米気

营业中

休息中

米氣係一直好想試嘅人氣餐廳，成日見到門口好多人排隊，之前試過中午時間排隊嘗試食，但係太多人最後都係放棄咗。今日趁着晚市早少少去排隊大概都等咗九個字至一個鐘先入到坐，如果想食嘅朋友都係早少少去排隊好啲！佢嘅主菜睇住佢嘅Menu好似一個一個步驟揀選其實可以根據自己需要選擇米飯或者其他小碟就可以。今次係兩個女仔食，食唔到太多小碟，另外朋友戒緊澱粉質，所以朋友冇嗌到白飯。我分別的大咗好出名嘅日本米配蘭王雞蛋，另外嗌咗幾款小食。比較深刻印象嘅小食會係紅酒牛肋條，同埋雞肉漢堡不過失望嘅就有粟米，蟹肉沙律。不過最冇過最好食嘅，竟然係甜品，分別帶咗布丁同埋sake雪糕非常之有驚喜同埋好好食！總括而言，喺香港必食嘅餐廳，但係食一次都已經好滿足

紅磡人氣日式風格餐廳，裝修走簡約木系風，星期日黃昏六點幾已經坐滿人，再過多一陣已經開始要排隊等位，餐廳主打日式家庭式料理，分咗唔同嘅大項目，然後再在大項目裏面選返自己想食嘅菜式，食物細細碟，啱晒我依啲樣樣都想試吓嘅人，我哋四個人，一人一張紙，每人都點了唔同嘅餸，可以試多幾款，重點推介月見博多地雞團子，因為我個人好鐘意用生雞蛋撈飯食，用生蛋黃撈埋啲肉度食依個食法基本上冇得輸，另外幾鍾意北海道芝心粟米球，外脆內裡充滿芝士，不錯，其他菜式也不錯，可惜我本身想叫的蔥燒牛舌同埋米氣雪糕都已經賣晒😭，只好下次再試過.#日式#黃埔#人氣#米#🥚#たまご#蛋#egg#蟹肉#日系#家庭料

🍚自選定食組合(米+主+冷+溫)米: 醬油蛋 / 醬油金菇主: 牛肉壽喜燒 / 月見博多地雞團子冷: 醬煮糖漬紅薯 / 鰹魚汁菠菜溫: 豚肉蓮藕餅呢間嘅飯真係好食，無論係蛋定金菇都好好送飯！好少可以食曬一碗飯，一嚟怕肥二嚟怕濟，不過果日真係忍唔住🤣主菜就係expected嘅味道，好食但無咩驚喜。所有野都細細碟，貪心嘅人會想叫多啲款，唔知哪來的自信以為自己會食得曬，但其實主+米已經7成飽…不過就真係好適合唔太大食又咩都想試少少嘅人 即是我🤣🤣btw豚肉蓮藕餅唔係幾好食，凍嘅同埋有浸油益味☹️🏷$80-150

黎到呢間米気，主打日式定食，可以自己選擇米、主、冷、溫、甜既配搭，組合自己既定食🤤禮拜六晏就黎到，冇想像中咁多人，排左幾張枱就入得去。個人覺得呢間野食真係幾高質同埋都幾有特色，不過逐碟計錢，嗌下嗌下好容易就嗌到好貴🙈 1⃣️定食組合👉醬油蛋（$22）蘭王蛋加白飯，呢個組合一定唔會輸👍撈飯一流～  👉蕃茄味噌豆腐漢堡（$38） 上網見到有人話呢個伏，但係我又唔覺wor🤔豆腐漢堡好特別，入面混合左好多唔同既蔬菜、青紅椒，感覺好健康，而且好似我咁本身唔係好食椒既都唔會覺得好難接受，仲有啲菇添😄出面既蕃茄味噌汁好好味，蕃茄味酸酸甜甜加上味噌提味，特別得黎又好味。仲有幾片炸蓮藕片食添🤩  👉關東煮（$28） 呢個係普通關東煮既味道，有蘿蔔、福袋、魚餅同埋蒟蒻。蘿蔔鮮甜冇渣。福袋入面有軟糯麻糬～湯底都係清甜既。   2⃣️定食組合 👉醬油蛋（$22）  👉月見博多地雞團子（$48）賣相已經好吸引😍雞肉係帶啲軟骨既口感，加埋蛋汁成個食落感覺幾滑。好食！  👉金平牛蒡（$22） 想像得到既味道，都唔錯。  👉漬物、味噌湯（$8）

