米走雞 (太子藍馬之城)

营业中

休息中

琴晚同朋友出太子行完始創中心  之後我地好肚餓佢見天氣咁涷就提議打邊爐  我就推介左佢去食呢間食芝士雞既邊爐咁因為我地得兩個人 所以只係叫左個細既芝士雞煲當個芝士雞煲黎到既時候我地己經流晒口水 因為陣味真係好香奈何等佢滾圯要d時間 所以我地只好係到等 都等左十分鍾左右終於食得啦 一夾起d雞 d芝士多到漏晒出黎 食落d雞仲好滑另外我地叫左響令 撈落個芝士雞煲到真係另有一番風味 雖然好漏XD最後我地再加左兩個出前一丁放落去 加埋D芝士湯真係正到冇得彈不過建議食量唔大既人唔好加咁多芝士湯 因為食得多芝士都幾漏總括黎講 我覺得呢間芝士雞煲真係冇得彈 有得無限加芝士湯 芝士味又夠濃唔會偷工減料 雞都夠滑 

今日約咗閨蜜一齊食超邪惡嘅芝士雞雞，其實兩條友食一個細芝士雞煲理應夠飽，因為都幾漏，但係我地實在不想放過芝士湯底，因為侍應話可以照叫其他火鍋料，加湯俾我地打邊爐，咁坦白講~應該淥所有食物都夾芝士湯，反正就是濃濃的味道，所以另外叫了哈哈蝦中寶，生菜、芋絲同魚皮，全部都超級索湯，同埋推介若果想將邪惡極度升級，必點就係嚮鈴，將佢浸落去未加湯嘅芝士汁當中，除了重口味，應該係卡路里都隨住升級，正啊！喜歡濃味必試

天氣凍凍地呢晚收工又同姐姐去咗打邊爐因為姐姐話今晚唔想食雞煲，所以今次我地淨係叫咗個湯底打邊爐上菜速度好快，抵讚我地叫咗雪花肥牛，另外仲有鮮蝦雲吞，蟹子墨魚滑同自家製響鈴湯底叫咗蕃茄粟米湯，裡面有好多材料！勁多蕃茄粟米同薯仔d粟米好鬼甜，仲有我最鍾意嘅薯仔成個湯都好清甜，正呀！鮮蝦雲吞勁大粒，裡面有成三隻大蝦仲非常之新鮮彈牙！雲吞皮又夠薄夠嫩滑，yummy !蟹子墨魚滑份量好大方墨魚滑鮮味十足又夠彈牙！唔錯喎！自家製響鈴大大條份量十足，好滿足呀雪花牛肉片叫咗細份但份量都幾多肉質好鮮嫩肥美油脂豐富加埋肉味香甜，好好食！所以好快就比我地清曬

呢幾日天氣開始凍，終於可以食返啱天氣嘅食物啦~今晚嚟到太子嘅米走雞，好彩有BOOK到位啦，天氣凍個個都放工嚟食，今晚我哋叫咗一份細嘅黃金芝士煲大約喺2-3人嘅份量，雖然我好鍾意食芝士，不過朋友就怕太膩，所以無再加芝士碎啦~店員放低雞煲之後都好好呀，提醒我哋唔洗搞混D芝士，因為會痴底就無拉絲架啦~我哋仲叫咗鳳城水餃同蟹子墨魚滑。水餃大大粒真材實料呀，而墨魚滑好滑好彈牙呀~之後仲有粟米同鮮炸響鈴，放晒落我最鍾意嘅芝士煲，正呀。下次要再嚟食過！

