簡單廚房 (已結業)

一日經過, 見到tea set有喇沙, 0米去食, 因為真係好鍾意食喇沙, 點知0個碗0野, 我食0左兩啖問伙計0個碗真係喇沙? 喇沙個湯應該有椰汁香, 但係0個碗只有辣椒油味, 真係好失望. 都係般含道間馬來亞好食.伙計都係衰, 十叫九不應.

我見它放在門外的蛋糕很吸引，就自自然然走進了這店子，點了秘製雞軟骨飯，味道只是一般，飯又硬又生，好像未曾煮熟，那杯檸茶又甜到爆炸，而且侍應服務態度麻麻，坐了很久連清水一杯都欠奉，唯有那個綠茶紅豆蛋糕甜品，幾香綠茶味，又不會太甜！

見佢好似幾靚~~ 個menu 又好吸引~~叫左個豬軟骨飯~~ 點知無味又細碟~~再叫左個脆雞意粉~~炸雞成吋炸粉~~ 唔知食粉定食雞~~叫左杯特飲~~ 結果只係飲到蜜糖~~另外服務態度亦好差~~ 連水都唔俾杯~~我地兩個人~ 叫佢俾杯水~ 佢真係俾一杯水~~以後都唔會再食呢間~~

昨日同兩個friend 去左呢間野食dinner. 見佢d set dinner 既價錢都唔係好貴, 大約六十幾蚊個餐. 點知未入去食之前已經比門口個侍應姐姐激親. 佢對我地既能度相當不屑. 好在唔係成間餐廳既侍應都係咁. 我地叫左三個set dinner share 食. 嘩~ 原來佢d 野食係蚊型ga. 勁細碟呀. 同埋真係睇得出佢做得好馬虎好難食, 果然無改錯名呀下. 其實仲要睇果位侍應姐姐既面色, 找數果時每人要比成八十幾蚊. 真係比得好唔順氣呀!!

19/12/05 Lunch 同老公一人一個lunch set.lunch黎講,價錢算中上,但係服務麻麻,座位好迫.最唔好係咁既價錢既lunch既份量都唔夠,食完完全唔覺得飽.雖然食物味道唔錯,不過冇下次.仲有,我張墊檯紙下面竟然有幾粒飯,睇到都冇胃口!

這個星期, 我跟我的家人和朋友已經食過兩次, 原因是因為給幾十塊, 就可以有人招呼你, 還算是便宜的選擇:-(1) 韓式牛肉石頭飯- 味道不錯, 有一點點辣, 牛肉很多, 有少少的芽菜, 飯也比較少一點, 女仔食, 份量就還可以, 男仔食就會不夠飽(2) 鵝肝焗海鮮飯- 濃濃的芝士下面有一層鵝肝醬, 還有很多海鮮, 喜歡食味道很濃的朋友, 可以一試(3) 清酒煮梘配墨魚麵- 味道都幾好, 可以一試佢有set的, 加十五蚊可以食士蛋糕, 如果好鐘意吃綠茶蛋糕的話, 他的綠茶紅豆蛋糕做得不錯, 綠茶味好濃。總括來說, 在朗豪坊裏, 他都不失為一間ok的舖頭

呢間野完全唔得!! 唔係service差!! 直頭冇service!! 野食又唔好食!!! 乜野都要等咁耐!!!!!!!

星期日同朋友趁睇戲前空檔去左食tea, 見冇乜人就入左去. 兩個人叫左生牛肉湯河和麻醬雞絲烏冬. 個麻醬雞絲烏冬係冇湯, 撈勻d 麻醬食都ok. 不過朋友個生牛肉湯河就唔係好得, 首先碗內得1/4湯, 要再問d waiter 加多d湯, 另外d 湯係唔熱, 咁叫人點浸熟d 生牛肉!? 不過20多元在朗豪坊內食到個tea, 都算可接受

今日去UA睇戲所以黎這裡食飯啦!同朋友仔2人點了2個set一個小食...蜜汁鴨胸飯鵝肝醬焗海鮮飯芝士焗西蘭花hold things 都好食!!分量雖然細呀,但都夠包(男生可能未必夠)我叫左杯咖啡,都good wor!好香唔苦!

