築間酸菜魚

呢家新開嘅台灣過江龍，裝修好型格好chill呀😎，可以揀細份量嘅酸菜魚，一個人都可以黎食得，自助區有洛神花茶及陳皮，可以自己沖來飲。🔹️總長酸菜魚🐟餐廳的獨門湯底，配自家醃製嘅酸菜、酸蘿蔔，酸辣，滲入好嫩滑嘅烏鱧魚片，真係好開胃。配料有黑木耳、金菇、腐竹，吸收啲湯都好正呀😍。🔹️極道明太子奶香魚🐟🦐🦑呢奶白色嘅湯底，融合芝士🧀和明太子味，除咗好滑的魚肉，仲有青口、海蝦、蜆、魷魚，真好好豐富和足料，而且個湯底太正，比我地飲晒😚。另外，我地仲叫咁以下小食、甜品和飲品。🔹️浪子鹹酥雞🐥調味好有心思，用咗7種特製香料，九層塔和椒鹽，食得出好特別。🔹️鐵漢小酥肉🐷五花肉浸泡在係秘製醬汁之後， 再炸到金黃，好有風味。🔹️紅豆仙草🔹️冬瓜黑糖奶涷🔹️暴走波奶茶🔹️冬瓜檸檬

雖然間餐廳係最角落既位置, 但係佢既裝修實在太搶眼, 所以係好遠處已經會見到佢既存在😆 呢度除左酸菜魚鍋之外, 仲會有唔同既特色鍋, 相比之下都會想試下唔同口味配搭既鍋, 另外仲有同太二一樣都會有個自助既水吧,都係會有洛神花同陳皮可以加落水沖😗嘉義沙鍋魚🐟($128/$208/$338)沙茶醬底既鍋有大量既炸魚, 炸鵪鶉蛋, 腐竹, 椰菜, 幼薯粉等等既配料, 另外我地追加左魚皮餃($18)同鵪鶉蛋($18)，呢個鍋係好足料分左大/中/細三個Size, 兩個人既話食最細果個都夠, 不過個汁相對濃味, 所以一定要叫返個白飯去襯黎食🤤鐵漢小酥肉🐷($35)椒麻口味既小酥肉炸到外脆內軟, 味道似譚仔既土匪雞翼味帶微微既麻, 幾好食😋台味滷肉西蘭花🥦($35)肥肥既滷肉配上西蘭花又幾夾, 想食菜既朋友可以試下呢個☺️呢度既人流都算幾多, 所以可以早啲去攞位再係附近行下再返黎, 下次都會想再黎試下個酸菜魚😗

酸菜魚食得多，原來最近香港開咗第一間台式酸菜魚！雖然佢哋嘅酸菜魚有小中大選擇，標榜「一個人去食都得」，但我同朋友都好鍾意食酸菜魚，我一搵腳同我食，就即刻有朋友報名喇！首先吸引我嘅係舖頭嘅風格，同傳統食酸菜魚嘅舖頭好唔同，設計走年青活力風格！為咗可以試多啲款，我哋叫咗兩個細嘅主菜，分別係經典嘅「極道酸菜魚」同埋「極道明太子奶香魚」～極道酸菜魚（小）第一次嚟食，當然要試佢個招牌經典口味啦！雖然係細，但其實份量已經好足！酸菜同埋酸蘿蔔係店家自製，湯底酸度同辣度都啱啱好，而魚片係用烏鱧魚，肉質勁滑～極道明太子奶香魚（小）店員推薦我哋另一款魚揀呢隻，湯底係牛奶、芝士同埋明太子，又香又邪惡！海鮮份量都好多，呢個和風夠晒特別！鬼摩酒蒸鮮沙白用咗日本清酒同米酒兩種酒，成粒沙白肉都吸晒精華，好入味！鐵漢小酥肉炸走肥五花肉，個麵衣好薄好脆，調味好正！椒鹽雞軟骨雖然已經食到好飽，但食完個小酥肉都係唔夠喉，即刻再落單叫個雞軟骨～店員推介話用咗同平時雞軟骨唔同嘅軟骨部位去整，我同朋友都係第一次食咁大件嘅雞軟骨，真係好罕有，唔係度度有得食！檸檬冬瓜茶食咁濃味嘅菜，當然要一人一杯凍飲啦～留意返佢真係有放檸檬片落去，

