簡 • 味

营业中

休息中

呢家店就是感覺小清新因為疫情 人不太多 舒舒服服 清清靜靜 店員好有禮貌 都好周到 講下野食先 😋小食拼盤：炸鱈魚柳+水牛城雞翼+薯條 不太花巧 先試鱈魚柳 唔會成口粉 有魚味 已經好難得👍🏼 ；雞翼全部都係醬但唔會淋哂；薯條無乜特別 黑豚吉列豬扒滑蛋包飯個豬扒唔太脆 肉質幾實 唔似出面食既咁軟 但個蛋包飯幾有驚喜 入面用好多蟹籽去撈個飯 每一口都脆卜卜 軟殼蟹明太子忌廉汁意大利粉 好creamy既sauce 軟殼蟹既size令人好滿足 炸完都唔會油膩因為我係孕婦 好多飲品都唔岩飲 老公又陪我唔飲 就無試到飲品喇 但店員不停幫我fill暖水 幾好👍🏼最後黎埋個心太軟 滿足哂！好耐無食喇 好香濃既朱古力 唔係一味甜

近期的疫情比之前嚴重左,依幾日行出街都冇咩人食飯我同老婆咁岩一齊放假, 打算去Aeon 買小小野返屋企買完野之後 就睇下Open Rice去邊到Hea好.(p.s: 小弟約左人傳說開團)於是就上左樓上一間Cafe 坐低打機 老婆就扮下文青影下相..上到上面,我地見餐廳都無乜人因為政策關係佢地營業時間都係由12點至6點 餐廳格局幾好,又Chill又Hea, 老婆就開始左吃貨模式 瘋狂叫野食..(好彩唔貴,中銀卡仲有8折) 但因為打機關係 問下餐廳有冇尿袋.點知要去問酒店借..諗諗下都係唔好.危險!!但係同事話成日酒店加餐廳都做曬消毒 , 仲有唔知咩認證. Anyway, 我就唔識啦..你睇下你地識唔識啦所以餐廳班同事叫左我坐高枱.因為有USB位充電 仲借埋快差線比我..(成間餐廳都係後生仔..後生仔真係好傾計 )等緊野食其間,老婆買左6隻Cup cake返屋企比呀女.有2隻就送既.所以係到食.咁我就叫杯Latte算數. $38. 抵飲.抵坐.估佢唔到,價錢唔係貴.出品又幾好.我本人就覺得佢杯野係可以拍得住出面好多5星酒店.咖啡好香,飲落有小小果香味, 奶泡夠滑 飲得出奶脂好豐富.(唔知係

本身住係荃灣，雖然荃灣區飲食選擇好多，但係平時早午晚餐餐都出街食，食得多都厭厭地啦。近排聽講熊貓嗰邊開左間新餐廳，lunch time咪唸住同同事一齊去試下，估唔到又幾ok喎！係地鐵站附近沿行人天橋入去直行轉左就係，沿路都會有酒店職員，唔識路都可以問下，我地就問左counter啲人，都幾有禮貌，唔錯。餐廳門口裝飾簡約清新行文青風，打卡一流入到餐廳都唔算多人，我估係新開張，冇咩人知啦，靜靜地都幾舒服，不過冷氣都幾勁，大熱天時行過黎，樓下大堂都唔涼，依度反而feel到有啲凍。入到餐廳有職員係門口負責量體溫，始終肺炎都仲係嚴重，佢地咁做保障左我地依啲食客既安全，係唔錯既。本身揀依間餐廳，除左佢新開張之外，亦因為啲同事想keep fit，唔想太heavy，而依間餐廳亦都有唔少keep fit 選擇。我揀左和牛蛋包飯，佢地嗌左個雞扒蛋包飯同黑松露意粉(減肥喎)，野飲方面待應推介我地飲綠色嗰杯Green Detox,啱曬減肥既人，於是叫左兩杯Green Detox 同一杯Mango smoothies。可能人少關係野食野飲好快就到，唔洗點等。份野食賣相唔錯，配埋個環境用黎打卡呃like一流開頭見到

同朋友去完附近打保齡球，近近地去熊貓酒店搵吓有咩食，因為有小朋友所以想搵個地方可以坐得舒服d,本身熊貓酒店有西餐廳都唔錯但係又唔想食太多，見到呢一間主打輕食嘅西餐就諗住試吓，原來係新開既🤔🤔我哋五個大人一個小朋友，首先一定要顧左小朋友先，我地點左一個兒童餐，其實兒童餐款式真係好豐富，仲有三款選擇，我係大人都想食🤣Menu款式唔算多，幾款意粉，蛋包飯同Burger三文治咁，唔記得左影menu,但有印象主菜都係$100–$130左右既價錢，幾抵食！黑松露野菌海膽意粉必食-我地全部人都好鍾意❤️明太子軟殼蟹意粉-蟹少咸，但意粉好食！黑松露溫泉蛋牛肉漢堡-飽有烘過，面頭放左溫泉蛋勁吸引，塊肉勁厚，因為我地share食有d難切之外，滿足！蝦卷三文治-呢個雖然有5件，不過就當前菜食啦，如果細食女仔當正餐可以，不過有兩個人都可以share食，試多d野吉列豬扒蛋包飯，鰻魚蛋包飯-蛋包飯入面係炒飯，食到係粒粒飯，份量都幾夠，好大塊豬扒同鰻魚羽衣甘藍沙律，小食拼盤，紅菜頭雜菜湯-紅菜頭雜菜湯係有驚喜，好香濃嘅紅菜頭味，好足料，但當然要睇個人接受程度，如果你唔喜歡紅菜頭，千祈唔好叫，試其他啦😂沙律同小食拼盤份