This is a japanese style home cooking restaurant. You get to choose however many dishes you want and make it into a set menu. There's so many options, and I almost always try their seasonal items. A few of my favourite dishes are the cold eggplant that somehow is able to retain it's perfectly vibrant purple color, the lotus chips that are so thinly sliced and fried to perfection, and the beef tongue. Love how it's thick cut with generous amount of garlic as seasoning

見到好多posts同kol介紹呢間餐廳，所以收咗工突登山長水遠入到黎黃埔，試下好多人推介嘅醬酒蛋飯～呢度全部野食都可以自己組合，難得黎到，我哋就緊係每樣都叫一款黎試啦！1.醬油蛋飯 味噌湯 西京燒銀雪魚 松葉蟹薯仔沙律 柚子醬油煎鴨胸 清酒雪糕2.醬油蛋飯 牛肉壽喜燒 松葉蟹薯仔沙律 關東煮 蜜柑白玉整體黎講都唔錯嘅，好有家常菜嘅味道，但就唔係嗰種好驚豔嘅感覺，蛋黃香唔夠突出，拮穿蛋黃嗰下幾治癒😂即使樣樣都點咁制，份量都比較少，男朋友反映唔算飽。對薯仔沙律有啲失望，話佢薯蓉又唔算係，因為佢係偏顆粒感，但話佢平時食嗰啲薯仔粒沙律又唔太算，因為唔算一粒粒；個人偏好creamy絲滑嘅口感，再加上好多蔬菜絲，味道fresh得黎好淡。銀雪魚幾香滑，鴨胸唔老都唔會好靭，但柚子醬有少少苦澀好似藥水味咁。關東煮最好味😋 雖然大根有啲根😂但係全部都好入味又唔會過鹹，尤其魚餅，福袋年糕好煙韌好食～見到啲posts都話次次都好多人排隊，要去兩次先食到，好彩我哋去嗰時晚市時間啱啱好，啱啱先開始派籌唔洗等。呢個價都合理嘅但同樣地，都有好多選擇😉

香港人就最鍾意食日本嘢㗎啦! 今次嚟到紅磡食依間人氣日式料理，餐牌整得好精緻✨，每款菜式都有圖片參考📔，餐廳建議客人揀選1️⃣飯、1️⃣主食、1️⃣溫、1️⃣冷，每款價錢各有不同，另外仲可以+$8追加是日湯品同埋漬物，我哋三個女仔就分別叫咗唔同嘅菜式sʜᴀʀᴇ食。.米醬油蛋拌飯🍚 +$22米飯我就揀咗醬油蛋拌飯，其實👩🏻從來都未食過真正醬油蛋拌飯，之前睇ᴛᴇʀʀᴀᴄᴇ ʜᴏᴜsᴇ 東京2019🇯🇵嘅香織食到回味無窮嗰個樣，真係好想去日本食呀! 講返面前嘅醬油蛋拌飯先，蛋黃🥚嘅顏色唔似係蘭王或者曉蛋 (睇返@ᴍᴀɪʜᴇɪʜᴋ ɪɢ 介紹係福崗蛋)，始終一分錢一分貨，所以👩🏻預計蛋味未必會好出眾，食落蛋味果然係中規中矩啦，但用醬油醃製過，都有少少鹹鮮味，而且雞蛋挺身、新鮮，唔會係散晒嘅蛋黃，都唔錯嘅。.主食月見博多地雞團子🐔 +$48主食方面👩🏻同朋友就都叫咗依個雞團子，可以話係嚟米気嘅必食ɪᴛᴇᴍ! 一人一個就唔使爭啦😆。外表睇落好似好生咁，直情有啲似牛肉ᴛᴀʀᴛᴀʀᴇ😂。 團子入面除咗有雞肉，仲有好多雞軟骨，好有咬口，加埋完全融入咗雞團子入面嘅照燒汁，好入味，又唔會太鹹，再加埋上面嘅蛋黃撈埋一齊😍，又