銅鑼灣廣場一期又開左新餐廳，係我鍾意食嘅酸菜魚！呢間築間酸菜魚係台灣過江龍， 主打台灣風味酸菜魚；午市套餐好抵食， 份量任揀，一個人都可以享受到一份豐富嘅套餐。 ❤️總長酸菜魚：呢款係佢哋嘅招牌菜，用嘅係新鮮魚肉，肉質鮮嫩，配上自家製嘅酸菜，酸度適中， 湯頭鮮甜，就咁飲或者撈飯都好好食。 最特別嘅係加咗台灣名物酸菜白肉，白玉係用咗薄薄嘅豬腩片，新鮮又入味 。 另外仲有大量腐皮同金菇， 配料好多，食得好滿足。 ❤️海派蝦湯魚：湯頭好香濃，有啲似龍蝦湯。 入面有魚、大蝦、魷魚、帆立貝、青口、蜆等等。 有西式海鮮雜燴嘅濃郁口味。 ❤️鐵漢小酥肉： 招牌小食之一，用嘅係五花肉，經過醃製同炸制，外皮酥脆，肉汁豐富，唔會太油膩，十分惹味。 ❤️脆皮魚下巴： 呢個係店員推介嘅小食，真係一試難忘。比一般魚下巴厚肉，炸到金黃酥脆，魚皮好香脆。 浸落酸菜魚湯底， 又脆又加左一重酸辣味，正！ ❤️柚香蘿蔔：涼拌前菜之一，白蘿蔔切成薄片，拌上新鮮切絲柚皮。蘿蔔片好爽口，柚子味好清新，係解膩。 ❤️暴走波奶茶： 同普通珍珠奶茶唔同，佢哋用嘅係暴走珍珠， 咬落Q彈， 有少少魚子爆開嘅感覺， 口感好得意。 ❤️白桃沙瓦： 好靚嘅

築間酸菜魚原來系台灣一間過江龍酸菜魚，喺香港選址銅鑼灣廣場，位置方便易搵，裝潢以紫色主題，更有吾少漫畫做主題，成個feel睇落好生動😆值得一提嘅系酸菜魚好有創意，除咗原味酸菜魚之外，仲有砂鍋魚、蝦湯魚、明太子奶香魚等等，仲有各款特色小食同飲品。首先試試高雄甜不辣，甜不辣外層沾滿梅子粉，酸酸甜甜頗開胃，甜不辣煙煙韌韌有口感。浪子鹽酥雞個名好正🤣食台灣菜最中意食鹽酥雞🐔酥脆外層令人無法忘懷，雞肉嫩滑。另一半叫咗海派蝦湯魚，集結所有鮮味精華，以蝦殼、蝦頭、蝦肉熬煮三小時的濃蝦海鮮風味，難怪真系想一路飲落去，蝦味好鬼濃郁🦐仲有青口、海蝦，海鮮都算新鮮。自己就叫極道明太子奶香魚，牛奶、芝士完美融入海鮮之中🥛🧀濃厚鮮香芝味，同樣有青口同海蝦，仲有蟹籽同墨魚🦑墨魚充滿嚼勁，本身自己中意飲牛奶，所以呢個湯底飲咗好多😋魚片新鮮吾腥🐟同另一半同樣系叫暴走波奶茶🧋牛奶味好重，應該落咗好多，茶比例較低，但個人中意。

我和朋友去新開的築間酸菜魚吃全港首間台式酸菜魚。店是台灣過江龍，據聞在台灣好受歡迎，時常大排長龍。店光猛，座位舒適，裝飾醒目有玩味，背境音樂輕快，令人心情愉快。店員有禮，樂於介紹菜式給顧客。店的酸菜魚可選一至四人份量，一個人也可享用酸菜魚。總長酸菜魚味道很好，有風味，採用自家製古法醃製酸菜，天椒，泡椒和青花椒等熬煮，湯又香又酸又麻辣，開胃惹味，烏鱧魚嫩滑不腥。配料也有特色，推介香脆的炸裂酥魚皮。特级手工丸，蝦包蛋和招牌蛋餃都好味有特色。神帝酒嗆蝦鮮甜，浪子鹹酥雞有台灣風味。春日涼菜拼盤開胃，可一次過品嘗蒜拌雲耳，柚香蘿蔔，韓式泡菜和韓拌甜不辣。甜品紅豆仙草不錯，味道不太甜。店大方貼心，提供免費自助飲品bar，顧客可自己用洛神花和陳皮冲茶，大滿足。加入店做會員有jetso。

