米走雞 (太子藍馬之城)

营业中

休息中

疫情終於減退，趁住未到夏天嗱嗱聲去打個邊爐！🚇米走雞之前食過長沙灣店，今次貪方便嚟太子店，地鐵站行兩步就到。🪑餐廳環境算開揚，仲有無敵鬧市窗口位，感覺比長沙灣闊落。醬料多選擇🧀食物方面，芝士雞煲不可不食。今次一樣芝士味香濃，雞件啖啖肉，洋蔥唔再係紫洋蔥而係白洋蔥，口感清少少，又係另一種風味。食完芝士雞煲，加雞湯打邊爐。點咗以下幾款：🦑手打墨魚丸好大粒，好有墨魚味，彈牙，正。🦐手打蝦丸見到有原隻蝦係入面，同樣都係爽彈，真材實料🥕蘿蔔香甜，完全無渣無根，吸曬湯汁。🐟魚皮痴線咁大籃魚皮都有，勁大塊，又炸得香脆。🍄金菇🥬娃娃菜洗得好乾淨，味道正常。另外叫咗兩枝烏龍茶☕️💁🏻‍♀️另外一定要讚，店員服務態度一流，主動換骨碟、調較爐火等，非常貼心。總括而言，真材實料，物有所值👍💰埋單$581，Openrice 訂位有88折。

好耐都冇試晚市堂食喇，朋友提議食雞煲，我即時諗起附近有間芝士雞煲唔錯，就帶咗佢去試下。▪️黃金芝士煲(小) $208 (9/10)*激量芝士*爆茜芝士味濃，芝士控嘅朋友一定要試。每件雞都索晒濃濃嘅芝士，唔使擔心煮得耐雞肉會鞋，食到尾雞肉仲好嫩滑。雞煲二人份量都幾多，感覺食極都仲有😂。最後要介紹埋雞煲啲大配角洋蔥，洋蔥索埋芝士又係好好食。註：食完芝士，店員會問你要唔要加湯，呢度加嘅湯係芝士湯嚟㗎😋😋▪️鮮炸響鈴(半份) $32 (分數：9/10)炸響鈴索晒濃濃嘅芝士，就咁睇都已經覺得好邪惡，芝士響鈴呢個配搭真係冇得輸。個人建議喺雞未食晒之前放落去，芝士味道會更濃。▪️哈哈蝦中寶(半份) $68 (分數：9.5/10)呢個極度推薦大家，外層嘅蝦滑已經好彈牙，蝦滑入面仲有原隻蝦，蝦係好新鮮咬落去又係爽口彈牙，一啖放入口真係充滿層次感，大推呢個。▪️五香鮮牛肉 $98 (分數：7.8/10)牛肉都好新鮮，食落都好嫩滑，都OK。▪️鴨肝M5和牛丸 (半份) $58 (分數：8/10)鴨肝釀係和牛丸入面，食落都幾特別。我食到咁多已經飽喇。但如果大家未夠飽，仲可以叫埋個芝士公仔麵或者烏冬，呢餐芝士火鍋真係大滿

朋友講左好耐話呢度d 雞煲好好味，終於等到晚市開返堂食!! 平日夜晚都好多人，一定要book 左檯先！❤火焰麻辣雞煲 店員會幫手點火同炒香d 雞，打開蓋炒既時候已經聞到香噴噴，中意辣 d 仲可以加多d 辣醬落去炒～全部都係雞脾肉，件件都又滑又啖啖肉，濃味得黎又唔會咸，有陣酒香味，好正!! 雞件份量都幾多，食完雞煲其實已經幾飽下～所以唔係嗌到幾多打邊爐配料😂️🧡手打M5和牛丸 比起一般打邊爐食既手打牛丸明顯大粒好多，大大粒食落特別有口感，新鮮好味💛鳳城水餃 入面有蝦仁 豬肉 木耳絲，全部材料都非常新鮮，新鮮材料新鮮包既水餃真係一食就食得出好味好多，真係皮薄餡靚!!💚蔬菜類 生菜吸晒係湯底，辣得好過癮，而菇類拼盤都係好高質，特別係金菇好爽好新鮮下次要約多幾個朋友仔一齊去，可以試埋芝士雞煲，同埋嗌多d 唔同款既打邊爐配料🙌🏻

