簡單廚房 (已結業)

本來諗住去油麻地食飯，但係間野竟然裝修緊，咁咪落返朗豪坊囉﹗唔想食food court，又唔想食味精拉麵，意大利蕃茄又食得多，所以就去左matchtoo。首先d 位已經擺到密質質，全程都係聽隔離個兩檯講是講非﹗坐落都唔自在﹗第二d 野食portion 細，我男友食埋個cheese cake 都唔夠飽。第三係d 野食唔得。我叫左個石頭飯，d 料都唔知想點。黎隻蛋得蛋黃，少少白都冇﹗又冇汁又冇盛，完全唔合格。第四就一定要講佢d service，行到去唔serve 都算，連水都要出聲先至俾，refill 都係。上菜個陣態度惡劣，大大力擺上檯，絕對「擲檯有聲」。送野飲同餐具上黎個陣，就是但"pat" o係檯面，同茶餐廳有得fight﹗呢間野，冇下次。