築地日本料理 (金百利廣場)

营业中

休息中

雖然收工攰到爆我都要搵埋朋友黎食同朋友超愛食日本野等緊朋友黎時望下menu靜靜雞點左最愛既腐皮壽司🍣甜甜小朋友口味 真係好好味😋再點杯Asahi！chill~~~最岩星期五happy hour好似去左日本既居酒屋咁日本上班族咁啤一啤朋友到點左刺身丼我就要左壽喜燒！食壽喜燒必清曬娃娃菜係我覺得最夾既材料食曬一個都好飽飽而且效率好快手店員個個都跟到足👍🏻👍🏻#築地你又去左未？#係咪好掛住日本呢

喺銅鑼灣金百利廣場大樓發現一間平民抵食日本料理😍 食物質素唔錯，壽司同刺身都係幾十蚊就有啦，仲有好多唔同種類食物，包括燒物，天婦羅，拉麵，炒飯同埋我最愛嘅茶碗蒸❤️海膽三文魚籽花之戀 $34三塊厚切三文魚包住海膽同粒粒三文魚籽，每樣食落都好鮮味😍 蟹膏甜蝦$14甜蝦大隻鮮甜，略嫌蟹膏少咗啲，不過呢個價錢就由佢啦🤣鵝肝壽司$35鵝肝表面燒得香口，入口即化，幾正👍🏻味之鰻$45呢個卷物有青瓜，龍蝦沙律，鰻魚，芝士，食落多重口感，芝士幾香口。鹽燒多春魚$32多春魚有四條，每條都脆卜卜，好惹味😋茶碗蒸$28滑滑嘅茶碗蒸，裏面有少量菇，肉，蟹柳，都算唔錯幾好味😁

今日約咗個老友見面收佢張請帖 佢揀咗呢間餐廳食物都幾唔錯呀 叫咗以下呢幾款食物串燒就揀咗紫蘇梅醬燒雞柳同埋鹽燒牛舌跟住就要咗個清酒煮蜆同埋一個青龍卷以及鰻魚炒飯呢個紫蘇梅醬雞柳 梅醬味夠特別少地方咁煮 都幾好味，牛舌就簡簡單單用鹽燒就已經帶出到佢嘅牛味道同埋燒烤時間剛剛好肉質嫩滑清酒煮蜆分量都唔少一客裏面都好多蜆， 我想講個清酒味好濃 足料 , 飲埋佢個湯底好有鮮味個青龍卷亦都非常別緻，材料包括海膽放面、炸蝦係內面，好味呢個鰻魚炒飯非常啱我胃口，超級日式, 鰻魚數量都幾多

今日行時代 咁難得黎到銅鑼灣就試試一直想試朋友介紹依間既日本料理依度好方便銅鑼灣港鐵站出口一出，行幾步路就到啦。一黎到門口 築地 依個名應該對香港人唔陌生日本果個就未去過 依加無左 唯有試試依間築地啦店入面既環境唔錯好有日本氣氛 特別佢有我最好既海賊王既布XD成間店好乾淨可以好放心食咁我地就有D 餓 所以就諗住叫一個魚生丼 同埋一個炒飯海之逸魚生丼好好味 有三文魚 帶子 都係我既最愛 所以我就揀左佢佢D 魚生都好新鮮 同埋果個蛋好好味 口感好爽而其他魚生我唔食 所以比左其他人食XD石燒饅魚炒飯依個炒飯令到我有驚喜 佢好香饅魚汁既味我都係第一次食饅魚炒飯佢D 飯都係炒到立立分明同埋都幾多饅魚下仲有其他香料所以我都推介大家試下依個最後緊係唔少得日本菜基本上必有既麵豉湯咁佢個湯就唔太咸 我最驚就係好咸果D 麵豉湯佢依個D 味就岩岩好同埋間店有埋酒精搓手液 好貼心另外我都見多人見依個2人餐不過我就冇叫到