襯住自己生日+慶祝父親節，決定一家人膽粗粗去熊貓酒店新開嘅餐廳試下，一打開Menu見到雖然選擇唔多，但都迎合到屋企人各自嘅口味。重點想講下個軟殼蟹牛肉漢堡賣相有驚喜不突止，頂頭外脆內軟嘅軟殼蟹加上漢堡扒令到屋企人讚不絕口，連伴碟嘅沙律都食得一乾二淨，好食到後尾決定再追加多一碟豬扒蛋包飯都係私心推介，伴碟簡單精美得黎，塊豬扒夠脆夠厚，滿足哂食肉獸嘅慾望。朱古力烏龍茶蛋糕都係難忘之一，身為朱古力愛好者嘅我，試過好多店舖/酒店嘅朱古力味蛋糕，普遍都係死甜太漏嘅感覺，但呢個蛋糕內層有淡淡茶味，口味層次感即刻提升。總結，雖然Menu款式選擇不多，但明顯感受到係重質不重量 貴精不貴多。前前後後都叫左幾款唔同嘅食物，大部分屋企人都一致好評，食物有驚喜價錢合理，最重要可以影相打卡呃Like

今日同幾個朋友去荃灣行街，知道悦來酒店裏面嘅Balcony歐陸餐廳裝修過重新開張，餐廳名改咗叫Simplicity，好奇之下一於去試吓啦。餐廳門口以清新嘅小雛菊佈置🌼，令人耳目一新，同以前好大分別，未食已經係咁影相打卡。餐廳食品都係以輕食為主，好多選擇我哋三個人叫咗唔同主菜share咁就可以試多幾樣😋西班牙黑豚豬扒蛋包飯味道配合得好好，醬汁配上簡單芝麻醬完全冇諗過會咁夾海膽黑松露羽衣甘藍意粉賣相吸引，鍾意黑松露嘅朋友真係唔好錯過。我就最鍾意軟殼蟹明太子意粉，軟殼蟹炸到好脆口，明太子意粉濃淡適中。最後甜品叫咗心太軟，香蕉海鹽批同埋幾個迷你cupcake! 真心甜品做得好好，唔會太甜，食多幾件都得😍估唔到酒店都可以營造到簡約慢活嘅氣氛，餐廳員工好友善，有驚喜咁過咗一個悠閒嘅下午

朋友生日book咗間新餐廳試，前身係西餐廳(之前食過已經覺得唔錯)所以嚟試下朋友生日同人多關係，staff安排咗間房比我哋，環境好正，裏面仲要有獨立廁唔錯蛋包飯系列之和牛&鰻魚軟殼蟹明太子意粉好香好creamy 飯同意粉碟邊裝飾得好靚，不過份量就細咗d，對於女仔嚟講就啱啱好，男仔就未必飽肚軟殼蟹溫泉蛋蟹籽burger一定要order 爆曬餡，牛肉好厚，如果有埋薯條做伴菜就更加好因為外形好得意有個大朋友話要食兒童餐🤣兒童餐成set好豐富有齊前菜，小食，主食，飲品同甜品原本朋友想叫個重量級芭菲(3-4人用)，但個到d甜品款款都好吸引為咗可以試多幾款甜品所以就order咗兩杯好可愛嘅熊貓芭菲~睇得又食得埋單每人都係$二百幾左右，食物ok環境又舒服下次可以再嚟

見到悅來酒店既西餐廳轉左型做cafe形式，於是約左三個朋友試一試佢既新作風。餐廳主題以雛菊為主，成個感覺幾清新舒服，基本上每個角落都有雛菊既身影，所以好奇下問經理係咪有特別寓意:雛菊既花語 係代表和平、希望、幸福、愉快、同埋堅強。經理話希望餐廳可以喺疫情下逆境志強 帶比人哋一個小清新嘅感覺對話內容令到我印象幾深刻所以開咗第一個post去為佢哋打氣 💪🏼P.S.餐廳影相位都幾多，而且食物賣相打卡一流!其實連枱面擺位同杯墊我地都覺得好靚 紙巾摺法我地都研究左一餐 言歸正傳，講返食物方面 ：高質 ！驚喜！擺碟設計有心思 ，賣相精緻！值得一讚。👍🏼我哋4人嗌左一個小食拼盤 （$108）炸水牛雞翼好好食 辣度適中 無油黏手軟殼蟹溫泉蛋蟹籽牛肉漢堡 （$128）賣相出眾 牛肉口感豐富 一刀切落去溫泉蛋蛋黃流出 能夠充分食到牛肉味及新鮮雞蛋味道黑豚吉列豬扒蛋包飯 （$98）值得一讚因為本人一向唔愛好豬肉 但經理介紹都好好食 價錢又好平 所以冒險一戰一試之下，豬扒好淋 炸粉夠薄 炒飯入邊仲有蟹籽粒 口感鮮明 。一問之下，原來除咗蟹籽粒 仲有 明太子粒 ！！😍😍炸軟殼蟹明太子忌廉汁意大利粉 （$13