平時同男朋友食開都係茶記酸菜魚，見到有呢間酸菜魚專門店幾pink幾young裝修又幾靚，仲要幾多人排隊，就懶得行去第二度食其他野👴🏻試下新嘢，門口都寫明係來自台灣，成個場勁有台味，menu裡面有好多台式邊爐可以叫到嘅配料不過意外地所有嘢都唔可以調整口味，台式嘢飲無得叫少甜都有啲驚驚咁總長酸菜魚+油條+蛋餃1-2人都勁大份，建議大家2個人share一個飯就夠，唔好一人一個飯酸菜魚本身個湯非常好飲，飲多2啖再將面頭個炸蒜同蔥撈落湯度，會食到兩種唔同風味，平時飲開嘅都比較濃油味，今次呢個前者帶有魚嘅鮮甜味；後者飲落會食到濃濃蒜頭香之後先飲到湯嘅味道
油條同蛋餃都係分別加多$18，份量好足，蛋餃起碼有7隻，油條又係大份到好飽，兩者味道都正常，油條比平時嘅硬身，可以擺係底索湯咁食春日涼茶拼盤有齊曬4款涼菜，唔分開嗌抵好多👀，因為就算係拼盤份量都唔少，最好食嘅係木耳，有種舊時食1蚊包冷麵嘅蒜頭味，好香又好開胃台味滷肉油菜心一坐低，個侍應哥哥就已經話啲滷肉係自家製，佢地嘅滷肉味道唔會太搶，唔會太鹹同太甜，撈埋菜心咁食都無好好heavy
鐵漢小酥肉
呢個係炸得非常酥脆嘅五花腩，入口唔會有令人驚驚地嘅肥

非常喜欢吃酸菜鱼，今天终于吃到最满意的。在铜锣湾逛街，抬头就看到一个很大的广告牌，築間酸菜鱼，来自台湾的，那个广告設計很新颖，用漫画形式， 看到我非吃不可。就在铜锣湾广场一期二樓，餐廳非常寬闊敞亮，全是落地玻璃窗，进去的感觉就是光明一片。店员招待非常周到，先是介紹幾種不同的菜鍋，我們是沖著酸菜魚🐠來的，當然不能錯過。一個招牌酸菜魚，加幾種配菜，招牌蛋餃，凍豆腐，新鮮沙白，因為酸菜魚湯裡已有幾種配菜，就不必點太多。滿滿的一大盤酸菜魚，鋪滿雪白鮮嫩的魚片，湯鮮味美，配菜都吸收了鹹鮮酸甜味，熱騰騰香噴噴的，太誘人了。😋😋主菜出色，其他小吃也很棒，柚香羅蔔，香脆可口，酸酸甜甜，吃不停嘴👄。炸雞軟骨，金黃燦燦，外香內嫩，用來下酒更好。飲料更是令人意外，免費熱飲有洛神花和陳皮茶，自助形式，可以自己沖泡，自己組合，特別享受這裡的熱茶。凍飲更是很多特色組合，如冬瓜檸檬茶，暴走奶波茶，還有含酒精的各式沙瓦。中午時分，坐在落地玻璃窗旁，吃著美味的酸菜魚🐠，喝著陳皮落神花茶，看著窗外銅鑼灣人來人往的街道，溫暖的陽光照在玻璃上，生活無限美好，極品築間酸菜魚錦上添花，此情景令人難忘，性價比超高。👍👍

平時嘅我都幾鍾意食酸菜魚，見到香港開左首間台式酸菜魚吸引我黎試下有咩唔同，來自台灣嘅築間酸菜魚，係YouTube 見到台灣嘅電視都有報道過，除左酸菜魚仲有好多唔同口味，份量有大有細，一個人都可以食到，幾個人share唔同口味亦都得，聚會同獨食都好適合。浪子鹹酥雞外皮炸到好脆，雞肉幾嫩，仲有啲九層塔，雖然係主打酸菜魚，但小食都絕對不馬虎。鐵漢小酥肉小酥肉即係炸嘅五花肉，但係食落唔覺油膩，炸到好香脆，仲有椒麻嘅調味，食落好香口。極道酸菜魚 小酸菜魚係用自家製古法醃製酸菜煮成，食落酸中帶辣，都幾刺激，另外加左好多嘅金黃炸蒜，食落更加香。魚肉份量唔少而且幾嫩，另外仲有豚肉片同豬肉。湯底都相當濃厚，加埋本身有嘅寬粉一齊食，果然係湯比魚更鮮，一碗記三天。極道明太子奶香魚 小除左酸菜魚外，見到明太子奶香魚相當特別，所以特意叫左黎試一試。食落奶香味好重，感覺幾有趣，加埋魚一齊食都唔會覺得好奇怪。另外仲有好多嘅海鮮，有蝦青口魷魚等，材料幾豐富，而且同樣有寬粉，食落仲有啲卡邦尼嘅感覺。冬瓜檸檬茶暴走波奶茶兩杯野飲都好大杯，冬瓜檸檬茶夠清新，奶茶就好重煉奶味，岩哂唔同口味嘅人。另外仲有個corner比人自助

Lunch set好抵食，有两個小菜，有两杯大大杯野飲，主菜有好多選擇，也可以選大，中，小份量，肚餓可以揀中份，有蜆，蝦，青口，魚，個底有薯粉，两個人絕對够食。環境幾好，staff係台灣人，服務好好。在社交平台打卡仲有細細份嘅甜品送。