✿ 黃金芝士雞煲(激量) $208 (小)(2-3人)芝士控激朋友仔一定要揀激量芝士🧀🧀個芝士雞煲落咗5款唔同既芝士 芝士味超濃郁 雖然揀咗細既size 但係雞件既分量都幾多 雞皮唔油雞肉都好嫩滑🐔每件雞件都沾滿咗芝士超邪惡ε٩(๑> ₃ <)۶食完個雞煲之後仲可以加埋芝士湯落去打邊爐🫕唔會整到個湯底淡唒 呢樣真係幾細心🤎📍米走雞 旺角彌敦道761號太子藍馬之城2樓銅鑼灣渣甸街50號渣甸中心3樓觀塘興業街4號The Wave 3樓長沙灣青山道379號昭德大廈地舖評分ʕ •̀ o •́ ʔ 👅味道：♥♥♥♥/5💸cp值：♥♥♥♥/5🤟🏻回頭率：♥♥♥/5

天氣凍凍地又唔想成日打邊爐，所以同朋友揀咗間雞煲最出色嘅米走雞叫咗個兩至三人份量嘅黃金芝士雞煲，本身嘅雞件已預有七成熟，雞件尚有大量嘅芝士碎，上枱後加熱直接芝士溶就食得🥰要讚嘅係雖然呢一度用點餐app，但係餐廳嘅店員超級好服務，每一個步驟都好細心講解，貼心加分！超邪惡芝士溶化之後同雞件二合為一，陣陣芝士鹹香加上淡淡嘅奶香，雞件嫩滑兼啖啖肉，份量又多，其實三個都好夠食！加咗湯之後又變返打邊爐🤣叫咗基本平時打邊爐會叫嘅嘢，特別一提係個手打五寶拼盤: 有齊墨丸鮮蝦丸鯪魚丸M5和牛丸豬肉丸！粒粒彈牙有口感😋 芝士湯亦都令到每一個配料非常入味，一字記之曰：正！總括而言，雞件大大件食一個芝士煲都夠邪惡，再加碟靚肉，份量大份又抵食。😍

近排口痕想食下辣野🌶朋友就話不如去食雞煲啦，今次二訪位於太子既米走雞食雞煲😎上次就食咗佢地既招牌黃金芝士雞煲，今次試吓佢地個麻辣雞煲，食完就可以加湯打邊爐，火鍋料都有唔少選擇，值得一試✨_🥘火焰麻辣雞煲(小) $198雞煲可以自選辣度，小編就叫左中辣，裏面有辣椒乾，洋蔥等多款配料💜雞肉食落非常入味而且肉質嫩滑，食落口夠香夠辣，惹味之餘仲帶點刺激感🤣🍲沙白蜆$88有冇朋友仔同小編一樣都鐘意食蜆呢? 沙白蜆每粒都十分肥美😎食落口沒有碎殼同沙，味道仲好鮮甜😚🥟鮮製韭菜餃$48外皮好薄身，韭菜食落香口🤤值得一讚🫔鮮炸響鈴$32響鈴每份都好大條，放落湯底後，仲會吸哂麻辣湯汁，食得過癮😋另外小編同朋友仲叫左生菜同埋紅薯粉，份量剛剛好，而且價錢都唔算太貴，今餐食得好滿足😀

天氣咁凍有咩做？我就約咗同媽咪撐枱腳食雞煲今次嚟到米走雞嘅招牌雞煲！😻火焰麻辣雞煲🌶仲有各式各樣特色火鍋配料🦐雞煲非常入味，一上枱聞到浸香噴噴嘅味，口水就嚟流晒出嚟？見到個火燒下燒下真係好正急不及待擺舊雞落口試下先！雞肉一如既往的質感嫩滑，非常惹味！連媽咪都話好食😋鐘意雞煲既你要來朝聖一番🙌🏻 火焰麻辣雞煲(2-3人份量）愛好麻辣的人可嘗試另一款火焰麻辣雞煲，利用了三十多種香料、辣椒乾、洋蔥、中芹和芫茜作配料，加入玫瑰露點火炒斬件雞腿肉，陣陣香辣味四射，愛吃辣人士一定要來試下！我食到飽一飽托住個肚離開🤣