今晚又係食日本野🇯🇵 呢間係位於銅鑼灣既平價日本料理， 價錢親民合理，埋單兩個人都係$4XX左右，人均$2XX. 但食到勁飽！ 我地一開始就叫左一堆壽司測試下呢間鋪新唔新鮮。一人叫左一個$28蚊海膽， 海膽都算新鮮無怪味😋 好鐘意果個芝士玉子燒，好大件！海膽魷魚就不過不失啦！ 之後仲叫左帶子海膽卷，芝士熟蝦，同埋三文魚芒果花之戀等等，全部都好好食。 跟住個人覺得全間舖頭最好食嘅係鰻魚石鍋飯，鰻魚本身已經好好味好足料，石鍋炒飯香味濃👏 跟住令我驚訝既係泰式辣醬燒魷魚雞卷🦑 好開胃 同埋中間包住雞卷，超級超級飽肚😂 但幾特別既。 最後，員工服務態度都幾好，會時不時主動幫我地加茶👏 所以keep住有暖粒粒熱茶飲都幾正！ 而且座位都好闊落，坐得幾舒服😌

✨活赤貝刺身 $48 之前係普通日本料理店見到赤貝通常都唔會叫，因為通常都系急凍貨而且腥味重。但系今次呢個活赤貝係新鮮切，而且食落係淡淡既鮮甜味，未試過既真系推薦叫黎試下🤩✨壽司 (蟹膏蟹肉、蟹膏甜蝦、火炙三文魚腩) 🍣個人認為啲壽司唔係太新鮮，啲魚生嘅味道都唔係太突出，但係係價錢真係唔貴👍🏻👍🏻✨海膽帶子卷 $58 海膽同帶子味都唔係好突出😂不過個size啱啱好可以成舊放入口。依個價錢真係唔可以expect太多😂✨魷魚雞肉卷 $88 🐙真心有驚喜嘅一道菜😍啲魷魚燒到好香脆，表面仲加左層甜甜嘅蜜糖☺️☺️。唯一唔係太鍾意係佢入面個雞卷，同個魷魚唔係好夾，而且個雞卷冇咩味。所以再揀我會就咁叫個魷魚😆✨鹽燒牛舌 $28 🐄整得幾好食😋，外面煎到好香，食落肉質彈牙😆。調味都啱啱好，非常惹味👍🏻✨燒廣島蠔 $55 🦪依個價值食到兩隻都唔差，食落都有蠔味，不過唔係好新鮮嘅味道，但係調味都幾惹味，所以都唔錯👍🏻😋✨北海道忌廉肉餅 $48 上枱個陣係啱啱炸好☺️食落都好香脆，但係想佢忌廉味濃啲🧐✨日式芝士年糕 $38 又係我最愛嘅芝士年糕😋，雖然佢炸過，但係食落都唔會太油👍🏻。中間啲芝士都幾多，加埋年糕q

今日朋友聚會，我哋大家都咁鍾意食日本料理所以今日嚟咗銅鑼灣食築地！餐廳嘅裝修係好日本風既，牆紙全部都係真係好似日本築地市場咁🤣都幾有創意。我自己最鍾意佢嘅泰式辣醬燒魷魚雞卷，酸酸地好開胃同埋好夠飽。而佢既日式鰻魚石鍋飯就好香，飯焦好正！ 我自己好鐘意食海膽既，佢既海膽都算新鮮無伏😆 芝士玉子卷就夠哂大件，沙律醬都好好味😋 仲有叫左芝士熟蝦，都好好味！壽司價錢都好合理，十幾蚊到二幾蚊左右。 仲叫左一個燒物，係鹽燒雞翼，都好香，不過對比其他就無咁出色！不過其實仲有好多選擇，所以下次可以再試吓其他！

今日約左朋友食野，本來約晚飯，但朋友工作關係，轉左食三點，佢揀左呢間叫築地日本料理，係間走抵食路線嘅日本野，我未食過，一於試下。位於銅鑼灣金百利，成幢好多野食，亦好近港鐵站。去到都要等一陣位，始終下午茶時間係多人食啲。間野地方唔大，路有啲窄，好彩坐落都尚可。講返野食先，我叫左三文魚蟹子丼，凍檸茶，朋友叫左照燒雞扒飯，凍檸茶，我就叫多碟炸魷魚。麵豉湯係包埋。碗湯冇咩特別，正常。朋友話照燒雞扒飯同吉野家冇分別至於我嘅三文魚蟹子丼，黎到我就覺得細碗左啲，三文魚得兩片，不過$58，下午茶唔可以要求咁多，食落正常，唔會好驚喜炸魷魚呢，冇魷魚鬚，得身位，差啲，有啲油，脆就脆嘅。凍檸茶就正常。冇咩我都唔會再幫襯。唔係話間野好差，但太一般，老銅有好多選擇嘅。