喜歡吃酸菜魚的朋友仔注意啦😍!!! 來自台灣的🐟 築間酸菜魚𝐉𝐇𝐔 𝐉𝐈𝐀𝐍 𝐒𝐔𝐀𝐍 𝐂𝐀𝐈 𝐘𝐔在銅鑼灣開幕囉(⁎⁍̴̛ᴗ⁍̴̛⁎)!!首間海外分店，裝潢玩味，以阿魚總長及暴走族風格做主題，有趣又特別😙。餐廳在台灣相當有人氣，銷量𝐍𝐨.𝟏之外，還每月有高達𝟕𝟎萬的客流量,怎能不試呢～餐廳的酸菜魚可選𝟏至𝟐人份量,獨食者有福了🥰!☆ 總長酸菜魚🩷$𝟏𝟒𝟖/小這盆酸菜魚採用自家製古法醃製酸菜、天椒、泡椒和青花椒等材料熬製，香氣十足。再配上鮮嫩幼滑的烏鱧魚，又酸又辣，味道一流啦!!☆ 純愛蕃茄魚🍅$𝟏𝟒𝟖/小蕃茄魚則充滿著蕃茄香，用新鮮牛番茄及聖女番茄熬煮至糊狀，香甜好喝，小朋友必愛～☆ 極道明太子奶香魚🥛$𝟏𝟕𝟖/小我個人最愛明太子奶香魚，有香濃的奶香和芝士香，西式風味，更合我胃口😙。大家更可配上不同的配料，我特別推介手工丸、魚皮餃及蛋餃🥟呀(≧▽≦)!

一人一份剛剛好，酸菜魚肉很多又嫩、料多有豆皮、木耳、金針菇、寬粉…等，料超好吃的，白飯香、新鮮。炸魚皮乾吃口感薄脆酥香，放入湯裡吸滿湯汁特別美味。番茄魚湯頭濃郁且味道多了檸檬香，讓人一口接一口停不下來。竟然還有許多炸物，其中鹹酥雞肉質香氣四射；炸甜不辣來自臺灣高雄也是必點，外酥內軟。現場有洛神花茶及陳皮熱飲，單點奶茶超正的口味，飲品有多選擇與餐點格外的搭。每位服務人員都很親切，耐心的回答外笑容滿滿。現在還有會員集點活動、打卡贈送甜點，老闆真的是誠意滿滿！可刷卡可付現！超級推薦必吃的餐廳。

夜晚8點幾去到銅鑼灣廣場附近 見到呢間新開台灣酸菜魚 有大大個粉紅色廣告俾佢吸引左誤打誤撞 撞正佢第一日開全單有半價😆所以諗住試下 點知一等等左個幾鐘 成9點幾先入得去食🙃🥲餐廳安排位真係麻麻地 遲過我地到既人因為佢地多人 有大枱就有得坐先四個位既長枱 淨係兩個人坐 唔俾其他人入 建議佢地安排座位方面真係可以改善下入到去坐底覺得冷氣好焗 通風差d坐位有d 逼 同隔離好近都好易撞到人😕裝修比較新穎 算有特色 見到個老闆都係後生台灣人 唔係老派中菜店野食方面主打酸菜魚 佢有招牌、明太子、蕃茄、蝦湯等唔同選擇我地叫左個大size(2-3人份量）既招牌總長酸菜魚🐙上到枱係嚇一嚇既 因為真係幾大份（隻碟）大到張枱其實都唔夠位擺碗咁劑😂 味道唔會太嗆辣 麻辣到岩岩好 我唔食得辣都覺得易入口魚滑身 底有寬粉 仲有豬肉 食落幾香 不過幾油可以自己再加配料 我地叫左個 蝦包蛋其實即係似打邊爐既蟹子包😂另外加左個椒鹽雞軟骨呢個幾驚喜 好大舊雞軟骨 連埋雞肉炸得香脆 同平時食既細細粒唔同 最後加左杯野飲埋單都要$500 半價後$250 (只限18/1) 講真 你問我$500 會唔會黎呢度等一個半鐘食

今天第一次去食🤩💗感覺老板好有人情味，Feel到好用心整啲菜式出黎，各個員工服務態度都非常好，而且啲野都好好味🤤海派蝦湯魚，湯底濃，好有蝦味魚肉嘅質地好滑嫩無骨 好滑 味道好🤩浪子鹽酥雞 很脆又大件非常好好味🤙🏻🤙🏻真心要寫番個好評 一定會Keep住幫襯

酸菜魚非常好食，不會太辣，特別湯好好飲，同埋VIEW 都幾好，私心係希望鋪頭可以撐住，希望大家多支持良心好店，唔需要返深圳就可以食到價格真系美麗和菜品同服務質素咁好的酸菜魚。