朋友話想食雞煲所以訂咗呢間，真係幾有驚喜同高質！-🐓黃金芝士雞煲 (小) ($208)上菜速度好快!!雞件夠入味，亦都好嫩滑，同埋份量都唔少🥰芝士夠香夠濃，食落都唔會好漏，同入面嘅洋蔥同乾蔥夾埋味道更加豐富同有層次😋-🐂霜降prime牛板腱 (小) ($198)肉嘅紋路好靚，顏色望落都好新鮮，食落好滑同好夠牛味🥰-👅澳洲牛舌 ($98)份量都唔少，厚薄適中，食落幾爽口，唔會好有牛騷味☺️-🍡手打五寶拼盤 ($108)有五款手打丸，分別有牛肉丸、豬肉丸、墨魚丸、蝦丸同鯪魚球，食落好有驚喜，全部都好彈牙，好夠鮮味😛不過張相得半份，因為小編以為自己影咗，點解落完啲丸先知原來未影🥲-🧆雜菇拼盤 ($48)份量比想像中大，有幾款唔同嘅菇，例如金菇、雞脾菇、鮮冬菇、秀珍菇等等，啲菇都幾大粒幾新鮮😙-另外我地都有嗌啲新鮮蔬菜同蜂巢冰豆腐，不過冇特別寫食評🥬特別要讚呢度嘅員工，服務真係好好，收碟嗰啲好快，仲好親切咁問我地啱唔啱食同教我地點煮啲食材最好🥺嗰時食仲有晚市堂食，都好多人排隊，所以如果去食就記住訂位先喇☺️

🐣黃金芝士雞煲（小） $208（小）2-3人$208，（大）4人 $268，芝士碎仲可以選擇小量至激量😆，身為一個邪惡鬼一定係揀激量😈！雞件面上全部係水牛芝士，下面就係芝士醬，最低係娃娃菜墊底防止燶底，雖然食到尾係有少少溜，但真係好好食🤣大件雞件唔會鞋🤩正😋食完雞煲可以加入芝士湯打邊爐🥳🦐哈哈蝦中寶 $68 半份半份有5粒，好大粒，其實好抵！最得意佢蝦膠入面包住原隻蝦😆真係無改錯名蝦中寶😂食落一啲都唔霉，新鮮彈牙🤩真係唔錯，但如果唔中意西芹人士就要留意，因為蝦膠包含西芹碎⚠️都幾大陣西芹味架！🌱翡翠苗 $28 半份第一次試呢個，仕應都好推薦呢個，顏色翠綠都好新鮮賣相，份量好夠2個人食！口感爽口🤩係幾特別，值得一試！🍜自製極濃出前一丁 $20佢建議食完雞煲食出前一丁再加一片片芝士，但我地實在好飽所以唔加芝士，整左極濃出前一丁😋係唔知點解打邊爐就一定要食出前一丁🤣係好味過係屋企煮😂真係好正！🍄雜菇拼盤 $48包括：金菇、冬菇、雞髀菇、秀珍菇。🥤酸梅湯 $78 一壺飲呢個好開胃，食芝士煲配酸梅湯解膩，酸酸甜甜😄大一壺2個人share岩岩好！

一諗起要去打邊爐就會諗去食《米走雞》呢度無論一大班人食定好似我咁2條友食都啱晒！今次冇食雞煲，我哋就叫咗個沙嗲湯底打邊爐！個湯底好夠濃，而且refill湯底時店員會問你想加番沙嗲湯底定清湯！好貼心💖💖打邊爐絕對唔少得叫牛肉，我哋叫咗🔺手切霜降牛頸脊～呢個部位用黎火鍋食，真係不得了！焯一焯，唔好滾太耐，啲肉質就剛剛好夠淋天唔靭！🔺蜂巢冰豆腐～啲湯一滾就放入去，可以索晒啲湯汁，每一啖都香香嘅沙嗲湯味！🔺哈蝦蝦中寶～呢蝦寶好特別，滿滿嘅蝦膠，上面鋪咗粒粒蝦籽，口感好好👍🏻🔺竹笙墨魚滑～我好鍾意呢個竹苼，長長嘅竹笙釀咗滿滿嘅墨魚滑向裡面。淥熟咗之後，墨魚滑夠磾牙，配埋竹笙爽爽嘅口感，係滋味無窮！🔺午餐肉～揀午餐肉係因有次朋友叫嚟打邊爐，我仲諗咁奇怪食午餐肉⁉️點知發現新大陸咁，覺得真係好夾幾好味！所以次次都會叫嚟打邊爐😆下次人多啲要叫未叫番個食雞煲先，見人人都必叫！