雞煲常常在朋友口中聽得多，今回可說是自己親身品嚐的的第一次。由於與家人一同進餐，為了方便大家交通，於是決定去就近的太子米走雞來個火鍋雞煲。米走雞餐店內感覺好像是一間西餐廳的優雅，環境比一般火鍋店闊落，裝飾亦很有舒適的感覺。從網上得知米走雞最有名就是芝士鍋雞煲，但為了配合家人口味，我們選了小量芝士作調配。另外我們亦選了一些火鍋配料作為火鍋食材，當中包括了特級雪花肥牛、手打鮮墨魚丸、珍珠帶子鮮蝦雲吞以及竹蔗茅根一壺。在進餐前店員為我們奉上了火鍋的調味醬料盤，盤上有六款調配醬料：麻醬、炸蒜粒、生蒜蓉、莞西、辣椒粒 及 蔥花。調配醬料完成後芝士雞煲亦隨即來到，雞煲滿滿是雞塊，底部是大片大片的洋蔥，蓋面就是芝士碎。店員提示說只要沸騰後便可從面層的雞塊一路吃下，直至想轉食火鍋。雞煲的份量十足，而每件雞件亦可口細滑，加上芝士味道十足，我們都需要若干時間才轉食火鍋，在火鍋中最值得推介就是珍珠帶子鮮蝦雲吞，全因為雲吞的肉厚彈牙，用料亦非常十足，除了食得到鮮蝦的香甜，還能嚐到珍珠帶子的鮮味，本人強烈推介。手打鮮墨魚丸是另一佳作，彈牙口感非同凡響， 是非常出色的真材實料之選。特級雪花肥牛是非常優質，肥肉花佈

去米走雞唔食芝士雞，竟然食普通打邊爐?事緣有位朋友仔對芝士敏感又唔出聲，但我地又訂咗枱本來是食芝士雞的，幸好餐廳可以只叫普通火鍋，料味料都是火鍋必有的蒜、辣椒、蔥、芫茜等等。今次叫了一個看似普通的蕃茄薯仔鍋，但蕃茄味超濃，粟米好甜，薯仔入味，勁似在家飲的湯，牛肉都幾新鮮，丸類就普通不過不失，竹蔗茅根夠大枝，我地3個人飲到每2~3杯。另外叫了嚮鈴和午餐肉，但忘記了拍照，哈哈。嚮鈴炸得好脆，索哂啲蕃茄湯，超正

米走雞🤣行經太子附近都覺得這店名好有趣，上星期一班年輕人就相約在這店聚餐😅去之前也看一下食評必吃的東西! 好像芝士🐔㷛是大熱門!! 我們也叫了一鍋, 算是招牌菜式吧！吃完後就直接加湯火鍋，食物很新鮮，價錢也合理, 地點也很方便大家! 我們一行8人被安排到大卡位, 坐得很舒服😃也是一個聚會的好店子👍🏻

步入冬季，天寒地凍， 同朋友不約而同諗起食雞煲。問起朋友旺區有什麼雞煲選擇， 便來到了位於太子的米走雞。樓上鋪座位比起普遍地舖餐廳闊落， 卡位空間十足。聽說芝士雞煲十分出名，可惜朋友不吃奶製品， 我們便點了火焰麻辣雞煲。火焰麻辣雞煲 $168即叫即做雞煲，而且上菜後才作最後煮熟， 雞件剛好熟保持肉質嫩滑，職員亦會及時幫忙炒雞件。 點火環節有驚喜而且帶出麻辣味道，即時聞到香料味。雞件大大塊，二至三人食用小雞煲已足夠。BB辣味可以細細品嚐雞件的味道不會過辣。澳洲牛舌 $88薄切牛舌非常適合打邊爐，牛味突出而且爽口。手打五寶拼盤 $882個人叫拼盤剛剛好，集齊墨魚丸、鮮蝦丸、鯪魚丸、豬肉丸和鮮牛丸。每款丸都十分新鮮而且肉足料，沒有混和麵粉，淥起後不會過份發大，口感有彈性。鮮腐竹 $32稻庭烏冬 $21冰凍稻庭烏冬，作為打邊爐完美句號。咸檸七 $18接受咸檸七的味道的話， 很適合打邊爐時候喝， 可以減低熱氣感覺！ 鹹鹹甜甜的味道亦很消滯。凍檸茶 $16每人$250左右消費，已經很飽足了，而且比放題高質素