近日買咗一個手袋👜，要在生活費度要減少用錢，所以我就在食lunch 方面著手！最好$50之內！在上網搵吓邊度有下午茶，又平....最後搵到又平又好食既日本餐☺️☺️☺️最平既下午茶餐$32，仲要有麵豉湯附送，有餐茶飲☺️☺️抵食程度係⭐️⭐️⭐️⭐️⭐️照燒雞扒飯 $32有好多菜，菇（岩哂我😆😆）照燒汁撈飯一流😋😋😋雞扒唔老，煮得岩岩好，無雪藏味👍🏻👍🏻雞柳煮蛋飯$38成個飯都被隻滑蛋包住，加埋洋蔥🧅一齊食有種洋蔥甜雞柳仲更加滑同嫩口👍🏻👍🏻仲追加炸餃子🥟Yummmmmy😋😋外脆，肉嫩😋😋😋

《築地和味料理🇯🇵》———————————————-#築地日本料理 🥰-太耐無去日本，掛住東京掛到傻咗，就嚟香港呢間築地頂頂癮🤣小店位於銅鑼灣出哂名多好嘢食嘅金百利中心樓上，十分方便☺️-小店行居酒屋風格，食物種類都幾豐富，晚市時段都幾旺場～嚟得築地，就梗係要食佢啲魚生同壽司🍣-壽司飯唔會太實硬骨骨，招牌嘅三文魚同海蝦都好新鮮，三味就可以食晒唔同整法🤩丼飯都好唔錯，雖然size唔算大碗，但上面都幾足料，佈滿哂魚生、帶子、蟹籽同玉子😚-⭐ 參考價錢︰（另收加一）海之逸魚生丼： $108三文魚三味： $38海蝦三味：$38🍌 抵deal 指數：7/10

香港日本菜小角落@築地日本料理銅鑼灣記利佐治街1號金百利廣場7樓R1室香港也有築地,在日本食新鮮魚獲一定是築地，本是批發漁市場但入面有食店，此店有刺生壽司同日本菜。 每次外出盡力多吃蔬菜，$68 豚肉餃子雜菜鍋一份嚐出新鮮蔬菜，再跟白飯。$10糖心蛋一飯，因個鍋唔係好夠肉片,食多隻蛋吸收蛋白質。加$3要凍檸檬茶，夏天點都要杯降下體溫。製作認真且價位合理哦，日後在sogo shopping 完，只要走5分鐘就可以和朋友一起來醫肚啦。

收工食乜好？🤔 想食日本菜又驚太貴？🥺 咁以下呢間係銅鑼灣既日本餐廳可能就啱你地啦😎 餐廳座位比較逼，小編覺得有d似放題餐廳既感覺😂 不過佢既食物質素絕對係比放題餐廳好架😆🌟 廣島蠔釜飯 ($78)釜飯每年埋火爐一齊上，保證夠熱🔥 蠔既份量較少，只有兩隻🥺 不過飯既份量就好多，小編覺得佢既飯好creamy，有奶油香味，配埋切碎既蘑菇好match🤣 就算料比較少都會忍唔住食曬個飯🤣🌟 味之鰻 ($45)一碟有四舊仔，卷入面有龍蝦沙律同青瓜🥒 而上面舖有鰻魚同燒到微焦既芝士🧀️ 呢個卷都幾有驚喜，小編覺得好好味想再encore🤣🌟 汁燒魷魚筒 ($68)魷魚比想像中大條🦑 魷魚筒既碳燒味非常香濃！店家再搽左泰式辣醬係魷魚表面，食落去非常match😝 而且魷魚唔會過硬或者韌，大推！😍️ 🌟 日本芝士年糕 ($38)芝士年糕不過不失，呢款炸物應該點炸都會好味🤣 純粹小編私心鐘意食嗰種煙煙韌韌既感覺🤪