今日同一班朋友聚舊，一班女仔都好鍾意食芝士，終於搵到機會你試吓好邪惡嘅芝士雞煲！我哋六個人叫咗兩個細嘅煲都夠食了～對於鍾意食芝士嘅我來講一啲都唔膩！啲雞大部份都冇骨 真係一啖接一啖好邪惡你覺得食芝士食到夠就可以叫職員幫你加湯變打邊爐！我哋一開頭都擔心芝士加湯會好奇怪～但係食落都冇問題！配菜係逐樣叫嘅 價錢唔係特別平最驚喜係有寬粉！！！🥰

防疫措施再度收緊，6時後暫停晚市堂食，放工後想同朋友在外進餐即成泡影！雖說暫停晚市堂食 14日，但總令人擔心期限會一再延期…… 所以，BeautySearch 把握機會，於 1月 6日晚享用最後晚餐。  雖然，這個冬天不太冷，寒冷天氣只維持了數天，但冬天總愛吃暖笠笠的火鍋，就襯這夜與友人來到《米走雞》齊來享用久違了的邪惡芝士雞煲。BeautySearch 早前光顧的是位於長沙灣的《米走雞》分店，還是第一次來到旺角分店，這裡的環境不但簇新，而且，亦較寬敞舒適，坐在這兒吃得更舒適。坊間雞煲可不少，但芝士雞煲就不算多，而米走雞我黃金芝士雞煲，真的令我一試難忘！一個雞煲便混合了5款芝士：打芝士、巴馬臣芝士、大孔芝士、水牛芝士同卡夫芝士，搭配洋蔥、中芹、芫茜、乾蔥等配料，融合出重量級氣濃芝士味，加上火力與時間的掌控，令每一件雞肉都能營造出拉絲效果，而且入口均鮮味嫩滑。作為芝士控，當然『米走雞』！ ！  食完雞煲，其實已相當飽，但真的不想浪費了這濃厚的芝味，還是選擇加點湯，點兩款食材，享用一下芝士火鍋。  吃火鍋，肥牛當然不可少，我點選了一客特級雪花肥牛。嫩紅的色澤，加上肥瘦相間，絕對是涮食中的上

招牌出名嘅芝士雞煲，🐤好正好滿足呀！流心cheese超香，更加可以拉絲😍邊爐配料非常豐富，而我最推薦手打五寶拼盤，因為食落純肉超鮮味~🥢手打丸類非常唔錯，🐙鮮墨丸有新鮮墨魚肉，口感鮮味，鮮蝦丸，🐟少見鯪魚，🐷入味豬肉，🐮更有M5和牛丸。我最中意鮮蝦丸，原隻鮮蝦夠彈牙，蝦肉好好食~🦐鮮製五拼餃，🥟鳳城水餃，M5和牛餃，鮮蝦雲吞，鮮製韭菜，🥬菠菜豬肉餃。好鍾意和牛餃！🥩牛肉味好juicy，濃郁牛汁~

芝士雞煲我聽咗好耐但未試過，然後終於去咗試咁走上網搵咗一間專食芝士雞煲嘅食肆--米走雞雖然我唔係芝士控，不過試下都無妨-▫️黃金芝士雞煲 (大) (4人)雖然我地得3個人，但都叫咗4人份量，唔辣，因為屋企人唔食辣鍋入面除咗芝士，仲有洋蔥、中芹、芫茜同乾蔥等嘅配料侍應同我地講輕輕煮溶芝士就食得，一邊煮一邊傳出好濃烈嘅芝士味雞肉肉質都夠嫩滑，同埋拉到絲，入口充滿芝士味但因為芝士都幾膩，所以食幾舊都飽飽地🤣其他叫咗咩單點我都唔記得，因為食完雞我已經飽咗，無理到佢地食咩▪️環境都正常乾淨，但下次我會食返麻辣雞煲~- 味道值：6.5/10C P 值：6/10 環境值：6/10 - 📍米走雞Running Chicken旺角彌敦道761號太子藍馬之城2樓2/F, The Lamma City, 761 Nathan Road, Mong Kok

之前ig有做promo就過黎試下好唔好食雞扒定食都只係58蚊 普通lunch價不過雞扒都好大塊 而且好滑！不過就鹹咗小小撈飯食就啱啱好！而且仲有小食揀 性價比幾高下下次有機會會再黎食