天寒地凍最好選擇就是打邊爐，對於芝士控的我們，朋友隨即推介米走雞，於是我們選擇了太子的分店，在太子地鐵站步行約三分鐘就到達，地點非常方便！餐廳位於2樓，地方大，座位寬闊，坐得舒服，環境乾淨，醬料擺放得好整齊，而且每個都有獨立的蓋子蓋上，感覺整潔又衛生。我們二人選擇了招牌菜式黃金芝士雞煲（小）$178，對於芝士控的我們，一定會選擇激量的芝士，雞件件件都啖啖肉，肉身嫩，每件雞件都被香濃芝士包圍，而且芝士配上大量洋蔥，令芝士更加出色，食落沒有肥膩的感覺，雖然是細的雞煲但係份量也不少，讚！價錢味道非常合理蟹子鮮蝦滑$88鮮蝦滑上鋪滿蟹子粒，鮮蝦滑感彈牙，非常多蝦肉，必食推介鮮蝦雲吞$88鮮蝦雲吞有八粒，皮薄身，非常多餡料，大大隻鮮蝦及豬肉，一口也咬不完蘿蔔半份$20蘿蔔甜，沒有渣，又可以清熱解毒蜂巢冰豆腐半份$24冰豆腐吸盡芝士湯底的精華，又不失豆的香味，而且數量是有六件的鮮炸響鈴半份$28這裡的炸響鈴是即炸的，非常新鮮沒有油膩味，又脆口，吸上芝士湯底更是無懈可擊喜歡吃芝士的朋友一定要來試下吧！絕對會令你回味無窮。

朋友話想打邊爐，就去翻之前食過幾好食既米走雞🤗今次冇叫雞煲，試左佢既蕃茄粟米湯，佢入面仲有好粉好好食既薯仔，但就要煲耐d等佢入哂味食就perfect 😊叫左個竹笙墨魚滑，呢個真係卧虎藏龍，好好食，外面個竹笙爽脆，入面既墨魚滑又夠彈牙，口感極好，同埋出面未見過，第一次食好驚喜👍🏻呢度既響鈴同樣好出色，好夠脆，好大舊，唔好浸到淋哂，放幾秒等佢仲有少少脆咁食好正🙈蟹子鮮蝦滑有好多蝦肉，真材實料，一碗細細碗但其實可以發到好多舊黎食😍個豬頸肉肥瘦勻稱，食落夠鮮味魚皮餃夠飽滿，皮薄餡令紅薯粉好煙韌最後食好飽都係每人240🙈d位又坐得舒服，可以再Encore 😍😍

轉涼天氣，又係增加火鍋機會，係附近買完花，肚餓指數因低溫而提升 (哈...哈...)，雙腳不由自主地黎左呢度下火又抵食之選，首推皮蛋芫茜湯 ($78)，材料除左有芫茜皮蛋外 (芫茜再多D就仲正)，仲有清熱馬蹄!  估唔到仲有蘿蔔，豆腐同粟米，粟米香甜，完全可以食埋，超值呀!自從愛上火鍋時食牛頸脊，真係每次黎呢度都必叫架，手切新鮮牛頸脊 ($228/小)，肉色及脂肪分布令人心心眼切成蝴蝶狀，厚薄適中，烚完都唔會變得細片，入口鬆軟又有肉味，一口一片岩岩好，每次叫都唔會令人失望，保持水準!呢客脆鯇片 ($58)確係抵食，切得片片靚仔，魚肉顏色亦明亮，唔係瘀黑色食時小心細骨，食到魚肉味，識得食會覺幾滋味!一客有8粒嘅手打鮮墨丸 ($78)，大大粒口感超彈牙，仲食到有墨魚粒係入面，證明真材實料好耐無食過牛柏葉 ($43)，份量都唔少，無需烚太耐，否則會變韌!打邊爐點都要食菜，尤其係生菜 ($24/半份)，鍾意爽脆或腍D都可以，平衡飲食營養!今晚肚仔及味覺上都相當滿足!

天氣凍食雞煲係常識吧😂食厭咗辣雞煲/唔食得辣嘅，芝士雞煲真係值得一試，今次就黎到米走雞，佢好似係全港首創芝士雞煲嘅餐廳作為芝士控，果斷選擇最多分量嘅芝士，未食已經非常吸引，滾起之後，芝士融化曬，超級邪惡雞肉分量唔少架，而且雞係超級大舊！我夾起呢舊係雞髀肉，除咗中間嗰舊雞髀骨，側邊嘅全部都係肉，對於喜歡芝士嘅食肉獸，真係一次滿足曬2個願望，雞件彈牙，沾埋芝士真係好香口坦白講，食曬成個雞煲真係feel到有d飽肚架，所以之後加湯打邊爐，都唔洗點落配料加湯可以揀清湯/芝士湯，我地一於去盡佢，揀埋芝士湯！加完湯之後成個煲都係金黃色，太靚了！叫咗碟羊，又叫咗碟牛，飽曬！呢度嘅牛，油味幾濃，所以難免忍唔住叫野飲😂建議預留少少budget去落野飲吧最後埋單每人二百零，但真係好飽，價錢同出面火鍋放題都差唔多呢個價錢，但呢度食物明顯高質一截，所以仍然感到非常值得一試！

