米気

营业中

休息中

一向對家庭小品料理難以抗拒🫶🏻回訪過米気好多次，每次食完都好滿足😋·自由配搭，唔同種類［米］［主］［冷］［溫］都有好多選擇 ，花多眼亂😍我地通常每個category 簡1款😋講下推薦既先！之後再訪都係不斷叫番以下呢幾款🤣·🐥明太子雞翼（$38）漲卜卜，去骨後啖啖肉💕🍷紅酒汁煮牛肋條（$48）牛肋條軟腍入味👍🏻送飯一流🥢月見博多地雞團子（$46）配上生蛋，口感滑溜！中間帶有脆骨，口感up😋醬汁微甜，好味🥩牛油醬油煎安格斯牛柳（$45）伴碟炸藕片勁香脆！牛柳脂肪分佈平均😋不過呢個有次食過好韌好多筋既，質素一時時🍨米気雪糕（$28）必點！！！口感好得意，竟然會帶點煙韌😂唔太甜，一定要試😋清酒雪糕口感同佢差唔多，但試完都係覺得無左份米味無咁好食·以下呢幾款係我地唔推薦既🤣❌🥘壽喜燒（$48）牛肉偏鞋口.同埋壽喜燒都係適宜鍋上暖住食最好🍚明太子飯（$22）好咸🥗沙律系小碟. 都好普通！唔好浪費quota😂食其他！·📍米気紅磡黃埔天地百寶坊（第3期）地下G32號鋪

想食呢一間人氣日式家庭料理菜好耐🥺推介紅酒汁煮牛肋條🐮牛肋條炆得好軟腍勁入味 牛味仲好濃郁😍連紅蘿蔔都索晒個紅酒汁 真係好正🥕🍷佢哋個米氣雪糕都好特別 甜甜地鹹鹹地 size細細地 當飯後甜品一流🍦

有一天，收工同男朋友到訪這間頗有名氣的日式料理餐廳試試，每款菜式都很精緻簡單，卻製造了温馨家庭氣氛💛從味覺與感覺都滿滿幸福滋味🥰「米気」最有趣的地方，就是可以根據「米」、「主」、「冷」、「溫」自由配搭，而且每款菜式各有特色，可因應個人喜好選擇！【米】🌟明太子米零售價：$22微微的辣味，令人食慾大增，配上米飯，非常搭配！🌟醬油蛋零售價：$22經典的米飯與雞蛋組合，傳來陣陣温和感，不過始終不少菜式都用了日本蛋，建議米飯類嘗試其他口味。【主】🌟月見博多地雞團子零售價：$78終於食到不是進口來貨的免治雞肉！面層配有日本蛋同白芝麻，而且免治雞肉內蘊藏雞軟骨，敏一口都富有層次感，香甜醬料與鹹味平衡交織，蛋黃亦令整體變得更溫和圓潤！【温】🌟明太子厚蛋燒零售價：$28即製的厚蛋燒，口感嫩滑鬆軟，充滿了明太子濃郁的香氣，十分適合小朋友的小食！🌟忌廉蟹肉餅零售價：$26 蟹肉配以牛奶味忌廉餡料，外酥內嫩，而且份量十足，感覺亦不會過分油膩，男朋友表示比壽司朗蟹肉餅質素更高。味道：8.5/10環境：7/10性價比：9/10回頭度：9/10