同班friend去到朗豪坊，見lee間野個price & 個門面都ok，咪諗住試下la! 我地6個人，係第1班人等位，但等左好耐，係我地之後的人都入哂去，我問門口個女仔大約幾時有位，佢已經無咩禮貌同我講「唔知」，ok la! 再等，但係有d 4人檯走左，佢又再放人入去，我當時再問門口個女仔，佢只係識話「唔知」要幾耐，當然唔知la! 佢地係咁放人入去，有4個位又無問下我地會唔會坐住先，根本無意思做我地生意，跟住個Super / Manager出黎，我就更加火，佢話「之後有客，一定係會比佢地入去先，咁通有生意唔做呀?」咁唔通我地唔係客，係咪唔做我生意，我當然同佢理論，我話最小有4人檯你都問下我地會唔會坐住先呀???，lee個Super / Manager 話「如果你要求我地可以問下你」今時今日咁的服務態度真係極差，我當然唔會再等la! 要我教佢地點做野，咁都叫做service!一定唔會再去!

有幾正，自己睇圖~食落皮脆，有即叫即整的感覺~服務可以做得更好！不過睇番之前食評講到好差，我guess會唔會係那時剛開張？因為我今次唔小心倒瀉奶茶，佢都冇o野，好cool咁話，「我俾過杯你。」然後默默地幫我抹抬…其實佢可以做得更好，例如俾張紙巾我，問o下我有冇整污糟件衫之類，做到呢d，一定大大加印象分！share自己呢個咁o既case，都係想講，佢服務都好似唔係咁差？雖然係有d木口木面…不過各位唔好故意倒瀉飲品去測試人地d服務態度喎…最後侍應件衫係粉紅色，見到幾個件衫都黑o左，感覺污糟！員工個人衛生麻麻，不過我食完冇事喎！會再去~

星期日和朋友逛街，累了便到這裡坐下。二人點了︰1) 一口西多士--- 很香，而且份量不小。2) 日式豆腐芝士餅--- 不大吃到豆腐的味道，個人認為芝士味略輕點會更加吸引。3) 凍柚子蜜--- 味道很清甜，不俗之選。總括而言，食物的味道是不錯的，可惜服務態度稍為遜色。

雖然食物唔差，但服務認真唔pro，想要兩杯水，叫了五次都未有，最後有個穿黑衫住4杯水，好大力咁放上面，簡直唔係以顧客為先，好離譜！ 講番食物，是次要了三客頭盤，包括韓式燒牛、蕃茄沙沙多士和粟米薯餅，平心而論，食物真係唔錯，牛個sauce好好味，酸中帶微辣；薯餅三大塊，份量十足；另外多士，我還是較欣賞個蕃茄沙沙，好light，不過橄欖油重手。 希望能改善一下service，同侍應的態度。

剛開張時, 見佢個名幾得意, 就走左入去.點知問佢要杯水都難過登天.明明有兩個人, 佢黎得一杯水.叫佢俾多杯, 等左十世, 再叫第二個waiter, 又係繼續等, 再叫第三個waiter, 先至有.唔係好明佢地點解連咁簡單既野都做得咁差. d waiter 見你唔係叫野食, 凈係要水時既態度仲好不屑添.明明俾生意佢做, 好似煩親佢咁.新開張唔係應該做得特別落力, 打響個招牌先咩??anyway, 我地兩個人叫左一個飯, 一個意粉, 兩杯野飲.我朋友個飯黎左, 食完, 我碟意粉都未到.催左好幾次等多成半個鐘先黎...仲發覺其他食客都係咁催緊佢地d野食.食物味道未算太差, 但最氣頂既係佢d service. 簡直不知所謂. 一定無下次!

星期六晚去幫襯都幾多人,要等位,但係好在好快有位。見到個叫反骨仔湯麵既東西,唔知反骨仔係乜東東,睇下英文,原來係雞翅膀…選左拉麵,清湯底。講真,拉麵有才才似即食麵,至於反骨仔,又幾得意喎,係好似三條雞骨各自插住三大舊酥炸雞球咁,而且好香,又啖啖肉,值得一試!