由於呢間和食屋係紅磡都算小有名氣見難得去開個邊就走去試試佢🐷佢出名自選定食set由飯到甜品都有得揀試完既感想係 cp值低 唔建議囉😮‍💨同埋室內用餐環境頗熱其實都幾趕客😵‍💫.🍴米-醬油蛋 $22 💛8.5/10蛋黃撈飯呢個組合本身已經正配埋飽滿既日本米係冇得輸😜.🍴溫-明太子雞翼 $38 💛-/10食第一舊已經中獎關節位咬唔開 一睇就知未熟透生雞真係搞唔掂 no further comment🫥.🍴溫-蔥燒牛舌 $34 💛6.5/10食唔出有燒過但味道係還可以部份較厚身既牛舌明顯可以煮多陣不過牛就算啦照啪左🫤.🍴溫-忌廉蟹肉餅 $26 💛7/10普通質素 不過不失唯一feel到係即整仲熱既溫菜🤣.🍴主-月見博多地雞團子 $48 💛7/10其實只係混入左雞軟骨既雞肉漢堡見多人叫就跟風叫左比想像中普通😗.🍴主-紅酒汁煮牛肋條 $48 💛7.5/10煮得夠入味 肉質軟腍食完唔會癡牙🤓.🍴甜-蜜柑白玉 $30 💛6/10建議慳返d錢 去食其他甜品冇咁嬲🫠

主打日式一汁多菜🍲，可以隨心拼湊出適合自己口味既日式定食🍱.每樣好似細細碟咁，但其實份量都幾多，更加提供免費熱麥茶🍵，性價比極高👍🏻.味道同環境都有仿似置身日本小店既感覺🤤
***🍴推薦拼搭組合為米+ 主+ 冷+ 溫，價錢以每項小菜逐項計算
➕可另追加湯品/漬物/甜品
👭兩人定食組合：
⭐️米| 明太子⭐️米| 蟹膏蟹肉
⭐️主| 豚軟骨煮⭐️主| 紅酒汁煮牛肋條
⭐️溫| 關東煮⭐️溫| 忌廉蟹肉餅***💰預算：人均約HK$150*** 📍米気 Mai Hei紅磡黃埔天地百寶坊(第3期)地下G32號舖Shop G32, G/F, Pebbles World (Site 3), The Whampoa, Hung Hom

初試人氣網紅店 - 米気🍚‼️店家主打一汁多菜日式家庭料理🍱，建議定食組合內有「米」、「主」、「冷」、「溫」，每款類別內有多種選擇，可按照個人喜好搭配🙌🏻。🍚「米」今次嗌咗店家推介之選醬油蛋飯🍳& 蟹膏蟹肉飯🦀醬油蛋飯🍳$22採用橙色日本蛋🟠蛋味濃郁，蛋漿足夠撈曬整碗飯，而且附上的醬油甜甜地不會過咸，送飯一流🫶🏻米飯方面採用日本米，米香十足，唯質感個人覺得偏冧，自己會比較喜歡乾身啲嘅飯🙌🏻-蟹膏蟹肉飯🦀 $38飯上附上一大球蟹醬蟹肉，分量慷慨，鮮味而且不腥，配合wasabi的微辣令整碗飯更加惹味👅🥘「主」牛肉壽喜燒🍲 $48味道沒有坊間壽喜燒醬汁的濃郁，牛肉是普通肥牛，配料亦算多：冬菇🍄、豆腐、溫泉蛋🥚，可能相比其他特色的菜式比較遜色-紅酒汁煮牛肋條🍷 $48第一次試紅酒汁！上枱已經好香，牛肋條煮得非常冧身，並充滿牛與酒味🐮這道菜推介🙌🏻🫕「溫」明太子厚蛋燒🥚 $28明太子控表示失望😮‍💨明太子略帶點腥味，而且厚蛋燒本身沒有什麼調味(原本以為會甜甜地)質地又不是特別嫩滑，個人認為一般-蔥燒牛舌🐮 $34這個不錯！牛舌肉質燒得爽口彈牙 混搭蔥一齊食幾match⭐️

以多元的日式餐點作主打的米気，原來也有提供素食主菜的選擇。味噌蕃茄豆腐漢堡以豆腐製成漢堡扒，內裏蘊含青椒、黃椒等蔬菜，為軟綿的豆腐漢堡增添爽脆口感。味噌醬汁帶有蕃茄的酸甜味道，配上醬油金菇漬，是輕鬆無負擔點的一頓和食料理。Tofu croquette is your vegetarian choice at Mai Hei, featuring a vegan tofu hamburger steak with bell peppers added as a crispy texture, dressed with miso sauce that has a hint of sweetness and sourness of fresh tomato.

