或是天寒地凍也經常座無虛席。這天晚上未夠七時來到，已有很多食客已忙於烚下烚下。雖然是忙不開交的時段，難得侍應人手十分充足，而每位服務也周到有禮，笑容可恭，值得—讚。 原本約了朋友吃雞煲，但這天喉嚨有點不適，唯有放棄而選了皮蛋芫茜湯底 $68。湯底啲皮蛋大大隻 又大又靚，沒有餲味。湯底内還有四件清甜嘅粟米，十分清熱。日本廣島蠔 $78，蠔味既香且濃，非常鮮甜。花膠 $88，份量不少，在頭段先放入花膠，至尾段才吃，還有點爽口 ，不會滾致稔爛狀態。 手切新鮮牛頸脊(小)$208，肉質新鮮有咬口，牛肉味重，味道鮮甜。黑松露蟹子魚麵 $138，魚麵唧出來粗粗的，軟彈的，蟹子不時在口中爆開，很有趣。鮮製四拼餃 $88，黑椒鮮牛肉餃肉香又爽。韮菜餃有韮菜香，菜餡有點過稔。雲吞和水餃内的蝦肉爽甜，餡料新鮮。山藥 $42 ，即鮮准山，熟後沒有發大和滑潺潺，質地粉軟不淰口。生菜 $40，新鲜嫩綠，清甜有菜味。Floris Honey比利時手工啤，$48，有重重的蜜糖味，味道特別，有驚喜，合女士口味，配火鍋很配搭。飯後來再支烏龍茶，解滯燒脂。這頓火鍋感覺滿足！滿意！見鄰坐的芝士或火焰

黃金芝士雞煲$158 (Kim 子推介指數7/10)期待已久的芝士雞煲終於可以吃到了! 一行二人，叫了細雞煲。即叫即來，那如何吃呢? 幸好餐紙上介紹了食法，用大火把芝士雞煲煮滾，再調至細火，先吃雞件，注意不需搞伴，味道會更濃。吃完後加入上湯打邊，最後落出前一丁做出芝士麵! 待5分鐘雞煲煮滾已經可以吃了。一打開飄來一陣陣的芝士香氣，其實芝士跟雞真的是絕佩。最值得一提的是，雞件全是雞脾肉，啖啖肉之餘十分滑，又滲透了郁的芝士香味，增加了雞煲的口感。手切新鮮牛頸脊$208 (Kim 子推介指數8/10)作為一個愛牛之人，甚會打邊爐不叫牛? 牛頸脊有大量雪花，肉質非常鮮嫩。可是雞煲與芝士其實一點都不夾，所以吃芝士雞煲都是別叫牛了。否則浪費了！手打五寶丸拼盤 $88 (Kim 子推介指數8/10)手打五寶丸拼盤由墨魚丸、牛丸、蝦丸、豬肉丸及鯪魚丸組成，一次過可以試5種丸! 鮮炸響鈴$48 (Kim 子推介指數7/10)響鈴是我其中一樣最愛，只需要略放入湯煮一煮，就吸收了整個雞煲的日月精華，變成芝士響鈴!

天氣終於真的轉冷，打邊爐這個指定動作當然少不了。朋友們自從上次吃了這個芝士雞煲之後，就像著了廂一樣，所以我們今天又再來了 XD這次來到太子店。餐廳空間没銅鑼灣新店般大，2人枱較多，但枱與枱的空間蠻寬敞，坐得依舊舒服。 黃金芝士雞煲 (小) $158 - ★★★★☆  吃過火焰麻辣雞煲，但還是鍾情招牌黃金芝士雞煲的味道。物價騰貴，上次吃是$148，現在已經$158了。 雖然貴了一點，但雞塊數量依舊，質素仍能保持。雞件非常大件，而且結實、嫩滑。啖啖肉配上濃郁芝士，又不失雞味，夠晒惹味。 哈哈蝦中寶 $118 - ★★★★☆  吃過幾次都飽到點不了的哈哈蝦中寶今次終於吃到。貌似壽司，賣相有趣。每一舊也有半隻手掌心大，足料、夠份量。爽滑蝦膠包著原隻中蝦，爽中爽的口感非常新鮮。還有脆口蟹籽增加口感，配搭出色。 花枝片 $88 - ★★★☆☆   花枝片一樣大堆頭，每一塊都差不多有我手掌般大。 厚度適中，更突出爽脆口感，但鮮味一般，被芝士蓋過。 特級雪花肥牛 (小) $108 - ★★★☆☆  小份的肥牛其實也不算小 XD 4人用也足夠有餘。脂肪分佈蠻平均，口感嫩中帶爽，與芝士湯底蠻匹配

