影片
更多
2020-06-28
335 浏览
同朋友去完附近打保齡球，近近地去熊貓酒店搵吓有咩食，因為有小朋友所以想搵個地方可以坐得舒服d,本身熊貓酒店有西餐廳都唔錯但係又唔想食太多，見到呢一間主打輕食嘅西餐就諗住試吓，原來係新開既🤔🤔我哋五個大人一個小朋友，首先一定要顧左小朋友先，我地點左一個兒童餐，其實兒童餐款式真係好豐富，仲有三款選擇，我係大人都想食🤣Menu款式唔算多，幾款意粉，蛋包飯同Burger三文治咁，唔記得左影menu,但有印象主菜都係$100–$130左右既價錢，幾抵食！黑松露野菌海膽意粉必食-我地全部人都好鍾意❤️明太子軟殼蟹意粉-蟹少咸，但意粉好食！黑松露溫泉蛋牛肉漢堡-飽有烘過，面頭放左溫泉蛋勁吸引，塊肉勁厚，因為我地share食有d難切之外，滿足！蝦卷三文治-呢個雖然有5件，不過就當前菜食啦，如果細食女仔當正餐可以，不過有兩個人都可以share食，試多d野吉列豬扒蛋包飯，鰻魚蛋包飯-蛋包飯入面係炒飯，食到係粒粒飯，份量都幾夠，好大塊豬扒同鰻魚羽衣甘藍沙律，小食拼盤，紅菜頭雜菜湯-紅菜頭雜菜湯係有驚喜，好香濃嘅紅菜頭味，好足料，但當然要睇個人接受程度，如果你唔喜歡紅菜頭，千祈唔好叫，試其他啦😂沙律同小食拼盤份
我哋五個大人一個小朋友，首先一定要顧左小朋友先，我地點左一個兒童餐，其實兒童餐款式真係好豐富，仲有三款選擇，我係大人都想食🤣
Menu款式唔算多，幾款意粉，蛋包飯同Burger三文治咁，唔記得左影menu,但有印象主菜都係$100–$130左右既價錢，幾抵食！
黑松露野菌海膽意粉必食-我地全部人都好鍾意❤️
明太子軟殼蟹意粉-蟹少咸，但意粉好食！
黑松露溫泉蛋牛肉漢堡-飽有烘過，面頭放左溫泉蛋勁吸引，塊肉勁厚，因為我地share食有d難切之外，滿足！
蝦卷三文治-呢個雖然有5件，不過就當前菜食啦，如果細食女仔當正餐可以，不過有兩個人都可以share食，試多d野
吉列豬扒蛋包飯，鰻魚蛋包飯-蛋包飯入面係炒飯，食到係粒粒飯，份量都幾夠，好大塊豬扒同鰻魚
羽衣甘藍沙律，小食拼盤，紅菜頭雜菜湯-紅菜頭雜菜湯係有驚喜，好香濃嘅紅菜頭味，好足料，但當然要睇個人接受程度，如果你唔喜歡紅菜頭，千祈唔好叫，試其他啦😂沙律同小食拼盤份量對得住個價錢，唔錯
（又話唔想咁多嘢就去食輕食............)
係，我地仲叫左好多甜品🤣🤣，
檸檬撻，朱古力撻，海鹽焦糖香蕉批，心太軟，熊貓芭菲，士多啤梨丹麥多士
如果當佢係一間西餐廳佢嘅甜品種類都算好多，可能係因為喺酒店入邊佢哋本身都會有甜品部🤔所以甜品都好有水準
極力推介香蕉批同檸檬撻🤤🤤
下次可以約班姊妹黎食tea都好似唔錯，因為佢飲品都唔錯，好多healthy drink,連detox smoothie 都有囉
然後可能因為當日端午節，經理仲送左兩份糭型甜品俾我地，細細件好得意，一碟有三件添🤫
總括黎講我地都覺得可以再黎，酒店黎講價錢真心抵食，當然如果你餓左一日一夜份量就一定唔夠啦，但真心唔會覺得細碟，坐得舒服，枱同枱中間間隔都好夠，野食好食又擺盤好靚，打卡一流
係記得要早d去食，因為原來收9點🤷🏻♀️
张贴