金百利一直都有好多好出名嘅餐廳！而其中一間日本餐廳更為出色！🍡三文魚腩刺身 HK$68🍡鮮帶子刺身 HK$68🍡油甘魚刺身 HK$68三文魚腩同油甘魚刺身好厚身好鮮味，咬落啖啖肉，而且油脂豐富！鮮帶子則軟身味道鮮甜！🍡帶子花之戀 HK$64切粒的鮮帶子被滿滿的三文魚包圍，三文魚雖然不及三文魚腩咁油脂豐富，但鮮甜嘅味道不得不提！🍡三文魚三味 HK$38由於想試多啲唔同類型嘅三文魚壽司，咁岩見到呢個三文魚三味🤩三文魚三味包含三文魚，火炙芝士三文魚及蟹膏三文魚🍣！其中火炙芝士三文魚嘅味道最為突出！一食落好香的芝士味，配上經火輕微燒過的三文魚，口感一流！🍡青龍 HK$50一直以來，只要卷物有吉列蝦就一定唔會差得去邊🤣🤣🤣碎碎的紫菜包住吉列蝦同青瓜，再用海膽喺上面點綴！海膽一啲都唔腥，仲好鮮甜，為成個卷物添上一層樓！🍡牛肉野菜壽喜燒 HK$88壽喜鍋味道鹹淡適中！一開始職員都提醒同記得盡快將蛋黃打開，並且只能維持大約5分鐘！但5分鐘又點能夠煮熟個壽喜鍋入面既生肉，所以最後都要麻煩職員幫忙再次點火🤣壽喜鍋材料都好豐富，入面有好多嘅牛肉，豆腐，娃娃菜同埋粉絲！所有菜其實都被壽喜鍋嘅味道所吸收，所以味

又到糧尾啦🤣 手緊但係又想平平地食日本嘢呢間係一個唔錯嘅選擇，勝在選擇多，而且價錢相宜😚▫️牛肉野菜壽喜燒 $88平民價格就梗係用普通肥牛啦😌 成個鍋好足料，底下都係蔬菜吸晒啲醬汁😋 係一個飽肚選擇🥰▪️青龍 $50青龍個名好巴閉咁，其實係以海膽、吉列蝦、青瓜製成嘅卷物🤪 我咁驚海膽腥味都食唔出💁🏽‍♂️ 卷物嘅賣相味道都算ok～▫️清酒蛤蜊 $60作為酒鬼嘅我就要點有酒嘅熟食🥳 清酒蛤蜊份量好足，冇沙，仲有少少清甜味添😆 不過清酒味有啲嗆，酒精味仍未揮發得晒 整體而言，壽司類比熟食出色，但熟食係抵食之選🤩 質素跟某些連鎖式日式店差不多，可以一試😌

今日突然之間好想食築地日本料理 唔使多講啦 任性啲 想食就去食 講得出做得到馬刀貝刺身 $58用冰墊底基本啦 保持住刺身嘅溫度 鎖住刺身嘅鮮味 配上少少咸咸地嘅蟹子同芥辣豉油 淡淡新鮮貝味慢慢越黎越濃咁散發出黎鹿兒島A4和牛壽司 $24/2件（會員價）用火槍輕輕火炙過嘅鹿兒島A4和牛 入口即溶 超濃烈嘅和牛油脂同肉味佈滿晒成個口腔 再加上下面暖笠笠嘅壽司飯醋香 唔錯唔錯 做到少吃多滋味嘅效果魷魚雞肉筒 $88照燒魷魚就成日見啦 入面包住雞肉你又試過未呢 呢度菜式相信火候要掌握得非常之好 先可以將外面嘅魷魚同入面嘅雞肉燒到啱啱好唔會太老唔會太生黑蒜油豬軟骨拉麵 $78首先要讚嘅係碗湯嘅香味 侍應一放低嗰下已經聞到陣陣嘅黑蒜油味 忍唔住拉低口罩大啖有索一下 麵質啱啱好唔會太軟或太硬 最值得讚賞嘅係嗰兩舊拳頭咁大嘅豬軟骨 廚師將呢兩球豬完骨主導去一個極致嘅地步 唔係講笑 口感好似食緊骨水咁 軟骨開始溶化有少少似骨膠原嘅口感咁樣 有驚喜！#銅鑼灣美食 #香港ig #hkig #hkfoodie #food4life #foodporn #foodlover #lovefood #igfoodi