\ 黃埔 - 米気 \💕依間日式餐廳主打一汁多菜，不論冷盤、配菜、主菜，甚至係飯，都有唔同既選擇，可以自由配搭自己鍾意既料理菜式～┈✨主菜：紅酒汁煮牛肋條 $48牛肋條入味🤤肉質唔會話韌，但可以再腍啲，特別鍾意佢入面配有菇同紅蘿蔔，令成道菜冇咁膩！✨主菜：牛肉壽喜燒 $48正常壽喜燒味，牛肉份量好多，而且煮得剛好，唔韌同唔多筋，不錯😋✨帆立貝裙邊海藻沙律 $26份量足料，整體偏甜，食落有柚子既香味，仲食到木魚既味道，係正宗日本涼伴菜既味道！✨蔥燒牛舌 $34蔥燒牛舌好味！牛舌彈牙爽口，配上香蔥味，送飯一流！✨除此之外，我仲叫咗松葉蟹薯仔沙律($26)同茶碗蒸 ($28)，飯就叫咗醬油蛋飯同櫻花蝦味噌漬，飯係日本珍珠米，飯食落軟軟糯糯，就咁食飯都覺得好好食( ´ ▽ ` )今次仲有好多款菜式未試到，依間絕對會再encore的！━ ━ ━ ━ ━ ━ ━ ━ ━ ━ ━ ━📍米気📍紅磡黃埔天地百寶坊(第3期)地下G32號舖📍黃埔站B出口，步行約5分鐘━ ━ ━ ━ ━ ━ ━ ━ ━ ━ ━ ━

d 間紅磡餐廳成日都有人推薦。 今日Early dinner 見間餐廳好似唔洗等位就入左去食可能因為未夠6點，所以仲可以叫到lunch set Lunch Set 係包一個飯、一個主菜、一個冷盤、一碗湯同埋一杯野飲，👀番價錢一個set 都唔洗100問，真係幾抵我地兩個人叫左兩個setSet 1: R1 日本國產米 + L2 紅酒汁煮牛肋條+ S6 八爪魚沙律+ Y2 烏龍茶（+6hkd） 84 hkdSet 2: R1 日本國產米+L4 月見博多地雞團子+ S8 帆立貝裙邊海藻沙律+ Y1 米氣黑糖米水 78 hkd米氣黑糖米水，本身以為好甜，原來都真係唔係好甜，味道都幾獨特L4 月見博多地雞團子 呢個雞團子煎到好香，鹹淡都適中，唔知係咪個汁有落到小小柚子汁落去，食落有淡淡的柚子味送飯一流 L2 紅酒汁煮牛肋條 估唔到lunch set 都可以有咁大兜既餸，呢兜野除左牛仲有蘿蔔同香菇，有好多汁，又係送飯一流既選擇S6 八爪魚沙律 呢個冷盤好fresh入面帶住淡淡既芥末味，重要有好多粒八爪魚🐙，抵S8 帆立貝裙邊海藻沙律 呢

第一次係黃埔食飯 見佢好似幾好rating 咁就試下咁中午定食 就一個餐牌 然後簡4樣嘢前菜： 醬油蛋同明太子我未試過醬油蛋 所以就叫呢個 淡香嘅醬油 加日本蛋 幾正😋明太子 夠味 配飯食係正嘅🤪主食: 月見燒汁豚牛肉同豚軟骨煮我強烈推介豚牛肉 佢有個蛋黃 記得篤穿佢 本身我唔知係咁食法😂😂😂 就咁食係淡味d 但篤穿蛋黃之後 個汁嘅味道更加出 溝埋食係勁正！🥰👍🏻👍🏻個豚軟骨煮嘅肉夠軟 入曬味 不過我個人覺得幾多一兩舊就好快會濟😂😂冷盤：茄子 菠菜 苦瓜拌炸豆皮(追加)冇乜特別 全部偏淡味Overall幾好 食完比想像中飽 本身以為唔夠飽 所以先追加冷盤😂😂😂不過選擇較少 所以可能未必成日食價錢正常 如果係附近返工 就可能算有d貴 ($209 in total 已計加一)🤔

原本以為類似琵琶豆腐口感，但竟然係實的的既粉團，我認為佢用左大量含澱粉質既材料去製作，比薯蓉仲要實幾倍！呢舊野食半舊已經滯到唔想食，加埋餐廳用珍珠米，又係黏度高既食物，雙重咁滯！豆腐作為標題主角，卻無豆腐既香氣同味道。當中肉眼可見有其他蔬菜包含其中，但打得太碎，無任何的口感。秋葵作為冷盤，拯救左呢餐飯，好似沙漠既一個綠洲咁，配左海苔醋，微酸而清新，等我唔洗食得咁辛苦。佢今日個湯係南瓜湯，都幾好飲。飲品係黑糖米水，無乜味，但唔難飲。