天氣這麼冷，為了能暖暖身，當然要吃雞煲或火鍋。為了能一次過滿足兩個願望當然要來雞煲專門店，以前聽朋友說過米走雞的雞煲十分出名，所以跟朋友來一起試一試這間餐廳。米走雞出名於芝士雞煲,可惜同行朋友對芝士不太感興趣。所以我們點了火焰麻辣雞煲一作嘗試,我們點了半辣來挑戰一下!點菜途中服務員也把調味盤拿過來。雖然種類不多,但最基本的芫荽、濕蒜、干蒜等等都應有盡有。 菜單上的火焰麻辣雞煲，我一開始以為是指味道,原來除了味道外他亦真的有火焰!果然名不虛傳! 雖然我們點的是二至三人份量，但是鍋中的雞肉亦十分大件十分多。外表看來好像不太辣，但原來真的十分麻辣!這裏的雞肉不但十分滑，而且雞煲不會只有辣味。外面的雞煲只有單純的辣但這裏讓我十分驚喜的是他真的有很重的麻味!細看一下，原來他們也放了不少花椒去帶出又麻又辣的雞肉，朋友果然沒有介紹錯!雞煲過後，我們便開始加了豬骨濃湯來吃火鍋。我們首先點了清熱銀菊露。銀菊露用料不會吝嗇，而且份量亦十分多，足夠我們喝一整晚! 清甜的銀菊露有助清熱解毒，十分適合吃雞煲和火鍋的我們。手打丸亦是他們有名的火鍋料，為了能每樣也吃一點，我們便點了手打五寶拼盤。拼盤包括墨魚丸、鮮蝦

冷冷的天氣最適合吃雞煲打邊爐，簡直人生一大樂事呀～芝士雞煲這次我們吃的不是一般的麻辣雞煲，而且這個滿滿的芝士雞煲！！超級適合喜歡芝士又不太能吃辣的人（例如我女朋友XD）除了芝士香味很濃郁之外，雞肉亦都十分之嫩滑彈牙，感覺光吃這一煲都已經非常滿足了！！響鈴超大條脆卜卜響鈴！！雖然半份只有三條，但每一條都超粗的，可以吸到超多湯汁！但要小心燙，哈哈！生腸看到這個份量有點傻眼@@”也太多了吧～超開心的！可以大口大口的吃～而且非常之爽口！炸魚皮（請原諒我手抖了XD） 手切新鮮牛頸脊打邊爐怎麼少得了牛肉？而且一定要吃我最喜歡的部位～牛頸脊！看著那平均分佈的雪花都已經要流口水了，入口感覺到香滑的油脂，濃濃的牛味，三個字：無得輸！

琴晚同老婆去旺角行完街去搵食，天氣咁凍，梗係去食火煱啦😌諗起老友介紹有檔極度邪惡嘅芝士雞煲喺旺角，叫做米走雞，近近地去試下先。我上到去大約8點半，都幾爆場，好彩我哋2個人，好快有位。食物方面，梗係芝士雞煲啦，招牌菜，叫左個細嘅，另外我老婆揀左頭盤木耳，佐食就有炸魚皮、蟹籽墨魚滑、油蜜菜、黑豚肉、雞肶菇。食法都係先雞煲，再加湯打邊爐，可選清湯或芝士湯兩個重點推介：1. 芝士雞煲，好抵食，芝士濃郁到爆，而且佢唔係半隻雞咁上，係件件都多肉，好大份，一定要試，增磅就在所難免😈2. 蟹籽墨魚滑，呢個真係不得了，勁彈牙，唔知係咪自己整，唔識形容嘅彈牙😌飲品方面：飲一枝青島，一罐王老吉同zero, 無試佢哋啲涼茶。環境方面：個場乾淨，地方夠大，有間玻璃房仔望街景，因為有人用緊所以我唔敢影相。服務方面：啲service好嘅，同啲客有講有笑，好friendly👍