一講到芝士雞煲，我諗好多人都會諗起米走雞，太子，長沙灣，銅鑼灣均有分店，我都食過幾次架喇，冇計，芝士雞煲實在太吸引。餐廳直頭印埋教學出黎，先食雞煲，後加湯打邊爐，如果如果收汁後加片芝士再落出前一丁撈更加系冇得輸。黃金芝士雞煲（$158@小): 雖然系細煲，但已經足夠二至三人食，煲裡面有大量芝士，煮沸後立即轉保溫模式先食雞件。無限芝士極其幼滑，所有雞件都比超級濃郁既芝士包圍，極盡芝味，真系香到不行了。雞件大多為雞脾肉，真材實料冇花冇假，滑嫩雞肉配香幼芝士，真系滑上加滑，芝士控一定要食。特級霜降和牛 一 色澤鮮明，非常紅潤，淨系睇個賣明已經知道靠得住。質素相當優質，牛味鮮香而濃郁到位，唔系普通手切肥牛或牛頸肉可比，坦白講，真系一分錢一分貨。

韓式芝士雞食過，西式芝士火鍋又食過，咁中式芝士火鍋你食過未? 米走雞由長沙灣擴展開到太子，終於食到傳聞中既芝士邊爐。先食芝士雞煲，再加湯底打邊爐，用盡整鍋的芝士。其實這裡的雞煲有芝士、麻辣兩重口味，但既然這裡出名芝士，第一次試就當然要食芝士雞煲。二人要了個小的黃金芝士雞煲 ($158)，雞煲上枱時打開了蓋偷看了一眼，雞件本身已混入了芝士醬，上面再鋪滿了芝士碎及洋蔥碎，蓋上煲蓋多等5分鐘，等芝士碎完全溶解後便可開動。芝士的濃郁度令你可輕鬆地做到芝士的效果，雞件全是用雞脾肉切開，不用怕夾著只得骨的雞件，其實小鍋雞煲有約16件雞，二人食每人平均也有8件，都不算小鍋!!食完雞煲後，店員會加再湯底食火鍋，新加入的湯底是金黃色的，似雞湯底，由於鍋內仍有芝士，所以要不時攪動湯底，以免燶底。先食手切新鮮牛頸脊 ($208)，牛味濃，有雪花，灼10秒即食。花枝片($88)，爽夾脆，鮮甜，灼1分鐘，見花枝片由透明變白色亦即可食。蟹子鮮蝦滑($88)，蝦滑本身已十分爽口彈牙，入面更加入了蟹子，食落有卜卜聲粒粒蟹子的特別口感。蜂巢冰豆腐（半份，$18)，自己覺得這個很抵食，有很多片，豆腐吸盡湯底精華。竹蔗芧根

韓式炸雞，拉芝士你就食得多，兩樣加埋一齊打邊爐又有無得諗？唔好以為係少林足球上身大師兄，真係有得諗，唔只有得諗，重有得食添！雖然呢度重有麻辣火鍋食，但有新野一定要試一試重有個MENU專係配芝士，睇黎唔叫芝士鍋都唔得第一眼見到個煲己經覺得今次要捧住兩個肚腩走，啲芝士味濃到一打開個蓋就覺得會飽到上喉嚨錠。但食落無想像中咁溜，越食會越想食，感覺大好！啲芝味雞食到咁上下店員就會加啲芝士湯落去，就開始第二場激戰。手打丸同埋餃都幾有質素黑松露墨魚滑，呢個麻麻地新鮮牛頸脊，比起肥牛更加重肉味，脂肪同肉都分佈得好平均，唔會一啖只係食到肥膏睇落似魚肚既花膠，滾滾下啲芝士味索哂入去都幾好味四個人食竟然可以食到咁多野，可能環境唔太迫，成班人傾住計，輕鬆食下野都幾唔錯。