簡單廚房 (已結業)

本來諗住去油麻地食飯，但係間野竟然裝修緊，咁咪落返朗豪坊囉﹗唔想食food court，又唔想食味精拉麵，意大利蕃茄又食得多，所以就去左matchtoo。首先d 位已經擺到密質質，全程都係聽隔離個兩檯講是講非﹗坐落都唔自在﹗第二d 野食portion 細，我男友食埋個cheese cake 都唔夠飽。第三係d 野食唔得。我叫左個石頭飯，d 料都唔知想點。黎隻蛋得蛋黃，少少白都冇﹗又冇汁又冇盛，完全唔合格。第四就一定要講佢d service，行到去唔serve 都算，連水都要出聲先至俾，refill 都係。上菜個陣態度惡劣，大大力擺上檯，絕對「擲檯有聲」。送野飲同餐具上黎個陣，就是但"pat" o係檯面，同茶餐廳有得fight﹗呢間野，冇下次。

我星期日去食魚柳包Tea set，佢寫住推介。但食落去包唔熱，魚柳好油好腥! 同埋好貴(加凍飲差唔多HK$40.00，如要可樂要加$10.00)(第1次俾錯"笑"樣, Sorry)

我叫左個牛扒餐跟薯菜, 塊扒有點梳打粉的味, 不過整體上OK, 個薯蓉似KFC那些.而且七十幾蚊冇湯跟, 又似乎貴了一點.

趁呢間野未摺，拿林寫埋佢。呢間野衰在3樣野：1 味道差2難食3唔好味無風格之餘，亦無生意方向。求其識煮咩就放咩落餐牌…唉…

呢間舖頭o既食物其實係ok o既, 係D 服務態度差到極點, 建議大家唔好去1. 冇人招呼你位2. 我五個人去, 餐廳內都係四人位, 明明可以叫其他人調一調去造就張五人俾我O地, 但經理毫無動機咁做, 唔係我O地提出咁調, 我睇等天光都唔洗旨意有位喇3. 叫o左一次、兩次、三次、四次都冇俾水我o地, 食完晒個餐, 叫第五次先有...4. 我叫牛扒餐, 侍應可以唔俾刀我, 好唔專業?! 叫o左佢返, 終於都冇o黎, 要我出位自己走去擺餐具o既櫃叫佢, 佢先俾我, 否則我諗我唔洗食喇!5. 各位認為叫個set lunch, 飲品想改凍檸樂, 應該加幾多錢? 普通茶餐廳都係加$4-6 o者, 佢可以加....十蚊, 嘩, 搶錢..... 但餐牌上, 凍檸樂同其他凍飲o既價錢都係差兩蚊, 令人百思不得其解加十蚊o既理據....6. 所有侍應連經理都黑口黑面, 一d 笑容都冇, 華仔都話:「今時今日咁o既服務態度唔得o架」唔想貼錢買難受, 我同所有朋友決定下次都係去隔離o既Italian Tomato, 元氣, food court 好過

去到朗豪坊見到這間餐廳的格局及晚餐都唔錯，價錢合理(約$85一個餐)，便抱住一試無妨的心態入去。本人點了海南雞飯而男友點了牛排，海南雞飯唔知點解無0左個雞湯，0的雞肉非常十分之“鞋”，完全可以用“難食”來形容，我食0左一半已放棄，而牛排就不過不失無咩特別。服務方面，是此餐廳最最最差的部份，點海南雞飯竟然俾份刀叉，叫先俾對筷子，要柸水真係俾一柸，唔知是否人手非常不足，搵個待應落單及之後叫餐茶都要等成個字先有人來，最不滿是0的待應應0左你之後人又唔來，叫餐茶又落漏單，叫熱檸茶變凍檸茶。反應最快同準確就是埋單同找錢。

星期日去朗豪坊,經過呢間餐廳俾佢個tea set吸引,於是就入去試下啦, 叫左2個tea set:1) 豆腐芝士餅食落有芝士味, 味道尚可。2)麥o麥多士大大舊成舊磚既多士,分別有蜜糖同煉奶俾你點,味道唔錯,兩個人都食唔晒。價錢唔係好抵,兩個人食左$70幾蚊,諗住要熱檸蜜,佢竟然話要加$10蚊, 貴到飛起!不過講到呢間野d服務就真係荼餐廳都不如啦! d侍應仲差過茶餐廳d伙計,拿杯野飲黎係掟埋你張枱度,勁冇禮貌,仲要加一, 我請願去荼餐廳食好過!