去日本旅行嗰陣我好鍾意食日本嘅飯，因為日本嘅兼米通常都比泰國米飽滿同埋香甜，所以帶着滿滿嘅期待去試米気。主打一汁多食，俾食客自由選擇如何配搭煮飯、主食、冷食、熱食、甜品同飲品，每款價錢不一，款式選擇多。醬油蛋飯🍚醬油蛋幼滑，加落去日本國產米，令飯食落更飽滿，香味更突出。汁煮鯖魚🐟本身諗住想個主食食得清淡少少，所以叫魚，但係個魚嘅味度偏咸忌廉蟹肉餅🦀加檸檬去除油膩感，蟹肉打成蟹膠拎去咋，炸粉份量適中，都不錯

已經唔係第一次食依間餐廳，因為依間餐廳絕對會食過翻尋味！飯：醬油金菇 $18🍄都好食，不過金菇依個試下就夠，因為相比起其他佢冇咁重味。主：牛肉壽喜燒 $48🥩食過咁多次，每次都唔捨得試其他新嘢，因為佢依個壽喜燒實在太抵食，又好味，仲好多唔同嘅配料😋冷：松葉蟹薯仔沙律🥗🦀$24都係一個可以食過再食嘅選擇，因為入面有青瓜幾fresh，而且又有蟹肉，反正係一眾冷料理入面嘅best choice！溫：明太子雞翼🍖$38自己覺得嗌咗明太子雞翼，飯個到就可以唔洗再嗌明太子飯，因為明太子都幾鹹。雞翼好味，都係一個我常嗌嘅選擇。整體係一個顏值✨同味道😋兼俱嘅餐廳！會無數次再幫襯。

名過其實……之前有一排好多人推介呢間餐廳，嗰陣食過一次，服務態度好差，食物麻麻哋仲要凍嘅，隔咗咁耐最近再去食（朋友話想食），都係好普通最近呢次食咗菠菜忌廉三文魚、前菜係鴨胸同牛蒡，飯揀咗加蛋，全部都係普普通通不過米気雪糕幾特別幾好食！口感軟綿，甜度適中有米味！

開了差不多10年的車子已經修到沒有得再修了，四出尋找新車的我們，來到了紅磡。睇完車後，我們就一於在附近搵飯食。行到去黃埔花園的外圍，我們發現這一間以 "飯" 為主題的日式餐廳，名字叫《米気》。看到餐牌上有素食的選擇，我們就不多考慮了，一於去試試這一個似乎好有《米気》既地方。店方表明，用的是日本進口米，主打就是米飯的味道。所以，令我們對此店的 "白飯" 帶有少少的期待感。太太的一碗飯一個餸，是蕃茄味噌豆腐漢堡 (海苔醬飯)。先說飯，這兒的飯香，而味道卻是偏甜的，海苔醬就是用來再增強一下味道的。豆腐漢堡的口感超越了琵琶豆腐，感覺就是素食版的獅子頭。同行的外父，點了豚軟骨煮  (海苔醬飯)。同一口味的飯我不多評論了。豚軟骨煮，就是一個用上了日式醬油去煮的豬軟骨。醬汁甜美，豬肉腍香。醬汁亦完美的滲入了這些有筋，有骨的豬肉，令每一日的肉都充滿味道，伴飯吃更是好。我點的，是紅酒汁煮牛肋條 (櫻花蝦味噌漬飯)。伴飯的醬，是櫻花蝦味噌漬。有櫻花蝦的香，也有濃濃的麵豉香。我的套餐包了一碟漬物，兩者一起來伴飯，更是惹味。紅酒汁煮牛肋條，感覺就是西式的亞洲菜。肉香，多汁，口感又腍，是一個伴飯一流的食品。我點