選擇多既日本家庭式料理耐唔時見人介紹呢間米氣，咁岩黃埔唔熟邊度有野食就試下。店舖都唔細，坐得幾舒服，夜晚都算多人等。餐廳主打日式料理，多花款、選擇夠多、眼花撩亂，我同女朋友簡左唔同既野黎試，味道又未去到好出色驚為天人，但係勝在有誠意、多變化、賣相都好睇既。😎跟返佢個菜單黎排米：醬油蛋、明太子主：紅酒汁煮牛肋條、月見博多地雞團子冷：帶子裙邊海藻沙律、鰹魚汁波菜溫：蔥蒜燒牛肩肉卷、忌廉蟹肉餅甜：米氣雪糕、清酒雪糕

一家四口趁暑假尾聲，放工就去黃埔行街、食飯。好多時去完冒險樂園玩，就是但去就近餐廳食飯。今次我上網搵定餐廳，睇地圖仲諗「米氣」好似有少少遠。但係帶住小朋友，腳程都係5分鐘左右就到。當晚大概晚上7:30左右啦，好好彩我哋walk-in都可以即入。仲係卡位嚟，好方便。佢哋嘅飯都係日本米，所以好吸引我!!^ 點餐紙，每人一張，一份餐就寫一張紙所有食物都係自己配搭，有少少似車仔麵咁~不過，佢係日式料理。我哋點咗3份餐，老公點咗醬油金菇飯、牛肉壽喜燒、關東煮、蒜蔥牛肩肉卷。超級豐富! 因為會share食~牛肉壽喜燒好好食，關當煮正常冇咩特別~牛肉味道普普通通，不過真係要趁熱食。睇落好似瑤柱嘅金菇，食落好香口!小朋友我就點咗份國產米，西京燒銀鱈魚。小朋友鍾意食魚，其次因為第一次食，唔敢幫小朋友添加其他食材喺個飯面。所以食最original嘅米飯先~魚煎得好香，肉好嫩滑。我點咗份海苔醬飯、松葉蟹薯仔沙律、南蠻炸雞。炸雞雞肉好嫩滑，沙律都好新鮮足料!海苔醬甜甜地撈飯好好味!!整體唔錯，下次都會再嚟呀~

再次到訪，晚市6:30入場時候較早，不用排隊。整間餐廳以日式木系為主題，燈光柔和，但座位之間較迫，設置卡位，但入座時經已坐滿。餐目選擇十分多，花多眼亂，最後點了薯仔沙律🥗、炸粟米、白汁三文魚(期間限定)、蟹糕配白飯，分量剛好，味道不錯，整體十分滿意。之後還點了個甜品，芒果杏仁豆腐，這個同想像中有落差，豆腐味頗淡且較堅挺，不推介

平日收工去都要排30分鐘 好多人光顧🫶🏻定食方面唔同配搭會有唔同價錢✨ (需加一)基本定食: 米＋主＋冷＋溫真係有太多款式可以揀 揀左成10分鐘🙈最後揀咗：米－醬油蛋 $22主－豚軟骨煮 $45冷－帆立貝裙邊海藻海律 $26溫－明太子雞翼 $38係一間好高質嘅日本家庭料理餐廳啊無論賣相同味道都十分好❤️就算食幾次都唔會撞款🥰＝＝＝＝＝＝＝＝＝＝＝＝＝＝＝＝＝＝米気紅磡黃埔天地百寶坊(第3期)地下G32號舖＝＝＝＝＝＝＝＝＝＝＝＝＝＝＝＝＝＝#foodiehk #hkfoodie #hkfood #hkeat #hkblogger #hkig #吃貨 #香港美食 #紅磡美食