佢D食物的份量唔多女仔都OK但男仔就會唔夠飽佢D set Dinner 冇湯跟只有餐飲所以都唔算平但味道都ok 啦出奇地驚喜的是佢個奶茶好正好有奶味茶又唔苦唔似得其他西餐廳的奶茶同茶餐廳的有得fight 呀下次去一定會再叫呀.....

因為朗豪坊對我黎講太就腳,於是就不知不覺去多左。上次去簡單廚房既時候,佢仲係試業期間,今次就已經正式營業喇!要左一個黑椒牛仔骨飯,好香,汁夠味,有三大塊薄牛仔柳,多肉又唔靭,有d菜仔拌菜,好好味!不過無俾刀人切牛肉,就唔夠細心喇!嗜甜既我唔會放過甜品,今次食左綠茶紅豆卷,有兩大件,又幾扺喎($28)!外層係綠茶味蛋糕,食到有少少茶味,好清但係我覺得唔夠多,綠茶味唔係好出,一粒粒既紅豆夠實淨,又夠甜,唔錯,蛋糕外有一點點糖霜,令蛋糕略甜,可減少一些,卷中心忌廉太多,唔太好!但好在又唔太漏…最靚係插係蛋糕上既朱古力,一款係印有樂譜既牛奶朱古力片,一款係黑白朱古力條, 好味又別致!

連續食左幾日滿記...有D悶...上次見雜誌介紹過呢間D甜品...就走左黎試....叫左個彩虹杯杯食($44)......一客有五小杯....賣相精緻可愛....每杯唔同口味.....各有千秋....都唔錯...最鐘意蜜瓜果杯....三個人share 岩岩好...兩個人會"溜" 左D 囉....

兩個女仔黎食lunch落單個waiter唔使寫低ga wor我叫左個拿破倫意粉，普普通通啦真係唔飽wor我要凍檸茶個frd要凍檸水少甜點知就調轉左咪就係唔寫低之過law

晚上去食dinner, 見佢有set, 但其實同a la carte一樣咁價錢, 所以散叫. 焗海鮮飯呢d真係好simple既食物都可以做到好淡, 料又少, 個sauce好淡, 都唔知佢搞咩. 另一個黑椒焗牛脷飯, 牛脷都淋同好食, 但好少料, 以每個飯都要成60蚊食D咁既野, 坐位又唔好, 雖然係SOFA, 但感覺好迫, 坐non-smoking區又要係出面, 咁多人行來行去, 好似係走廊食咁, 呢間野我就唔會再去啦

兩個人..食左:煙三文魚焗菠菜闊條麵- 略乾..味道OK...泰式紅咖喱蝦飯(set dinner) - 份量頗少...除左蝦之外仲有罐頭荔枝肉加埋落D咖喱度...幾特別....味道都幾match...D 蝦爽就爽啦...但係唔夠味...應該係雪藏貨..沙爹雞串: 一客有三枝....雞肉都幾滑....都OK....整體味道都叫合格....座位勁逼...雖然張檯與檯之間分開少少...但係同搭檯冇乜分別....完全聽到人地傾計內容.....上檯速度都好快...好完好走....埋單$16X......

同朋友o係朗豪坊行街行到攰, 想坐低食個tea抖抖. 我想食warm chocolate cake, 知道matchtoo有, 就諗住過黎食. 點知佢地話而家tea time只係供應tea set menu裡面o既items. 無得叫warm chocolate cake. 我地又對佢地個tea set無興趣, 結果好無癮咁離開左.後來上左去Mr Steak Cafe, 佢地都係話tea time唔可以叫主餐牌裡面o既食物, 因為餐廳o係tea time無預到o既d食物o既原料. 我地懷疑係自阿拉麵館食物中毒事件後, 食環署check朗豪坊check得好緊, 加上裡面好多食肆都只係有臨時牌照, 所以佢地都唔敢o係餐廳大量儲存食物, 驚邊樣含菌量超標就攞唔到正式牌照執業!

星期日夜晚都幾多人,不過好彩都唔駛等太耐就有位我叫咗辛辣泡菜石頭飯($38),我朋友就叫咗辛辣泡菜海鮮石頭飯($52),相差$14,分別就係一隻蝦同幾塊仔魷魚,所以如果大家唔係真係對呢少少海鮮有咁大需求,我就奉勸叫普通石頭飯啦.因為其實普遍石頭飯都ok,份量都夠一個男仔食.同枱另外兩個男仔就慘啲,因為一個叫咗XO醬海鮮炒意粉($58),一個就白汁野菌焗意粉($52).食落都ok,最慘係俾咗呢果價錢但份量就好少,就唔係好抵啦.