晚飯，特地去米氣，因為愛吃雞蛋，親子丼是好朋友。食物到了。飯偏乾冇米香，蛋亦欠蛋香，醬油，只得鹹味。雞肉團子外皮硬脆，甜得過份，似甜品。玉子燒冇蛋味，口感古怪⋯⋯好耐冇食剩野，仲要越食越熱，速逃。適合打卡，食味，令人失望😞。

今日想分享一間一直都鍾意食嘅日式料理係好幾年前跟係紅磡住嘅朋友食過之後就令到我久唔久都會想念個種有飯有餸嘅家庭式感覺米飯嘅配搭+主食、冷食、溫食中自由選擇+仲有定時會更改嘅期間限定所以就算食左好多次都唔會厭第五波疫情過後 終於黎到再食一次是久違了的味道🥢米-海苔醬👉🏻每一次點米嘅選擇都係海苔醬 🥢主-月見博多地雞團子👉🏻刺穿蛋黃與雞肉團拌在一起 加上甜醬油 美味🥢主-奶油菠菜燉三文魚👉🏻奶油醬好好食 會默默地一匙接一匙地食哂 👉🏻配白飯最佳🥢冷-和風茄子👉🏻我唔食茄子嘅但男友話好食👍🏻🥢冷-帆立貝群邊海藻沙津👉🏻開胃冷盤 喜歡有嚼勁和酸爽嘅口感可選擇👉🏻帆立貝群邊和海藻都係我鍾意嘅🥢溫-關東煮👉🏻之前食過好入味 唯獨今次大根差小小唔夠入味🥢溫-蔥燒牛肩胛卷👉🏻油脂香又牛味濃 配蔥燒惹味下飯

我們於22/6（三）約中午十二時左右到達餐廳，叫了2個定食。①米：2個醬油金菇飯（+$5）②主：❶紅酒汁煮牛肋條（$78）：很多亦好鬆軟，很足料❷蕃茄味噌豆腐漢堡（$68）：豆腐漢堡好大塊，好紮實③冷：❶鰹魚汁菠菜：菠菜沒什麼特別味，還行👌🏻❷芝麻味噌苦瓜拌炸豆皮：有一些薑紙，苦瓜沒有太苦👍🏻，容易入口④飲：黑糖米水埋單要加一所以器皿都很漂亮，感覺以平民價錢能吃到高級食品一樣，既滿足又飽肚，推介給喜歡吃日本定食的大家

已經第三次食🙈但係唔會厭 因為每次都可以試新嘢❤️▶️ 月見博多地雞團子 ($78)呢個真係米氣必食之一 賣相已經好靚仔一個肉團入面有隻生蛋黃 上面有啲白芝麻食落做到脆口口感 應該係炸過嚟😍雖然係免治雞但係覺得同正常肉餅味道差唔多 特別係有雞軟骨 所以咬落少少爽脆👍🏻蛋黃流心槳狀🥚同溏心蛋黃一樣 一切開望住佢流出黎好治愈 餸飯好正除咗蛋黃 另外有醬汁 味道似燒汁 啱啱好十分推介！其他地方應該比較少有得食 感覺好考功夫▶️ 樱花蝦蘿蔔漬 以冷盤黎計佢份量都幾大 成碟都係一條條醃製蘿蔔絲 上面有幾粒樱花蝦米🦐咬落十分爽脆 用黎撈白飯好正不過食食吓覺得佢遍鹹 如果味道淡返啲會好啲▶️ 日本國產米一向用靚米 日本珍珠米 質感胞滿比較黏口 軟硬適中🍚▶️ 米氣黑糖米水唔洗加錢 飲落真係有黑糖甜味😋雖然寫室溫 但係實際有少少凍 感覺健康又解渴 唔錯🧋▶️ 麵豉湯餐包埋嘅湯 香麵豉味而唔太鹹 感覺亦唔似用粉沖-三次食完仍然覺得好食😋好少有證明佢keep到水準 難怪係黃埔區必食推介 鍾意佢食物夠精緻 選擇多 睇得出每款餸用心製作唯一可改善係冷盤嘅味道可以輕返少少 每次無論食咩款都覺得有啲鹹🤏🏻今日lunch黎都等